الى ام اسيد1 وكل وحدة حاصلة واش الطيب

[***سلمى ***]

المشاركة الأصلية كتبت بواسطة ام حمزة22

تم سوهيل لالاس على وليدك والله الحساسية واعرة وسامطة انا وليدي لكبير ملي جاتو وهو صغير ما براش بيهاكي كان صغير كنت نحايد عليه منين كبر وليت ما نقدرلوش خاصة هداك الجال لي يديرو فزق راسو ويظل يشمخ راسو ويخرج صباح هاكدك لبرودة ربي يحفضهم ويسترهم اجمعين

للحساسية اديه لطبيب معروف في تونس اذا حبيت معلوماتو كاملة نمدهملك

[ام حمزة22]

ام الخير والله خلعوني ولادي هما سجلو الهدف وناضو يقفزو ويعيطو قفزوني معاهم

[غزالة الصّحراء]

المشاركة الأصلية كتبت بواسطة ام سوهيل

اهلين بيك اختي غزالة ولله غير هدرتك تريح الوحد منقلبو وقيلة راكي تخدمي طبيبة نفسية ومعلبالناش

انا تاني كمانتي في الحمل الاول وله غير نقضي كلش وحدي والفاجعة الكبرة اخضتها في حملي التاني كان بقيلي 3ايام ونزيد وكما علبلكم كنت عند امي على اساس نولد عندها ونريحة يمات ومن بعد نرجع الداري وانا عند طبيبت النساء وتعيطلي عجوزتي وتقولي رجلك ره في الصبيطار ايديروله في عملية جراحية وتخيلو الخلعة وانا الي خليته مفيه ولو وميعني حت من اي مرض تغشيت وجوني قع الالون في وجهي وتلعثمت ومعرفتش نهدر معها ونقلها وش بيه ومزية كنة معاي امي مسكينة عند الطبيبت ومن بعد كجا دوري ودخلت عند الطبيبت قتلي الكول انتاعك مقفول لزملك عملية قيصرية من كترت الخلع شوفو وش اصرالي اف ولله غير منحبش نتفكر هداك النهار ومن بعد عرفة بلي زوجي تكسر من رجله ودروله ليفيس في كراعو انا في المستشفي في وهران وهوفي المستشفى في غليزان ومن بعد كيى جاب ربي الخير وصلكت بدون عملية يعني ولدة طبيعية والحمدلله قعدة اسبوع في دارنا ورجعة الداري وكان زوجي عنده يومين ملي خرج من المستشف وفي هداك الوقت كملنا 20يوم ودخل رمضان كمايقولو فوتناه غلبة وغبينة ههههههههههه ورجلي ميتحركش من بلاصته وانامنعرفش الزونقابش نخرج كش مانشري كترخير لوسى ولحباب كلمرة يحي لوسى يشري شخصني ربى يهنيه وجا العيد ومرحتش الدرنا هوما جو لانو ضروفي متسمحش بش نسافر ونخلي زوجي مريض وبنتي صغيرة

والحمد لله فات كلش وبقينا نتفكروه مع اني منحبش نتفكر هدوك ليام اسمحولي كترت اعليكم لكن حبيت نشرككم جزء من حياتي الخاصة

أهلين بيك أختي ام سوهيل . واللّه واش نحكيلك. انتي راجلك أتكسّر من رجلو وأنا راجلي اتكسّرمن يدو اليمنى. واللّه غير جوّزت أيامات اصعيبة. و واليوم ارني غير انحاذر عليه كالطفل الصّغير . ولما أنشوفو حاب يرفد كاش حاجة اثقيلة انقولو . خلي انا ألي نرفدها. واللّه لايرجع هاذوك ليامات كيما قلتي . كانت مجرّد سحابة وفاتت. اللّه ايجيب لنا الرّبح والسّعد مع العام الجديد. وربّي يحفظ لنا اولادنا ورجالتنا ويحفظ لنا صحتنا . والحمد للّه انك صرتي امليح اليوم وياربّ دائما تبقاي أمليحة. وماكانش إنسان في الحياة مامرتش عليه العاصفة الهوجاء . ثمّ رجعت حياتو لطبيعتها. فقط لازم نعرفوا كيفاش نتعاملوا مع الحياة .

