الى ام اسيد1 وكل وحدة حاصلة واش الطيب

[روح مراد]

بصحتك أم حمزة هاذا واش يلزم اليوم راهو البرد يشوي
أم حمزة راجلك راهو مليح؟ عندي بزاف ما سقسيتش عليه
تحياتي لأخواتي العزيزات صدفات أم/ اسيد و سوهيل و هديل و منال و منير و غزالتي

[أم الحبايب 26]

بصحتك ام حمزة انا كندرو اطبف نتع البركوكس ميجينيش بنين انت البركوكس تاعك تاخادميه ولا تشريه
منعرافشي نحط تصاور طبق نتعي هوا خبز اليابس كيقعجلي الخبز نيابسو كنحجر بزيادا ندرسو ونحطو فلقصعا
نرشو شويا ماء نفتلو من بعد نديرلو دقيق لرطب هكدا نقعد ندير خطرا ما خطرا دقيق نفتلو كلمحمصا
منبعد نفوروه خاطراواحدا منعد رشوه بشويا ما ولملح مسي بزاف كجي تفوريه مرا ثانية تكني مواجدا ازعتر ميبستو امطحون سيريه فوق البلبول خلطيه بيديك دريه يفور للمرة ثانية حبلو تدهنيه مليح اينتكل بسكر
صحا فطوركم كامل

[ام سوهيل]

بصحنك ام حمزة سخفنى البركوكس بي الحليب انا منديرهش روحي نحب كي طيبهلي ماما يجي روعة

اما بي المرق نطيبه وحدي

روح موراديسقسى عليك الخير

ام هديل وام الحبايب وكل الاحوات المشاريكات ان شاء الله راكم بخير انا هدا فطوري تع يوم امس كن طلبه وليدي

[غزالة الصّحراء]

أهلا بالحبيبات أهلا بالغاليات بالعزيزات أتوحشتكم كامل كامل. كلّ وحدة باسمهما . والقائمة مشاء الرحمان راهي اطويلة وربّي ايطوّل في عمرنا كامل ويطعطينا الصّحة والهنا باش أنقابلوا بها بيوتنا. ( أولادنا وأزواجنا رّبي يحفظهم لينا ).
حبيباتي أنا راني غير مع راجلي ربّي ايخليهولي. والبارح درت طاجين الشفلور. درت المرقة كالعادة . وقليت الشفلور والبطاطا.ولما طابت المرقة درت كلّ شيئ في مول زجاجي وإلى الفرن.
واليوم مع اصباح نضت أشويا بكري. الخدمة كانت تستناني. درت الصوص أنتاع الزربة ( طماطم حبة + الرند + زيت الزيتون + الملح+ فلفل أكحل + فلفل أخضر مقسم إلى أجزاء صغيرة+ توابل الدّجاج) ولما طاب الكلّ + قليلا من الطماطم المصبّرة + قطرات من عصير اللّيمون ) .+ لما طاب المقارون. خلطتو بهاذيك الصّوص. وجا مذاقو هايل. وشهيّة طيّبة.
وبالنسبة للعشاء رايح أندير طاجين البسباس.
بالنسبة للبركوكس أنا ثاني أنحبو لمّا تعملو يمّ لعزيزة. الي راني متوحشتها بزاف بزاف.

[غزالة الصّحراء]

المشاركة الأصلية كتبت بواسطة ام حمزة22

ياصباح الورد يا الغالية
بصحتو ابنك حبيبتي ربي يبعد عليهم المصايب وينجحهم في دراستهم وفي حياتهم ككل
وردودك تشرح النفس ودخل البهجة لقلوب الحازنين والغير الحازنين هههههههههه

يعطيك الصحّة ياحبوبتي . وانتي ثاني ربّي ايشدلك في ولادك. أختي ام حمزة . راني شفت العمل أنتاعك . وراني حطيتلك الرّد. راكي درتي حديقة ساحرة ماشاء الرحمان. وعندها الحق الاستاذة أنتاعكم راجلك عجباتو لمخدة ودار روحو أمريض باش واحد مايدي هالو. ايكون أسمع بنتك لصغيرة بسلامتها لما قالت لك هاذي لي ولأختي. واش أنقولك غير خلوهالو لوحدو وزيدي أخدمي وحدة بصّح غير بالتْخَبْيَّه . ولمّا اتكمليها حطّيها في بلاصتك باش واحد مايديهالك. وبناتك بسلامتهم أكيد أمهم فنّانة وهما ثاني رايحين ياخذوا من عندك كلّ الفنون. ربّي يحفظك ويحفظ لك العائلة أنتاعك.
واللّه يا أختي أم حمزة من النهار ألي رديتي على في موضوع العصير ومابخلتيش أدخلتي قلبي . وين نلقى أم حمزة ندخل. راكي وصلتيني حتى قسم الأعمال الفنيّة. ومع المداومة على هاذي الصّفحة وقيل راكي رايح أتوصليني حتّى لدارك.

