عروستنا في المطبخ

[لين دعاء]

شكرا موضوع جميل رائع يعطيك الصحة بارك الله فيك اتمنى ان اكون صديقة

[ام نسمة]

المشاركة الأصلية كتبت بواسطة لين دعاء

شكرا موضوع جميل رائع يعطيك الصحة بارك الله فيك اتمنى ان اكون صديقة

بكل سرور يا عزيزتي لين من اليوم انتي صديقتي حتى وان حبيتي تتواصلي معي على الخاص مافيش مشكل انا هنا متى اردتي فقط ادعي لي ربي يهديني ويوفقني

[bahlouma]

و أخيرا كملت
شكرا على الموضوع القيم

أنا تاني راح ننظم معاكم
لكن أنا راح نسكن مع سلفتي ،ماعلاباليش كيفاه نديرمع الطياب

[ام نسمة]

المشاركة الأصلية كتبت بواسطة bahlouma

و أخيرا كملت
شكرا على الموضوع القيم

أنا تاني راح ننظم معاكم
لكن أنا راح نسكن مع سلفتي ،ماعلاباليش كيفاه نديرمع الطياب

مرحبا الف مبروك ربي يتمملك بخير ان شاء الله بما انك راح تسكني مع السلفة ماننحكش تتدخلي بزاف في امور دارها والطياب تفاديا للمشاكل لكن لو يطلبو منكي اعداد وجبة ما يجب ان تكوني مستعدة اول شي اسألي خطيبك عن اطباقهم المفضل واتقني اعدادها قبل الزواج واي شي اخر انا هنا للمساعد اختي

[غزة في عيوني]

شكرا زهور الفل على الموضوع الاكثر من راااااائع انا مانيش مخطوبة مي راني نتعلم عليك بالعقل ربي يعطيك واش تتمناي وجزاك الله خيرااا

[ام نسمة]

بنات كل مرة اقترحو موضوع وانا نحاول نفيدكم فيه

[bahlouma]

السلام عليكم
هذي أسئله لولة
العروسة وينتا تبدا تطيب,حتى يقوللها ولا هي تقوللهم؟
إذا ممكن وصفات أو روابط تاع أكلات ينفعو في الأيام الأولى

[ام نسمة]

المشاركة الأصلية كتبت بواسطة bahlouma

السلام عليكم
هذي أسئله لولة
العروسة وينتا تبدا تطيب,حتى يقوللها ولا هي تقوللهم؟
إذا ممكن وصفات أو روابط تاع أكلات ينفعو في الأيام الأولى

بالطبع عزيزتي راح حاول ساعدك فما يخص انتي تطلبين ام هم
انا اقترح عليك ان تقدمي المساعدة في الطبخ واساليهم ان كانو يودون ان تعدي انتي الاكل
اما الوصفات والروابط انتظري حتى اجمع لكي

[طيور الجنة2]

ربي يهديك ويوفق ويحققلك ما تتمناي أختي زهور الفل أنت وجميع الأخوات اللي فعلا أفدتونا بهذه المعلومات القيمة وجعلها الله في ميزان حسناتكم

[foufa90]

ما شاء الله بارك الله فيكن جميعا أخواتي والله افدتونا كثيرا ربي يهني كل وحدةنشاالله ويقدرها باش تسعد زوجها

[أم ياسمينdz]

وانا راح ننضم معاكم حبيباتي

راح نسكن مع دار راجلي ان شاء الله

امو واختو

كيما نروح بعد وقتاه نبدى نطيب ؟

حتى يقولولي ولا نوقف وحدي

عاونوني خياتي راني وحيدة معنديش اختي ورايحة لولاية خلاف

معندي غير انتوما

[ام نسمة]

انتظروني هذا المساء

[ريم الفلى]

لبنات واش راكم؟
اليوم جاني في بالي هاد السؤال:
واش تديري اذا جاك ضيف غير متوقع على غفلة؟
خاصة للي كانو هوما الصغار في الدار اي جامي شدو مسؤولية استقبال الضيوف
اولا من اهم الاحتياطات اللي تديريها وهي كيما قالو ناس زمان:
"أغسل وجهك ونقيه ماتعرف شكون تلاقيه"
سبحان الله مخلاو والو مقالوهش
المهم كيما فهمتي:
1- أحرصي داما على نظافة البيت وتهويته
كي تنوضي الصباح وبعد تناول وجبة الافطار وتوديع زوجك بابتسامة جميلة متوليش ترقدي وترخفي روحك على اساس انو مزال الحال بل وقبل دخول المطبخ الذي اذا دخلتي ليه ميخلاصش الشغل فيه توجهي مباشرة الى الصالون رتبيه وافتحي النوافذ على الاقل 10 دقائق ليتجدد الهواء وكذللك للغرف الاخرى وخلي غرفة نومك هي الاخيرة خاطر لازمها ترتيب كبير
من بعد اغلقي النوافذ وامسحي الغبار ان وجد انا نمسح مرتين في الاسبوع برك واذا كانت اشغال مقابل الدار منحلش النوافذ لتجنب دخول الغبار ههههه
ومن مبعد امسحي الارض انا نسيق مرة في الاسبوع بالجمعة ننفض الدار ونسيقها تولي تبريي والارض نمسحها برك في ساير ليامات

