الكوزينة 43 من واش طيبتي و ابدعتي اليوم / كواليس ** كواليس حصريا لفحلات الجلفة - الصفحة 16

أم ماجد · 2013-12-03, 13:21

ام ساجد سخفتيني كنت ناوية عليها نهار الجمعة كي يجي ماجد
المهم احكيلي كيفاه جا الدوق ؟والحشو درت فيه لحم مرحي ام لا ؟

mira la belle fraise · 2013-12-03, 13:25

اقتباس:

المشاركة الأصلية كتبت بواسطة oum ibrahim

صباح الخيرات على الحلوات
الف مبروك بسملة المولود الجديد ربي يحفظو لوالديه و يتربى في عزهم ان شاء الله
ماجيتش يديا فارغين جبتلكم شوية حل للحلوات البطبوطات
ليكراب

باتيسري

شوكولا للي تحب تتبطبط هههه

كيفاه خدمتي الباتيسري

ام ساجد · 2013-12-03, 13:28

ان شاء الله يجيك ماجد وتشبعيه اطباق لذيذة

والله يا ام ماجد جات مليحة وخفيفة ومقرمشة ولوكان جات بالمشينة تجي احسن

الحشو درت فيه صدر دجاج وما درتش الفرماج بصح ذوقها رائع

إلهام07 · 2013-12-03, 13:31

أم إيناس وليتي ماتهدريش معايا رايحة نبكي وععععع
بصح واش هي موكا بالعجين المورق آآآآآآآآآآآ ولا تقصدي كوكا
هاني ماضحكتش عليك ( خخخخخخخخخخخخ في قلبي )

بشرى واش هو الطبق اللي فيه الجاج والحية المكعبرة جاوبينا علاه تخلينا هكذا

فريال أهلين ماكانش مانجاوبوكش حتان تحطي طيابك

ربي يخليك ليا ام راضية مواح
نحب نجرب الجديد ضرك نروح نقرى شوية

ياسو علاه انتوما الكبار ماتحبوش جربو لاه واش فيها انت كيما ماما
نجرب ومن بعد نقول إيه ولا لالا

هههههههههههه ام ماجد شكون الجناعة الكبيرة ؟ ( روضة ششششششششش )
حقة ماتقوليلي ماعجبتكمش البيتزا نتاع ام محمد تاج ياخاه تهبل
وزدت درت الكوراج جربت نتاع السيدة كرمين طيب في طاجين البغرير واااااااو ولا اروع مع انو كي كنت نطيب فيها قالولي غير تشقي في روحك ماناكلوش نتاع الطاجين والله لحسوها

ربي يخليك ام ساجد نجي بصح نشرط ديريلي ياسيدي ( كي عاد أول الشهر ) بيض مقلي ماشي مخلط بالزبدة مممممممممممم

أم ماجد · 2013-12-03, 13:35

هههههههههه كولومبو شكون يقدر عليك وعجوز ماتحملك ههههههههههههه
ام ساجد عندي الماشينة لكن نتكاسل نجبدها تعود فيها خدمة اخرى
انا ان شاء الله نديرها باللحم المرحي
المشكل في البيتزا تاع ام محمد الطاجين يخي علابالكم فسد حرقهالي وجات معجنة من الداخل واش درت ؟هههههههههه
زدت دخلتها للفور هههههههههههههههه
حقا كاينة واحدة البارح سالت على لمقطعة درتها موضوع في المسابقة شكون هي باه نبعثلها الرابط

ساندي 28 · 2013-12-03, 13:39

ام زكريا ام اماني ام ساجد يعطيكم الصحه اطباقكم تهبل
انا غدائي بقا هو سباقيتى والمطلوع والهريسه وزدت سلطه خيار وطماطم وبصل وجزر وزوجي الغالي جابلي لي زايا قليتهم ومع الديسار بنان وتشينه وعصير و اناناس فري طلبها نجمو سخف عليها هههههه ام تاجو قوليلي الحبه الثانيه كاشما درتى بيها تحليه با ش نكوبي عليك
لهومه بصحتك العدس هههههههه خسارة معنديش الهاتف الان لو صورتك شويه سقايط شراهم زوجي الغالي للاولاد اممممممممممم
ام ابراهيم باتيسري روووعه واش من وصفه والي من فوق واش تعرفي بلي انتى وام رامي فقط الي تسخفونى على الباتيسري ونروح نديرو بلا مانفكر منقاومش بنتو هههههههههه
ام ماجد علا سلامتك يا غاليه
ام ساجد البيتزا رووووعه بصحتكم

