دورة خطواتي الواثقة لأصبح ربّة بيت متألّقة

[~اسيل ريحانتي~]

ااااااااااااااااااااااااااااااااا

[~اسيل ريحانتي~]

تاج الهناء زيت ارغان كاين تاع دزاير يدير 50 الف وكاين تاع مروك 150الف راني ناويا نشريه قريت على فوائده ماشاء الله روعة
ووصفة الخيار رائعة حتى انا نستعملو نطحن الخيار مع الماء فقط ونديره في الفريقو
وزيت الغليسيرين تاني مليح مع الليمون وزيت الورد رائع للوجه وليت مدمنة عليه

[تاج الهناء]

المشاركة الأصلية كتبت بواسطة ~اسيل ريحانتي~

تاج الهناء زيت ارغان كاين تاع دزاير يدير 50 الف وكاين تاع مروك 150الف راني ناويا نشريه قريت على فوائده ماشاء الله روعة
ووصفة الخيار رائعة حتى انا نستعملو نطحن الخيار مع الماء فقط ونديره في الفريقو
وزيت الغليسيرين تاني مليح مع الليمون وزيت الورد رائع للوجه وليت مدمنة عليه

غير اخطيك من زيت الارغان تاع دزاير راهو مخفف اشري تاع مروك هو الاصلي انا نستعملو في بلاصة كريم اليل يرطب وغني بالفيتامين e الي تحتاجو البشرة و مفيد تاني للشعر عندما تخلطيه مع زيوت اخرى
و الخيار من الاحسن كونجليه لانو يفسد بسرعة و في الوصفة نزيدلو الغليسرين و ليس زيت الغليسرن

[ام صفصف]

المشاركة الأصلية كتبت بواسطة تاج الهناء

حبيت نمد نصيحة لكل الفحلات الي يحبو بزاف ماء الجافيل
عندما تستعملو ماء الجافيل و في يديكم جروح مهما كانت صغيرة لبس القفازات واجب حتى ولو كان مخفف لانو الجافيل دورو تخريب الخلايا الحية و في حالة ما اذا كان الجرح في اليد راح يخربو و يرسل المخ رسالة باعادة تجدديد الخلية و هكذا في كل مرة تستعملو فيها ماء الجافيل راح تخربو خلايا و المخ يجددها بطريقة عشوائية وبصفة دائمة حتى و لو ما استعملتوش الجافيل و طريقة التكاثر العشواي للخلايا هي بداية سرطان عفانا الله و اياكم
ارجوكم ما تتهاونوش بنصيحتي و البسو القفازات في كل استعمال و حافظو على صحتكم قبل نظافة بيوتكم

بارك اله فيك اختي
على الرغم من انو اختصاصي الكيمياء، وعلى علم بمضاره، الا اني نستخدم بكثرة وبدون مبالات
ربي يهدينا وينورنا

[تاج الهناء]

المشاركة الأصلية كتبت بواسطة ام صفصف

بارك اله فيك اختي
على الرغم من انو اختصاصي الكيمياء، وعلى علم بمضاره، الا اني نستخدم بكثرة وبدون مبالات
ربي يهدينا وينورنا

وفيك بارك الله
انا تاني تخصصي كيمياء و نعمل في مخبر بيداغوجي تقدري تقولي كل المواد الكيميائية الي نستعملوها تضر صحتنا على المدى البعيد

[ام صفصف]

المشاركة الأصلية كتبت بواسطة تاج الهناء

وفيك بارك الله
انا تاني تخصصي كيمياء و نعمل في مخبر بيداغوجي تقدري تقولي كل المواد الكيميائية الي نستعملوها تضر صحتنا على المدى البعيد

اختي تمنيت نقدر نفيدك
اناراني مغتاربة عندي 11سنة تقريبا ، يعني حى لما كنت في الجامعة، كنا نستعمل فالتجارب مواد منتهيةالصلحية
واذا عندك شكوك في بعض المواد،كل مرة هزي مادة اوزوج وديري عليها بحث مصغر ،حتى تاخذي احتياطاتك
بالتوفيق

[omelbanin]

السلام عليكم، شكراً حبيبتي ام صفصف على نصائحك ووصفة المضمضة الطبيعية عجبتني.
وبالنسبة لزيت الارغان كيفاش نعرف الاصلي. ولا الواحد يخاف يشري حاجة مدغولة.

