|| ^_^شرح التحويلا ت الجامعية بالتفصيل^_^ ||

[مولودية العاصمة]

نسكن في مستغانم و والديا تاني بصح قلت ندير بلي نسكن عند واحد مالعائلة في وهران يديرلي شهادة اقامة يقبلوها؟؟
+
سنة ثانية طب
جامعة سيدي بلعباس

[mostafa31]

را ني جاوبتك اخيي

[كيف احزن و الله ربي]

السلام عليكم اخواني


انا متحصل على باكالوريا 2011 علوم تجريبية بمعدل 11.52

عطاولي بيولوجيا العام المنصرم في ميلة مي ماقريتهاش و مابلوكيتش دارولي اكسكلي

هذا العام حاب ندير ترونسفار لقسنطينة سبور و قالولي المعدل المطلوب 13

واش الوثائق اللازمة و اسكو يقبلوني مع العلم عندي شوي عرف

في انتظار ردكم اخواني

[sidostar]

الله يحفضك اخي مصطفى
انت تقرا في جامعة السينيا ؟؟

[mostafa31]

[QUOTE=سطايفية بكل فخر;11084689]

السلام عليكم ورحمة الله تعالى وبركاته
نظرا لما يشهده المنتدى من حملة الاستفسارات عن التحويلات الجامعية
كتبت هدا الموضوع لشرح التحويلات
تبدا على بركة الله

1°,انواع التحويلات

هناك ثلاث انواع للتحويل
ّتحويل داخلي وهو تحويل من تخصص الى تخصص اخر في نفس الجامعة
ّتحويل خارجي بين الجامعات مثلا نتحول من تخصص في سطيف ونروح نقؤرا فالجزائر العاصمة
ّتحويل بسبب تغيير الاقامة هدا في حالة انتقال الطالب وتغييره للسكن يحول من ولايتو لقديمة الى جامعة الولاية الجديدة

2°.الوثائق المطلوبةّ

ّالنسبة للتحويل للطلبة الجدد
- إستمارات تحويل تسحب من المكتب المخصص للتحويل

-نسخة من شهادة البكالوريا

-نسخة مصدقة من شهادة الدراسة أو شهادة التسجيل


ّبالنسبة للطلبة القدامى

- إستمارات تحويل تسحب من المكتب المخصص للتحويل

-نسخة من شهادة البكالوريا

-نسخة مصدقة من شهادة الدراسة أو شهادة التسجيل

-نسخة من كشف النقاط

في حالة قبولهم عليهم ارفاق الملف بشهادة حسن السيرة والسلوك


ّباالنسبة للطلبة الدين غيروا الاقامة

اضافة للوثائق السابقة تضاف للوثائق بطاقة الاقامة الجديدة


3°,من اين نستخرج الوثائق

1)الاستمارات تستخرج من مكتب التحويل وكل جامعة وعندها طريقة عمل
ّهناك جامعات تمدهم للطلبة لي رايحين يحولو ليها يعني الجامعة الجديدة لي تمدها
ّهناك جامعات تطلب من الطلبة يجيبوهم من جامعاتهم القديمة يعني يستخرجةها من الجامعة القديمة
وهناك نوعين من الاستمارات
=لي تخص التحويل الخارجي وهدا نمودج عليها

او حملوه من هنا
https://www.4shared.com/office/03AThE...extern_1_.html

=لي تخص التحويل الداخلي وحملوا النمودج من الرابط التالي
https://www.4shared.com/office/bQGuWquZ/___online.html

وهناك موضوع للاخ bac _2012
وضع فيه استمارات التحويل 2012-2013 لجامعة سيدي بلعباس
زوروه لتستفيدو منه
اليكم رابطه
https://www.djelfa.info/vb/showthread...1#post11111315
2)شهادة حسن السيرة والسلوك تستخرج من عند رئيس القسم chef de département الدي ينتمي له الطالب

3)في حابة تغيير الاقامة تستخرج بطاقة الاقامة من البلدية

4)النسخ عن شهادة التسجيل وكشف النقاط وشهادة الباكالوريا يصادق عليها فالبلدية

4°,خطوات التحويل:

ّبالنسبة للتحويل الخارجي

1) يدهب الطالب الي الجامعة التي يريد ان يتحول اليها(الجديدة) مصحوب بالوثائق اللازمة ويتوجه الى مكتب نائب رئيس الجامعة وهو صاحب القرار فالرفض او القبول حسب الاماكن البيداغوجية الشاغرة عنده وحسب المعدل الدي يتطلبه التخصص .ادا وافق يوقع لك الاستمارة

2) تأخد هده الاستمارة مع -نسحة من البكالوريا الى رئيس الجامعة القديمة ليوقع لك فيها

3)تخرج ملفك كاملا (ملف التسجيل+ملف الاقامة+ملف المنحة ) من مصلحة الانخراط بالجامعة القديمة مصحوبا بشهادة حسن السيرة والسلوك ان كان الطالب قديم

