الملازمين أوائل شرطة 2014 أخر أجل لإستلام الملفات 21/08/2014

[الأميرال]

المشاركة الأصلية كتبت بواسطة aqq

لا مفهمتنيش انا مجرد دلال خير عندي سورسي حبيت نعاون الاخوة لايجاد حل لمشكل العسكر
الحل الوحيد للقيتوا هو ارجاء التجنيد بالديبلوم .محضر التبليغ ميستعرفوش به رحت وسقسيت مكتب التجنيد وجبتلكم واش قالولي
انت متتقلقش راك في وضعية قانونية تهنيت من المشكل

بارك الله فيك .. مشكور على ما تقدمه من معلومات للإخوة

[aqq]

بلامزية لاشكر على واجب

[الأميرال]

في رأيكم متى سيكون الدخول للمدارس ! أنا نظن 18/01/2015 أو 25/01/2015 أو 01/02/2015 كأقصى حد ... مارأيكم !

[el hadi adel]

المشاركة الأصلية كتبت بواسطة الأميرال

في رأيكم متى سيكون الدخول للمدارس ! أنا نظن 18/01/2015 أو 25/01/2015 أو 01/02/2015 كأقصى حد ... مارأيكم !

+1
ولكن لا أدري لماذا لم يتم الاتصال بكل الولايات

[shajane]

السلام عليكم
من فضلكم لدي سؤالان و ربي يجازيكم جاوبوني بالشي اللي راكم متٱكدين منه
1- من وين نجيب شهادة اللياقة البدنية ?
2- هل من تم استدعاؤهم للتحقيق هذا الاسبوع و طلب منهم الملف اللي فيه شهادات الطبية و غيرها راهم ناجحين للدخول الى المدرسه ام هناك انتقاء اخر ?

ربي يوفقكم و شكرا مسبقا و ربي يجازيكم

[الأميرال]

المشاركة الأصلية كتبت بواسطة el hadi adel

+1
ولكن لا أدري لماذا لم يتم الاتصال بكل الولايات

تقصد وهران و البليدة .. أم هناك ولايات أخرى !!!!

[الأميرال]

المشاركة الأصلية كتبت بواسطة shajane

السلام عليكم
من فضلكم لدي سؤالان و ربي يجازيكم جاوبوني بالشي اللي راكم متٱكدين منه
1- من وين نجيب شهادة اللياقة البدنية ?
2- هل من تم استدعاؤهم للتحقيق هذا الاسبوع و طلب منهم الملف اللي فيه شهادات الطبية و غيرها راهم ناجحين للدخول الى المدرسه ام هناك انتقاء اخر ?

ربي يوفقكم و شكرا مسبقا و ربي يجازيكم

ماذا تقصد بـ "تم استدعاؤهم للتحقيق هذا الاسبوع " فنحن لم يتم استدعائنا للتحقيق وإنما تم إعطاؤنا محضر تبليغ فيه بعض الوثائق و لم تذكر" شهادة اللياقة البدنية" و لم أسمع بها من قبل ... بل ذكرت شهادات طبية 'طب عام و شهادة أمراض صدرية و العيون من طبيب مختص أنصحك أن تذهب لمن أعطاك المحضر و تستفسر قبل فوات الأوان

[okbano 41]

el hadi adel
**************
راني شايف الاسم هذا يسركيلي ياسر في كووورة جزائرية 119 مكانش انت حبيبنا؟ هههههههههه

[cherchell42]

المشاركة الأصلية كتبت بواسطة fatbhl

سلام عليكم يا خاوتي راني غبت على المنتدى وحد 3 ايام وكي دخلت لقيتها مقلبا الحالة وااله غيير عيب عليكم ومنيش راح نمد حتى لواحد الحق اني نقلو من حقك وهادا الميساج رااه مبعوث لجماعة وراهم على بالهم برواحهم . شرشال واش ها الهدرة انت وامين ستابس والله عيب يا خويا خلي اللي حاب يهدر نخلي يهدر على روححو المهم انا راني نجحت والحمد لله وكانش معلومة على الدخلة ومتى يتم تخرج جميع الدفعات والل منجحش مهيش حبست الدنيا الرزق راهو على ربي وربي يرزقنا الرزق لحلال انشاء الله

علاش راك تهدر باسمي اخي ، كانو انا اللي شتمت او هدرت في انسان ، اللي كان يتبع في المنتدى يشوف واش صرا ...

