الى ام اسيد1 وكل وحدة حاصلة واش الطيب - الصفحة 156

hayette82 · 2015-01-25, 14:44

صباح الخير يا غزالة الصحراء ويا كل البنات

غزالة الصّحراء · 2015-01-25, 14:47

اقتباس:

المشاركة الأصلية كتبت بواسطة ام سوهيل

غزالة معجبوكش اعمالي وقيلة شفتك معلقتيش عليهم ههههههههههههههههههههه

أهلين بالغالية أم سوهيل. لا لا حنونة أخموس عليك وعلى أعمالك. بصّح تعرفيني. راني أنرد عليكم كامل وحدة بوحدة. وكلّ مرّة لازم نرجع للصفحة السابقة . ونشوف واش أكتبتوا كامال ونرد عيكم بردود أتردّ الرّوح. وياربّ اتكوني بالف خير. وراني شفت ثاني الطبق انتاع اللّوبيا . وماشاء اللّه عليك أنتي ثاني راكي فنانة . ربّي ايخليلك صحتّك ويدوّم أفراحك.

غزالة الصّحراء · 2015-01-25, 14:55

اقتباس:

المشاركة الأصلية كتبت بواسطة hayette82

صباح الخير يا غزالة الصحراء ويا كل البنات

أهلا ومرحبا بيك hayette82البنات كلّ وحدة وين راهي. وقيل مايبطاوش ويدخلوا. هههههههههههههه: أتقولي رانا في دار وحدة . والأم أنتاعنا وحدة. وهي الأخت أم حمزة . ولما أتغيب أتخلي كلّ مرة وحدة فينا. ولي تدخل أتسقسي على الأخريات . خايف عليهم . ياربّ احفظ لنا هاذي اللّمة الرّائعة .ويسّر أمورنا . وأنتي واش راكي. والعائلة أنتاعك واش راهيي. واش هو الجديد أنتاعك في مطبخك؟ وبانسبة للخلاط الجديد ألي أشريتيه. المهم حافظي عليه. حسن التعامل مع أيّ جهاز يطيل ايضا من عمره.

غزالة الصّحراء · 2015-01-25, 14:59

اقتباس:

المشاركة الأصلية كتبت بواسطة روح مراد

بصحتك أم حمزة هاذا واش يلزم اليوم راهو البرد يشوي
أم حمزة راجلك راهو مليح؟ عندي بزاف ما سقسيتش عليه
تحياتي لأخواتي العزيزات صدفات أم/ اسيد و سوهيل و هديل و منال و منير و غزالتي

أهلين بالأخت روح مراد واش راكي هاذي غيبة. والضيوف انتاعك يادرا كيفاش أتكملت العزومة. ياربّ كلّ شيئ مرّ على خير.

غزالة الصّحراء · 2015-01-25, 15:09

اقتباس:

المشاركة الأصلية كتبت بواسطة ام سوهيل

بصحنك ام حمزة سخفنى البركوكس بي الحليب انا منديرهش روحي نحب كي طيبهلي ماما يجي روعة

اما بي المرق نطيبه وحدي

روح موراديسقسى عليك الخير

ام هديل وام الحبايب وكل الاحوات المشاريكات ان شاء الله راكم بخير انا هدا فطوري تع يوم امس كن طلبه وليدي

أم سهيل أنتي راكي كيما أنايا. البركوكس أنحبو بزاف بصّح غير لمّا اتطيبو يمَّ. ربي ايطوّل في عمرها. بصحتكم الفطور راه ايبان ايشهي. شفتي لقلب أنتاع الأمّ ... غير واش ايقول لها اوليدها اتديرو. ربّي يحفظهولك.
سلامي لكّل الأخوات وكلّ وحدة باسمها. الحاضرات والغايبات.

غزالة الصّحراء · 2015-01-25, 15:13

اقتباس:

المشاركة الأصلية كتبت بواسطة ام سوهيل

غزولة حبيبني ربي يخليلك لازوج والاولد والام الغالية هدا موضوعي الجديد

https://www.djelfa.info/vb/showthread.php?t=1746855

ام حمزة هادو بعض اعمالي الفنية بي الحاشية ولخرين راني مخبيتهم كامل في الكرتين حت معين وقشي ولله كي جيني ديف تبق تخمم ون راني حط الماعن ههههههههههههه راتي كي البدو الرحل راكي تعرفي وحد الي ميكونش مستقر في مكان موعين المهم اليكن هده الاعمال هد
ا غطاء التلفاز

[IMG]https://im48.gulfup.com/aR4TKm.jpg[/IM

وهنا زوووووووووم

أختي أم سوهيل. كاليوم تستقرّي إن شاء اللّه في مكان واحد. . وهذاك النهار أعمالك وريهملنا واحد بواحد. وأكيد هي ثاني في قمّة من الجمال. ردّي بالاك تنساي.

غزالة الصّحراء · 2015-01-25, 15:17

لبنات وين راكم كامل أزرْبُوا أدخلوا الأخت hayette82 راهي سقساتني عليكم . شوفوا واش كتبت:" صباح الخير يا غزالة الصحراء وين كل البنات؟ "

ـــــــــــــــــــــــــــــــــــــــــــ

ذروك تدخل الأخت أم حمزة وتلقى الدّار فارغة . يَاحَوْجِي وَاشْ أَنْقُولْ لهَا؟؟؟
أنا راني كملت شغلي. عمّرت الصّفحة بالرّدود. ياربّ أتخليكم مرتاحات. وتنساوا بيها اهمومكم. وإن شاء اللّه مانيست حتّى وحدة. ولي لاحظت غيابها هي صدفات إن شاء اللّه المانع خير. تحياتي الخالصّة لكلّ واحدة منكنّ بدون استثناء.