إلهام07 · 2013-12-03, 13:48

بصحتكم أم ساجد انا راني منقصة من المعجنات هذو الأيام رايحين يكرهوهم مساكن ههههههههه
بصح سخفت على العجين المورق قلت نخدمو ونخبيه وكي نحتاج نلقاه واجد تعرفي ضرك راهو البرد والمطبخ عندي واش نقولك سيبيريا في الشتاء نخدم ونرجف كي ندير حاجة فيها خميرة أرواحي انت وخمريها وفي الصيف عذاب احمر كيف كيف سخونة تقتل ماتخدمي والو تبغاي تتغاشاي من السخانة خاصة في رمضان

fati21 · 2013-12-03, 13:48

صح غداكم ويعطيكم الصحة علي وش طيبتو
هدو لغرايف

وهد المقروض صغيور بصح سهل

وشكون لي تعرف وش اسمها هدي

اولادي حياتي · 2013-12-03, 13:57

بصحتكم لبنات كلش يشهييييييييييييييييي الله يبارك فحلات
غدايا اليوم كان مقارووووووون
ام ماجد حبيبتي فرحتني رسالتك شكرا اااااااا على سؤالك عليا ........انا والاولاد الحمدلله شوي تعب العمل فقط لكن توحشت نطيب معاكم في كوزينة واحدة مع اروع لمة
ام ماجد امواااااح حبوبتي .

oum ibrahim · 2013-12-03, 14:00

اقتباس:

المشاركة الأصلية كتبت بواسطة mira la belle fraise

كيفاه خدمتي الباتيسري

خدمت جينواز ب3 بيضات ودرتها في بلا 35 *35 باه تجي رقيقة و كي طابت قسمتها على 3 سقيتها بمعجون مخفف بعصير الفراز و طليتها بطبقة من الكرام شونتيي و حطيت الجزء 2 نفس الطريقة ثم الجزء 3 طليتو بالشونتيي و مررت عليه طبقة من قشدة مخثرة بذوق كراميل و زينت بالتفاح ووردات من الشونتيي

اقتباس:

المشاركة الأصلية كتبت بواسطة omnadjem.10

ام زكريا ام اماني ام ساجد يعطيكم الصحه اطباقكم تهبل
انا غدائي بقا هو سباقيتى والمطلوع والهريسه وزدت سلطه خيار وطماطم وبصل وجزر وزوجي الغالي جابلي لي زايا قليتهم ومع الديسار بنان وتشينه وعصير و اناناس فري طلبها نجمو سخف عليها هههههه ام تاجو قوليلي الحبه الثانيه كاشما درتى بيها تحليه با ش نكوبي عليك
لهومه بصحتك العدس هههههههه خسارة معنديش الهاتف الان لو صورتك شويه سقايط شراهم زوجي الغالي للاولاد اممممممممممم
ام ابراهيم باتيسري روووعه واش من وصفه والي من فوق واش تعرفي بلي انتى وام رامي فقط الي تسخفونى على الباتيسري ونروح نديرو بلا مانفكر منقاومش بنتو هههههههههه
ام ماجد علا سلامتك يا غاليه
ام ساجد البيتزا رووووعه بصحتكم

الله يسلمك انت الاروع غاليتي
الباتيسري خدمت جينواز رقيقة قطعت منها جزر نخدم بيه وحد الحاجة من بعد نقولكم اذا صلحت هههه و الجوانب الي بقاو درتهم باتيسري
الي من فوق هو قشدة مخثرة بذوق الكراميل كما الديكوجال درك نجيبلك صورتو كنت حطيتو من قبل في واحد الكوزينة

houdehoud · 2013-12-03, 14:08

كانيلوني بالدجاج و الجبن

oum ibrahim · 2013-12-03, 14:14

هاذو شوية طيابات من الايام الي فاتو كل مانجي نحملهم يهبلني مركز التحميل حتى اليوم وين هذاه ربي

و الحمد لله حمدا كثيرا على ما اعطى

ladymillion · 2013-12-03, 14:15

صح غداكم كامل لبنات غدانا اليوم لوبيا برك مادرت لاسلطة ولا هم يحزنون هه الحمد لله

بعثتلنا اختي الكبيرة لحلو جبتلكم تتقهواو من بعد

ladymillion · 2013-12-03, 14:16

sidali 2007 · 2013-12-03, 14:16

مساء لخير ولخيرات وهذو تاع ليام لفاتو

مشاء الله اكل كل شهي تسلم الايادي