الى ام اسيد1 وكل وحدة حاصلة واش الطيب - الصفحة 151

ام حمزة22 · 2015-01-23, 21:08

اقتباس:

المشاركة الأصلية كتبت بواسطة منال ومنير

مساء الخير اخوات وشراكم
نشكركم بزاف على النصيحة انشاء الله تكون في ميزان الحسنات يا رب

اقتباس:

المشاركة الأصلية كتبت بواسطة منال ومنير

يعطيك الصحة ام حمزة انا تني طيبتلهم لتاي وزوجي شرىالكاوكاو

مساء التنوار منال ومنير ان شاء الله فدرتي تثيبي حل لتقسيم وقتك
بصحتكم لاتاي والكوكاو

ام حمزة22 · 2015-01-23, 21:12

اقتباس:

المشاركة الأصلية كتبت بواسطة om hadil

مساء الخير عليكم لبنات ان شاء الله راكم بخير هاذو االرشتة الي تحكو عليها احنا نسموها القوارط

مساء الانوار ام هديل
هادا نوع تاني لرشتة يعطيك الصحة

منال ومنير · 2015-01-23, 21:13

لبنات تصبحو على خير اروح اريح شوية

ام حمزة22 · 2015-01-23, 21:20

اقتباس:

المشاركة الأصلية كتبت بواسطة منال ومنير

لبنات تصبحو على خير اروح اريح شوية

تصبحي بالف خير

غزالة الصّحراء · 2015-01-23, 21:21

حبيباتي غالياتي الحمد للّه كيراكم كامل بخير. وماشاء الرّحمان راكم زينتوا هاذي الصّفحة بمواضيع رائعة وبردود أروع. راني أضربت طلّة برك . أتوحشتكم. سامحوني البارح بكيتكم. وبصّح البكا أنتاع البارح ولالي فرح. أوليدي لكبير بسلامتو جاني اليوم. أقريب طرت من الفرحة. والصغير أقعد في الجامعة عندهم امتحانات ، بصّح درت لو شارك أنتاع أم أماني باش يديهولو خوه.

أختي أم حمزة اليوم رايح أنضحككم اشويا. شوفي غير أفرحيلي . أعملت أسوارة . بصّح ماشي بالكريات السّحريّة. أعملتها بالكريات الخشبيّةهههههههههههههههههههههههههه.: لما ألقاني راجلي في المكتب انتاعو قدّام الحاسوب قالي واشن كلّ هاذا؟؟؟؟؟؟ قلت راني نتعلّم باش نصنع أسوارة . بصّح أنجرّب أقبل بهاذوا الكريات. . واللّه غير أفرحت بالبزاف لمّا شفت النّتيجة. أكيد بدايّة موفّقة.
يالبنات أصنعت سعفة بخيط أنتاع الباتيسري. وجات روعة. أنهار ألي يكتّب ربّي أنوري لكم الطّريقة.
أختي ام حمزة ماشاء الرّحمان على الطّرز أنتاعك. راكي درتي حديقة ساحرة. واللّه غير راكي سحّرتيني . أخموس عليك . راكي فنّانة في القمّة. ياسعد بناتك. أكيد التروسوا أنتاعهم رايح ايكون من يدين أحلى أمّ. ربّي يحفظك. ويحفظ الجميع.
غير ماتخافوش . نقعد اشويا مع وليدي بسلامتو ونرجع. وإذا أتأخّرت رايح أنرد على كلّ وحدة كيما ايحبّ خاطرها.
هاي صورة الكريات الخشبيّة

غزالة الصّحراء · 2015-01-23, 21:33

اقتباس:

المشاركة الأصلية كتبت بواسطة ام حمزة22

لبنات اليوم زوجي كان عندو لزاف شروط انا نقلو نقس من الماكلة وهو يتفشش
قالي طيبيلي شوربة وطيبيلي لاتاي وحمصيلي الكاوكاو وطيبيلي بريوش
ومن جيهة اخرى ولتدي ما يكاوش الشوربة طيبتلهم بوري بالفيلي نتاع الدجاج
الفيلي نتاع اادجاج حضرتو الاسبوع لي فات وحطيتو فالمجمد من بعد نبعتلكم الطريقة
كنت حابة نحشي الفيلي بالجبن لتكن مت كانش متوفر عندي دهنتو غير بالزيت والملح وفلفل اكحل وىويتو ودخلتو الكوشة في كيس الفرن

هادي شوربة

هادي بوري بفيلي اادجاج

وهادا بريوش درت بزيادة كي رحت عند اهلي ديت معايا

وهادا راني نحضر في لاتاي

وهادا الكوكاو لي حمصتو

بصحّتكم كلّ هاذه الأطباق. مشاء اللّه عليك إمرأة ونصّ. ربّي يحفظك ويشكرك ويحفظ لك ذريتك وراجلك. أختي ام حمزة. راجلك راه كيما راجلي . يتشرّط ويزيد. وخاصّة الكاوكاو مايخطيناش كامل. كلّ مايتخلاص التحماص الأوّل ايزيد يشريلي . رانا ولينا مدروقيييين. المشكل أنا في داري مايحبوش الشّربة غير في رمضان وأنا أنموت عليها. بصّح واللّه غير هاذي مدّة مادرتهاش. راكي شهيتيني. رانا نستناو في الطريقة أنتاع الفيلي نتاع اادجاج.

