بداية يوم جديد

[الرجاء الاماني المجد]

صدقوني مهنة التعليم متعبة ولكنها شيقة خاصة عندما ترين الاولاد كل يوم يتعلمون اشياء وتلاحظين التغير فيهم خاصة من الناحية التربية والاخلاق ربي يقدرنا على هده المهمة

[oum sabrin]

السلام عليكم و رحمة اله
كيف حالكن حبيباتي
حبيباتي ام هزار ام متين الرجاء الاماني المجد امال أشكركن جزيل الشكر ربي ينور دربكم و حياتكم كيما نورتوني باجاباتكن حول التعليم
و الله حبيت نشارك في المسابقة الجاية و سمعت بزاف وجهات نظلر منها المشجعة و منا المحبطة فقلت اطلب رايكن في ذلك و قد كفيتم و وفيتم و باذن الله ساجرب حظي و نشوف بالمناسبة اختي امال اتمنى لك التوفيق في المسابقة
تحية تقدير لكن ربي يقدركم على هذه المهنة النبيلة .
حبيبتي ام ابراهيم الخليل على سلامتك ما تزعفيش علينا و الله تقريبا الكل غائب ة لا يمكن ذكر كل الاسماء و لكن صدقيني دائما راكم في قلبنا انا شخصيا فكرت فيك و في امك المريضة عسى ان يكون مانع غيابك خير و تكوني انت و عائلتك بخير
لي عجبتهم الباتيسري نقولكم انتن الاروع و شهيتكم في الجنة
حبيبتي ام هزار ارجع لسؤالك حول تقطيع التفاح ما صورتش المراحل و لكن ساقدم لك الشرح و اتمنى تفهميني
قطعي التفاحة على اربعة ابراج متساوية جوزي عليها برج قارص باش ما تكحالش خذي ربع و بواسطة سكين رقيق و حاد قطعي شكل شبه عين كبيرة ابتداءا من الجزء العلوي لبرج التفاح الى الجزء السفلي ثم زيديعين اخرى اصغر داخل العين الاولى ثم ثالثة اصغر داخل الثانية و اذا كان التفاح كبير يمكن تشكيل 4 اشباه عيون و يجب في كل مرة الوصول الى لب التفاح بالسكين لكي يمكنك فتح الشكل فيما بعد

و اذا ما فهمتينيش حاجة قوليلي

تصبحن على الف خير

[ام هزار]

مساؤكم سعييييييييد لكل الغاليات
تقريري اليوم فيه تذبذب نوعا ما
1 في الصبيحة ما عملتش حاجة تذكر ما عدا الترتيب اليومي و اعداد الغذاء الله كان عبارة عن دولمة قرنون . ماذا عنكم
2 الجانب الديني ما صليتش الفجر في وقتو .و ما ذكرتش بزااف . و ما نيش حابة نقدم اعذار . فقط التفنييييييييين و الكسل
3 الجانب التنظيفي ما تمش اليوم . الزوج بعثلي رسالة مشفرة عن كثرة الميمان و الصابون في هذا البرد .. خاصة انو اخذ عطلة معايا . و الله غير عطلني هيهيهيهيه
4 الجانب الجمالي دوش خفيف لالا عميق شوية بعد مرحلة التنظيفات الاولى مع سشوار و الان تفكرت الكريم الليلي من اوريفلام .. عندي مدة ما درتوش . نغطس في حاجة نترك الباق :d:d
5 خطوة في كل مشروع ما درتش حاجة تذكر
7 تعشينا كسكس بالدجاج لي ولبنتي ام الزوج ما يحبوش تعشى بواقي الدولمة من الغدا
8 غسلت لماعن و لمعت الحوض و شمخت اللوبيا للغدا ان شاء الله و هبطت الجاج من المجمد للثلاجة
هذا عموما ما قمت بيه
جهينة اختي وين راكي . داوك لخرجات و الخياطة و الغاشي . ربي يكون في العون
ام صابرين ما طلتش العشية هذي
ام متيييين يا عزيزتي . حاستي الاخوية تقولي بانك لست على ما يرام . لااني نحس فتوووووور في مشاركاتك و في حماسك و نظن و الله اعلم بلي ما هوش الجو المسؤول الوحيد عن ذلك ؟ اتمنى ان يخطئ حدسي
ام ادم يا الهرابة وين رحت؟ واقيلا راكي في قسم الدردشة مع ام جوجو؟ هيهيهيهيه
غزالة يا حبيبتي واش هذي الغيبة . البقية وين رحتو .. هنا وين راكي .. طلو برك و قولو كليمة

[ام هزار]

