الى ام اسيد1 وكل وحدة حاصلة واش الطيب - الصفحة 160

ام سراج وملاك · 2015-01-27, 09:47

صباح الخير عليكم كامل ام حمزة اختي ربي يشفيلك بنتك ان شاء الله تكون رتاحت الحمة واعرة بزاف متغفليش عليها برك

ام سوهيل · 2015-01-27, 09:52

صباح الخير وش راكم ام حمزة كراهي بنتك اليوم روح موراد شكر على الدوعاء ولكي بي المثل كرونو كراكي منسيناكش بصح علبالنا بلي راكي لهية في موضيع اخرى ربي يقدرك

ام الخير ربي يحفضلك ولادك ويشدلك فيهم

غزالة وصدفات ونخلة وام ادم وسلمى وتغرينة ونراكم انشاء الله راكم كامل بخير

منال ومنير · 2015-01-27, 09:56

صباح الخير عليكم وشراكم
انشاء الله يكون قع ولادكم بخيرو رب يستر ويحفظ اولادنا امين يا رب
اخواتي رني قريب ندخل في الشهر التاسع انسحوني وش اندير بش تسهل لولادة

ام سوهيل · 2015-01-27, 10:47

اختي انصحك بي تناول التمر

وقرائة هدا الدعاء في كل وقت اللهم اني اسالك حسن الخلق وتسهيل الطلق امييييييييييييييييين.

منال ومنير · 2015-01-27, 11:04

صباح الخير يعطيك الصحة

منال ومنير · 2015-01-27, 11:06

اقتباس:

المشاركة الأصلية كتبت بواسطة ام سوهيل

اختي انصحك بي تناول التمر

وقرائة هدا الدعاء في كل وقت اللهم اني اسالك حسن الخلق وتسهيل الطلق امييييييييييييييييين.

يعطيك الصحة

hayette82 · 2015-01-27, 13:45

صباح الخير ياالبنات ام حمزة سوهيل منال ملاك سلمى صدفات غزالة الصحراء ام سيد ام الخير ام الحبايب نينا روح مراد ام فؤاد كرونو ام هديل نتمنى منسيت حتى وحدة

غزالة الصّحراء · 2015-01-27, 13:46

مساء الأنوار رغم كثرة الأمطار صباح الهناء ينزل من عند اللّه علينا كلّنا . صباح الخيرات أتعم بيوتنا دوما.
ّ وأعاننا اللّه في اشغالنا وحفظ لنا ذرّيتنا وأزواجنا وكلّ من نحبّهم. حبيباتي غالياتي توحشّتكم بالبزاف الحاضرات والغايبات والجديدات. ياربّ كلّكم أتكونوا بالف خير.
الأحوال الجويّة راهي أثرت بزاف على النت . ولات أثقيلة . وفي بعض الأحيان منعدمة. وقبل مانرد على كلّ وحدة كالعادة. حبيت أنطمنكم. وكلّ الأمور عندنا بخير وياربّ أنتوما ثاني. صراحة واللّه غير البرد جمدنا. وماينفع غير الأكلات التقليديّة الي تقاوم البرودة. الأحد مساء درت للعشاء الكباب عوض طاجين البسباس. ويوم الاثنين درت العدس بالحار. وللعشاء درت الأكلة التقليديّة ألي تشبه خبز سوري. كيما قالت الأخت ام حمزة الحبوبة . قَطَّعْ وَرْمِي . جات هايلة بالخصوص وهي اسخونة وحارّة. وراني أنفكر واش أندير للعشاء.
أختي crono غير ماتزعفيش علينا . واللّه مانسينا حتّى وحدة. راكي أتشوفي الصّفحة رانا زدنالها حتى النقاش في أمورنا الحياتيّة. ولما أنكملوا نكتبوا عبارة ( سلامنا على كلّ وحدة . وإن شاء اللّه مانسينا حتّى وحدة. فيه الأسماء القديمة. والجديدة. وهناك غياب لأسباب ثمّ العودة من جديد.
راني جبت لكم الجديد ياربّ ايفيدكم. كنت نهدر مع وحدة صاحبتي .فيما يخص. لاقرررررريب. والسعلة. قالتي ديري حبة لفتْ ثمّ فرغيها اشويا من الداخل. اشغل كيما نعملوا الدّولما أنتاع البطاطا. وديريلها من الأسفل حفرة صغيرة ثمّ أنعمروها من الدّاخل بالسّكر. ونخليها داخل فنجان باش تقطر. ثمّ اشربي هذاك السائل الي اتقطّر. راه امليح للسعلة . أنا مازال ماجربتوش . على خاطر اليوم ألي قالتهولي. رايح أنجربوا لما ايكون عندي اللّفت. مايدخلش كامل لداري على خاطر مايحبوهش أخلاص أخلاص.

hayette82 · 2015-01-27, 13:46

ربي يجيب الشفاء لبنتك ام حمزة

غزالة الصّحراء · 2015-01-27, 13:51

اقتباس:

المشاركة الأصلية كتبت بواسطة hayette82

صباح الخير ياالبنات ام حمزة سوهيل منال ملاك سلمى صدفات غزالة الصحراء ام سيد ام الخير ام الحبايب نينا روح مراد ام فؤاد كرونو ام هديل نتمنى منسيت حتى وحدة

أسعد اللّه صباحك أختي hayette82 يعطيك الصحّةوالهناء . راني بخير. وياربّ أنتي ثاني والعائلة أنتاعك اتكونوا بألف ألف خير. وأيضا كلّ واحدة تنتمي إلى الصّفحة بصفة خاصّة وكلّ زائرة بصفة عامّة.

