طريقة أكيدة لتصبحي ربة بيت سعيدة

[ام متين]

مساءكم طيب حبوبات ان اليوم ولله الحمد اللهم بارك لنا في اوقاتناعملت الروتينات اليومية كنس وطبخ وترتيب كما اني نظفت الحمام رشيتو بخليط من الجافيل الرغوي والجافال العادي ومسحت الة الغسيل من الوراء فقط لاني ناوية نديرلها تنظيف عميق اطا كتب ربي من بعد الفطور كملت غسلت الماعن رتبت المطبخ ورحت للمسجد مع بتتي حظرت درس عن عيد الحب ومدى انسياق البنات لهذه العادات الجديدة الغريبة عنا
ونسيت نقولكم اني عملت ماسك العسلوالخميرة والليمون والياوورت الطبيعي لام صفصف مشكورة اختي
المهم اني نحاول على قدر الامكان نلتزم باسلوب الفراشة والبركة في ام شمسو

[حياتي كلها امل]

السلام عليكم رندة شحال عجبتني ياو عليكم القالمة ربي يعطيك الخير
ام متين للاسف اصبح البعض المهم يقوم مايقوم به الغرب دون ادنى وعي
المسلمين عندهم عيدين فقط عيد الاضحى والفطر فقط ربي يستر

[ام تينة]

سلام لكل الاخوات اختي ام شمسو بعض الاخوات يجدن صعوبة في الالمام بجوانب برنامج الفراشة حبدا لو تعطينا يوم نمودجي
وشرح لعشر دقائق و الساعة الاسبوعية

[ام شمسو محمد]

المشاركة الأصلية كتبت بواسطة ام تينة

سلام لكل الاخوات اختي ام شمسو بعض الاخوات يجدن صعوبة في الالمام بجوانب برنامج الفراشة حبدا لو تعطينا يوم نمودجي
وشرح لعشر دقائق و الساعة الاسبوعية

أم تينة نعطيك يوم نموذجي بأسلوب الفراشة ،لكن قبل ذلك لازم تعتمدي بعض القواعد تعاونك بزاف في الشغل :
_ كل شيء في مكانه و مكان لكل شيء : ماكانش حاجة عبثية أصل التنظيم انك تلقاي لكل شيء مكان و كل شي تحطيه في مكانو التزمي بهذي المسألة و تشوفي التقدم السريع .
_ إعملي بسرعة : هنا نعطيو للوقت قيمتو ، عندنا حوايج خرين نديرهم غير شغل الدار كمليه بسرعة باش تعيشي حياتك ، راح تلاحظي انو كل المهام مرتبطة بمدة زمنية محددة 10 د ، 20 د ، 2 د ...
_ اطول مدة تقومي فيها بعمل منزلي هي ساعة ، هذي مرتبطة بفعالية الإنجاز و قيمة الوقت ، بعد الساعة راح تكوني تعبثي
_ كل شي تستخدميه تنظفيه فورا و ترجعيه لمكانو : كيطيبي نظفي وش تستخدمي ، كيتكملو لفطور اغسلي الأواني مباشرة ورجعيهم لمكانهم ونظفي الطابلة ، كي ينحيو حوايجهم ماشرة الى السلة او البورتمونتو ، كي تدوشي تنظفي الحوض ...
مجرد التزامك بهذي القواعد تكوني قطعتي شوط كبير في التنظيم .
اليوم النموذجي :
اليوم يبدا من الليلة السابقة ،اذن نبدو بروتينات المساء :
كل ليلة بعدما تعشيهم و تنظفيهم و تقومي بيهم :
1_دوري على كل المنزل : في غرفة الجلوس لمِّي الأوراق و الالعاب و الملابس ..كلشي لمكانو ، الحمام طلي عليه و عاودي رتبيه ...5 د اكثر من كافيين .
2_ في المطبخ : نظفي الطاولة و رتبي الكراسي ، اغسلي لماعن نشفيهم و خبيهم ، نظفي الكانون تاع الفرن ، نظفي اسطح العمل تاع البوتاجي ، و حسب الحاجة اغسلي الشيفونة و بدون القمامة حشاكم ، كملي بتنظيف الأرضية ....20 د تكفي لكل المهام .
3_ شوفي الغسيل : الملابس الوسخة حطيهم في السلة و المغسولة طبقيهم و خبيهم ،و الكي حسب الضرورة ....10 د يكفيو لكلشي
.4_ بردي نقطة ساخنة لدقيقتين : هنا تشوفي المناطق اللي يزدحمو بشكل يومي تعطيهم 2 -5 د ترتبيهم مثلا : ترتبي ارفف الثلاجة او خزانة الطعام او خزانة الملابس او خزانة الاحذيةاو مكتب الاولاد او طاوة المدخل ....الأماكن اللي تستعملوهم بشكل يومي .
5_ تجهيزات الغد : هنا توجدي لحوايج تاع الصباح باش ما يحدثش هذاك الإزدحام و لفوضى : الملابس ، الأحذية ، الحقائب ، صنية لفطور ،تذوبي اللحم ....5 د كحد اقصى .
أنا هذي المهام كامل ننجزهم قبل صلاة لعشا .
الآن روتينات الصباح بعدما تطيبي لفطور تفطريهم تديري لمبدأ تاع تنظبف كلشي و اعادتو لمكانو : مباشرة تغسلي لماعن و تنظفي الطاولة 5 د ، تكوني رتبتي الأسرَّة بمجرد نهوضهم 2 د لكل سرير ، تلمي لملابس اللي غيروها و ترجعي كلشي لمكانو 5 د .....هنا تلقاي الدار تشعل على 7,30 تاع صباح
_ تكملي الروتينات بتنظيف الحمام 10 د
_ تكوني شغلتي لمشينة تتفقدي الغسيل و تنشريه .
_ تمرري لمنفضة و لمكنسة و الممسحة ما تحتاجيش كثر من ربع ساعة .
_ ديري 20 د في تبريد نقطة ساخنة أو تنظيف منطقة محددة ...
ساعة راح تكون كافية لروتينات الصباح .و الدار تكون تشعل .
عندك ساعة تتظيف أسبوعية مبعد ان شاء الله نشرحهالك طولت بزاف حشمت .