[أم الحبايب 26]

الله يخليك لينا يا غزالى نتاعنا الله يحفظك تناحي غما من القلب رابي يفارحك بوليداتك بديت انحط فتصاور بصح مخرجوش منيش عارفا علاه الله يحفاظكم كامل والفتكم متابطاش انت وانخلصها غير باش نوالي ليكم ام حمزة علمتينا حوايج بزاف رابي يطول فيعمرك سلمى يطيك اصحا درت واش قلتلي مبصح مطلعوش تصاور حطيتهم وين اتطبيفات
سلامي ليكم كامل

[غزالة الصّحراء]

المشاركة الأصلية كتبت بواسطة ***سلمى ***

لبنلت واش راكم كااااااااااااااااااااااااااااااااااااااااااااااااا اااااااااااملللللللللللللللللل
وربي يشفي المرضى الصغار قبل الكبار
وكل واحدة مغيبة تكون اخبارها سارة

أهلين بالأخت سلمى. وأهلا ومرحبا بسلامك. ودمتي سالمة وعافيّة من كلّ مكروه. وشكرا لسؤالك عن كلّ واحدة منّا. وياربّ الكلّ يكون بخير.

[ام حمزة22]

حبيبتي سالمة وليدي حب يقعد مريض باه ما يدوهش للخدمة الوطنية

[ام الخير 05]

ربي يكملها على خير برك يا ختي ام حمزة عيت نلقا قلبي وين راه
عزيزتي غزالة الصحراء شكرا ليك على النصيحة ربي ينجحها وينجحلنا كل اطفالنا علاجاهم حبست الخدمة وقعدت في الدار حبيتهم ينجحو ويترباو تربية صالحة انشاء الله ربي يقوي كل الامهات

[أم الحبايب 26]

غزالة الصحراء الله يجعلهم هذوك اليامات في ميزان الحسانات رابي يحفظك انتي وزوج انتيعاك لوليداتكم

[ام حمزة22]

المشاركة الأصلية كتبت بواسطة غزالة الصّحراء

ماشاء اللّه عيك يحرز لك اللّه هاذوك اليدين. وبما أنّي الأولى ألي رديت. رايح نديّ من كلّ وحدة أشويا ونخلي للبنات لخرين حقهم. مانكونش طمّاعة بزاف. بصحتكم. وياربّ اتكون بنتك ريحت من الحمّة واسترجعت صحتّها أحسن من الأول. أما عن الزّوج أنتاعك فالأمر طبيعي لاتقلقي كثيرا. فقط لابدّ من مراقبة مستمرة بواسطة جهاز قياس الضّغط. مع القليل من الحميّة والرّياضة. أما عن الأبناء واللّه غير كفكيف. أولادي بسلامتهم ماعندهمش كامل اتركوات أنتاع الصوف. لما يشريوا يشريوا غير لحوايج الرقاق ومايحبوش يلبسوا بزاف . وأنا لما أنشوفهم هكذاك نمرض في بلاصتهم. أخلاص ولاو يلبسوا غير الموضة على حساب قولهم. واش أندير.

غزالة يعطيك الصحة على الدعاء لك بالمثل حبيبتي
انا تان ولادي ما يحبوش يلبسو بزاف وما عندهمش حوايج الصوف
وحد نهار حبيت نديرلهم مفاجاة شريتلهم 2فيستات نتاع الشتاء خشان شوية والله ما لبسوهم راحو صدقوهم
اما عن بنتي هاد لعشية تحسنت بصح هداوين ولاتلها الحمة
وزوجي راني نعس فيه معسة حتى ولادي راهم واقفين على راسو هههه
يسقسي عليك الخير يا الغالية

[غزالة الصّحراء]

المشاركة الأصلية كتبت بواسطة ام سوهيل

مساء الخير لبنات انااليوم العشية رحت عند اعجوزتي ولقيت لوساتي كامل عندها قصرنا قصرةهيلة تع الثح وكيى رجعة لقيت راجلي اشرا الفول والطعام كما اتقولو انتومة البربوشة بش انديرهم للعشاء بي الحليب وادا قدرة انصورهم انحطلكم الصورة

اليوم ولدي راه اشوية مريض بي الحساسية وبد يسعل نروح انشوف كش منديرله وله غير عياني غي جي الشتاء يبدا يسعل حتى يكمل

