دورة خطواتي الواثقة لأصبح ربّة بيت متألّقة

[Sii]

لا شكر على واجب اختي الحبيبة

[Sii]

مساء الخير الاخت سالي راكي فرحانة مالا غدوة تروحي عند الاهل ربي يخليهملك ان شاء الله الاهل نعمة كبيرة متصوريش شحال توحشت دارنا 😪 لله الحمد

[حياتي كلها امل]

السلام عليكم وشراكم سالي لقاز عند البيبي ثلاث اشهر الاولين فقط وسي عمليلها تيزانة كاين تاع لبيبي عند الفرماسي انا بنت كنت فليل قبل ماترقد نعمللها شوية الحمد لله
انا حبيت تانيك نعاندكم ونصوم غدا وهكا تكبر المجموعة الي تروح تفطر عند الام الحنون جهينة
اليوم كان الريح من الليل يعني صبح الغبرة في كل بلاص مسحت البيوت والكلوار والمطبخ والاسبوعي تنضيف الحمام والمرحاض مع المغسلات جدا
يارب اشفي الغالية ام اروى ويارب نطمنو عليها

[sali kanouza]

حبيبتي سي انا البنت الكبرى في العائلة والله صدقيني حتى حاجة ما تصرى في البيت بلا ما يشاوروني وزيد اهلي ماشي بعاد عليا يعني ربع ساعة بالسيارة ونكون عندهم ربي يخليهملي ان شاء الله وانت راكي بين اخواتك واهلك انا عن نفسي نعتبركم اخواتي والله على ما اقول شهيد

[sali kanouza]

اهلا بام هاجر ان شاء الله اختي وصيت الزوج يجيبلي وربي يقدرك على الصيام حبيبتي هههه دوني معاكم عند الغالية جهينة نجي وحدي نسمح فالاولاد عند امي ونجي معليش انتم الصايمات ارتاحو وانا نسادها في فطوركم ههههه اااااه ياريت جا الكلام حقيقة

[Sii]

ربي يعزك ختيتي سالي ويخليلك والديك وخاوتك وراجلك ووليداتك واكيد رانا خواتات ربي لا يفرقنا من هاد لملمة

[Sii]

والله حتى انا حابة نخلف ياماتي لفطرتهم قبل منزيد بصح مشكل تاعي راني نجوع بزاف وكنطول منكلش ندوخ لازم نذوق حاجة حلوة ربي يقدرني برك

[omelbanin]

ختي سي، حاولي تصومي حنونة مادام النهار راهو قصير، واتسحري مليح بالتمر مثلا والحليب، وكاش فاكهة، على الاقل يكون عندك مخزون تاع السكر في الجسم.
المرأة الحامل الحاجة لي تكون ناقصتها في الجسم هي للتتشهاها بزاف.
وغير تفوتي تبداي يجيك ساهل النهار، تحلالك تزيدي تكمليهم، كيما انا والله غير غاضني النهار كي ما صمتوش. بصح راني وجدت تيزانة تاع اكليل الجبل، نشربها وان شاء نصبح مليحة.

[Oum Mohamed123]

السلام عليكن .واش راكم .ام البنين ربي يشفيك.

[Oum Mohamed123]

السلام عليكم

[Oum Mohamed123]

اختي سالي كاينة تيزانة

[جهينة اليقين]

مساء الخير ام هاجر وسالي وسيي ايا كل الصايمات مرحبا بيكم عندي قولولي برك واش تحبو تاكلو اتفقوا على طبخة معروفة في كل القطر الجزائري

[omelbanin]

جهينة الحاجة لي طيبيها رانا قابلين بيها، ما طيبيلناش غير الخرشف انا مانحبوش

[Sii]

المشاركة الأصلية كتبت بواسطة omelbanin

ختي سي، حاولي تصومي حنونة مادام النهار راهو قصير، واتسحري مليح بالتمر مثلا والحليب، وكاش فاكهة، على الاقل يكون عندك مخزون تاع السكر في الجسم.
المرأة الحامل الحاجة لي تكون ناقصتها في الجسم هي للتتشهاها بزاف.
وغير تفوتي تبداي يجيك ساهل النهار، تحلالك تزيدي تكمليهم، كيما انا والله غير غاضني النهار كي ما صمتوش. بصح راني وجدت تيزانة تاع اكليل الجبل، نشربها وان شاء نصبح مليحة.

شكرا خيتي بزاف ندير بفكرتك تاع تمر بالرغم اني من الناس لميقدروش ياكلو صباح بكري مي نجرب و ان شاء الله سمانة لجاية نبدا هاد ليامات كثرو عليا مواعيد . ربي يشفيك اختي طهورا ان شاء الله

[Sii]

المشاركة الأصلية كتبت بواسطة oum mohamed123

تسقسي عالحنة انا كرهت الصبغة .ولقيت وحدة مع الانترنت نديرها مليحة يخرج شعري فالمارو بصح مع ليماش منعرف

يا ختي بلاك ديري لحنة على ليماش و لا شعر مصبوغ مش مليحة راهي متتوالمش مع صبيغة وشعرك ينضر منها