بداية يوم جديد

[ام متين]

نسمة صبح ماكان حتى خبر عليها ان شاء الله تكون في احسن احوالها

[fatyph2012]

المشاركة الأصلية كتبت بواسطة ام متين

عودة مباركةfatyph 2012 الحال من بعضو يا اختي ساعات فوضى وساعات ترتيب ويمشي الحال المهم الصحة والهنا والباقي ساهل

الله يبارك فيك اختي كتبت لك رد وطار احبك في الله لما افرا ردودك اشعر بحنانك الفياض وسعة وطيبة قلبك وقوة ايمانك يا هنا زوجك واولادك بيك ادامك الله قوية ومعطائة دائما

[oum sabrin]

مساء الخير حبيباتي تحية عطرة لكل واحدة باسمها
ما شاء الله الصفحات راهي منورة سعييييييييييييييدة بعودتك ام متين الحمد لله كي راكي و كل عائلتك بخير
غزالتنا وينك
الرجاء الاماني المجد اهلا بك مجددا معنا
فاتيف اهلا بك معنا
هادا القاطو لي درتو البارح تفضلوا

و هذا لاول واحدة ترد بعدي تشرب بيه قهوة الصباح ان شاء الله

[oum sabrin]

أساتذاتنا الكريمات
شكون تقدر تعطيني رأيها بصراحة في عمل المراة كاستاذة مثلا في الابتدائي هل يمكنها التوفيق بينه و بين حياتها الخاصة خاصة و ان العمل يتبعها حتى للبيت ام انه مسالة تعود فقط ؟ يعني كم تدوم مدة التحضيرالدروس و غير ذلك ....
أنتظر تفاعلكن و افادتكن حبيباتي

[ام براهيم الخليل]

اهلا بكم لماذا هذا الجفاء ولا واحدة تسال عنى شكرا لكم

[ام متين]

اصبحنا واصبح الملك لله والحمد لله%]

[ام متين]

لا تزعفي يا ام ابراهيم الخليل لي عودة لك

[جهينة اليقين]

السلام عليكم اصبحنا واصبح الملك لله ولا حول ولا قوة الا بالله

[جهينة اليقين]

واش احوالك يا ام ابراهيم الخليل هاني سقسيت عليك ههههه يا اختي ما تزعفيش راكي تشوفي الدورة راهي حابسة ورانا ندمرو فيها بالسيف يعني مرة واحدة تطل وما ترجعش وكل مره وحدة كيفاه ولانسبيكتار ولابرانتي تاع الدورة وما راهمش يطلو ان شاء الله المانع خير

[ام متين]

السلام عليكم كيف الاحوال مع هذا الجو البارد والرياح ما نلقاو ما نعملوا حتى الاولاد تقلقوا في البيت

[ام هزار]

سلااااام على الغاليلت
صبحكم الله بالخير و اليمن و البركات . ان شاء الله راكم الكل بالف خير . امييين
ام متين . جهينة . فاتي .واش راكم . كاش نشاطات حتى لو كانت بسيطة . معليهش . المهم نثرييييو الدورة . راني نحاول نكون متواجدة معاكم بصفة يومية ان شاء الله خلال هذه العطلة ...
ام متين . يا حبيبتي تفكرت امي و دعيتيلها . ربي يعطيك الخير الواسع يا رب . الحقيقة ما زالها مريضة . و انا تقصدت ما نتكلمش على مرضها لاني حسيت اني قاعدة نمرر فقط في الرسائل السلبية ....ربي يشفيها و يشفي ام ام ابراهيم الخليل . امين . بالمناسبة يا ام ابراهيم الخليل قبيل برك و انت في بالي . و دايما نتفكر الوالدة تاعك بالدعاء لما ندعي لامي . ربي يشفي جميع المؤمنين
ام صبؤين . يا فنانة ما شاء الله عليك .ربي يسلم يديك . و شكرا على مقاسمتنا للباتيسري . تحفة و الله . فقط ممكن تنعتيلي طريفتك في تقسيم شرائح التفاح و الله عجزت ندخل للانترنت للبحث
ما عن سؤالك فالتعليم مهمة نبيلة و صعبة للغاية بمعنى انها تتطلب مجهودا قيما خاصة في البدايات و لازمك تكوني واقفة دايما برا و لداخل . راكي تعرفي انا و الله رجلي دايما يسطرو
لكن ممكن تتعودي بالنظام اولا . و ايضا اذا كانو ولادك كبار شوية . و اهم عامل هو قرب عملك من محل اقامتك . هذا العنصر يلعب دور كبير في تفقد الاولاد و البيت و الزوج . هذا الاخير اللي لازم يكون متعاون معاك و يقدر ظروفك
و
اهم نقطة قبل العمل لا بد من ترك الاولاد في ايدي امييييييييييييييييييينة
انا مانيش في الابتدائي . و لي عودة ان شاء الله . الزوج راهو ينادي . اسمحيلي

[ام متين]

السلام عليكم كيف الاحوال حبيباتي ان شاء الله راكم بالف صحة وعافية
ام ابراهيم ما تزعفيش اختي ساعات يتلف كل شيئ وننساو لكن اكيد راكي في القلب انت وكل الفراشات وان شاء الله تكون الوالدة بالف خير وجميع الامهات .
ام هزار كيف الاحوال النشاط قليل في هذاين اليومين ربما بسبب الجو البارد والممطر والرياح لكن اكيد الاعمال لا تنتهي .

