دورة خطواتي الواثقة لأصبح ربّة بيت متألّقة

[~اسيل ريحانتي~]

ام هاجر اهلا بيك حنونة صح ماكانش كيما الدعاء ربي يحفظلنا ولادنا من ولاد الحرام وقت وصلناله يا لطيف الطف بينا يا رب

[ام صفصف]

اهلا بالغاليات ام هجر وام هارون
يسقسي عليكم الخير حباباتي،الحمد لله دائما

[sali kanouza]

ربي يحفضلك اولادك اختي ام هاجر وجميع اولاد المسلمين

[omelbanin]

ختي سالي، لولاد لكبير الحق عاقل وشنو المعلمة قالتلي في الفترة الاخيرة ولا يهدر شوية في القسم، ولقراية الحمد لله.
والصغير قالتلي راهو مليح.

[ام صفصف]

اختي ام اسيل كيما قالتلك ام هاجر عليك بالدعاء
انا ايضا منين زيدت وهما يروح وحدهم،ربي يحفظهم ويسترهم وجميع ابناء المسلمين
لكن نقولك واش راني نديري ،ان شاء الله تستفادي،وايضا تطمني عليهم لانهم في حفظ الله
1-حاولي ترقي الماء كل صباح او تحضريه فالليل ،وتمديلهم يشرب منو قبل الجروج، وصحيا ايضا شرب الماء قبل الخروج ينقص من الاصابة بنزلات البرد
2-عوديهم يجهزو انفوسهم قبل الوقت المعتاد بخمس دقائق وقراي معاهم الاخلاص والمعوذتين ثلاث مرات واية الكرسي،باش يتعود يحصنو انفسهم
3-كي يكونو خارجين حطي يدك على جبين كل واحد وقولي الدعاء ،اللهم اني اعيذه بك من كل شيطان وهامة ومن كل عين لامة
4-كي يخرجو لازم يقول دعاء الخرج،توكلت على الله ولاحول ولا قوة الا بالله
5-كي يخرج قولي،استودعتكم الله الذي لاتضيع ودائعه
لان الله خير حافظ

[sali kanouza]

المشاركة الأصلية كتبت بواسطة sali kanouza

بغيت نسسيكم وجاوبوني كيما قلتلكم عندي 26 يوم ملي زيدت سيزاريان مع العلم تاني بولدي درت سيزاريان مبصح الجرح يوجععني في جهة اليمين عطاوني بوماد كي خرجت من الكلينيك اسمها ميبو كنت نديرها على الجرح ودرت ماني العسل الحر ومازالني نتوجع شوية باش تنصحوني ربي يجازيكم خايفة لاني ما حافظتش على نفسي بحكم الضروف اللي كانت

^حبيباتي عاودت جبتلكم السؤال بلاك ما شفتوهش تعيشو جاوبوني وربي يجازيكم

[sali kanouza]

المشاركة الأصلية كتبت بواسطة omelbanin

ختي سالي، لولاد لكبير الحق عاقل وشنو المعلمة قالتلي في الفترة الاخيرة ولا يهدر شوية في القسم، ولقراية الحمد لله.
والصغير قالتلي راهو مليح.

مليح اختي ام البنين ووليدك حاولي تنبهيه لانو الاكلام راه يشوش عليه وما يخليهش يركزوربي يخليهملك ههه

[~اسيل ريحانتي~]

المشاركة الأصلية كتبت بواسطة ام صفصف

اختي ام اسيل كيما قالتلك ام هاجر عليك بالدعاء
انا ايضا منين زيدت وهما يروح وحدهم،ربي يحفظهم ويسترهم وجميع ابناء المسلمين
لكن نقولك واش راني نديري ،ان شاء الله تستفادي،وايضا تطمني عليهم لانهم في حفظ الله
1-حاولي ترقي الماء كل صباح او تحضريه فالليل ،وتمديلهم يشرب منو قبل الجروج، وصحيا ايضا شرب الماء قبل الخروج ينقص من الاصابة بنزلات البرد
2-عوديهم يجهزو انفوسهم قبل الوقت المعتاد بخمس دقائق وقراي معاهم الاخلاص والمعوذتين ثلاث مرات واية الكرسي،باش يتعود يحصنو انفسهم
3-كي يكونو خارجين حطي يدك على جبين كل واحد وقولي الدعاء ،اللهم اني اعيذه بك من كل شيطان وهامة ومن كل عين لامة
4-كي يخرجو لازم يقول دعاء الخرج،توكلت على الله ولاحول ولا قوة الا بالله
5-كي يخرج قولي،استودعتكم الله الذي لاتضيع ودائعه
لان الله خير حافظ