4) تاحد هدا الملف وتدهب به الى الجامعة الجديدة وتدفعه وتسجل بها تقرا عادي

ّبالنسبة للتحويل الداخلي

هنا يتغير شيء واحد في مكان الانتقال بين نائبي رئيسي الجامعتين يصبح عميدا او نائبي عميدا الكليتين الجديدة والقديمة
بعد ما يوقعولو فالاستمارة ياخدها لنائب رئيس الجامعة ليوقع فيها

ويتحول ملفو عادي بين مصالح الانخراط للكليات ومصلحة الانخراط المركزية



ملاحظة هامة:
بالنسبة للتحويل الخارجي من ولاية لولاية ولكي يتمكن الطالب من الاستفادة من الاقامة الجامعية عليه ان يملك وثيقة تثبت دلك وهدا رد من الاخ مصطفة يشرح دلك


وعليه قبل التحويل انتبهوا لنقطة الاقامة

نقلكم بلي فيها شوية جريات برك استحملو
ولي مفهمش اي حاجة يسال لانو السوال ماشي عيب
............................................
فالاخير
اتمنى اني الممت بجميع جوانب الموضوع وعرفت نشرحلكم
كما لا انسى شكر كل من اعطاني هدي المعلومات من ادارة جامعتنا الى اعضاء الجلفة هنا واخص بالدكر الاخ مصطفى31
ومتنساونيش بدعائكم الصالح
وسلام الله عليكم

[/Q


حبيت نسقسيك على استمارة التحويل كيفاش دخلتيها

[mostafa31]

المشاركة الأصلية كتبت بواسطة sidostar

الله يحفضك اخي مصطفى
انت تقرا في جامعة السينيا ؟؟

ا يا حبيبي القراية قرينا و كملنا دروك راني خدام فالجامعة

[sidostar]

المشاركة الأصلية كتبت بواسطة mostafa31

ا يا حبيبي القراية قرينا و كملنا دروك راني خدام فالجامعة

اجن انت راك تخدم في الادارة تاع الجامعة تاع السينيا

من فضلك قوالي
شعال نسبة ناجح الملف تاعي ؟

[كيف احزن و الله ربي]

ممكن الرد على طلبنا اخواني

[mostafa31]

المشاركة الأصلية كتبت بواسطة كيف احزن و الله ربي

السلام عليكم اخواني


انا متحصل على باكالوريا 2011 علوم تجريبية بمعدل 11.52

عطاولي بيولوجيا العام المنصرم في ميلة مي ماقريتهاش و مابلوكيتش دارولي اكسكلي

هذا العام حاب ندير ترونسفار لقسنطينة سبور و قالولي المعدل المطلوب 13

واش الوثائق اللازمة و اسكو يقبلوني مع العلم عندي شوي عرف

في انتظار ردكم اخواني

حنا ف وهران
نطلبوا طلب خطي عيه الشعبة المختارة
+نسخة من شهادة الباكالوريا
+ نسخة من شهادة التسجيل للعام السابق
اما فالشرق الله اعلم

[sidostar]

سمحلي اخ مصطفى عييتك معايا بالاسئلة
انت في رد سابق قلت بلي تصيب غاشي كبير بزاف
و مدة التحويلات هي اسبوع
فهل من الافضل نروح مع البداية ام مع النهاية
- هي باينة غادي نبكر على 7 تاع الصباح -
هههههههه

[mostafa31]

المشاركة الأصلية كتبت بواسطة sidostar

سمحلي اخ مصطفى عييتك معايا بالاسئلة
انت في رد سابق قلت بلي تصيب غاشي كبير بزاف
و مدة التحويلات هي اسبوع
فهل من الافضل نروح مع البداية ام مع النهاية
- هي باينة غادي نبكر على 7 تاع الصباح -
هههههههه

نوؤمال خويا تصيب الشعب بصح نورمال كامل يفوتو حنا شادين بزاف صوالح ماشي غير الترونسفار على هادي كاين الشعب
رواح نورمال 2 ولا 3 سبتمبر

وما تبكرش بزاف
حنا نحلوا حنا 8,30

[sidostar]

و زعما على حساب الخبرة تاعك المعدل تاع القبول في صيانة و امن صناعي تنقص و لا تزيد

[تيارت]

ما=ا عن التحويل من مدرسة عسكرية الى الجامعة؟؟؟؟؟؟؟؟؟؟؟؟؟؟؟؟؟؟؟؟؟

[sidostar]

اظن ان في المدرسة العسكرية يكون اونقاجمون تاع 25 سنة

[mostafa31]

المشاركة الأصلية كتبت بواسطة sidostar

و زعما على حساب الخبرة تاعك المعدل تاع القبول في صيانة و امن صناعي تنقص و لا تزيد

ما تنقص ما تزيد تقعد كيما هي