الكوزينة 43 من واش طيبتي و ابدعتي اليوم / كواليس ** كواليس حصريا لفحلات الجلفة - الصفحة 16

basmala farah · 2013-12-02, 16:17

: dj_17:

السلام عليكم و رحمة الله تعالى و بركاته معا نفتتح الكوزينة 43 من واش طيبتي اليوم و نشاله تكون عامرة بالخيرات و المسرات و نشاله ربي يفرح كل مؤمنة و يرزق كل مشتاقة و يشفي كل مريضة

مرحبا بالعضوات النشيطات و الشافات و المبتدئات و حتى المتفرجات من بعيد
و أهلا بالتلباز و التخلاط و التجريب و التطبيق و الابداااع

لأول مرة في تاريخ وش طيبتي اليوم كوزينة حصرية جدا جدا صور 100 ب 100 من الكواليس و على المباشر كيما يحب خاطر الغالية ام ماجد

الأسبوع لي فات كان نفاس مرت خويا الصغير و كبرت العائلة الصغيرة و زادت كبرت معاها العائلة الكبيرة و فرحنا بالمولود الجديد خير الدين نشاله يكون اسم على مسمى و ربي يهنيه و يفرحوا و يكبروا في طاعتو و نشاله لعقوبة لكل محرومة أمين يا رب
هدا خير الدين و أخوه

و هدي دعوة ترحيب و استقبال عطرة من بناتي حبيباتي لكل الوافدات و أخواتي العضوات

مزيدا من النشاط والتألق و الألفة
نريد الجديد و مزيد من التطبيقات

وشعارنا دوما نفيد ونستفيد واهم شيء أصبحنا عائلة واحدة يسودنا الحب والإخاء والمودة
يا الله هدي هي الكوزينة تفضلوا بسم الله يا الله تفرجو و من بعد نقولكم على سر صغيييييير

هدي لاصال ا مونجي مصورتش لاتابل ا مونجي خاوتي كانو يتعشاو فوقها

و الان مع التحضيرات و الكواليس

هدو القهوة و الاتاي

الطعام و البركوكس

العصبان و غولاد الكفتة و اسكالوب الدجاج نديروهم مع البركوكس

التعمير و راس الحانوت

و هدا طعام بالمرقة للعشاء و اللحم المشوي
مصورتش كل شيء راكم عارفين كنت يد التوجاد و يد في بنتي و زيد الطبسي لي يوجد يزربو يهربو بيه ووووووووع

و هدو خرجناهم صدقة نشاله تكون مقبولة

و هدو ربع الماعين بعد الغسل ههههههههههههه الحوش كان معممممر

و هدو شوية طيابات من ارشيفي حشمت ندخل بيديا فارغين ههههههه يخي قلتلكم رني ندس فالصور لكوزينتي هههههه حتى متلقاوش وين تحطو الردووووووووود هههههههههههه

و هدو حلا المرايا 1 و 2 لي حاولت لهومة حتى نشف ريقي باه تجربهم و ما حبتش هههههههه لهومة انت الخاسرة منين تتوحمي عليها رني نمسح الموضوع زكاااارة ههههههههههههه

السر هو انو هدي كوزينة بابا يعني دارنا نشاله تكونو قضيتو وقت ممتع معانا و الى الملتقى في كوزينتي نشاله