هنا تجدون الاجابة للاغلب الاستفسارات في ظرف قصير - الصفحة 160

anis tebessi · 2013-12-15, 19:32

السلام عليكم اخي
انا من مواليد 1993 , ما جاتني ordre d'appel ما حوسو عليا . راني حاب نفريهــا معاهم , علما انني طالب جامعي
واش ندير باه نطلع سورسي ؟؟
حاجة اخرى , راني مريض , عندي souffle في القلب , لكون ندير ملف طبي يعتوني الاعفاء ؟؟
و شكرااا

sinopointic4 · 2013-12-19, 16:01

أين أنت أخي amine eco
نتمنى ان تكون بخير

amine eco · 2013-12-19, 16:28

الاجابات اليوم بعد صلاة العشاء

zaklip · 2013-12-19, 19:58

الأخ امين اليوم كانو الدرك يبحثون عني من اجل استدعاء الثاني واش رايك روح عندهم ولا خطيني

amine eco · 2013-12-19, 21:04

اقتباس:

المشاركة الأصلية كتبت بواسطة anis tebessi

السلام عليكم اخي
انا من مواليد 1993 , ما جاتني ordre d'appel ما حوسو عليا . راني حاب نفريهــا معاهم , علما انني طالب جامعي
واش ندير باه نطلع سورسي ؟؟
حاجة اخرى , راني مريض , عندي souffle في القلب , لكون ندير ملف طبي يعتوني الاعفاء ؟؟
و شكرااا

اول شيئ تخدم سورسي تدي معاك شهادة مدرسية لسنوات الدراسة
كي يعطوك سورسي وجد ملف طبي واديه للمكتب التجنيد هذا في حالو كنت داير الفحص الانتقائي واذا مكنتش داير الفحص الانتقائي انتظر تكمل الدراسة وادفع ديبلوم وانتظر الاستدعاء وادي ملف معاك للثكنة

اقتباس:

المشاركة الأصلية كتبت بواسطة zaklip

الأخ امين اليوم كانو الدرك يبحثون عني من اجل استدعاء الثاني واش رايك روح عندهم ولا خطيني

اذا كنت حاب تلتحق بثكنة روح ليهم اما ان كنت لا ترغب من افضل متحوسش عليهم لانه يدروك عدم استلام واحتمال كبير ميحسبوهالكش

zaklip · 2013-12-20, 10:40

ولكن يا أمين الإستدعاء لصف الظباط والظباط في مارس وسبتمبر كيفاه دورو عليا البارح
والله ماتفهم شيئ

lhou lemryoulist · 2013-12-20, 11:37

سلام عليكم

انا ابلغ من العمر 22 سنة وأدرس سنة اولى ماستر ...مي مانقراش سجلت غير باش نجيب شهادة مدرسية ندير بيها سورسي

ونبقى هكا حتى يحاوزوني من الجامعة...

حنا عايشين فل دار 2 زوج نسا...يعني الاب تاعي مزوج ب 2 نسا وعايشين في دار وحدة...عندي 2 خاوتي كبار عليا وحدة مزوجة و واحد جاب الاعفاء لسبب طبي....ولكن أخوتي من الأب والأم أنا الأكبر كاين انا و ختي تقرا و خويا ثاني يقرا

وليكن في العلم لكارني دا فامي تاعنا وحدنا...يعني فيه الاب والأم أنا و زوج خاوتي صغار.....الأب مريض بالقلب و ارتفاع الضغط الدموي و الأم كذدلك تعاني من مرض مزمن في ركبتيها عفاكم الله....الأب عندو سجل تجاري وفي نفس الوقت لديه تقاعد من وزارة التربية الوطنية....

للاستفسار...ايلا درت ملف كفالة هل ينجح؟؟ للاشارة مانيش داير لافيزيت.

وشكرا لكم

dididoc · 2013-12-20, 19:22

السلام عليكم .
انا من مواليد 95 و قد كان علي ان اسجل في قوائم الاحصاء في الفترة ما بين 1 جانفي و 30 مارس 2013 , و لكن لم اكن اعلم ذلك بتاتا , سؤالي هو هل سيصلني استدعاء اداء الفحص الانتقائي ام لا و ماذا افعل الان ؟؟؟؟ مع العلم انا طالب جامعي

mohlhadra · 2013-12-21, 13:37

ana mine mawalid 1987 ou kammalt 9rayti f 2012 license....ma dfa3t diplome dyali ma ba3touli ordre d'appel....ma ranich hab nrouh lihoum ou sma3t belli 2ans aprés diplome ou ma ykounouch 3aytoulak twalli manssi....hadi kayna menha sinon 9oulouli wach ndir????

نسرين البرايجية · 2013-12-22, 17:57

اخي العزيز انا دفعت دبلوم ينتهي في 14 مارس 2014 هل انا في هذه الحالة في دفعة مارس 2014 او انا في دفعت يبتمبر وايضا في اي ثكنات يتم اريال ضباط الاحتياط مشكككووور في انتضار ردكم

chebkader · 2013-12-22, 19:53

السلام عليكم ؛ أخوكم من مواليد 1984 متخرج طب سنة 2013 , لم يقم بالفحص الآ نتقاء و لا التأجيل (منسي) أريد أن أصبح عاصي لكي أودع ملف كفالة في المحكمة العسكرية;
السؤال: هل سيقبل على مستوى مديرية الخدمة الوطنية لأني سمعت أن ملف كفالة السلك الطبي يرفض بعد الدراسة
هل عندي حظ في الحصول على الأعفاء الوضعية العائليةُ كالتالي :الأب متوفي,الأم 73 سنة مريضة ,الأخوة متزوجين منفصلين و حصلين على الإعفاء دون ملف كفالة أخ أكبر غير متزوج لكن منخرط في الجيش.
و شكرا

amine eco · 2013-12-23, 21:13

اقتباس:

