الجزء 85 من واش طيبتي اليوم يامولات الكوزينة - الصفحة 16

x ام رحاب x · 2014-08-16, 09:28

صباح الخير عليكم حبيباتي
بشرى مبروك عليك الكوزينة ان شاء الله نسمعو فيها الاخبار السعيدة ان شاء الله الي مريض يبرى والي بلا زواج ربي يرزقها الزوج الصالح والي محتاج ربي يفرج عليه من بابو الواسع والي تحوس على الذرية ربي يرزقها الذرية الصالحة والي في الضيق ربي يفرج كربتها يارب

x ام رحاب x · 2014-08-16, 09:30

ام انس صباحك سعيد حبيبتي واش راكي مع التعب تاع البيبي واش ان شاء الله عندك واش راكي تتمناي

oum anas 69 · 2014-08-16, 09:46

اقتباس:

المشاركة الأصلية كتبت بواسطة x ام رحاب x

ام انس صباحك سعيد حبيبتي واش راكي مع التعب تاع البيبي واش ان شاء الله عندك واش راكي تتمناي

الحمد لله عزيزتي يسال عليك الخير إن شاء راني في السابع وقيلا كملتو و عندي بإذن الله بنيتة و إن شاء الله نسميها هديل زوجي لي سماها
راهم أخوات بزاااااااف غايبين ربما كي عادت العطلة إن شاء الله يكونو بخير فقط

x ام رحاب x · 2014-08-16, 09:31

ليزاااااااااااااااااا حبيبتي ربي يخليك راني شفت غير انت الي حسيتي بغيابي ربي يفرحك حنونة ويفرج عليك

ام سهام 02 · 2014-08-16, 09:47

صباح الانوار والخيرات

ام انس يومك موفق وربي معك ويتمم لك حملك على خير عزيزتي

الغالية ام رحاب احلى صباح ركي في القلب قاع ماننساوكش يا حبوبة

R I A D · 2014-08-16, 10:10

السلام عليكم و رحمة الله و بركاته
صباحكم خير و بركة يا بنااات
بيبا و اسماء و نهال و ام انس و ام رحاب و ام سهام كلكم صباح النور و السعادة...نتمنى تكونو كامل بخير
ام رحاب العزيزة واش هذا الكلام كيف ما نحسوش بغياب القمر؟؟؟
و الله عارفة بلي ما دخلتيش و قلت اشغال حكمتها راكي في القلب حبيبة و واحد ما ينسى اخته ...حتى انا ما ندخلش بزاف ...عاينني المعلم نهار كامل و هو الجلفة ما الجلفة ...حتى عدت نجي ندخل نخاف من تعليقاته ..و نهار ما يكونش قدامي هذاك النهارالي ندخل طبيعي

غدانا هوما نديرلهم سباقيتي صوص بولونيز وانا ناكل الطعام فضل من امس و راني ندير في لي بينيي تاع حنان اذا صلحوا و عجبوني نصورهم و اذا ما صلحوش حد ما قال لحد

اللهم انت ربي لا اله الاّ انت
خلقتني و انا عبدك
و انا على عهدك و وعدك ما استطعت
اعوذ بك من شرّ ما صنعت
ابوء لك بنعمتك عليّ
و ابوء بذنبي فاغفر لي
فانّه لا يغفر الذنوب الاّ انت

lyzzabel · 2014-08-16, 10:25

صباح النوووووور على الغالياااات و نهاركم طيب
يا سلااااااام صبحت على طاطايا الغالية و ميمتي ام رحاب و ميمتي ام رياض ،، صباحكم ورد و فل و سعاااادة و هناااااء يااااارب ،، ربي يخليكم و يحفظكم موااااااااااااااح لكل وحدة فيكم

نهال و بيبا ام سهام و اسماء صباح المسرات يا أغلى الناس

فطورنا اليوم طعاااااام باللحم بإذن الله و الحمد له و الشكر

اقتباس:

المشاركة الأصلية كتبت بواسطة ام سراج وملاك

ليزا واشيه هاذ الخير راكي دوختيني يعطيك الصحة رقم 6 واشيه هي لي تحت صحن نتاع المرقاز

شكرا حبيبتي ربي يخليك هذا من ذوقك ،، و هذيك كيش باللحم المرحي و الكرام فراش و الأجبان ،، بصح جاتني رقيقة خاطرش البلا لي درتها فيه كبيييير

اقتباس:

المشاركة الأصلية كتبت بواسطة أم محمد ريان

مبروك الكوزينة ها عاونوني في التشاراك في العقدة شا تندير باش يجي الذوق اللوز

مبروك الكوزينة ها عاونوني في التشاراك في العقدة شا تندير باش يجي الذوق اللوز

مبروك الكوزينة ها عاونوني في التشاراك في العقدة شا تندير باش يجي الذوق اللوز

شوفي حبيبتي اللوز ديريله زاست الليمون و عطر اللوز المر بصح ما تكثريش منه و اخدمي بيه عادي ،، بالتوفييييييق

اقتباس:

المشاركة الأصلية كتبت بواسطة wahibaazel

السلام عليكم ،أطباق في غاية الروعة بارك الله فيكن ،أختي ليزابيل انك فنانة بدون منازع بصحته الزوج لي اداك ربي يحفظك يا ريت أختي الكريمة تقدمنا شرح لاطباقك الرائعة وجزاك الله خيرا

وااااااو هههههه والله حشمتيني بكلامك حبيبتي بارك الله فيك ،، اصبري عليا منبعد بإذن الله نديرلكم شرح للأطباق دروك اسمحيلي ما نقدرش راكي عارفة الأشغال و الاولاد ،، ok ؟؟