ام حمزة22 · 2015-01-23, 21:41

الله الله عليك يا لغزالة
انا كنت رايحة نعست وعينيا نغلقو كي شفت ردك نخلو عينيا
ربي يفرحك بولادك حبيبتي الله لا يحرمك من شوفتهم وربب ينجحهم في قرايتهم
براغو عليك راكي تتعلمي فالفن والله رائع راح ينسيك في شقائك وتعبك
غزالة انن تحكي على التروسو وانا نضحك بنتي صغيرة عندا8 سنين كي شافت المخدة قالتلي ماما هادي خدمتيها ليا واختي باه كي نتزوجو نحطوها تحت رجلينا
والله دراري نتاع درك غير معجبين ربي يحفض جميع وليدات المومنين

ام حمزة22 · 2015-01-23, 21:46

اقتباس:

المشاركة الأصلية كتبت بواسطة غزالة الصّحراء

بصحّتكم كلّ هاذه الأطباق. مشاء اللّه عليك إمرأة ونصّ. ربّي يحفظك ويشكرك ويحفظ لك ذريتك وراجلك. أختي ام حمزة. راجلك راه كيما راجلي . يتشرّط ويزيد. وخاصّة الكاوكاو مايخطيناش كامل. كلّ مايتخلاص التحماص الأوّل ايزيد يشريلي . رانا ولينا مدروقيييين. المشكل أنا في داري مايحبوش الشّربة غير في رمضان وأنا أنموت عليها. بصّح واللّه غير هاذي مدّة مادرتهاش. راكي شهيتيني. رانا نستناو في الطريقة أنتاع الفيلي نتاع اادجاج.

الله يسلمك غزالتي
انا طيبت غير شوية شوربة ليا ولزوجي والله جات بنينة ما تنشبع
اما عن فيلي اادجاج رغعت الصور بصح ما قدرتش نحطهم عييت سوية نضت بكري اليوم وما درتش قيلولتي على هديك لي عييت
الا ما حطيتهتش اليوم بادن الله فالغد نحطها

غزالة الصّحراء · 2015-01-23, 21:52

اقتباس:

المشاركة الأصلية كتبت بواسطة ام حمزة22

الله الله عليك يا لغزالة
انا كنت رايحة نعست وعينيا نغلقو كي شفت ردك نخلو عينيا
ربي يفرحك بولادك حبيبتي الله لا يحرمك من شوفتهم وربب ينجحهم في قرايتهم
براغو عليك راكي تتعلمي فالفن والله رائع راح ينسيك في شقائك وتعبك
غزالة انن تحكي على التروسو وانا نضحك بنتي صغيرة عندا8 سنين كي شافت المخدة قالتلي ماما هادي خدمتيها ليا واختي باه كي نتزوجو نحطوها تحت رجلينا
والله دراري نتاع درك غير معجبين ربي يحفض جميع وليدات المومنين

مشكورة حبوبتي أم حمزة كي ماغلقتيش عليّ عينيك. ربّي يشفيهم لك. هاذوك لعوينات الزّينين ألي شافوا ردّي . وربّي يحفظلك أبناتك. ها شفتي . أنا قلت لك ياسعد أبناتك ألي عندهم أم كيما أنتيا. والصّغيرة فكرت مسبقا في التروسو أنتاعها وأنتاع أختها. أنقولك واللّه في وقتنا ماكنا نعرفوا الرّاس من الرّجلين. بصّح هاذا هو الجيل أنتاع اليوم. ربّي يحفظهم لك. ويفرحك أنتي ثاني في وليداتك وينجحهم . وصيهم على المراجعة والمداومة عليها راهي الفروض أبدات. ربّي اينجحهم وينجح كامل الذريّة أنتاع النّاس بصفة عامة وأنتاع بنات هاذي الصّفحة بصفة خاصّة.
لبنات ماتزعفوش عليّ اليوم. رايح أنريّح اشويا مع وليدي وغدوا بإذن اللّه أنحاول أنرد على كلّ وحدة.
تحياتي الخالصّة وليلة سعيدة.

