بداية يوم جديد - الصفحة 153

غزالة1 · 2016-03-16, 20:12

السلام عليكم
اروئ انا هننااااا
اهلا جهينة هنا ام صابرين امال العروسة
ان شاء الله تلتحق بقية الفراشات
اليوم قمت بالاعمال اليومية فقط و الصلاة على وقتها فقط حسيت نفسي تعبانة شوية

غزالة1 · 2016-03-16, 20:15

يا بنات كتبت رسالة خاصة لام متين لكن الرسالة لم ترسل لانو رحت نتأكد من صندوق الصادر لم اجد الرسالة لا ادري اين الخلل

غزالة1 · 2016-03-16, 20:21

راني كررت المحاولة و جازت الرسالة ان شاء الله توصلها و طمنا

غزالة1 · 2016-03-17, 06:51

السلام عليكم
اصبحنا واصبح الملك لله

arwa alaa · 2016-03-17, 07:29

صباح الخير يا فراشات واش راكم
البارح مقدرتش نرسل الرد ومبعد ان شاء الله نكتب التقرير اليوم العطلة
بصح هنا نص الولاد مقراوش العشية اناوليدي دارو هفلة واليوم يجيبولهم مهرج

ام آدم · 2016-03-17, 09:32

صباحكم ورد وفل وياسمين يا أحلى لمة لأحلى فراشات
غزالتنا الرائعة ما تتخيليش واش نحبك
رغم غيابي لاسباب نفسية كنت كل يوم ندخل ونقرا الصفحات وحدة وحدة نشكر كل من سقسات عليا
الحمد لله فترة الغياب كانت مثمرة وناجحة تعلمت خلالها امور بزااااااااف
اليوم مرالي راهو طالع لانو ابني جاب امتياز ربي يسترو ويحفظ كل ابناء المسلمين
اروى آلاء منورة الصفحات بمشاركاتك
حبيبة عودة ميمونة والله يوفقك في حياتك الاسرية والمهنية و في كل شي
حبوباتي الفراشات الغائبات ان شاء الله تكونو لاباس ام متين نسمة صبح ام مؤمن ام هزار ...............
ام صابرينانت ملهمتنا بنشاطك والتزامك ربي يحفظك

غزالة1 · 2016-03-17, 10:43

مبارك عليك وعلى وليدك يا ام ادم اهلا و الله طولتو الغيبة لكن الحمد لله انو النتائج مرضية
احبك الله حبيبتي شعور متبادل و كل الفراشات لانو اجتمعنا في الخير

يلا يا فراشات ان شاء الله ترجع اللمة من جديد و طمنونا كامل عليكم و بعد انتهاء العطلة نعود لتطبيقاتنا

غزالة1 · 2016-03-17, 10:45

اروئ روحي و خذيني معاك للحفلة تاع وليدك نحو على بالنا شوية

ام آدم · 2016-03-17, 10:58

الله يبارك فيك غزالة
كنت عملت برنامج تنظيفي قبل العطلة والحمد لله كملت المطبخ وغرفة الاطفال مازلتلي روتوشات لغرفة نومي والصالون
هذا على المستوى التنظيفي بالنسبة للهواية خيطت بيجامة وراني رايحة نخيط قندورة للربيع ان شاء الله
على المستوى الشخصي راني نطور في نفسي بشوية نتقدم بسرعة السلحفاة لكن الحمد لله خير من الرجوع الى الوراء
احبكن في الله جميعا يلا ادخلو كامل خلي الدورة تولللللللللللللللع

ام آدم · 2016-03-17, 10:59

هيا كل وحدة تقوللنا واش هو برنامجها في هاذ العطلة

hanamohamed · 2016-03-17, 11:53

أبعد الله عنكم شر النفوس .. وحفظكم باسمه السلام القدوس .. وجعل رزقكم مباركا غير محبوس .. وجعل منزلتكم عنده جنة الفردوس ..
جعلني الله وإياكم من المتحابين في جلاله ..ومن الذين يجزون بأحسن ما كانوا يعملون ..ومن الذين سبقت لهم من ربهم الحسنى ..وهم عن النار مبعدون
وفقكم الله جميعا

arwa alaa · 2016-03-17, 13:48

السلام عليكم صح غداكم د
انا درت سباقيتي في الغداء
مرحبا بيك ام ادم والله برنامجي شوية تخلط
كنت رايحة لعند عجوزتي نهار السبت ومبعد تبدل البروقرام
السمانة الاولى نقعد في الدار بلاك نكمل نظم شوية الحالة ولكان الجو مليح نخرج لبنات نديهم للبارك مساكن ميخرجوش من الدار غير لا راحو عند جداهم
والاسبوع الثاني عند عجوزتي راح نديرو الخطبة نتاع لوسي ومنيشرايحة لدارنا راهم يخدمو فيها يوجدو لعرس خويا في الصيف ان شاء الله ادعيولو ربي يكملو على خير
هذا هو البرنامج مفيه والو

arwa alaa · 2016-03-17, 13:51

غزالة شفتي الطفرت غير فيا وفيك النساء كامل اداو ولادهم للحفلة وقعدو معاهم وداو لولاد الصغار لي في الدار كامل يتفرجو على المهرج والله غاضوني بناتي مساكن غير هومة مرحوش اشاف انتاع الدار ميحبش ...............

غزالة1 · 2016-03-17, 14:47

السلام عليكم
برنامجي في العطلة يجوني الضيوف ممكن اسبوع ثم انا نروح نزور اهلي و اهل زوجي

غزالة1 · 2016-03-17, 14:49

اروئ يلا عندك ما تخيطي صيفك تفوتيه في الاعراس العاقبة لوليداتك يكبرو و تفرحي بيهم