[غزالة الصّحراء]

المشاركة الأصلية كتبت بواسطة أم الحبايب 26

واللهي غير من صباح ونا نكتب حجا مراحت تقلقت عصاح نشالله هدي برك تروح نشالله تكونو كامل بخير

أهلين بأم الحبايب. وستّ الحبايب كَمَانْ. واش اكتبتي كامل راه أوصل لينا . ياربّ يوصل ليك الخير والرّبح. وياربّ أتكوني بخير أنتي وأالعائلة .

[ام سوهيل]

غزولة حبيبني ربي يخليلك لازوج والاولد والام الغالية هدا موضوعي الجديد

https://www.djelfa.info/vb/showthread.php?t=1746855

ام حمزة هادو بعض اعمالي الفنية بي الحاشية ولخرين راني مخبيتهم كامل في الكرتين حت معين وقشي ولله كي جيني ديف تبق تخمم ون راني حط الماعن ههههههههههههه راتي كي البدو الرحل راكي تعرفي وحد الي ميكونش مستقر في مكان موعين المهم اليكن هده الاعمال هد
ا غطاء التلفاز



[IMG]https://im48.gulfup.com/aR4TKm.jpg[/IM

وهنا زوووووووووم

[غزالة الصّحراء]

المشاركة الأصلية كتبت بواسطة om hadil

السلام عليكم
ان شاء الله قاع راكم بخير كل وحدة باسمها راني مزروبة اسمحولي
ام حمزة لبارح شفتك في المنام كي شغل انا ماشية بجنب دارك وكنت نشوف للبلكون حتى لقيت
بنتك
قلتلها ناديلي لماماك نشوفها عيطتلك وهي تقولك اتكلمي طاطا فلانة جيتي تجري وطليتي علي وتكلمت
معاك من بعد هبطتي في دروج وروحتي من جيهة اخرى مجيتيش لعندي وانا نشوف فيك ونقول هاذي ام حمزة
وفرحانة بيك الله يجعلو خير والله يلاقينا بجوار النبي عليه افظل الصلاة وسلام

أهلين بأختي =om hadil ان شاء اللّه اتكوني انتي ثاني بخير. راكي أمسامحة بصّح لما اتكملي شغالاتك اضربيّ طلّة على دار أم حمزة.
وبالنّسبة للمنام إن شاء مايكون غير الخير. وبصّح راني حابة نشكي لأم حمزة.
أختي أم حمزة انطلاقا من منام الأخت =om hadil وأنا ويقتاش أتزوني في المنام . راكي زرتي بعض البنات. لوكان ماتجينيش تلقايني مع الصباح أنطبطب على باب دارك. ونقول لهم خرجولي أم حمزة بسيف. حبيت أنشوفها . على خاطر ماحبتش أتزوني في المنام . وراني أوصلت برجليا لعندها.

[غزالة الصّحراء]

المشاركة الأصلية كتبت بواسطة أم الحبايب 26

حمد لله لراحت ظركا نكتب فيغرظي واش راكي ام حمزة نشالله يكون زوج نتعاك ريح شويا انارغم اني نشرب الدوا منينداك تطلع روح قبالا للقارص اونعناع اوثوم نشالله تكنو كامل لباس كل واحدا باسمها واش راكي يا غزلة نتاعنا فما يخص الرشتا كتكوني تحلي فيها دريلها ميزينا جيك ساهلا كتنشف كتقطعيها رشيها بشويا فرينة تصيبيها نحلتلك بفيه كجي تفوريها نفظيها من الفرينة فوري غير بشويا كتفور نحيها من كسكاس رشيها بشويا زيت انشا لله تنجحي فيها
دري عبر صغير وجربي

أهلين بسِتِّ الحبايب ياحبيبة. ومشكورة على التّوضيح. ولمّا أنجربها راني أنردلك بالخبر.. ورايح أندير اعبر اصغير كيما قلتي. ياربّ تنجح امعايا باش أنزيد اسمك لقائمة كلّ من استفدت منها ومن أعمالها المطبخية. أطباق أو حلويات أو مواضيع ذات فائدة في الحياة.
ربيّ يحفظلي أولادي ويسعدهم ويسعك كامل أوليداتكم.

