مسابقة الملازمين الأوائل للشرطة 2013

[SERGI]

السلام عليكم انا من ولاية المسيلة وراهم عيطولي اليوم ورحت استلمت الستدعاء
وراني نجوز في المسيلة يوم 16

[التحنجير]

يا جماعة بالأمس اتصلوا بي من أجل الذهاب لمركز الشرطة واستلام الإستدعاء غدا
معدلي بدون مقابلة شفوية 12

[Jules Cezar]

[QUOTE=zakou007;1055049475]4 نقاط على الشعبة
4 نقاط على المقابلة
12 نقطة على المعدل


15 معدل فما فوق = 12 نقطة
14 معدل = 10 نقاط
13 معدل = 8 نقاط
12 معدل = 6 نقاط
11 معدل = 4 نقاط
10 معدل = 2 نقاط[

والبسيكو ماشي محسوب ؟؟ وقتاش دخلتو العام اللي فات ؟؟ واش من معدل يتحسب ؟؟ واللي داخل راتراباج ؟؟ واشحال لازملك باش تنجح ؟؟ وإذا يمدولكوم النتائج ؟؟ يرحم باباكم خلونا من تاع المكتوب والمعريفة أنا نهدر على واش نعرف, واحد فاميلتي عيطلو معريفتو على 10 تاع الليل قالو غدوة على 8 تكون ف DRH خاطاك شاف النتائج قبل ما يخرجو وكي راح قالي لقيت غاشي كبير كامل عيطولهوم معارفهم اومبعد داوهم لواحد المدرسة في العاصمة و بداو إفوتوهم بالعشرة أيا كي فات هو دخل عند بسيكولوج جبدت الملف تاعو قالتلو راك ناجح نورمالمو بالصح هو مانجحش ولوكان مدارش هذا الطعن بمعريفتو لوكان منجحش دوك و هذوك كامل اللي كانو معاه وهاذو كي نجحوا اداو بلايص تاع ناس اخرين والا راني غالط ؟؟ كاين الكواليس يالخاوة اللي راهم يقولو مكاش وبلادنا تمشي كيما لازم جابلي ربي ماهم خارجين ماهم شايفين مازالهم نية مساكن !! وهذو اللي راهم فالمدرسة فهمونا شويا يرحم باباكم اعطيونا معلومات مفيدة واخطيونا من هدرة المكتوب والمعريفة وإلا حبيتو نزيد نحكيلكم حكايات اخرين على المعريفة ياالي عايشين في كاش كوكب اخر ماشي مشكل

[rayan djemaa]

السلام عليكم
ااخي وصلت بك الدرجة انك تقول المكتوب مكنش منو اتقي الله يا أخي
قل لن يصيبنا الا ما كتب الله لنا
أخي أنا نعرف ناس ربحو بالمعريفة مي خرجو من الستاج على خاطر مش كاتبلوا ربي يدخل ملازم أول
يا اخي صلي ركعتين و استغفر الله واتكل على ربي ومتزعف روحك ما والوا الكاتبة تلحقك
ربي يوفقك ويوفق الجميع + ارض الله واسعة

[f310]

السلام عليكم انا من ولاية مستغانم وراهم عيطولي اليوم ورحت استلمت الاستدعاء
وراني نجوز في الشلف يوم 16

[karim.messi]

المشاركة الأصلية كتبت بواسطة التحنجير

يا جماعة بالأمس اتصلوا بي من أجل الذهاب لمركز الشرطة واستلام الإستدعاء غدا
معدلي بدون مقابلة شفوية 12

واش قريت انتا خويا حقوق ولا رياضة !!!!

[التحنجير]

المشاركة الأصلية كتبت بواسطة karim.messi

واش قريت انتا خويا حقوق ولا رياضة !!!!

علوم قانونية و إدارية

هذا هو الإسم الصحيح والكامل

أحسن ولا لالالا؟؟؟

[karim.messi]

المشاركة الأصلية كتبت بواسطة التحنجير

علوم قانونية و إدارية

هذا هو الإسم الصحيح والكامل

أحسن ولا لالالا؟؟؟

كاين منها ههه حتى انا معدل السنة الاخيرة تاعي 12 لكن يضهرلي بلي كاين بزاف مترشحين معدلاتهم كبيرة الله يبارك ماطيرلناش معاهم ولا كيفاش هههه

[sami_g1990]

salam, khawti ana men setif we lyoum lahguetni el convocation le concours fe le 16 dec 2013 a Constantine. rabbi ywefe9koum kamel

[sami_g1990]

khawti li 3ando master yahassbolo el mo3adel ta3 l3am lakher fel master wela ta3 la licence!!!

