الى ام اسيد1 وكل وحدة حاصلة واش الطيب

[غزالة الصّحراء]

المشاركة الأصلية كتبت بواسطة om hadil

السلام عليكم
ان شاء الله تكونو بالف خير ام حمزة كي راهي بنتك اليوم ان شاء الله ارتاحت الله يشافيها وكل المومنين

اهلا غزالة كي راكي اختي ويسال عليك الخير زوجي اليوم راح يخدم الحمد لله وربي يفرحك وييسر امور ولادك امين
كورنو ان شاء الله راكي بخير ورانا قاع اخوات متزعفيش برك اختي روح مراد ان شاء الله درتي القاطو الي يساعدك
ام سوهيل كاش اطباق جدد ام اسيد ام الحبايب منال منير صدفات حياة والاخت الجديدة ان شاء الله منسيت وحد ة نسلم
عليكم بزاف

وأهلا بيك يالغاليّة =om hadil ايسقسي عليك الخير. راني الحمد للّه. والحمد للّه على سلامة راجلك. وربي ايشافي كلّ المرضى. ربّي ايفرحك بوليداتك، وييسّر أمورك أنتي ثاني. أنا ثاني أنحبّ القاطو ألي ايقطّع بزاف. وفي نفس الوقت أنحبّ نتعلّم الأنواع الجديدة أنتاع التحفة كيما ألي تعملهم أم أماني اللّه ايذكرها بالخير. أتعلمت عليها بزاف , وجرّبت بعض حلوياتها وخرجت لي تحفة. باش أنديرهم في أفراح اولادي بسلامتهم. وجزاك اللّه خيرا على مواضيعك القيّمة. وياربّ الكلّ بدون استثناء ايكونوا بألف خير. وخاصّة الأخت صدفات ألي راهي غايبة منذ مدّة هاذا مايكون اسبابو غير الثلج. ياربّ المانع يكون خير.
سلامي لكلّ واحد منكنّ قديمة كانت أم جديدة .غائبة كانت أم حاضرة. . سلامي الحار للجميع. رايح انريّح . راني كالعادة كملت شغلي . وربيّ يحفظ الجميع.

[ام حمزة22]

ام سوهيل روح مراد ام هديل ام الخير ام الحبايب حياة غزالة اشكركم جميعا عن السؤال عن ابنتي بارك للله فيكم وجعله في ميزان حسناتكم
واللع ليل كامل وهي بالحمة وعلى 3 نتاع صبح مديتلها دواء الحمة ورقدت ما ناضتش حى11
لبنات اليوم ما كانتش النت مليحة بعد ما كملت شغلي قلت نبعت صور واش طيبت اليوم انا دخلت اسم العضوية وبديت نكتب راحت النت
من بعج بادن الله راخ نبعت الصور

[ام حمزة22]

غاليتي كرونو حتى ولو ما سالتش عليك راكي فالبال وفي القلب انت المشرفة الوحيدة لي نورتي موضوعي بردودك المشجعة
ربي يحفضك و يخليك ويخليلك صحتك وربي يجزيك على الخير لي راكي تقومي بيه هنا وفي جميع اقسام المنتدى

[أم الحبايب 26]

كفاش عشيتو نشالله تكونو كامل بخيراذاممكن تورلي كاش واحدا كفاش نحط اتصاور
على خاطش بقالي غير نهار ليوم نتع لرترنات

[***سلمى ***]

لبنلت واش راكم كااااااااااااااااااااااااااااااااااااااااااااااااا اااااااااااملللللللللللللللللل
وربي يشفي المرضى الصغار قبل الكبار
وكل واحدة مغيبة تكون اخبارها سارة

[***سلمى ***]

المشاركة الأصلية كتبت بواسطة أم الحبايب 26

كفاش عشيتو نشالله تكونو كامل بخيراذاممكن تورلي كاش واحدا كفاش نحط اتصاور
على خاطش بقالي غير نهار ليوم نتع لرترنات

https://www.djelfa.info/vb/showthread.php?t=1706044

[ام سوهيل]