[غزالة الصّحراء]

المشاركة الأصلية كتبت بواسطة hayette82

والله هذا المنتدى ماشاء الله

أهلين بيك اختي حياة. ويعطيك الصحّة على مشاركاتك. بصّح واش ألي عجبك؟ المنتدى بصفة عامة والصفحة بصفة خاصّة؟ انا صراحة المنتدى كامل أعجبني . بصّح لما أعرفت الأخت أم حمزة بفضل عصيرها ألي درتلو الإشهار . ولات الصّفحة هادي هي الأولى ألي ندخل عندها. حتى راجلي أتخلع لما شاف صفحة HISTORIQUE :confused:

[غزالة الصّحراء]

المشاركة الأصلية كتبت بواسطة hayette82

فيه اطباق وحلويات وكل مالذ وطاب

وكل مالذ وطاب أختي حياة وُلِي مَاطَابْ أَنْطَيْبُوهْ.:d:d:d:d

[غزالة الصّحراء]

المشاركة الأصلية كتبت بواسطة ***سلمى ***

واشكم ام حمزة.غزالة. Hayette.ام سوهيل .ام هديل .روح مراد...............ام اسيييييييييييييييييييييد.......................... ......................كامل مساء الانوار
انا لاباس شكرا على السؤال غزالة.مع اللي صرالي اليوم نقول الحمد لله

حاشاكم طحت من الكرسي وتلوى كتفي الايسر مع وجع كبير في مرفق يدي اليمنى
انا الان اكتب بما تبقى يصلح من يديا=اصابع يدي اليسرى
غدانروح نخدم ولما نكمل نعدي للطبيب

أهلين بيك. ياربّ على سلامتك.. مايكون غير الخير إن شاء اللّه. بصّح وعلاش أتأخرتي على زيارة الطبيب. من المفروض أتروحي بعد هاذيك الحادثة باش تتأكدي من سلامتك. رانا نستناو في الخبر . وياربّ كلّ الأمور أتكون أمليح.

[منال ومنير]

مساء الخير وشراكم
روح مراد علابلك اديت بنصيحة تاعك
البارح درت العشاء وزدت درت العشاء تع اليوم درت البارح الكباب والعشاء اليوم درت الشربة
اليوم كي روح تبق الملابس ونكري بنت الشوية

[ام سوهيل]

غزالة معجبوكش اعمالي وقيلة شفتك معلقتيش عليهم ههههههههههههههههههههه

[غزالة الصّحراء]

المشاركة الأصلية كتبت بواسطة om hadil

مساء الخير عليكم لباس عليك سلمى الحمد لله كي جاتك سلامات الطيحة واعرة
شوفي طبيب يطمنك ام حمزة وين راكي يعطيك الصحة ان شاء الله يكبرو بنياتك وانتي الي تجهزيهم
وتخرجيهم عرايس ان شاء الله ولو اني بحثت على المخدة ومشفتهاش نعرفك شاطرك وتخرجي حاجة شابة

غزالة الصحرا ء ولا نقولك غزالة الغرفة ما شاء الله عليك كلامك يريح النفس وعلى قد ما ضحكت على قد ما بكيت
والغنية هديك حطيتيهالي على الجرح حتى انا ديما نخمم على الغيب ولوكان نلقى طير طاير نقولو روح جيبلي خبارو
ديما يهدر معاي ومنشبعوش ونهار الي يطول وميهدرش ولله غير نمرض ربي يخليهم لينا ويحفظهم قد ما يكبرو يكبر همهم
ومتنسيش من بعد حطيلنا القفة نشفوها الله ينجحلك وليداتك

روح مراد الله يعينك على ضيافك ويجازيك خير تحياتي لام اسيد صدفات ام سوهيل حياة ام حبيب ام الخير منال ومنير وياربي منسيت وحدة

أهلين بيك الغاليّة أم هديل. واللّه أنا أولادي لما ايكونوا في الجامعة مانحبش نتصّل بيهم بزّاف ونخليهم ايفكروا غير فيّا. ربّي ايسّر عليه الأمور. هاذي حياتهم وهذا مستقبلهم. راني نشقى عليهم باش يقراوا . ويضمنوا المستقبل لرواحهم. الوالدين مايدوموش. وحتى لو أتخليلهم تركة لازم ايوكونوا على ىمستوى كبير من العلم باش ينجحوا في حياتهم.وما كانش ألِي إِيْكَلَّخْ لهم.