غزالة الصّحراء · 2015-01-27, 13:53

اقتباس:

المشاركة الأصلية كتبت بواسطة منال ومنير

يعطيك الصحة

أهلين بيك أختي منال ومنير . ياربّ أتكوني بألف خير أنت والأسرة أنتاعك. وتحياتي للجميع.

غزالة الصّحراء · 2015-01-27, 13:55

اقتباس:

المشاركة الأصلية كتبت بواسطة ام سوهيل

اختي انصحك بي تناول التمر

وقرائة هدا الدعاء في كل وقت اللهم اني اسالك حسن الخلق وتسهيل الطلق امييييييييييييييييين.

اهلين بيك أختي أم سهيل. واش راكي وشا راه سهيل مع هاذي لبرودة. ؟؟ ومع الامتحانات؟ واش راكي أنتي وكامل العائلة . كاش أجديد عندك فيما يخصّ الطّبخ؟؟؟

غزالة الصّحراء · 2015-01-27, 14:09

اقتباس:

المشاركة الأصلية كتبت بواسطة منال ومنير

صباح الخير عليكم وشراكم
انشاء الله يكون قع ولادكم بخيرو رب يستر ويحفظ اولادنا امين يا رب
اخواتي رني قريب ندخل في الشهر التاسع انسحوني وش اندير بش تسهل لولادة

اهلين بيك مرّة أخرى أختي منال ومنير. وياربّ ايكونوا اولادك ثاني بخير. وحتى حملك. واش أنقولك. كيما ايقولوا ناس بكري. الي ايدير النيّة في قلبو دائما النّجاح ايكون مصيرو . حتى لو طالت ليام. باب السّعد ينفتح دائما في وجهو. قلت لك كلّ هذا لكلام باش أنقولك أنا لمّا كنت بالحمل بولادي الزوج بسلامتهم . من أوّل شهر الى آخره دائما خدمة x خدمة . حتى لما يقتربوا أيام الولادة تلقايني نغسل في الحنابل والفرصاطات. ونغسل في الحيوط. غير وحدي من دون مايعاوني أيّ واحد ( لا الواسات ولا لعجوزة ). نتكّل غير على رّبي. واللّه مادرت حاجة من غير الأعمال الشّاقة. وربّي سهّل عليّ الأمور. مانعرف والو . ومادرت والو.
بصّح واش انقولك. ماتقعديش بزاف . القعدة مضرّة. وثاني ماتتعبيش روحك بزاف. أخدمي واش تقدري عليه. واطلبي المساعدة ممّن تحبينهم. لاغير. وزيدي ثاني الأكل. كلّ مافيه الفيتامينات راه نافع لصحتك وصحة الحمل.
راكي ذكرتيني بالماضي أنتاعي. لمّا كنت بحملي الأوّل راجلي راح لفرنسا. وجابلي معاه مجلّة تخصّ المراة الحامل . وكلّ مايجب ان تفعله وتتناوله. واللّه أتفرجت عيها برك وكنت نضحك. على خاطر أحنا والأوروبيات بيناتنا فرق أكبير أكبير أكبير. . وكلّ وحدة تعرف الفرق بلا ماندخلوا في القيل والقال . الموضوع يحتاج لجريدة. راني غير نكتب ونزيد. راني دائما لمّا أنغيب يوم انعوض هذاك اليوم., القلب اتعمّر . والحمد للّه دار الأخت حمزة راهي واسعة. ولي يقراوا راهم أكثار ماشاء الرّحمان.

أم الحبايب 26 · 2015-01-27, 14:10

صحا فطوركم كامل نالله تكنو كامل بخير اخت منال ومنير انا كيدخل هري نرب زيت ازيتون عى ريق الله يعطيك وقيفا ساهلا حنا كلها هاكذا فلمدية ام حمزة مبانت نلله يكون مانع خير سلامي حار كل واحدا باسمها

غزالة الصّحراء · 2015-01-27, 14:14

اقتباس:

المشاركة الأصلية كتبت بواسطة ام سراج وملاك

صباح الخير عليكم كامل ام حمزة اختي ربي يشفيلك بنتك ان شاء الله تكون رتاحت الحمة واعرة بزاف متغفليش عليها برك

يا أهلا وسهلا ومرحبا بك ألاخت أم سراج وملاك بيننا. زارتنا البركة. وشكرا لك على مشاطرتك لنا الصّفحة بردّك المتواضع وبسؤالك عن الجميع. لك منّي أروع تحيّة. وربّي ايشافي بنت الأخت أم حمزة.