اقتباس:

المشاركة الأصلية كتبت بواسطة رياحين الجزائر

السلام عليكم حبيباتي واخواتي عشايا كسرة رخسيس ولبن انتاع الشكوى يعني حر ههههه
اخواتي اللي تعرف اسم البريو اللي اديروه فزق المخبز ويعطي لمعان لاني انسيت اسمو اضن فيه حرف الكماف والله انسيت بلييييز حالا سرعا

و عليكم السلام حبيبتي رياحين ،، كي راكي و كي راهي ندوش انشالله لاباس ،، و أختك نتمنى راهي احسن
البريون يقولوله ناكري و يجي في قارئو رأت صغاااار

اقتباس:

المشاركة الأصلية كتبت بواسطة سعيدة8888

حنونة عجبوني كامل حطي مختصرات برك
راني عملت السلطة نتاعك وليدي قالي ماما ديما ديريهالنا عجبوه عصيات الزيتون والكاشير وفي الطرف درت فطعة فرماج ودرت معاها سلطة ارز بالمايونيز

بصحتكم السلطة حبيبتي و ماكوووول الهنااااا ،، فيما بعد بإذن الله نشرحلكم و بوسيلي الكتكوت ربي يحفظهلك

اقتباس:

المشاركة الأصلية كتبت بواسطة malek nour hane

رحمة مرحبا بيك ختي معانا واكي وحدة مناا... أمممم قاطوات هايلين اني ديتلك حبيبات
ليزا عندك ماتشرحي فالاطباق لي حطيتي تححففة الله يبارك... ربي يحفظ ذوك ليدين

هههههههه اوووووكي اصبري عليا برك ،، و يعطيك الصحة على طبق الروز يشهي راني رجعت و شفت الصور لي صغرت هم بشورتي ربي يجازيها

سبحان الله و بحمده سبحان الله العظيم

lyzzabel · 2014-08-16, 11:28

صباح الخير للملتحقاااات
ميمتي ام رحاب و ميمتي ام رياض ربي ما يحرمنيش منكم و من حنانكم ياااااارب و ماااام انا مين نسمع ن ع دخل نخبي الاي باد قال قال ما كنتش فالنت و المنتدى هههههههه ،، زيدوني معاكم فالهوى

اولادي على سلامتك يا الغالية توحشتك انشالله راكي لاباس ،، كي راهم المشاكسين الصغااااار ههههههه

ام سهام الجاج لي حطيتيه يشهيييي بصحتكم حبيبتي

رحمة مرحبا بيك معانا حبيبتي و يعطيك الصحة على الاطباق لي حطيتيهم كلهم روووعة ،، و في انتظاااااار المزيييييد

شاوية و أية صباح النور و السرور ،، أية راس الحانوت نديره فيمايلي ههههه :
الدجاج المحمر فالفرن او مرات فالكوكوط
الحريرة
البركوكس
فالروز مين نكون دايرة معاه الجاج محمر
فالتعمير
نمت منى نكون ساعدتك حبيبتي

ميمتي ام ريااااض راني من دروك ممممممممممم اكيييييد لي بينيي يجوك هايلييييييين ياعمرييييييي هههههه

بشووووورتي ما بانتش اليووووم مشي من عوايدها انشالله المانع خيييير

اللهم لا اله الا انت خلقتني و انا امتك و انا على عهدك و وعدك ما استطعت ،، أعوذ بك من شر ما صنعت ،، ابوء لك بنعمتك علي و ابوء بذنبي فاغفرلي ،، فانه لا يغفر الذنوب الا انت

rahma4 · 2014-08-16, 12:13

[QUOTE=lyzzabel;3991517413]

رحمة مرحبا بيك معانا حبيبتي و يعطيك الصحة على الاطباق لي حطيتيهم كلهم روووعة ،، و في انتظاااااار المزيييييد

ولبك اختي شكرا الله يسلمك وان شاء الله راح يكون المزيد وشكرا على التشجيع

lyzzabel · 2014-08-16, 13:18

صح فطوركم حبيباتي

و الحمد لله حمدا كثيرا طيبا مباركا فيه

ام سهام 02 · 2014-08-16, 10:29

يومك مبارك وسعيد اختي ام رياض ههه ضحكتني على المعلم اتاعك كنت حاسبة غير انا عندي هذا المشكل مع زوجي حتى رجعت غير انشوفو جاء نخرج

بصحتهم السباقتي وانت بصحتك الطعام وراني نستني في لبيني

R I A D · 2014-08-16, 10:36

ليزا العزيزة صباح النور و الهناء و ربي يحفظك و ينوّرك
و المواح راهي وصلتني و نعطيك واحدة ليك موااااح

ام سهام العزيزة مالا رانا كيف كيف في الهوا سوى
و الله يسلمك و بصحتك الغداء انت و الاولاد
و البيني راه يخمر و ما نعرف:d

اللهمّ ما اصبح بي من نعمة
او باحد من خلقك
فمنك وحدك
لا شريك لك
فلك الحمد و لك الشكر

ام سهام 02 · 2014-08-16, 10:33

صباحك ورد وياسمين ليزا الحبوبة

بالصحة والهنا الطعام باللحم

rahma4 · 2014-08-16, 10:41

صباح الخير

Aya69 · 2014-08-16, 10:44

صباح الخير عليكم كامل باه مننساش حتى وحدة
ليزا حبيبتي من فضلك قوليلي فاه تستعملي راس الحانوت كامل الأطباق خطراش معندهاش حنا في جيهتا وعجبني بصح معرفتش فاه نديروا
ان شاء الله يحفظلك أولادك وزوجك ويفرج عليك يا رب