أم الحبايب 26 · 2015-01-25, 15:49

مشالله عليكم وللهي نتخيل كشغل تلاقينا في بلاصا ورانا ديرين ملاما و نشربو قهواة معا بعظانا متنقص حتا واحدا فينا الله يفرحكم كما راكم منحينلي غبينا على روحي

أم الحبايب 26 · 2015-01-25, 16:00

يعطيك اصحا ام سهيل على هذاك اطرز انا بنتي تعلمات فيالعطلة نتاعها منعرافش نحط الصور كنت نحطلكم واش خدمت

*أم جابر* · 2015-01-25, 18:20

السلام عليكم و رحمة الله و بركاته
كيف حالكن غالياتي مع هذا البرد
سلام و تحية عطرة لكل من سالت عني الى الملتقى بحول الله ............

***سلمى *** · 2015-01-25, 18:44

شكرا ليكم لبنات وكل من سالت ربي يخليكم.
حاشاكم رحت للطبيب لقيتو روح .قالولي جيتي روتار على رونديفو ..................................اه اه
لكن يدي ليمنة مبنديتها ومنفخة لكن احسن من البارح اما كتفي ششوي مازال يوجع. عندي صعوبة نلبس قشي. ونهز لحوايج لكن الحمد لله

قاتلي واحدة ماكملتيش عام زواج طيحت 2 مرتين وزيد درك كملت بطيحة روحي رقي روحك

واش رايكم
خطراكش جاني عرس هايل الناس كل زاهية وراضية والخير واجد وكل واحد فرحان والناس متعاونين وبقاو يهدرو عليه االغاشي...................

***سلمى *** · 2015-01-25, 18:56

البارح راجلي جاب من البرا بيتزا كملتلو روز وسلاطة.اما العشاء سباقيتي

لاسوس سنارية رونديلات مع الحمص +كاس ماء يطيبو مع بعض لما يطيبو+زيت+ملح+ثوم+توابل+طماطم كعب مرحية +كاس تاي ماء+طماطم باطة+فلفل حار
اوضيفي هريسة +رند+زعيترة
وغلي سباقيتي وقطريها مليح
لما تخللطيها مع ل سوس خلطيها في كسرونة على نار هادية درك تشوفي الفرق
+بيض مغلي مع زيتون اكحل مع التقديم وششهية طيبة

*أم جابر* · 2015-01-25, 21:04

اقتباس:

المشاركة الأصلية كتبت بواسطة ***سلمى ***

البارح راجلي جاب من البرا بيتزا كملتلو روز وسلاطة.اما العشاء سباقيتي

لاسوس سنارية رونديلات مع الحمص +كاس ماء يطيبو مع بعض لما يطيبو+زيت+ملح+ثوم+توابل+طماطم كعب مرحية +كاس تاي ماء+طماطم باطة+فلفل حار
اوضيفي هريسة
وغلي سباقيتي وقطريها مليح
لما تخللطيها مع ل سوس خلطيها في كسرونة على نار هادية درك تشوفي الفرق
+بيض مغلي مع زيتون اكحل مع التقديم وششهية طيبة

السلام عليكم ورحمة الله و بركاته
لاباس عليك الاخت سلمى الحمد لله اللي جاتك سلامات
اما بخصوص الرقية و الله المؤمن يؤرقي نفسه و حدو و اذكار الصباح و المساء باذن الله محصنة و لا يوجد محصن افضل منها
ولا يجب ان تربطي الاحداث فسقوطك عادي و كل واحد معرض لهذه الحالات الله يسعدك و يهنيك

ام هاديل وياسين · 2015-01-25, 21:18

السلام عليكم
ان شاء الله تكونو بالف خير اسمحولي مدخلتش راني غير نطل ونروح بالخف زوجي مريض
بالحمى لاقريب دايرة حالة فيه ..ام حمزة الله ينج اولادك واولادنا وكل اولاد المسلمين منال منير يسلمك على الاسم هديل شهر داخل
ادير 3 سنين ربي يفرحك ويجيبلك سويعة ساهلة امين غزالة الصحراء راكي تقراي في افكاري وحسيتك افكارنا قراب بزاف
حتى انا كي ولادي يشفوني نبكي على حاجة في تلفزة قصة ماثرة او ما شابه يقولو اجرو ماما راهي تبكي شوف شوف ههههههه
وعلى الاغاني الي يسمعها ولدي كان يسمع غنية تشبه قصته كي نسمعها نبكي والغنية ثانية كي كان رايح في هذاك الشهر
كانو يغنو على الجامعة باي باي الجامعة باي باي في هذوك ليمات عندي ما بكيت كي كنت نروح لعرس ونسمعها تغلبني الدمعة
ونولي غير نكمد في قلبي نخاف ناس يشفوني ربي يحفظهم ان شاء الله
ام سوهيل بصحتك اعمالك شابة الله يجي نهار وين تستقري المهم الهنا سلامي لام اسيد ام الحبايب حياة روح مراد سلمى صدفات ان شاء الله راهي بخير
ياربي وما نسيت وحدة ام حمزة من بعد نضرب دورة نشوف اعمالك

ام حمزة22 · 2015-01-25, 21:24

سلامي الحار للجميع
قبل ما نبدا نقرا فالردود اضم صوتي لام اسيد واقول لختيتي سلمى الحمدالله على سلامتك هو صحيخ الرقية مليحة لاكن مثل ماقالتلك ام اسيد ربي يحفضها انت بنفسك تقدري ترقي روحك جربي وشوفي رايحة ترتاحي
ربي يهنيك ويسترك سلمى