مــــجلس **جوهرة رمضان** هنا ملتقانا اليومي - الصفحة 16

stayfiya · 2014-07-04, 22:59

لالا ام ايوش كي يحطولنا التحدي كل وحده تشوف روحها فاش تقدر تبدع و من بعد لي تخدم تبعث لختها و كي نتفاهمو على كلش نحددو الاعمال لي نرسلوها مع التعليقات في موضوع واحد للاخ عمر و هو يشوف و يعلق و هكذا نسهلو عليه و عليها فريوله مابانش حسها ؟؟؟
والله المسابقه هاذي هايله طاحتلنا مع السمانه الاولى ما والفناش التوقيت و التعب و زيد المنتدى جاه لهبال. يومين و زايد بريكولاج راحولنا من وقتنا

OM AYA · 2014-07-05, 01:17

عندك الحق سطووووف
المهم اليوم ما نظنش يحطوا التحدي ان شاء الله برك يحطوه غدوة بكري

ام حمزة22 · 2014-07-05, 01:36

سلام
يعطيكم الصحة اعمالكم رائعة

نبض الفؤاد · 2014-07-05, 06:27

ام اية وسطوف وفريووووووووووولة.....مشاركاتنم رائعة......

أم ضياء عبد الرحيم · 2014-07-05, 08:30

صباح الخيرات و المسرات على مبدعاتنا
اولا نقولكم ان الاعمال الي شاركتوا بها قمة في التميز دون مجاملة قدمتوا عمل رائع و عجبني فيكم العمل الجماعي و التواجد الدائم و الجدية في العمل راكم فخر هذا المنتدى و كل الفرق المشاركة قدمة اعمال قيمة تنم عن حرفية عالية و ابداع لكن مفهمتش كيفاه تقولوا ما ربحناش اظن انه ما كانش رابح او خاسر كامل كنوا عندنا ملاحظات مليحة و مشجعة باه نكملوا و مسالة التقييم تكون على مجمل مشاركات التحديات في اربعة
نقولكم الى الامام و انا متاكدة انه الي جاي اروع و احسن في امان الله و دمتم مبدعات

OM AYA · 2014-07-05, 08:40

صحيتي جيادا ربي يهنيك
بارك الله فيك عالتشجيع

ان شاء الله القادم احسن لانو اول تحدي رغم سهولتو جاني صعيب كيما قالت سطووف كنا مازال ما والفناش

souheila dz · 2014-07-05, 09:10

صباح الخير لبنات يعطيكم الصحة اعماكم رووعة و الجيمبسويت هايل والجايات خير ان شاء الله

نهال13 · 2014-07-05, 11:27

صباح الخير لبنات اعمالكم ماشاء الله هايلة انا عجبنى كلش وبدون استثناء خدمتكم جمال واتقان يعطيكم الصحة

sarra5 · 2014-07-05, 11:30

راني شفت ابداعاتكم الله يبارك

كلشي هااايل و الجومب سويت هااايل

fifiarch · 2014-07-05, 12:07

دعاء اليوم السابع
اَللّهُمَّ اَعِنّي فيهِ عَلى صِيامِهِ وَ قِيامِهِ ، وَ جَنِّبني فيهِ مِن هَفَواتِهِ وَاثامِهِ ، وَ ارْزُقني فيهِ ذِكْرَكَ بِدَوامِهِ ،بِتَوْفيقِكَ يا هادِيَ المُضِّلينَ .

صباح الخير وكيف الاحوال

نتمنى تكونو استفدتو من التحدي الاول ودخلتو جو المنافسة

قريبا ان شاء الله التحدي الثاني

والانطلاقة من قسم الاعمال الفنية فشدو الهمة

بالتوفيق