وصفات حراير الكوزينة الجزء الثاني

[أم ماجد]

ام ماجد التوانسة الطن يعملو ه شكشوكة يجي 44444444
يقطعو فلفل اكيد حار انا نعمل حلو وحار وطماطم كعب وتوابل وملح
وهريسة ولما يطيبو ويتطلق الطماطم لاصوص تاعها يرمو سنينات ثوم مقطعين والطن يكون طاب وحدو في لالمنيوم في الفور قطعة طبعا مليحة ويهز الغلوة مع الشكشوكة ويلوحو البيض دون مايحركو ولما يطيب رشة معدنوس وعصرة قارص واش راح نقلك بنينة برشة برشةهههههههه


وصفة الاستاذة دائمة الحمد

[أم ماجد]

صباح الخير على الشاطرات ما شاء الله كل شي يشهي
حبيبتي قمر السفرجل باش نوجده للرمضان لطاجين الحلو ما نطيبوش معجون أنا نستعمل طريقة أخرى بصح مانيش مصورة المراحل (أسفة )
مثل الطريقة الاولى نقي السفرجل و نحكوا بالقارص و نغليه في الكوكوت مع الما ء يكون يغلي و نغلق و نحط الصفارة تقريبا 10د يكون طاب
الفرق في هذي المرحلة
نغلي السيروا حتي يعقد مليح و ننزعوا من فوق النار
ونتروا يبرد و نحط طراف السفرجل و نتركوا ليلة كاملة و هو في السيروا راح يشرب الحلاوة
في الغد نصفيه اي ننزع السفرجل و نحطوا في ساشي و ندخلوا في مجمد و نستعملو لتزيين التارتولات أو للطاجين الحلو
أما سيروا يكون نتلق اي ماولاش عاقد , نعاود نغليه حتى يعقد و تستهلكيه مثل المعجون فقط المرقة أو تمثل لاجولي كي تعقديه بزاف
ملاحضة هذي الطريقة تستعمل مع معضم الفواكه مثل التفاح إيجاص
إن شاء الله تكوني فهمتي و أي ملاحضة راني في الخدمة


وصفة الاخت لطيفة

[idron0]

سلطة المقرونة عازفة الناي

نطيب المقرونة في الماء و شوي ملح
* نحضّر الزيتون الاسود نقطع و لثوم ، طماطم مكعبات، فلفل حار مشوي مقطع مكعبات ونفس الشيء للفلفل الحلو ، ومعدنوس ، زيت زيتون و خل و زعتر ، فرماج ، ذرة ، مايونيز
و بعد ما تنضج المقرونة نخلطها مع باقي المقادير و تقدم خاصة مع اللحوم المشوية امممممممممممممممم
* ممكن تضيفي بصل شرائح، جزر مكعبات ، زيتون اخضر ، لوبياء خضراء مفورة حسب واش تاكلي ..

[idron0]

البيتزا omaymen

انا ندير فرينة تقريبا 500غ ونزيد 3مغارف زيت زيتون ملح خميرة واعجنيها بماء دافئ هي تحب الدليك بزاف اذا عندك بيتران يكون احسن
ساعات نضيفلها حليب غبرة ماشي دايما وخليها تخمر
حليها رقيقة باش كتخمر ماجكش خشينة بزاف
والصوص عادية نطيب البصل مع الطماطم ونرحيهم ونضيف oregano يابس باش تبقى النسمة ديالو والتزييين يبقى اختياري.




إضغط هنا لرؤية الصورة بحجمها الطبيعي.

[idron0]

عصير سريع وسهل أم محمد تاج

في الميكسور نحط حبة برتقال مقشرة ونص حبة ليمون مقشرة وثﻻث تفاحات واربع مﻻعق سكر كبار ونص لتر ماء ونرحي الكل نخرجوه في الصفاية وهذاك لي حكماتو الصفاية نردو للميكسور ونزيدلو كاس ماء ونرحيه نخلط العصير تاعي ونذوق الحﻻوة والخثارة كل وحدة وذوقها.

إضغط هنا لرؤية الصورة بحجمها الطبيعي.

[سماح2013]

ربي يحفظكم يعطيكم الصحة

[idron0]

وصف للسمك الطون ام نوردين

انا نهادى الوصفة علمهال بابا الله يرحمو نقطع السمكة دى طغونش شوية كبار ونحطها في كاسرونة ونحط معاها ثوم مهرس و رند وتوابل ودبشة والحار ادا حبيتى ونخليها تطيب كى تطيب صفيها وحطى عليها الميونييز وكولى بالصحا والهنا صدقونى راحة تعجبكم .

