جزء 173 من واش طيبتي اليوم كوزينة احلى رفقة طيبة - الصفحة 16

ام يوسف2 · 2016-11-18, 18:01

اقتباس:

المشاركة الأصلية كتبت بواسطة حياة نور الدين

السلام عليكن

ام يوسف شوفي حبيبتي ادا اللوبيا طايبة خليها على جهة وفي كوكوت حطي ورقة رند وملح والبوزلوف تاعك وملعقة زيت وفلفل اسود وخليه يطيب بعد مايدخلوا الطياب ويخصوا شوية برك ارمي اللوبيا تاعك وضيفي فلفل احمر وكمون وفلفل حار ادا تاكلوه وملعقة طماطم مصبرة وثوم رابي وبصل رابي وخليها تتحرحر مع البوزلوف والمرق يخثار حنونة

او ادا تحبي قلي الثوم والبصل والفلفل احمر وحار وكمون قليهم مليح منبعد مرقي بالمرق تع البوزلوف وارمي اللوبيا تاعك وزيدي البوزلوف قطع

مشكورة اختي بزاف بزاف

أم ياسين الزهراء · 2016-11-18, 18:06

كنت نراجع ياسلام على الخيرات الله يديمه ويحفظها الكل يسخف يعطيكم الصحة

ام هدول حتى انا سخفت على شخشوتك ابعثيلي يعطيك الصحة هههههههههه

الحمد لله زدنا كسبنا كاتب عمومي جديد الاخت نوال هههههههههههههه اديتيها لتوبة الشح توبة فاتتك هههههههههه

الكل يعطيكم الصحة والله روعة روعة خاصة الحلو يييييييييييي

انا درت طعام بالمرقى واللحم ودرت كيكة الفلان هي في الاصل قديمة كانت دارتها ام محمد وام اماني وام وليد دارتها دوقى يعني اكتشاف قديم هههههههههههه المهم درتها وشربو بيها لاتاي والحمد لله ودوقى طيبت رخساس وراني نزنق في المنتدى هههههههههه يعني حطيست والحمد لله

ام يوسف2 · 2016-11-18, 18:08

صحيتوا بزاف على الردود استفدت
شوفوا تقوللكم:نص من عائلتي حبوا ياكلوا شطيطحة بوزلوف ونص حبوا لوبيا بالكرعين صافي خممت خممت واستنيت الردود تاعكم امبعد درت القُرعة هههه وقررت ندير شطيطحة بوزلوف وغدوة اذا كتب ربي ندير الغداء لوبيا بالكرعين أن شاء الله اذا مانسيتش نصور الاحداث جابولي بوزلوف بقري واجد ومقطع عند البوشي صافي عاودت غسلتوا مليح هو بالكرعين راكم تعرفوا الحمل عياني بزاف عدهاد المرة تهللو في رواحتيكم حبيباتي وربي يرزق كل وحده أن شاء الله نحبكم

أم ياسين الزهراء · 2016-11-18, 18:09

نسيت نشكر الاخت ام اسلام على الوصفىة المصورة تاع ام اماني ربي يخليك راني خبيتها في بورطابلي ادا تشفاو عليه بصح رفدتها من الفايس انت اللي حطيتيها ثمى

توبة صح انا شاوية حرة ونموشية بصح مانهدرش الشاوية ومانفهمهاش بصح ادا واحد منشر في بالشاوية نفهم ههههههههههههههه

الاخت ام يوسف بلا مزية وبصحتكم مسبقا ووريلهالنا ادا طيبتيها

جنة الفردوسْ · 2016-11-18, 18:24

الف الف مبروك الافتتاح غاليتي ام رحاب.....واطباقك وحلوياتك يشهو ممممممم.....وهاذي شوكولا باروك الله غالب ماصورتش اليوم

النرجووسة · 2016-11-18, 18:32

مساءالانوار رحاب الكوزينة ما شاء الله منور والشافات قاءمين بيها

ام رحاب واش تفهمتو التطبيقات

حياة نور الدين · 2016-11-18, 18:33

فضيلة اهلااا وسهلاااا اختي واطباقك روووعة وشكرااا على قهوة العشية

ام رحاب شوفي حبيبتي نقترح عليك ديىري كما كوزينة بيبا وانا كل مرة حطي تطبيق حلو ومالح وبعد مدة زيدي خيري تطبيقين حتى تخلاص الكوزينة باش يكون المتعة والاختيارات
وبصحتك البوزلوف يشهي حنونة وتفضلي رابط كيفية التعديل والكتابة على الصور تخدمي به الوصفات
https://www.djelfa.info/vb/showthread.php?t=1933988

