دورة خطواتي الواثقة لأصبح ربّة بيت متألّقة

[زهرة أوركيدية]

المشاركة الأصلية كتبت بواسطة جهينة اليقين

السلام عليكم ما شاء الله الصفحات كثرو كنت غير نقرا اليوم نضت شربت الماء راكم نسيتوه كامل وصليت وقريت الورد ومشطت شعري ياااا سلام مسكين كان غير تحت الفولارة يطل وما غطيتوش وغسلت بغسول ابنتي اظن يسموه فولي فول جاي بنفسجي ودرت مسك للابطين وانطلقت درت القهوة تطيب والى الغسالة ورجعت شربت انا والزوج صدقوني على السابعة والنصف كنت مكملة النشير ثلاث حبال وغسلت الماعن وسيقت الهول والغرفة والدروج والمطبخ ودرت الفطور راني قريب نطفي عليه والله روعة النهوض باكرا

ماهو مسك الابطين اختي

[جهينة اليقين]

مساء الخير والله يا اختي هذا المسك اعطاوه لي الحجاج هدية داير كيم الطرف تاع الصابون بصح يتفتت ورائحته زكية

[خوخة02]

المشاركة الأصلية كتبت بواسطة sali kanouza

بغيت نسسيكم وجاوبوني كيما قلتلكم عندي 26 يوم ملي زيدت سيزاريان مع العلم تاني بولدي درت سيزاريان مبصح الجرح يوجععني في جهة اليمين عطاوني بوماد كي خرجت من الكلينيك اسمها ميبو كنت نديرها على الجرح ودرت ماني العسل الحر ومازالني نتوجع شوية باش تنصحوني ربي يجازيكم خايفة لاني ما حافظتش على نفسي بحكم الضروف اللي كانت

شفتي اختي سيزاريان شحال صعيبة
انا تان زيدت سيزاريان عندي 10 اشهر صح يبثقى يوجعك انا حتى كملت شهرين باه تحسنت ديري غير العسل الحر هو علاج جيد وماترفديش حاجة ثقيلة اياكي

[خوخة02]

اسيل حبيبتي والله غير كنت رايحة نجاوبك شفت الرد تاع ام صفصف ربي يحفظها لوليداتها
مكانش كيما القران ارقيهم بنفسكم ومسحيلهم على روسهم قبل الخروج بالدعاء وخليها على ربي مايكون غير الخير ان شاء الله

[الطائعة لزوجها]

المشاركة الأصلية كتبت بواسطة Oum Mohamed123

اختي الطاىعة لزوجها الله يبارك راكي فشلتيني انا 15 كيلو عييت نكملهم رقبتي تقتلني كنبدا فيه قريب نتكى ونشلح.شفتي لقفازة هههههه

انا تاني ضهري نهد حتى خليته في الما وليت نشرح فيه على مهلي

[الطائعة لزوجها]

المشاركة الأصلية كتبت بواسطة sali kanouza

السلام عليكم ورحمة الله تعالى وبركاته اخواتي في الله فرحتي اليوم لا توصف فبعد موافقة زوجي للانظمام اليكم دموعي المعبرة عن فرحتي لا تتوقف فوالله حلم كبير وتحقق فبعدما تابعتكم منذ 4 سنوات انا الان بينكم صدقوني اعرفكم واحدة واحدة وكل اخت فيكم لها صورة في مخيلتي المهم اعذروني فمن شدة فرحت صرت اهذي

اهلا بيك بيناتنا ياربي تستفيدي و تفيدينا انشاء الله و مبروك عليك المزيودة و الله يشلفيك مترفديش التقل انا تاني نزيد سيزاغيان شحال صعيبة الله يكون معاكم

[الطائعة لزوجها]

اسيل ام محمد جهينة ام تينة بارك الله فيكم و صح فطور كل الصائمات

[خوخة02]

راه ياذن بصحت الصايمات

[sali kanouza]

المشاركة الأصلية كتبت بواسطة خوخة02

شفتي اختي سيزاريان شحال صعيبة
انا تان زيدت سيزاريان عندي 10 اشهر صح يبثقى يوجعك انا حتى كملت شهرين باه تحسنت ديري غير العسل الحر هو علاج جيد وماترفديش حاجة ثقيلة اياكي

عندك الحق اختي خوخة صعيبة بزاف انا المرة الاولى ما حسيتش كنت نسكن مع العايلة ودارو عرس سلفي صدقيني عندي 15 يوم نطلع الدروج ونشقى والله التعب لي تعبته وما حسيمش والمرة هذي راني نسكن وحدي لكن رحت عند اهلي يعني من المستشفى وشوية عانيت لانو يوم لي زيدت كان جدي والد امي عنده يومين ملي توفى رحمه الله وكانت الناس تجي تبارك وتعزي في نفس الوقت وانا مانجمتش نشوف الوالدة مغبونة ومانساعدهاش علابيها ما حافضتش

[sali kanouza]

المشاركة الأصلية كتبت بواسطة الطائعة لزوجها

اهلا بيك بيناتنا ياربي تستفيدي و تفيدينا انشاء الله و مبروك عليك المزيودة و الله يشلفيك مترفديش التقل انا تاني نزيد سيزاغيان شحال صعيبة الله يكون معاكم

ترحب بيك الجنة اختي الطائعة ويبارك فيك فرحت بزاف كي باركتيلي وكيما قلت للاخت خوخة والله ما حافضت ورفدت الثقل راني حاسة بالحرقة في جهة اليمين قلت بلاك مين هذي المرة الثانية صرالي هاك ان شاء الله خير والحمد لله

[sali kanouza]

اخواتي الصائمات تقبل الله وجعله في ميزان حسناتكم

[sali kanouza]

انا هاذ العشية بعد ما ودعتكم نضت خملت الغرفة لانو وليدي بسلامتو العابو في كل مكان وغسلت وجهي ومشطت وضعت كحل واحمر شفاه خفيف وعطر ورحت للمطبخ وجدت الشاي لزوجي وقهوة ليا ولوليدي مع كروكي كنت حضرتو يوم السبت بكمية كبيرةونصبت العشاء وغسلت السلطة ودرت فاصل مع بنتي جاء الزوج جابلي خزانة الصراحة هي مليحة وعملية وسعرها رخيص مقارنة بلي كانت عاجبتني المهم عشايا راهو واجد بقالي نححضر سلطة فاكهة

[جهينة اليقين]

صح فطوركم يا الصايمات والله هذه الايام مناسبة جدا للصوم سالي راكي شطورة حبيبتي واحدة واحدة عليك حافظي على روحك راكي جديدة فالعملية

[جهينة اليقين]

ام هارون ارواحي مرحبا بيك جيبي قاع الفرقة الموسيقية معاك نعرفك......هههههههه كاش واحدة ما تحبش بنتها وولاد بنتها

[خوخة02]

جهينة حبيبتي وانا ماعلرضتينيش عندي غير ولد واحد نجي