[idron0]

قراتان بالبطاطا النرجووسة

نقطع البطاطا على الطول ولا العرض انا درتها طوووول وقليتها وفرشتها فالبلا ليدخل للكوشة
ومن بعد تكوني قليتي السلق فشوية زيت وملح و كمووووووووووووون وحركي حتى يطيب برك متمرسيهش وقلي حبة بصل وضيفيها لسلق وتخليها على جانب
وتوجدي كاس حليب ضربيه مع 4 بيضات وشوية فلفل اسود وملح و2سنينات ثوم والا عندك ديري قطعتين كيري ولا اي فرماج وضربيهم وضيفيهم لخليط السلق وخلطي بالمغرف وكبي الكل فوق البطاطا ودخليه للفرن حتى يطيب .


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

البطاطا مع اللحم عازفة الناي

في قالب الفرن نقلّي البصل المرحي مع الثوم والفلفل الحار في شوي زيت وبعدها نضيف اللحم سواء تاع الدجاج او تاع الخروف وحبة طماطم مرحية و نزيد التوابل والملح، الفافل الاسود، الكركم و الرند و البطاطا ونمرّق و نضيف دوائر من الطماطم وقرون الفلفل الحلو والحار و نخليه يغلي وبعدها نغطي القالب بالالمنيوم و ندخله للفرن وكي يطيب ننزع الالمنيوم و نخليه يتحمر من فوق وبالف صحة وهناء.

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

غراتان خبز التوست زينب 83


إضغط هنا لرؤية الصورة بحجمها الطبيعي.


اللحم خليه بالصوص و البيشاميل ديريه جاري و حطيه سخون باه يدخل في الخبز .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

كيكة زينب 83

ديري لكل بيضة 2 مغارف سكر و 2 زيت و زوج حليب و زوج فرينة و انا هذه درتها بربع بيضات و للحليب ماعنديش درت يايورت و زدت زوج مغارف نشاء و لربع بيضات ديري وحدة خمارة.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[almazalina22]

ايدرو علا سلامتك غبتي تحيرنا عليك جزاك الله خيرا

وصفة المافن مالح لام وسيم


إضغط هنا لرؤية الصورة بحجمها الطبيعي.
ام الاء هاي الوصفة
100 غ فرينة. 1/ ساشي خميرة.2 بيض.1 ياوورت طبيعي.3 م ك زيت.100 غ جبن مبشور.1 م ص موتارد. ملح. فلفل اسود.فطر مقلي فالزبدة مع شوية ثوم. قرعة مقلية.دجاج مقلي المهم ديري فيها لداخل واش حبيتي زيتون تجي بنينة
و طيبيها كيما المادلان داخل لي مول
اذا عندك سؤال حاضرة

[idron0]

معجون السفرجل ام ايمان 11

الوصفة من النت
درت في كاسرونة الما قيس لتر و السكروالله ماعبرت انا مانحبش نكتر السكر كما يقولو يكون السكر ضعف كمية السفرجل لالا انا ندير عيني ميزاني المهم قولي درت قيس رطل سكر و عصير ليمونة و درتهم يغلو فوق النار
غسلت السفرجل و نشفتو و سكرفجتو في السكرفاج بالقشرة تاعو ورميتو في العسيلة الي بدات ديجا تغلي نحركهم ساعة على ساعة و نخليه حتى يطيب و يعقد و يتبدل لونو . وبالصحة و الراحة .


إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

عصيرالبرتقال بالمركز ام سهام 02

اسهل منو مافيش غير بنتي عندها 10سنين هي لتحضرو كل اليوم و وصفة هذا المركز للعزيزة ليلو شاف
مركز العصير اعصير البرتقال و عبريه ودريلو نص عبر سكر وخلطي حتى يذوب السكر وكاتحبي ادير عصير خذي كمية من المركز وضيفي الماء وذوقي.


إضغط هنا لرؤية الصورة بحجمها الطبيعي.

[idron0]

قراتان الكورجات زينب 83

الكورجات قصيتها عل زوج و فرغتها و درتلها شوي ملح باه جي بنيييينة ، و حشيتها بصدر دجاج و شوي من قلب الكورجات و زوج جبن مثلثات ، ودبشة و ثوم و بهارات و رحيتهم كامل مع بعضاهم ، ودرت مرقة صوص بيضاء بالجاج كي طابت حطيتها في مول تاع الفور و حطيت لي كورجات و دخلتهم فور سخووووون كي طابو درتلهم شوييييية جبن مبشوووور و الصوص بقات خفيفة .


إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.