[تاج الهناء]

المشاركة الأصلية كتبت بواسطة ام صفصف

اختي تمنيت نقدر نفيدك
اناراني مغتاربة عندي 11سنة تقريبا ، يعني حى لما كنت في الجامعة، كنا نستعمل فالتجارب مواد منتهيةالصلحية
واذا عندك شكوك في بعض المواد،كل مرة هزي مادة اوزوج وديري عليها بحث مصغر ،حتى تاخذي احتياطاتك
بالتوفيق

شكرا اختي على وصفاتك و نصيحتك

[نبض الفؤاد]

سأل معاوية بن أبي سفيان الأحنف بن قيس عن الولد ، فقال : يا أمير المؤمنين أولادنا ثمار قلوبنا ، وعماد ظهورنا ، ونحن لهم أرض ذليلة ، وسماء ظليلة ، وبهم نصول عند كل جليلة ، فإن طلبوا فأعطهم ، وإن غضبوا فأرضهم ، يمنحوك ودهم ، ويحبّوك جهدهم ، ولا تكن عليهم قفلا فيتمنّوا موتك ويكرهوا قربك ويملوا حياتك. فقال له معاوية : لله أنت ! لقد دخلت علىّ وإني لمملوء غيظا على يزيد ولقد أصلحت من قلبي له ما كان فسد.

[ام صفصف]

حبيبتي بالنسبة لزيت ارقان،اذا قدرتو تحصل على الاصلي،راو اروع مايكون
حقيقة انا مانستغناش عليه، لان المغربيات الي نعرفهم ويستعملوه كل ليلة قبل النوم،اصبحت عندهم بشرة روعة
لكن حذاري ثم حذاري تستعملوه في النهار لان يحرق البشرة لما يتفاعل مع الضوء كجميع الزيوت
والي تقدر تحصل على زيت الورد الاصلي ،تضيف قطرتين او ثلاث في زيت ارقان واستعمليه

[ام صفصف]

بالنسبة لماء الورد،لازم يكون طبيعي،ضعيه في بخاخة،ويكون معاه قطع قطن دائرية
امسحي بيه وجهك بعد استعمال ماسك،وضروري مسح الوجه به بعد الدخول للبيت

[ام صفصف]

احسن زيت للشعر هو زيت جوز الهند، تقدري تستعمليه بدل الكريمات،والاصلى راو يجمد لما تنخفض دراجت الحرارة قليلا
يعني يكون جامد حتى في 20درجة

[ام صفصف]

بالنسبة الي تحب المضمضة الطبيعية
خذي زجاجة ماء صغيرة تاع بلاستيك ههه
ضعي فيها كمية من ماء ورد،عود اوزوج قرفة،حبيبات قرنفل ، وتدري تضيفي قشور ليمون او حبيبات هيل اوقطع زنجبيل،حسب ذوقك النكههة الي تحبيها، المهم طبيعية، ثم اضيفي الماء
وضعيه فالثلاجة،واستعمليه بعد ماتغسلي اسنانك او عند الحاجة
نتمنى تجربوه وتردولي لخبر لانو روعة

[حياتي كلها امل]

مساكم الله بكل خير شكرا ام صفصف على الوصفة الطبيعية وشكرا لك تاج الهناء ايضا على النصاءح فيما يخص ماء جافيل
جهينة ماعليش خيرها في غيرها مرة اخرى وجربيه
اناهذا المساء بعد الظهر قرات سورة الكهف ثم عملت بريوش للقهوة من بعدالعصر خملت الحالة ودرت العشاء وغسلت الاواني ولمعت الحوض وغسلت اسناني وراح معمل فازلين لرجلي

[ام مريم الجزائرية]

السلام عليكن فراشاتي الغاليات
كيف حالكن ؟؟اشتقت لكن وللدورة
كنت اتابعكن بصمت والان دخلت بعد غياب
لا اخفيك سرا معلمتي انني لم اواظب على التطبيقات بعد انقطاعي
اتمنى ان تقبلوني مرة اخرى ويتجدد نشاطي معكن
الى الملتقى.........سلاااااام