المشاركة الأصلية كتبت بواسطة zaklip

ولكن يا أمين الإستدعاء لصف الظباط والظباط في مارس وسبتمبر كيفاه دورو عليا البارح
والله ماتفهم شيئ

صحيح امر غريب لانه من المفروض بعد 10 اكتوبر يتوقف البحث عن المجندين .....لكن انت روح استفسر عندهم اذا راك متأكد ماكش روشارش ...لان امر يبدو غريب

اقتباس:

المشاركة الأصلية كتبت بواسطة dididoc

السلام عليكم .
انا من مواليد 95 و قد كان علي ان اسجل في قوائم الاحصاء في الفترة ما بين 1 جانفي و 30 مارس 2013 , و لكن لم اكن اعلم ذلك بتاتا , سؤالي هو هل سيصلني استدعاء اداء الفحص الانتقائي ام لا و ماذا افعل الان ؟؟؟؟ مع العلم انا طالب جامعي

لا لا يصللك الاستدعاء بل انت تذهب للتحص عليه من البلدية لكن بالامكانك كي تروح دير السورسي قلهم يدروللك الهحص الانتقائي بما انك لم تتجاوز 20 سنة

sinopointic4 · 2013-12-23, 21:16

مبروك التثبيت أخي amine eco

amine eco · 2013-12-23, 21:59

اقتباس:

المشاركة الأصلية كتبت بواسطة lhou lemryoulist

سلام عليكم

انا ابلغ من العمر 22 سنة وأدرس سنة اولى ماستر ...مي مانقراش سجلت غير باش نجيب شهادة مدرسية ندير بيها سورسي

ونبقى هكا حتى يحاوزوني من الجامعة...

حنا عايشين فل دار 2 زوج نسا...يعني الاب تاعي مزوج ب 2 نسا وعايشين في دار وحدة...عندي 2 خاوتي كبار عليا وحدة مزوجة و واحد جاب الاعفاء لسبب طبي....ولكن أخوتي من الأب والأم أنا الأكبر كاين انا و ختي تقرا و خويا ثاني يقرا

وليكن في العلم لكارني دا فامي تاعنا وحدنا...يعني فيه الاب والأم أنا و زوج خاوتي صغار.....الأب مريض بالقلب و ارتفاع الضغط الدموي و الأم كذدلك تعاني من مرض مزمن في ركبتيها عفاكم الله....الأب عندو سجل تجاري وفي نفس الوقت لديه تقاعد من وزارة التربية الوطنية....

للاستفسار...ايلا درت ملف كفالة هل ينجح؟؟ للاشارة مانيش داير لافيزيت.

وشكرا لكم

نعم ينجح ملف الكفالة لكن سجب تولي عاصي و تديه للمحكمة العسكرية للانك لم تأدي الهحص الانتقائي

لكن قد يوجد مشكل البسيط انه اخ اكبر منك وحتى ولو انه غير مسجل في الدفتر لكن عند تحقيقات الدرك قد يأثر

amine eco · 2013-12-23, 23:10

اقتباس:

المشاركة الأصلية كتبت بواسطة mohlhadra

ana mine mawalid 1987 ou kammalt 9rayti f 2012 license....ma dfa3t diplome dyali ma ba3touli ordre d'appel....ma ranich hab nrouh lihoum ou sma3t belli 2ans aprés diplome ou ma ykounouch 3aytoulak twalli manssi....hadi kayna menha sinon 9oulouli wach ndir????

la ya akhi hadi makch minha ga3 contraire rah tewaki recharche w yahkmouk les gendarme yerfdouk
ida 3anedak kafala wla dossier medical wajdou w rouh 3la rabi 2 ans w tethana

اقتباس:

المشاركة الأصلية كتبت بواسطة نسرين البرايجية

اخي العزيز انا دفعت دبلوم ينتهي في 14 مارس 2014 هل انا في هذه الحالة في دفعة مارس 2014 او انا في دفعت يبتمبر وايضا في اي ثكنات يتم اريال ضباط الاحتياط مشكككووور في انتضار ردكم

نعم
في مارس 2014 يرسلوك الاستدعاء
و قائمة الثكنات في الرابط التالي
https://www.djelfa.info/vb/showthread.php?t=1399375

اقتباس:

المشاركة الأصلية كتبت بواسطة chebkader

السلام عليكم ؛ أخوكم من مواليد 1984 متخرج طب سنة 2013 , لم يقم بالفحص الآ نتقاء و لا التأجيل (منسي) أريد أن أصبح عاصي لكي أودع ملف كفالة في المحكمة العسكرية;
السؤال: هل سيقبل على مستوى مديرية الخدمة الوطنية لأني سمعت أن ملف كفالة السلك الطبي يرفض بعد الدراسة
هل عندي حظ في الحصول على الأعفاء الوضعية العائليةُ كالتالي :الأب متوفي,الأم 73 سنة مريضة ,الأخوة متزوجين منفصلين و حصلين على الإعفاء دون ملف كفالة أخ أكبر غير متزوج لكن منخرط في الجيش.
و شكرا

لا اظن انه سيتم قبوله في مكتب التجنيد لكن حتى المحكمة العسكرية صعيبة الحالة شوي صراحة ...لكن بما انك ملفك كامل والاب متوفي فيها امل