ام حمزة22 · 2015-01-23, 21:59

هادي في خاطرك غزالة
هنا عندنا صدر الجتج نحيلو الجلدة والعضم
ثم بالسكين نقطع شرائح الدجاج
من بعد نحطهم فوك كيس بلاستيكي ونغطيهم بكيس آخر ونضربهم شوية باه نرققهم
حضرت شوية زيت + ثوم + ملح + فلفل اكحل قم دهنت الفيلي من الداخل من بعد لفيتو على بعضو وربطتو بخيط ااتطراح وزدت دهنتو من غوق وحطيتو فب كيس الفرن وحمرتو
وهادي النتيجة وان شاء الله تعجبكم هتد الطربقة

غزالة الصّحراء · 2015-01-23, 21:59

اقتباس:

المشاركة الأصلية كتبت بواسطة ام حمزة22

الله يسلمك غزالتي
انا طيبت غير شوية شوربة ليا ولزوجي والله جات بنينة ما تنشبع
اما عن فيلي اادجاج رغعت الصور بصح ما قدرتش نحطهم عييت سوية نضت بكري اليوم وما درتش قيلولتي على هديك لي عييت
الا ما حطيتهتش اليوم بادن الله فالغد نحطها

شوفي ياحنونة اللّه ايسّر عليك الأمور كيما راكي تيسريها علينا. راكي سخفتيني لما قلتي جات بنينة ماتنشبع. وقيل هاذيك ألي رايح أنديرها غدو. ناكل فيها الفطور والعشا. وراجلي أنشوف واش أندير لو. على خاطر أوليدي بسلامتو غدو إن شاء اللّه يرجع للجامعة. دار زيارة خفيفة برك.
كلّ مانجي نخرج ونلقا ردّك أنزيد نبقى. واللّه غير القعدة معاك تحلى ومَاتَنْتمَّلْ . رّبي يحفظك لينا. ماتنسايس لمّا أتكملي الأعمال الفنيّة أنتاعك. بالسيراميك أعطينا الصوّر. أخموس عليك مرة أخرى . ليلة سعيدة للجميع الغاليات وكلّ واحدة باسمها.

غزالة الصّحراء · 2015-01-23, 22:05

اقتباس:

المشاركة الأصلية كتبت بواسطة ام حمزة22

هادي في خاطرك غزالة
هنا عندنا صدر الجتج نحيلو الجلدة والعضم
ثم بالسكين نقطع شرائح الدجاج
من بعد نحطهم فوك كيس بلاستيكي ونغطيهم بكيس آخر ونضربهم شوية باه نرققهم
حضرت شوية زيت + ثوم + ملح + فلفل اكحل قم دهنت الفيلي من الداخل من بعد لفيتو على بعضو وربطتو بخيط ااتطراح وزدت دهنتو من غوق وحطيتو فب كيس الفرن وحمرتو
وهادي النتيجة وان شاء الله تعجبكم هتد الطربقة

اللّه ايزيّنك في عيون راجلك ويرفع من قيمتك أكثروأكثر. ويزن سعد أولادك بالخصّوص البنات. اللّه ايبارك عليك. واللّه غير تحفة .وطريقتها سهلة. وأكيد أبنينة وحلوة كيما أنت وأعمالك. رايح أنجربها لما ايكون عندي الدّجاج. روعة. يا أروع أم حمزة.سلامي الحار لك ولكلّ الأخوات . وكلّ واحدة باسمها. . تمنياتي لكن ليلة سعيدة وأحلام أسعد. وإلى الملتقى بإذن الرحمان.

ام حمزة22 · 2015-01-23, 22:09

ايا خلاص غزالة روحي شبعي من ابنك
تصبحي بالف خير
احلام سعيييييييييييييدة

غزالة الصّحراء · 2015-01-24, 07:27

اقتباس:

المشاركة الأصلية كتبت بواسطة ام حمزة22

ايا خلاص غزالة روحي شبعي من ابنك
تصبحي بالف خير
احلام سعيييييييييييييدة

ياصباح النّور ياصباح الهناء ، ياصباح الخير والبركات على كلّ واحدة منكنّ دون استثناء. حبوبتي أم حمزة اسمعت أكلامك ورحت أقعدت مع أوليدي بسلامتو ودردشنا اشويا. واليوم راح بكري. أما الصغير أبعثت لو الشراك + البنان+ ليفراز + الكاوكاو لمحمص . اللّه اينجحهم وينجح كلّ أوليداتكم. في قرايتهم وفي حياتهم ويبعد عنهم كلّ المصائب. ياربّ
كيما وعدتكم رايح أنرد على كلّ وحدة قدر المستطاع. وياربّ الرّدود أتفرحكم وتريحكم.

غزالة الصّحراء · 2015-01-24, 07:31

اقتباس:

المشاركة الأصلية كتبت بواسطة صدفات

آمين يا غزالتي لازم نحسوا ببعضنا رانا أمهات و نعرفه ماهي قيمة النجاح للاولاد
وبمناسبة الحلويات راني جربت قاطو الشطرنج خرجلي روعة راه في قسم الوصفات المجربة .

واش راكي حنونة ياربّ اتكوني بخير. أنت والعائلة. واللّه غير رحت لقسم الوصفات المجربة لكن مالقيتوش. أعطيني الرابط. على خاطر راكي جربتيه ونجح معاك ،و راكي سخفتيني. واش راكم مع البرودة. والثلج ذاب ولاّ زاد؟؟؟