أهلين بيك مرّة اخرى أختي ام سوهيل. واش أنقولك. وقيل راجلي وراجلك أتفاهموا اليوم. أنا ثاني جابلي الفول. وعملت بيه المسفوف.
يعني فورت الطعام. وخليتو بجيهة. وفورت الوفول + البطاطا. لما طابوا . درت فوقهم الطعام باش ايطيب مرّة اخرى. ولما طابوا كلّهم . فرغت في قصعة خاصة كلّ شيء ودهنت بزيت الزيتون. واللّه غير اكلة أتشهي. خاصّة مع الفلفل الحار.
وكاين الي يعملوها باللّوبيا الخضرا + البصل + البطاطا . كلّها أنفوروها ونزيدولها الطعام لما ايطيب. وندهنوا الكلّ بزيت الزيتون.
سلامة أوليدك. كيما اسبقنا وقلنا كلّنا . البرودة ما رحمت لا الصغير ولا الكبير. ربّي يستر. وثاني لازم الإكثار من البرتقال . هذا هو الحلّ ألي عندي. وراني وضعت في إحدى الردود وحدة الطريقة اعطاتهالي صحبتي. طريقة اللفت أتعمريه بالسكر وتحفري حفرة في السفل باش ينزل هذاك السائل ويتنشرب. قالت راه أيفيكاس.

[أم الحبايب 26]

الله يخلينا وليدتنا ميورلنافيهم مكروه امين انا وليدي يقرا سنة ثانية ثانوي بصح يقرا غرا بزكا انا وباباهالله يهديه هذا واش نقولو هوا اصح نعمة تربية صح طيعني كانا كباباه

[ام الخير 05]

الحمد لله فرات على خير انادرك جاراجلي للميكرو راهو يحاوزفيا تصبح على الف خير ربي يحميكم

[غزالة الصّحراء]

المشاركة الأصلية كتبت بواسطة ام حمزة22

غزالة يعطيك الصحة على الدعاء لك بالمثل حبيبتي
انا تان ولادي ما يحبوش يلبسو بزاف وما عندهمش حوايج الصوف
وحد نهار حبيت نديرلهم مفاجاة شريتلهم 2فيستات نتاع الشتاء خشان شوية والله ما لبسوهم راحو صدقوهم
اما عن بنتي هاد لعشية تحسنت بصح هداوين ولاتلها الحمة
وزوجي راني نعس فيه معسة حتى ولادي راهم واقفين على راسو هههه
يسقسي عليك الخير يا الغالية

آمين . أجمعين. واللّه غير لما كانوا أشويا أصغار وراجلي ألي يشريلهم أنروح امعاهم. ونقول لهم شوفوا هاذا امليح. هاذي أمليحة. ايقولي راجلي خليهم يختاروا لوحدهم. . ربّي يحفظهم برك. ويحفظ كلّ أوليداتكم. والحمد للّه أنو بنتك اتعافات أشويا. دري لها الماء الزهر على جبينها. ثاني أمليح.
أختي ام حمزة . رانا كيما هذاك الإعلان " رجال واقفون " رانا انديروا دورة كاملة حول البيت . اشكون الي اتطيب اشكون ألي تمسح أشكون الي اتخمّل اشكون الي اتعس. الراجل ولولاد وشكون وشكون وشكون......... ربّي يعطينا الصحّة والهنا.

[ام حمزة22]

لبنات راح نحكيلكم حكاية راح تاثر فيكم بزاف وسمحوني لي عكرت مزاجكم لاني ما قدرتش ننسا هاد الحكاية
البارح جات بنتي من الثانوية قالتلي ماما ماتت وحد العجوزة قلتلها الله يرحمها قالتلي اسمعي قبل باه ماتت
تصورو يا خواتاتي هديك لعجوزة مسكينة ماتت من البرد كانت دايما تقعد امام الثانوية وتطلب
ربي يلطف بينا وبامت محمد عليه الصلاة والسلام

[غزالة الصّحراء]

المشاركة الأصلية كتبت بواسطة ام حمزة22

تم سوهيل لالاس على وليدك والله الحساسية واعرة وسامطة انا وليدي لكبير ملي جاتو وهو صغير ما براش بيهاكي كان صغير كنت نحايد عليه منين كبر وليت ما نقدرلوش خاصة هداك الجال لي يديرو فزق راسو ويظل يشمخ راسو ويخرج صباح هاكدك لبرودة ربي يحفضهم ويسترهم اجمعين

أختي ام سوهيل عندها الحق الأخت أم حمزة. الحساسيّة واعرة عسي عليه . على الأقل هاذو الأيامات خاصّة. وربّي يشفيه ويشفي كلّ المرضى.