المشاركة الأصلية كتبت بواسطة غزالة الصّحراء

اهلين بيك مرّة أخرى أختي منال ومنير. وياربّ ايكونوا اولادك ثاني بخير. وحتى حملك. واش أنقولك. كيما ايقولوا ناس بكري. الي ايدير النيّة في قلبو دائما النّجاح ايكون مصيرو . حتى لو طالت ليام. باب السّعد ينفتح دائما في وجهو. قلت لك كلّ هذا لكلام باش أنقولك أنا لمّا كنت بالحمل بولادي الزوج بسلامتهم . من أوّل شهر الى آخره دائما خدمة x خدمة . حتى لما يقتربوا أيام الولادة تلقايني نغسل في الحنابل والفرصاطات. ونغسل في الحيوط. غير وحدي من دون مايعاوني أيّ واحد ( لا الواسات ولا لعجوزة ). نتكّل غير على رّبي. واللّه مادرت حاجة من غير الأعمال الشّاقة. وربّي سهّل عليّ الأمور. مانعرف والو . ومادرت والو.
بصّح واش انقولك. ماتقعديش بزاف . القعدة مضرّة. وثاني ماتتعبيش روحك بزاف. أخدمي واش تقدري عليه. واطلبي المساعدة ممّن تحبينهم. لاغير. وزيدي ثاني الأكل. كلّ مافيه الفيتامينات راه نافع لصحتك وصحة الحمل.
راكي ذكرتيني بالماضي أنتاعي. لمّا كنت بحملي الأوّل راجلي راح لفرنسا. وجابلي معاه مجلّة تخصّ المراة الحامل . وكلّ مايجب ان تفعله وتتناوله. واللّه أتفرجت عيها برك وكنت نضحك. على خاطر أحنا والأوروبيات بيناتنا فرق أكبير أكبير أكبير. . وكلّ وحدة تعرف الفرق بلا ماندخلوا في القيل والقال . الموضوع يحتاج لجريدة. راني غير نكتب ونزيد. راني دائما لمّا أنغيب يوم انعوض هذاك اليوم., القلب اتعمّر . والحمد للّه دار الأخت حمزة راهي واسعة. ولي يقراوا راهم أكثار ماشاء الرّحمان.

اهلين بيك اختي غزالة ولله غير هدرتك تريح الوحد منقلبو وقيلة راكي تخدمي طبيبة نفسية ومعلبالناش

انا تاني كمانتي في الحمل الاول وله غير نقضي كلش وحدي والفاجعة الكبرة اخضتها في حملي التاني كان بقيلي 3ايام ونزيد وكما علبلكم كنت عند امي على اساس نولد عندها ونريحة يمات ومن بعد نرجع الداري وانا عند طبيبت النساء وتعيطلي عجوزتي وتقولي رجلك ره في الصبيطار ايديروله في عملية جراحية وتخيلو الخلعة وانا الي خليته مفيه ولو وميعني حت من اي مرض تغشيت وجوني قع الالون في وجهي وتلعثمت ومعرفتش نهدر معها ونقلها وش بيه ومزية كنة معاي امي مسكينة عند الطبيبت ومن بعد كجا دوري ودخلت عند الطبيبت قتلي الكول انتاعك مقفول لزملك عملية قيصرية من كترت الخلع شوفو وش اصرالي اف ولله غير منحبش نتفكر هداك النهار ومن بعد عرفة بلي زوجي تكسر من رجله ودروله ليفيس في كراعو انا في المستشفي في وهران وهوفي المستشفى في غليزان ومن بعد كيى جاب ربي الخير وصلكت بدون عملية يعني ولدة طبيعية والحمدلله قعدة اسبوع في دارنا ورجعة الداري وكان زوجي عنده يومين ملي خرج من المستشف وفي هداك الوقت كملنا 20يوم ودخل رمضان كمايقولو فوتناه غلبة وغبينة ههههههههههه ورجلي ميتحركش من بلاصته وانامنعرفش الزونقابش نخرج كش مانشري كترخير لوسى ولحباب كلمرة يحي لوسى يشري شخصني ربى يهنيه وجا العيد ومرحتش الدرنا هوما جو لانو ضروفي متسمحش بش نسافر ونخلي زوجي مريض وبنتي صغيرة

والحمد لله فات كلش وبقينا نتفكروه مع اني منحبش نتفكر هدوك ليام اسمحولي كترت اعليكم لكن حبيت نشرككم جزء من حياتي الخاصة

[ام سوهيل]

مساء الخير لبنات انااليوم العشية رحت عند اعجوزتي ولقيت لوساتي كامل عندها قصرنا قصرةهيلة تع الثح وكيى رجعة لقيت راجلي اشرا الفول والطعام كما اتقولو انتومة البربوشة بش انديرهم للعشاء بي الحليب وادا قدرة انصورهم انحطلكم الصورة

اليوم ولدي راه اشوية مريض بي الحساسية وبد يسعل نروح انشوف كش منديرله وله غير عياني غي جي الشتاء يبدا يسعل حتى يكمل

[ام حمزة22]

تم سوهيل لالاس على وليدك والله الحساسية واعرة وسامطة انا وليدي لكبير ملي جاتو وهو صغير ما براش بيهاكي كان صغير كنت نحايد عليه منين كبر وليت ما نقدرلوش خاصة هداك الجال لي يديرو فزق راسو ويظل يشمخ راسو ويخرج صباح هاكدك لبرودة ربي يحفضهم ويسترهم اجمعين

[ام حمزة22]

المشاركة الأصلية كتبت بواسطة ***سلمى ***

لبنلت واش راكم كااااااااااااااااااااااااااااااااااااااااااااااااا اااااااااااملللللللللللللللللل
وربي يشفي المرضى الصغار قبل الكبار
وكل واحدة مغيبة تكون اخبارها سارة

سلمى واش راكي ان شاء الله تحسنتي اليوم من الالام

[ام حمزة22]