[الأميرال]

المشاركة الأصلية كتبت بواسطة cherchell42

علاش راك تهدر باسمي اخي ، كانو انا اللي شتمت او هدرت في انسان ، اللي كان يتبع في المنتدى يشوف واش صرا ...

Matet9al9oush Khawtii Hada Kamel Stress Berk.. Nchalah Kamel Nenj7ou w Netla9aw f L'ecole w Nebdaw Nedahko Ki Netfakro Had L'yamat Zina

[shajane]

يا اخي انا عيطولي اعطاني بعض للاسئلة و سجل الاجابات في الكمبيوتر و امبعد طبعهم و اعطاني مضيت فيهم و قالي جيبي هاذ الوثائق اللي راكي قلتلهم اخي ,,,,,
ارجو اجابتي عن السؤال الثاني و بارك الله فيك و ربي

[صادق 17]

متى يتم ارسال الاستدعاء للجماعة لي قلولهم كملوا الملفات وشكرا

[الأميرال]

المشاركة الأصلية كتبت بواسطة shajane

يا اخي انا عيطولي اعطاني بعض للاسئلة و سجل الاجابات في الكمبيوتر و امبعد طبعهم و اعطاني مضيت فيهم و قالي جيبي هاذ الوثائق اللي راكي قلتلهم اخي ,,,,,
ارجو اجابتي عن السؤال الثاني و بارك الله فيك و ربي

بالنسبة لسؤالك إذا كانو ناجحين أم لا ... و الله العلم لله حتى أكون صريحا معك ولكن سأخبرك مايتداوله الإخوة في المنتديات و الفايسبوك .. الراجح أن القائمة النهائية ستكون ممن تم إستدعاءهم يعني إن استوفيت كل الشروط و كل الوثائق صالحة أقصد بهذا وضعيتك اتجاه الخدمة الوطنية و ليس لديك أي سوابق عدلية و لم يظهر التحقيق أي شيء علما أن التحقيق يستمر حتى بعد النجاح فإن استوفيت كل الشروط فأنت ناجح بإذن الله و هناك من يقول أن من تم استدعائهم يمثلون قائمة الناجحين و القائمة الاحتياطية

أما إن كان هناك إختبار آخر فلا يوجد .. يبقى الفحص الطبي المضاد فقط الذي نمر به بعد الدخول للمدرسة بيومين

[cherchell42]

المشاركة الأصلية كتبت بواسطة الأميرال

matet9al9oush khawtii hada kamel stress berk.. Nchalah kamel nenj7ou w netla9aw f l'ecole w nebdaw nedahko ki netfakro had l'yamat zina

هذا على واش كنا نهدرو اخي وانت راك شاهد.. وهذاك لبنادم جا قالك احنا انانيش ..اومباعد خرجت النتيجة عاود قالها ويستشفا في اللي مانجحش وفي الاخير يلقا ناس تدافع عليه ...انت فهمني كيفاه تبقا عاقل مع ناس هكذا اخي

[الأميرال]

المشاركة الأصلية كتبت بواسطة cherchell42

هذا على واش كنا نهدرو اخي وانت راك شاهد.. وهذاك لبنادم جا قالك احنا انانيش ..اومباعد خرجت النتيجة عاود قالها ويستشفا في اللي مانجحش وفي الاخير يلقا ناس تدافع عليه ...انت فهمني كيفاه تبقا عاقل مع ناس هكذا اخي

C Vrai Tet9ala9 Ki Tessma3 Hadra Kima Dik Mé Tu Sais Ana Wlh Ma9ala9ni Psq f L'ecole Nchofo Chkon L'Ananiche w 9otlek Tani Stress Déja Amine Z3af w Rah Kamel w Nrmelment Maydirch Hakda , Nchalah Rabii Yhadiii Nfossna