[ام متين]

هلت الانوار يا جهينة الحمد لله كي رجعت لنشاطك وحيويتك وتنويرك للصفحات ربي يدوم الساعات الزينة يارب ويكبر لمتنا
ام تينة بالنسبة لموضوع 120 انا رايحة نقوم بيه باذن الله انا وبنتي عمرها 8سنوات واذا حب وليدي الصغير يشارك فلما لا وان شاء الله ربي يقدرنا جميعا والدال على الخير كفاعله واللبيب بالاشارة يفهم

[ام شمسو محمد]

كيف تساعدين شعرك على النمو ؟
ربما بسبب تحول ما في حياتك (الحمل ،المرض ، الإجهاد ...) يحصل لك تساقط الشعر المفاجئ ،فقدان حجم وكثافة الشعر يمكن أن يكون مخيفا ولكن توجد العديد من الحلول لنمو الشعر.

إبقي في حالة تأهب منذ العلامات المبكرة وعالجي هذه المشكلة في أقرب وقت من خلال اتباع هذه النصائح.

تغيير بعض العادات :
العوامل التي تمنع شعرك من التطور الكامل :
_ الحرارة : الماء الساخن ، مجفف الشعر ، المملس ...الحرارة تضعف الشعر و تجعله باهتا .
_ الرباطات الضيقة جدا كالمصنوعة من البلاستيك مثلا ، ضغطها على الشعر يمنعه من النمو الصحيح .
_ المنتجات الكيميائية التي تؤذي الشعر كالمستحضرات و الصبغة المتكررة .

لأسلوب حياة صحي :

يعتمد نمو الشعر على الدم الذي يغذي الجذور. وكونها صحية يظهر فورا على شعرك. والامتثال لبعض المبادئ الأساسية يسمح لشعرك بالنمو بسهولة أكثر :

_ احترام الحاجة إلى النوم من أجل حيوية أكثر
_ اتباع نظام غذائي غني :البروتين (الدجاج، البقوليات والتونة واللوز والبيض ...) والمغنيسيوم (الموز والبيض والحبوب والكاكاو ...) والحديد (فول الصويا والحبوب واللوز والبندق ...)، والفيتامينات (فواكه و خضر).

خمس علاجات لجعل الشعر ينمو :

تساعد بعض إجراءات العناية في جعل الشعر ينمو أسرع:

_ تدليك فروة الرأس لمدة 5 إلى 10 دقائق أثناء الشامبو ، ينشط الدورة الدموية .

_ إستعمال الخميرة فهي من المكملات الغذائية الغنية بالفيتامينات والمعادن .

_ إستعمال شامبو بالبيض فهو يغذي العناصر الضرورية لنموه .

_ إستعمال زيت الخزامى العطري فهو ينشط الشعر في العمق.

_ إستعمال زيت الخروع لغناه بالأحماض الدهنية وفيتامين e.

[أم عائشة الجزائرية]

أمسينا و أمسى الملك لله رب العالمين

[أم عائشة الجزائرية]

***************** لا إلـــــــــــه إلا اللـــــــــــــه ***************************************

[جهينة اليقين]

مساء الخير لبنات حبيت نسقسيكم شريت طاجين تاع طين للبغرير لكن خفت نطيب فيه اول مرة شكون سمعت او عندها تجربة واحدة قالت لي نديرو مباشرة وندهنو بصابون الحجرة

[ام متين]

جهينة انا الطجين كي نشريه نحط على النا ر مباشرة عمري ما درتلو حاجة ولكن لما تطيبي البغرير لازم تدهني مليح باشحمة شحمة جديدة ك

[omelbanin]

السلام عليكم
جهينة انا الطاجين نديرو مباشرة ونديرلو صابون حجرة كيما قالولك

[haninefadwa]

السلام عليكن أختي جهينة كي نستعمل الطاجين لازم ندهنه بالصابون و ماخرا نستعمل كارلاج بلاطة قرانيتو مخصصة فقط للبغرير فرق شاسع بينها وبين الطاجين سرعة وحجم مثالي للحبة و طهو ممتاز

[أم عائشة الجزائرية]

اجريييييو لبنات هاكم كتاب تجويد هااااااااااااااااااااااااااااااااااااااااااااااااا اااااايل تع ايمن السويد

هاكم الرابببط بالشرح المفصل تكوني متعرفيش تتعلمي انشرووووووووووووووووه

https://www.mediafire.com/file/cw29eu...forqan.com.rar

[ام تينة]

ربي يفتح عليك ام هديل

[ام تينة]

ادكااار النوم اخواتي
النوم على وصووووووووووووووووووووووووووووووء

سورة الملك

وسامحي الانام قبل المناااااام لعلنا نرزق قلبا سليما