دورة خطواتي الواثقة لأصبح ربّة بيت متألّقة

[ام صفصف]

اختي سالي،الخضروات الي لازم تتجنبيها فالرضاعة هي الشوفلور،لكرم ،اللفت،والحبوب اللوبيا والحمص،وحاولي تشربي التيزان،هذا الي تفكرت ذرك

[ام صفصف]

حبيبتي ام هارون،والله مانعرف للحنة،استعملتها في شعري مرة وحدة كنت فالثانوي،والنتيجة كانت غير مرضية،فتعقدت منها،ان شاء الله يفيدونا لبنات بنصائح مجربة

[sali kanouza]

شكرا اختي ام صفصف قالولي ثاني كل ما هو اخضر يعني الجلبان والسلطة والسلق واللوبيا ماشطو ’’واش رايك

[sali kanouza]

اختي ام البنين ان شاء الله ارتحتي انت والامير واش راه شوفي هي الحنة مليحة تخلي الشعر يرتاح خاصة لي مون ورق تنطحن وتوضع على الشعر لكن كون تحبي ديري ليماش موراها راهم ما يخرجولكش لانها طبيعية طول باش تتنحى وتانى لونها يخرج احمر نوعا ما خاصة كي راكي صاغة شعرك من قبل المهم انت زيدي شوفي مع لبنات

[الطائعة لزوجها]

المشاركة الأصلية كتبت بواسطة sali kanouza

ترحب بيك الجنة اختي الطائعة ويبارك فيك فرحت بزاف كي باركتيلي وكيما قلت للاخت خوخة والله ما حافضت ورفدت الثقل راني حاسة بالحرقة في جهة اليمين قلت بلاك مين هذي المرة الثانية صرالي هاك ان شاء الله خير والحمد لله

اختي انا متلك مرتين سيزاغيان شوفي و لا راكي مقلقا بزاف روحي مستوصف عند اي قابلة بالقرب منكم تكشف عليك و زيدي ديري بيتادين كل يوم في مكان الجرح الله يشافيك

[omelbanin]

ام صفصف ضحكتيني كي قلتيلي النتيجة كانت غير مرضية، انا هاذي لي راني خايفتها هههه.
انا درت ليماش في الصيف وهبطولي ولا نص اصفر ونص اسود، وعندي زوج مناسبات. الشهر الجاي اذا عشنا، حبيت كاشما نخلط.
حبيبتي سالي شكراً على إجابتك حنونة، انا رقدت شوية بعد الظهر ونضت شوية خيرمن الصباح.
ووليدي ما زادش رجع وما نعرف ياك ساعات المفاجآت يجو في الليل.

[الطائعة لزوجها]

المشاركة الأصلية كتبت بواسطة omelbanin

السلام عليكم، كيف الحال ان شاءالله تكونو بخير، انا اليوم صبحت مريضة كي انا كي وليدي،
نضت على 5باش نسحر لقيت كلش يوجع فيا راسي، حلقي، مفاصلي. وليت ماصمتش
وزيد وليدي بعد ماريحلي شوية، عاود رجع الحليب كامل تاع الصباح، وبقا غير لاصق فيا، حاولت نرقدو رقد والحمدلله، وانا نضت لشغلي نخدم ونحبس حتان كملت.
ماريا ملاك كيفاش راهو الحال عندكم، حنا راهو الريح من البارح دنيا مقلبة، والغبار.
اللهم اني اسألك خيرها.

الله يشافيك ام البنين و شافي ابنك انشاء الله
و انا البارح كل الليل و هي نايضة خايفة و انا نقوللها ماكام والو ارقدي والو تقولي خايفة حايفة و تبكي عييت ما نقرا في القران و الادعية والو و اليوم اصبحت صايمة نخفف شوية راهي 15 يوم و انتي شحال باقيلك

[omelbanin]

ختي سالي السلطة ماشكيتش دير الغازات، الفول والجلبانة صح، والخيار.

[Sii]

السلام عليكم ورحمة الله وبركاته اختي ام تينة حبيت نشارك بالتفسير المبسط لسورة الفاتحة بعد بسم الله الرحمان الرحيم
الحمد لله رب العالمين : الثناء على الله باوصاف الكمال فلله الحمد الكامل
الرحمان الرحيم : رحمة الله الواسعة العظيمة التي وسعت كل شيء وعمت كل مخلوق .
مالك يوم الدين : هو المالك ليوم الحساب
اياك نعبد واياك نستعين : لانبعد الا الله سبحانه وتعالى ولا نستعين الا به
اهدنا الصراط المستقيم : ارشدنا الى الطريق الواضح الطريق الصحيح الموصل الى رضاك وجنتك وهو الاسلام
صراط الذين انعمت عليهم ،غير المغضوب عليهم ولا الضالين : وهذا الطريق الواضح هو طريق الانبياء والصالحين والصديقيين وليس طريق من عرف الحق ولم يعمل به كاليهود ولا طريق من ترك الحق عن جهل وضلال كالنصارى
صدق الله العظيم

[Sii]

لي عودة بعد صلاة العصر ان شاء الله تقبل الله صلاة الجميع بمزيد من الاجر والمغفرة

[omelbanin]

اهلا اختي الطائعة لزوجها، انا بقاولي 4 ايام، ربي يقدرك حبيبتي، عندك هاذو الشهرين نوفمبر وديسمبر، كي. تصومي يومين ولاثلاثة في الأسبوع تكمليهم ان شاءالله، كوراج برك ههه، وغدوة نصوم معاك.
قوليلي بنتك شحال في عمرها انا عندي وليدي 6سنوات، يخاف ما تتصوريش في النهار يقوللنا ارواحو معايا حشاك للتولات، وفي الليل يجي لعندي وحد زوج مرات ولا ثلاثة، حرت واش نديرلو.

[sali kanouza]

اهلا بك اختي الطائعة لزوجها ان شاء الله نروح للطبيبة يوم السبت وانت ربي يكون في عونك ويقبل صيامك حاولي نفسك غير بشوي وان شاء الله كي اليوم تجيبيلنا القاطو تاع عيدك وحدك هههه بنتك بلاك كاش ما خافت فالنهار ولا شافت نوم مزعج عليك بالرقية وحصنيها بالدعية ربي يحفهالك ويكبرها في طاعتك

[sali kanouza]

شكرا ام هارون راني نحاول نتجنب وان شاء الله خير

[ام تينة]

جزاك الله خيرا اختي سيي واتابك الله جهد مشكوووووووووووووووووووووووووووووور

[sali kanouza]

انا بعد ما غديت الزوج وابني غسلت الاواني ورقدت غير شوية ودق الجرس هههه راكم عارفينها المهم رضعتها وجدت حقيبتي وملابس الاولاد لاني غدا صباحا نروح لبيت اهلي اذا كتب ربي وجيت ريحت عند الميكرو شوية اصلا انا من المنتدى ما نخرجش يعجبني بزاف وذرك شوية ونحضر القهوة