اما الدروج والتواليت وسال دو بان هوما المشكل الكبير لازمك تسيقيهم كل يوم
من بعد تجي شمبرتك تفلقي النوافذ وتدخلي الافرشة وتبدلي لي درا والتروسو ديكور الكوافاز ولي تابل دو نوي وتمسحي الغبار وتمسحي الارض
وهكذا رايح يكون البيت جاهز لاستقبال الضيوف مع اضافة رش القليل من معطر الجو هكذا مش تخلي حتى يجو وتبداي ترفدي من طريقهم لحوايج ولا تكعبري كلش في لخزاين وتعودي تجري منا ومنا ومش لاقيا راسك
2-بعد ماخلاصتي التنضيف ضرك اتهلاي في روحك يا حنونتي لازمك تغتسلي بشكل منعش وتبدلي حوايجك وتحطي ماكياج خفيف وشويا ذهب باش تباني عروس وتسرحي شعرك تسريحة انيقة وتتوجهي مباشرة الى المطبخ
3- اغسلي لمواعن تاع الفطور وتاع العشاء اذا كنت خليتيهم وهنا رايحة تخمي واش راكي رايحة تديري في الغدا نفترضو انو مجاك حتا واحد ودرتيش حساب للضيف طيبتي غير قيس زوج
اذا لحق الضيف قبل الغداء متتقلقيش
4- استقبليهم ببشاشة وابتسامة ودخليهم للصالون او احدى الغرف اللي يجلسو فيها الضيوف

5- ابعثي كاش ولد منهم يشريلك الخبز تقدميه مع الكسرة اللي حضرتيها ولا تزيديه مع الخبز اللي شريتيه ليك
6- اذا كان الطبق الرئيسي تاني ميكفيش مالا لازمك تسخني كاش حاجة بايتة وتحطيها مثلا شربة واذا مكانش حضري الحميص ساهل وسريع ولا اقلي لي فريت ولا امليت

7- قدمي المائدة بدون احراج من التاخير او عدم كفاية الاكل لانهم اصلا معلموكش بلي راهم جايين لهذا انت معذورة في نظرهم واهم شيء حافضي على الابتسامة وقصري معاهم عادي
8-اجمعي المائدة واغسلي المواعن في هذا الاثاناء حضري الفواكه اذا توفرت ولا مكانش اكتفي بالقازوز واذا كانو برانيين لازمك تقعدي معاهم متغسليش لمواعن حتى يوالفو المكان شويا وممكن تجيبيهم معاك للكوزينة اما اذا كانو مقربين جدا وعادة هوما اللي يجو بدون سابق انذار خذي راحتك معهم وخليهم على راحتهم مع التلفزيون ولا واعتذري قائلة "الدار داركم بلا منقولهالكم ياخي؟" " راني جاية اسمحولي دقيقة" بصح متطوليش
9-اهم شيء في المراة انها حكيمة وتقدر تقتصد باش تسلك راسها في اوقات كيما هادو مالا لازمك تتعلمي كيفاش تقتصدي من النهار لول لازمك تخلي ويا حوايج ضرورية ديما في البيت وقبل ما تخلاص لازمك تقوليلو باش يشري
10- طيبي لعشيا قهوة وحليب مع قاطو ولا مسكوتة اذا كان كاين تهنيتي واذا لالا لازمك تديي حاجة مضمونة وموالفة تديريها وعسيها مليح باش متتبهدليش مثلا مسكوتة ولا كيك سامبل
11-اذا ساحت كاش حاجة كيما القهوة ولا اتكسرلك كاش طبسي متتقلقيش وتلميه بيديك وتحشمي ابتسمي وقولي تكسر الشر مثلا ولا ساح الخير ان شاء الله هاه شكون اللي قال شفتو لمزية جيتو ..الخ
12- بعد القهوة والحليب سقسيهم كاشما يزيدو يشربو من باب الاهتمام مثلا شاي وكوكاو او عصير ..الخ
13-اذا فهمتي انهم رايحين يبقاو للعشاء لما يرجع زوجك اخبريه بلطف اننا علينا دعوتهم للعشاء وهذا عيب علينا اذا خليناهم يمشو بدون عشاء وابغثسه يشري واش خص للعشاء اذا كانو اقربائو هو رايح يحل مكانك ويبقى معاهم في الصالون وانت حضري عشاك على راحتك واذا كانو قريباتك ممكن تجيبيهم للكوزينة وتخلي راجل يريح من الخدمة
واذا روحو معليش اغسلي لمواعن وريحي مع زوجك حبيبك وشربيلو القهوة وعيشي شيوا رمنسية هههههه ومتنسايش روحك وتبيتيه بلا عشا لا ينوض يزمر عليك ههههههه
14-ونفس الشيء اذا جاو في الليل ابداي بالمشروبات من بعد الفاكية من بعد لاتاي والقهوة اذا يشربو وكاش مكسرات ولا مقرمشات حاولي ديما يكونو في بيتك في الثلاجة اجبديهم سخنيهم برك في الفور وعسليهم وقدميهم وهكذا تحمري وجهك قدام ضيوفك
1- راكي تقولي بزاف لاه من اللي نوض وانا من بلاصة لبلاصة نجري ولا؟؟؟ رايحة نقولك حاجة برك انك احتسبي كل حاجة وكل جهد درتيه لوجه الله ومتنسايش بلي الابتسامة صدقة مالا اجري على روجك جددي النية والهمة وحمري وجهك قدام ضيافك تربحي راحتك وحنان راجلك ورضى ربك
هادا واش جا في بالي وكاشما سؤال راني هنا
باي يا كشروداتي


ومتنساو الدرس راني نديرلكم اسئلة ههههههه
ومتنساونيش من الدعااااااااااء

[ام نسمة]

روعة ريم واصلي

[نور البيلسان]

شكراا جزيلا لكل الاخواات