لبنات فطوري اليوم كان شوربة بيضاء مع املات سلق
ومقدير الشوربة هي
جاج + بصل + 1 او 2 بطاطا + حميصة+ ملح فلفل اكحل وقرفة وزيت
نقلي هادوكامل من بعد نضيفلهم الماء لم يطيب الجاج نرحي البطاطا ونرجعها للقدر
نمرق القدرة بعد ما تغلي نضيفلها الفرميسال لم يطيب الفرميسال نعقد الشوربة بحبة بيض ومعدنو س و قارص ونضيفلهم شوية من الشوربة ونضيفهم للقدر بعد ما نطفيها مباشرتا مع التحريك السريع

[غزالة الصّحراء]

المشاركة الأصلية كتبت بواسطة أم الحبايب 26

كفاش عشيتو نشالله تكونو كامل بخيراذاممكن تورلي كاش واحدا كفاش نحط اتصاور
على خاطش بقالي غير نهار ليوم نتع لرترنات

أهلا وسهلا ومرحبا بام الحبايب وستّ الحبايب كمان . في هاذوا الصوالح ماعندي مانقولك. منحوسش نعرف. ونهار ألي نعرف ايكون فات الوقت باش أنعلمك. أنا في الكثير من الأمور نعتمد على أولادي بسلامتهم. وبعض الأمور لمّا نخدم بالحاسوب مع الوقت نلقى روحي اتعلمت احوايج أجدد لوحدي. واللّه لمّا كان راجلي ايعلمني كيفاش نستخدم الحاسوب. اتقولي تلميذة أنتاع السنة الأولى ابتدائي. لوكان أتشوفي هذاك الخوف ألي ينزل عليّ ههههههههههههه غير لبكا ألي خاص نبكي. بصعوبة باش أتعلمت . على خاطر لما يبدا ايعلمني عقلي ايروح للكوزينة. أنقول راه وقت القهوة. راه وقت العشاء. وتتشوّش أفكاري ومانقدرش أنركز. ونحبس. ونقول لو أشكون ألي رايح ايديرلنا العشاء لوكان أنكمّل التعليم. .؟؟؟ ولما ايروح ايريّح أنعيّط لولادي بسلامتهم. ونقول لهم علموني غير بالعقل. لهههههههههههههه. ومع الوقت وليت محترفة . بصّح ماشي في كلّ شيء. مازال بزاف من الأمور راهي تستناني. ياربّ تلقاي ألي ايساعدوك. وتحيّة لكلّ البنات . وكلّ وحدة باسمها. باش وحدة ماتزعف.

[غزالة الصّحراء]

المشاركة الأصلية كتبت بواسطة ام حمزة22

لبنات فطوري اليوم كان شوربة بيضاء مع املات سلق
ومقدير الشوربة هي
جاج + بصل + 1 او 2 بطاطا + حميصة+ ملح فلفل اكحل وقرفة وزيت
نقلي هادوكامل من بعد نضيفلهم الماء لم يطيب الجاج نرحي البطاطا ونرجعها للقدر
نمرق القدرة بعد ما تغلي نضيفلها الفرميسال لم يطيب الفرميسال نعقد الشوربة بحبة بيض ومعدنو س و قارص ونضيفلهم شوية من الشوربة ونضيفهم للقدر بعد ما نطفيها مباشرتا مع التحريك السريع

ماشاء اللّه عيك يحرز لك اللّه هاذوك اليدين. وبما أنّي الأولى ألي رديت. رايح نديّ من كلّ وحدة أشويا ونخلي للبنات لخرين حقهم. مانكونش طمّاعة بزاف. بصحتكم. وياربّ اتكون بنتك ريحت من الحمّة واسترجعت صحتّها أحسن من الأول. أما عن الزّوج أنتاعك فالأمر طبيعي لاتقلقي كثيرا. فقط لابدّ من مراقبة مستمرة بواسطة جهاز قياس الضّغط. مع القليل من الحميّة والرّياضة. أما عن الأبناء واللّه غير كفكيف. أولادي بسلامتهم ماعندهمش كامل اتركوات أنتاع الصوف. لما يشريوا يشريوا غير لحوايج الرقاق ومايحبوش يلبسوا بزاف . وأنا لما أنشوفهم هكذاك نمرض في بلاصتهم. أخلاص ولاو يلبسوا غير الموضة على حساب قولهم. واش أندير.

[ام الخير 05]

مساء الخير على الغاليات قلبي رح يحبس عيت نكمل الماتش قلت نروح لحباباتي خيرلي

[ام حمزة22]

والله يا غزالة رانا كامل كيف كيف انا كنت ما نمسش الميكر كانو ولادي يقولولي تتعلمي فيه بزاف حوايج بصح انا ما حبيتش ندخل في غموقات الحسوب
لاكن عند ما شريت التبلات وليت ما نخطيهاش ربيت عليها الكبدة بنتي تقولي استعملي لاب توب نتاعها وانا نرفض
نهار لي شريت التبلات قعدت غير نتفرج فيها ما عرفتش منين نبداها من بعد تعلمت درجة بدرجة
والنت بحر كبير من المعلومات الا دخلنا فيه نغرق