الجزء 70 واش طيبتي اليوم سيدتي الفاضلة

[yasmalak]

.
بشورررتي مرسييي حبيبتي على الملاحظة ما انتبهتش قاااع و ربي يرحمهااا جارتكم و يتغمدهااا برحمتك و سلاامك وصل نتي تان سلميلي على طاطا اللي هي ماماك ههه

محبووبتي ليزابيييل بصحتتتكم الديووول مزييية نجحووولك و بصحتكم الحريرة اللي جامي دقتهااا و دايما نتناقر مع زوج المستقبل شكون خييير هي والا الشربة هههههههههههههه صحا قوليلي شكون خييييييير مي كوني حيادية اوووكي
و زيييد تاعش روووبلة هههههههههههه

ام ابراهيييم تسلمييييلي يا رب نتي و كلامك الشبااب

يا ويليبييييييييييييييي على هدييك البيتزااا يا ام اناس روووووووووووووووووووووووووووعة

ام فضولة بصحتكم قلب اللوز خرجلك تحفففة

[touta2010]

مرحبا بيك حبوبة ليزابال شكرا على السؤال
واش نقول الحمد لله

[rosaa blanche]

المشاركة الأصلية كتبت بواسطة rosaa blanche

برووقة مبروووك الكوزينة

كلما ندخل نجي نطلب والحمد لله ماترجعونيش بيديين فارغين الخيركاين واصحابو مايبخلوش ربي يفك عليكم كربكم يوم القيامة كيما راكم تفكوني كي نحصل

المرة هاذي عندي عرضة نهار لخميس لسلفتي غير وين زوجت حبيت نشاوركم حابة ندير رشتة خاطر سلفتي ماتعرفهاش مع العلم اني مانيش بروفبسيونال فيها خدمتها مرة جاتني روعة وحابة نعاودها مرة قبل لخميس واش قولتو نريسكي ولا لالا؟.

انشا الله مافتونيش ,ثاني واش نقدم معاها؟

[أم إناس]

المشاركة الأصلية كتبت بواسطة aya69

وهذي تكملة
[img][/img]
[img][/img]
[img][/img]

المشاركة الأصلية كتبت بواسطة rosaa blanche

انشا الله ماتفوتونيش ,ثاني واش نقدم معاها؟

اهلابيك اختي. الرشته بنيييينه وطبق راءع. المهم اخدميه غداً ان شاء الله. وهي المهم خليه تريح قبل ماتقطعيه في تاع الرشته. به تنشف وتجيك كل وحد وحده اي ما تلسقش
ا ان شاء الله تفوتي عرضه مليحه

[om mita]

يعطيكم الصحة كلشي يشهي كل وحدة باسمها
غدوة نجيب الباروك

[rosaa blanche]

شكراااا اختي ام اناس ماعليش نزيد نسقسيك قبل قبل ماتقطعيها بتاع الرشتة تدهنيها الساع بالزيت ولا تغبريها بالفرينة برك؟
وتسقايتها تكون في صحن التقديم ولا تتسقى في الكسكاس كي تهبط المرق تعاودي تسقيها مرة ثانية وشكرا مرة ثانية للاعتبار والرد

[أم إناس]

المشاركة الأصلية كتبت بواسطة rosaa blanche

شكراااا اختي ام اناس ماعليش نزيد نسقسيك قبل قبل ماتقطعيها بتاع الرشتة تدهنيها الساع بالزيت ولا تغبريها بالفرينة برك؟
وتسقايتها تكون في صحن التقديم ولا تتسقى في الكسكاس كي تهبط المرق تعاودي تسقيها مرة ثانية وشكرا مرة ثانية للاعتبار والرد

من الاحسن تغبريه بألميزينه او الفرينه وتخليه تنشف مليح وبعد تقطعيه في تاع الرشته
انا بالنسبه به تسقيه كين لي يسقيه كي تفور وتكميلي وتكون في القصع قبل التقديم تسقيه وكاين لي مايسقيهاش حتى التقديم انا دير هاك كل واحد وش يحب يدير صوص وخضر
وان شاء الله نكون ساعدتك والو بالقليل اختي بالتوفيق

[rosaa blanche]

اضافة بسيطة لديول الصوامعية بعدما تخلي الخليط يرتاح ميكسيه مليح بالبرا ميكسوروتاكدي انه السميد نتاعك ماشي من النوع اللي يشرب اذا كان كذالك ضيفيلو شوية ماء زيادة وانشاالله نكون افدتكم

[ام اسماعيل2009]

سلام يا أخواتي مبروك عليك الكوزينة انشاء الله تكون ساعة مربوحة عليك وعلينا قولو امين والله راكم فنانات حبيت نقول لآختي غربة وين تسكن اذا ما فيهاش مشكل باش نساعدوك باش تلقائي اللبن اذا كنت في فرنسا رآه موجود سلامي لبنت بلادي ام ماجد راني توحشتك راني جربت قلب اللوز باللبن خرج رائع

[rosaa blanche]

المشاركة الأصلية كتبت بواسطة أم إناس

من الاحسن تغبريه بألميزينه او الفرينه وتخليه تنشف مليح وبعد تقطعيه في تاع الرشته
انا بالنسبه به تسقيه كين لي يسقيه كي تفور وتكميلي وتكون في القصع قبل التقديم تسقيه وكاين لي مايسقيهاش حتى التقديم انا دير هاك كل واحد وش يحب يدير صوص وخضر
وان شاء الله نكون ساعدتك والو بالقليل اختي بالتوفيق

اكيد اختي ,في ميزان حسناتك انشاء الله

[أم شيماءْ]

بروقتيييييييييييييي الف الف مبروك ا الكوزينة الجديدة انشاء الله تكون فال خير عليك حبيبت ي
توتة حبيبتي وشراكي يا الكبدة انشاء الله ريحتي شوية

[Sidra Seba]

يعطيكم الصحة لبنات راكم شهيتوني اذا امكن ممكن رابط الموسلين نتاع ام ابراهيم لي درتهم وحدة حنا في تارتولات بالفراز

[x ام رحاب x]

صحة عشاكم حبيباتي مطرح مايسري يمري
ليزا حبيبتي خرجولك الديول هايلين بصحتك
ام اناس واش راكي حبيبتي وبصحتك واش تعشيتي

[دائمة الحمد]

مساء الخيرات لكل العزيزات
بروقة الف مبروك وعتبة خير ان شاءالله
كان عندي ظرف حال دون تواجدي في الكوزينة ماكنتش نصور
الا اليوم هذا عشايا والحمد لله المسفوف كملتو لضيوف الغفلة تاع اخر لحظة
وحبيت نقول لريهام بووووووووووووووسة كبيرة على الجبين على سابلي الزيت ماتصورتوش بهذا الروعة
وتالمون بروقة راهي عزيزة وغالية جيت نبارك ليها بالكمية لي خدمتها الكل

[الأمنيات]

السلام عليكم وصح عشاكم
ايزابيل يعطيك الصحة على الديول .
الي دارت قلب اللوز دخلي مع صحاب الحوانيت راكم بزاف في كل ولاية حانوت تابع للجلفة هههههههههه
البقية تبارك الله عليكم