[Buffalo]

السلام عليكم ، اليوم نحكيلكم قصتي الطريقة نوعا ما ..
بعدما كنت متشائم بخصوص الاستدعاء للامتحان البسيكوتقني كوني الزهر دائما يعطيني بظهرو و دائما مختلف عن الاخرين و في كل المجالات .... و الدليل لحد اليوم باش عيطولي يعني فالدقائق الاخيرة ..
اليوم على التسعة و نص و انا نصف نائم و احلام اليقضة تراودني .. سمعت التيليفون يفيبري رفدت نشوف و ادا به مجرد بيباج فقط . زاد شوية زاد بيبا نفس الرقم ، جات في بالي بلي هوما ، و من بعد قلت لوكان هوما يعيطولي ديراكت علاش يبيبو يخي ماشي تمسخير هادا ، المهم السيد قاعد غير يبيبي و يعاود طمعا منو اني نعاودلو و انا من طبيعتي ما نعاودش للي يبيبي بلا ما نعرف شكون ، المهم حتى يأس باش عيطلي و رفدت ، الو قالي انعم صباح الخير ، دكرلي اسمي بسرعة فائقة و قالي الكوميسارية تاعكم و الكونفوكاسيو ، المهم ماكونش جملة مفيدة و ما فهمت والو و الهدف منو هو عدم اجتياز الثانية 30 حتى ما يخسرش الكريدي ، يا سلام .. المكالمة استغرقت 26 ثانية بالضبط ..
بعدها كي لحقت للكوماسارية و اتممت الاجراءات . قالي الكوميسار ماهوش هنا اضرب دورة و ولي يكون هنا ..
بعدها خرجت و بعد نصف ساعة تقريبا انا نمشي حتى شفت التيليفون لقيت حبيبنا يبيبي .. ايا قلت نعاودلو ، قالي راه جا الكوميسار و بطريقة هادئة عكس المكالمة الاولى ،.. المهم رحتت جبت الاستدعاء ، يوم 16 ديسمبر بالصومعة .حقا الاختلاف يكمن حتى في طريقة الاتصال بي . و الغريب انو اليوم كنت ناوي نروح ليهم .. و الاغرب من ذلك صادف اليوم 4 ديسمبر عيد ميلادي 25 ..
و كلمة حق البوليسي هادا ناس ملاح و معاملتو كانت في المستوى و فوق ، و ربي يوفقنا ان شاء الله

[youcef explosif]

المشاركة الأصلية كتبت بواسطة buffalo

السلام عليكم ، اليوم نحكيلكم قصتي الطريقة نوعا ما ..
بعدما كنت متشائم بخصوص الاستدعاء للامتحان البسيكوتقني كوني الزهر دائما يعطيني بظهرو و دائما مختلف عن الاخرين و في كل المجالات .... و الدليل لحد اليوم باش عيطولي يعني فالدقائق الاخيرة ..
اليوم على التسعة و نص و انا نصف نائم و احلام اليقضة تراودني .. سمعت التيليفون يفيبري رفدت نشوف و ادا به مجرد بيباج فقط . زاد شوية زاد بيبا نفس الرقم ، جات في بالي بلي هوما ، و من بعد قلت لوكان هوما يعيطولي ديراكت علاش يبيبو يخي ماشي تمسخير هادا ، المهم السيد قاعد غير يبيبي و يعاود طمعا منو اني نعاودلو و انا من طبيعتي ما نعاودش للي يبيبي بلا ما نعرف شكون ، المهم حتى يأس باش عيطلي و رفدت ، الو قالي انعم صباح الخير ، دكرلي اسمي بسرعة فائقة و قالي الكوميسارية تاعكم و الكونفوكاسيو ، المهم ماكونش جملة مفيدة و ما فهمت والو و الهدف منو هو عدم اجتياز الثانية 30 حتى ما يخسرش الكريدي ، يا سلام .. المكالمة استغرقت 26 ثانية بالضبط ..
بعدها كي لحقت للكوماسارية و اتممت الاجراءات . قالي الكوميسار ماهوش هنا اضرب دورة و ولي يكون هنا ..
بعدها خرجت و بعد نصف ساعة تقريبا انا نمشي حتى شفت التيليفون لقيت حبيبنا يبيبي .. ايا قلت نعاودلو ، قالي راه جا الكوميسار و بطريقة هادئة عكس المكالمة الاولى ،.. المهم رحتت جبت الاستدعاء ، يوم 16 ديسمبر بالصومعة .حقا الاختلاف يكمن حتى في طريقة الاتصال بي . و الغريب انو اليوم كنت ناوي نروح ليهم .. و الاغرب من ذلك صادف اليوم 4 ديسمبر عيد ميلادي 25 ..
و كلمة حق البوليسي هادا ناس ملاح و معاملتو كانت في المستوى و فوق ، و ربي يوفقنا ان شاء الله

خخخخخخخخخخخ قعرتني بالضحك
إن شاء الله هذي بداية الأخبار لملاح ليك
ربي يوفقك خويا

[Buffalo]

ان شاء الله الاخ يوسف لينا و للجميع

[التحنجير]

عين البنيان على 7 و 30 صباحا

[nori88]

انا من غليزان اجتزت الامتحان البسيكونقني في الشلف يوم 10 نوفمبر ......هل هناك من اتصلوا به بخصوص المقابلة الشفوية ام مازال...علما ان دفعة العام الماضي دخلت الى المدارس يوم 23 ديسمبر.................من فضلكم من عنده اي اخبار يفيدنا بها..وشكرا