[ام متين]

......ام صابرين بصحتك القاطوا كي نشوف تطبيقاتك نتشجع ونقول لازم ندير حتى انا .بالنسبة لمسالة التدريس انا نقولك رايي بصراحة المهم هوالتمكن والالمام والقدرة الفكرية يعني المعلم اذا كان قادر الاشياء الاخرى راح ينجح فيها ويتجاوز الصعاب 2 مكان العمل اذا كان قريب من البيت اكيد رايح يساعدك .بالنسبة لي هذه اهم النقاط.واذا اجتمع التمكن والقرب الاكيد انك رايحة تسيطري على باقي الامور وربي يبارك راكي شاطرة ماشاء الله وكل الامور الاخرى رايحة تكون تحت السطرة باذن الله..لذا اختي اذا جاتك فرصة ومناسبة لا تضيعيها وربي يكون معاك مادامت النية صافية

[الرجاء الاماني المجد]

المشاركة الأصلية كتبت بواسطة oum sabrin

أساتذاتنا الكريمات
شكون تقدر تعطيني رأيها بصراحة في عمل المراة كاستاذة مثلا في الابتدائي هل يمكنها التوفيق بينه و بين حياتها الخاصة خاصة و ان العمل يتبعها حتى للبيت ام انه مسالة تعود فقط ؟ يعني كم تدوم مدة التحضيرالدروس و غير ذلك ....
أنتظر تفاعلكن و افادتكن حبيباتي

مساء الخير ام صابرين شكرا على الترحيب شوفي اختي عمل المراة في ابتدائي مرهق يعني معدنش الوقت بزاف يحتم عليك انك تكوني دائما واقفة على اولادك وبيتك صدقني حتان 11ليلا وكل يوم عندي الشغل بصح معوني زوجي وبناتي كدلك معودتهم على اعمال المنزلية يعني معنديش بيبي الي يعيني
ام صابرين القاطو خرجلك روعة بصحتك
راني نحس الدورة مفيهش جديد عندي اقتراح لو كان نحيوها من جديد ونلزم كل وحدة تحط تطبيقها مع الصور وش رايكم

[ام هزار]

[COLOR="DarkOrchid"]ام صبرين يا عزيزتي . راني رجعتلك
مواصلة للحديث حول التعليم . نقولك انو الجانب الفكري و الالمعرفي كما قالت الاخت ام متين ضروري لكن انتبهي كاين نقطة مهمة و هي البيداغوجيا و كيفية ايصال المعارف الى التلاميذ . هذي العملية تطلب مران و تدريب و تجي مع الممارسة .و بمرور الوقت راح يكون عندك خبرة خاصة مع الندوات و المناقشة مع بقية الزملاء .و زيارات المفتش الفجائية من اجل التقويق و التقيم
انا نقرلك بشطارتك و اكيد رايحة تنجحي باذن الله . لكن صدقيني من الميدان تلاقيت مع ناس ما شاء الله على ثقافتهم و قدراتهم العلمية لكن ما يقدروش يوصلو الفكرة . يعني يليقو في اعمال ادارية و ليست تعليمية . مثلافي جانب مماثل كاين فنانات في الخياطة بصح ما يعرفوش يعلمو .و كذا في الحلو و الطبخ و غيرو . و كل ميسر لما خلق له
عنصر مهم جدا و هو حب المهنة . راه يخليك تصبري و تجاوزي جميع المعوقات
دون ما ننسى انو التعليو هو تفاعل مع الاولاد باخلاف بيئاتهم و طبائعهم و ظروفهم الاجتماعية . يعني الاستاذ في بداية العام لازم يسال و يتحرى عن احوال التلاميذ الصحية و الاجتماعية و غيرها لانو رايح يتعامل مع حالات متنوعة مش مع الاوراق فقط
هذا رايي بصراحة كما طلبت . لكن لا باس من خوض التجربة يا حبيبتي راكي قدها و قدود . واذا ما عجبكش الحال ممكن تنسحبي . راهي ملهيش عقد مع الجيش هيهيهيهيه.... بالتوفيق يا عزيزتي COLOR]