بحورة يعطيك الصحة اختي اطباق تشهي والحمد الله على السلامة وبصحتك الدوبارة

سندوسة فطورك يشهي واطباقك هاايلة نتمنى متحرميناش منها

ريمة اهلاا حبيبتي ويعطيك الصخة على الوصفة

نوال اهلاا اختي ولا شكر على واجب وربي يخليك على اطرائك

توبة الدعاء روووووعة واطباقك تحفففففة وانت الاروووووع من كل هدا ربي يخليك ويفرحك في هده الجمعة ان شاء الله

اشرقت اهلااا اختي ويعطيك الصحة امممممم باروك هااايل ربي يفرحك وشكرااا على الوصفة

ام يوسف راني جاوبتك اختي

موستا المحاحب امممممم وبصحتكم حنونة وشكرااا على كلامك

ام هدول مساء النور وربي يخهليك على تشجيعك وشهادتك فرحتني خخخخ

ام ياسين اهلااا حبيبتي واش راكي وبصحتك كيكة الفلان والشاي والكسكس والرخساس والتحيطيس مقواها عين صديقة هههههه ادا مخبطاتكش خخخخ

ام يوسف بصحتكم ماعليش اختي كلشي بالمكتوب وان شاء الله نشوفوها طاايبة وربي يقدرك على الحمل

جنة اهلاا بالحلو اللي جاب الحلو

حياة نور الدين · 2016-11-18, 18:39

النرجووسة مساء النور

فاتي 05 · 2016-11-18, 18:47

مساء الخير على الجميع كل وحدة باسمها و صح عشاكم راني توحشتكم بزااااااااااااف براف ,

ام رحاب حبيبتي الف الف الف مبروك على الكوزينة الجديد جعلها كوزينة الربح السعادة يارب و كل شي يشهي يعطيك الصحة انت و كل لحراير كل وحدة باسمها باه ما ننسى حتى وحدة كلش بالطبع و الشان ربي يبعد عليكم العين يارب .
ام رحاب حبيبتي لي عودة مع الباروك اسمحيلي دخلت فارغة اليدين مركز التحميل دارها بيا من الصباح و انا نحاول .

النرجووسة · 2016-11-18, 18:49

مركز تحميل الصور

مركز تحميل الصور

مركز تحميل الصور
مركز تحميل الصور

مركز تحميل الصور
مركز تحميل الصور
مركز تحميل الصور

مركز تحميل الصور

مركز تحميل الصور

مركز تحميل الصور

مركز تحميل الصور

فاتي 05 · 2016-11-18, 19:11

تفضلي حبيبتي ام رحاب باروكي مي من الارشيف

x ام رحاب x · 2016-11-18, 19:21

مساء الخيرات واش راكم
دخلت على الحلو تاع فاتي 05 تسلم ايدك كلش فوووووووووووووووووووووور يالفحلة واش راكي اهلا وسهلا بيك

فاتي 05 · 2016-11-18, 19:22

وتفضلو هذا فطور اليو م كي العادة يوم الجمعة بربوشة وهذي من دار اختي بعثتلي التصاور انا اليوم ما صورتش

و هذا عشانا روز و دجاج محمر و الحمد لله.

وهاذي كيكة درناها للقهوة تاع لعشية اليوم

انشاء الله يعجبوكم و شهية طيبة للجميع.

x ام رحاب x · 2016-11-18, 19:22

يالحراير راكم مزهين الكوزينة الله ايزيدكم من نعيمو ويديم عليكم الرزق تسلم ايديكم انراجع دروسي

فاتي 05 · 2016-11-18, 19:24

مساء الخير ام رحاب راني مليحة حنونة السوال عليك، و راني فرحانة كي راني في الكوزينة تاعك كلش روعة 444444444444444444 الله يعطيك الصحة .