حبيبتي ام صابرين .. شكرا جزييييييييلا على الشرح ...... ريايحة نجرب ياذن الله في اقرب و قت
اسال الله عز و جل ان يوفقك في مبتغاك . واذا تيسرت امورك رايحة بنتك و وليدك يقراو عندك . اميين يا رب . و تتهناي يا اختي الغالية
تصبحون على حفظ الرحمان و رعايته
قبل ما ننسى ام صبرين حبيبتي حطينا تقريراتك اليومية حتى و لو كانت دون صور ... صدقيني راهي تحمسنا بزاف . هذا طبعا اذا سمحت ظروفك و شكرا

[ام متين]

اصبحنا واصبح الملك لله والحمد لله]

[ام متين]

صباح يخطف من الشّمس ضياه، وأمل يمحو ألم القلب وعناه، اتركوا نسمات الصّباح الجميلة تخاطبكم، لتصبّحكم بالخير والتّفاؤل. صباحكم بساتين من الحبّ تثمر سعادةً وأماناً، صباحكم من الجنّة أيّها الأحبّة. الصّباح زائر جميل، يأتي فى موعده كلّ يوم، فخير مانستقبله به هو أن نحمد الله، لأنّه أحيانا بعد ما أماتنا، ونجيب حيّ على الفلاح ليكون خير بداية لكلّ صباح. الصّباح لا يتغيّر، ولكنّ كلّ يوم يأتي بشكل أجمل، عطّر الله صباحكم برضاه. ثق بالله، وأحسن به الظّن، وعلّق به قلبك، وتوكّل عليه، وأكثر من ذكره، لكي تسعد نفسك، ويطمئنّ قلبك

إ

[ام متين]

I]

[ام متين]

[IMG]

[arwa alaa]

صباح الخير عليكم
واش راكم يا فراشات كل وحدة باسمها
ام متين مبروك عليك نجاح الاولاد ونجاح المشروع اسمحيلي توخرت كتبتلك هذوك النهتار ومعداش الرد
يسلم يديك على القهيوة راني محتاجتها

[oum sabrin]

صباح الخيرات و المسرات على حبيباتي الفراشات
ام هزارلا شكر على واجب شكرا لك على الدعاء ربي يحفظك و ان شاء الله ساحاول وضع تقاريري مساء كل يوم رغم انو مرانيش مستقرة في اعمالي في هذه العطلة الا انني ساحاول وضع تقرير ي ابتداءا من اليوم لعيونكم حبيباتي
ام متين شكرا لك على القهيوة الزينة اممممممممم حبيت نباركلك على نجاح مشروعك لم انتبه على ردك حتى شفت الاخوات يباركولك فرجعت في الصفحات و
و أعدت مراجعتها فرحتلك بزاف ربي يكملك
أروى الاء و كل الملتحقات بعدي صباحك عسسسسسسسسسسسسل
يوم موفق للجميع

[الرجاء الاماني المجد]

صباح الخير ام صابرين توكلي على ربي يشاركي في المسابقة اتمنى لك النجاح والتوفيق

[ام آدم]

صباح الخير لبنات توحشتكم
اعتذر عن الغياب لي كان خارج ارادتي
توفي زوج خالتي التي تسكن قريبة مني
ربي يرحمو ويوسع عليه المهم راح نزيد نروح اليوم بعد الغداء ولي عودة ان شاء الله
ربي يحفظكم كامل ويحفظ ازواجكم واولادكم

[ام هزار]

احلى سلاااااااام لاحلى اخوات
صباح الخير و التفاؤل و المحبة
ام متييييييين . حبيبتي هاكي و ليت لنشاطك . الحمد لله
ام صبرين .ربي يجعل ما تقومين به في ميزان حسناتك . اميييييين
ام ادم غاليتي . ربي يرحم زوج خالتك و يصبر اهله . و ربي يعوض صبرهم خييييييير . امين
لي عودة ان شاء الله


الزوج راه يحل في الباب

[amel...]

صباح الخير عليكم يا الشاطرات .... وش حوالكم

ام ادم عظم الله اجركم و ربي يصبر عايلتو ان شاء الله

بقية الفراشات ربي ينور دروبكم ان شاء الله و يوفقكمم ... ام صابرين يعطيك الصحة هيا نتوكلو على ربي و نشاركو و الحاجة الكاتبة راهي تلحق

بالنسبة للتطليقات ... لحد الساعة

العمل اليومي تم و كان عبارة عن كنس و ترتيب فقط حسيت روحي عييت من البارح ...

تجهزي تم ... التسبيح تم لكن مش باسمات اله الحسني بل بالباقيات الصالحات سبحان الله و الحمد لله و لا اله الا الله و الله اكبر

خطوة في كل مشروع تم و راني قريب نكمل البساط الاول باذن الله اليوم

التفكير بايجابية راني نجاهد في نفسي قدر المستطاع ... البقية تاتي باذن الله

[جهينة اليقين]

سلام الله عليكم ؤاش اخباركم ام ادم رحم الله ميتكم والهم ذويه الصبر والسلوان و ادخله الجنة ان شاء الله