يا اختي ام صفصف بارك الله فيك من غدوا ان شاء الله نبدا نرقيهم في الماء كيما قلتي عجبتني بزاااف الفكرة وراح نعلمهم دعاء الدخول والخروج
روحي يا ام صفصف كيما سهلتيها عليا وطمنتي قلبي الله يسهل عليك امورك ويطمن قلبك يااارب

الله سبحانه هو الحافظ ولكان جينا متمسكين بالادعية الصباحية والمسائية والخروج والدخول لي راهم في كتاب حصن المسلم مانبقوش خايفين ونخمو ربي يقدرنا على طاعته امين يا رب العالمين

[mariamalak]

السلااام عليكم
يا عمري الفراشات تلمو اليوم راني صايمة معاكم ربي يتقبل ان شاء الله
مرحبا الوافدات الجدد ان شاء الله نستفادو من بعضانا
بصحتكم التمر و الزيتون فكرتوني كي كنت نعاون يما هنا ما عندناش مرات كي نروح للبلاد نجيب شوي
مالا وجدولي حقي راني هابطة عذا العام هههه
اسيل انا ندي بناتي و نجيبهم و نهار ما نروحش ليهم موصيتهم يجو ديركت للدار و ما يحكو مع حتى واحد و يصيبوني لاصقة فالتاقة
باش تجيكم ساهلة كي تنوضو الصباح البسو و مشطو معاهم و خلو مونتو و خمار عند الباب و تبقاو داخلين خارجين دخل عمر خرج عمر هههههع
و الاذكار تاع الدخول و الخروح انا ملسقتهم فالباب حفظوهم كي نخرجو لازم نقولوهم بصح كي ندخلو ننساو هههه
انا طيبت حريرة البارح و خليت لروحي اليوم و ضرك نوض ندير طاجين زيتون
اضربو طلة مرة على مرة في قسم الدردشة كاين موضوع شباب تدو افكار

ادعولي راني نستنى في حاجة مهمة اليوم ان شاء الله ربي يسهل

[~اسيل ريحانتي~]

اهلا اهلا اهلا ماريا ملاك صيامك في الجنة انتي وكل الصايمات ماشاء الله بديتو تغيروني هههه عجبتني فكرة نكتبلهم الاذكار عند الباب رووووعة يا ام ملاك يعطيك الصحة
يارب تسمعي اخبار مفرحة ربي يوفقك حنونة ويسهل امورك

[sali kanouza]

اختي ماريا ان شاء الله تسمعي اخبار مفرحة يا رب لبنات اذا شفتو سؤالي نتمنى تجاوبوني اذا الامر عادي لي مالفة تزيد سيزاريان

[mariamalak]

https://www.djelfa.info/vb/showthread.php?t=2010392
هذا هو الموضوع من قسم الدردشة

[mariamalak]

ااامين يا رب شكرا على الدعاء
سالي انا ولدت طبيعي ما عنديش فكرة ان شاء الله يدخلو الاخوات يفيدوك
حبيت نوصيك حنونة ردي بالك تخلي المنتدى و الانترنات تلهيك على راجلك وولادك
حاولي تنظمي وقتك و كي يدخل راجلك قومي بيه ما تخليهش يشوفك لاسقة مع الميكرو هههه
بالعكس خليه يلاحظ التغيير الاجابي

[sali kanouza]

شكرا ماريا على النصيحة عندك الحق في كلامك الان انا مع الاولاد وحدنا في البيت واكيد كي يدخل الزوج نلتهى بيه وكيما قلت بما اني ولدت من جديد يعني قمت بتنظيف البيت عميقا ورتبت كل شيئ في مكانه بقالي ملابس اولادي اليوم الزوج راح يشريلي خزانة نظملهم ملابسهم فيها كانت عندي خزانة لابني فاستعملتها فالهول وضعت فيها المفاتيح وحاجيات نستعملوهم يوميا يعني راني نقوم بالعمال اليومية فقط صدقيني كنت مقصرة فالجانب الديني والجمالي والان بعد ما اصبحت اقرا ما تقدمه الاخت تينة وما تقدمنه الاخوات انا جد متحمسة للمواضبة على صلاة الضح وقراءة القران لانو كيما يقولو ما يدوم غير الصح

[sali kanouza]

اخواتي الصائمات تقبل الله صيامكم لا تنسونا من دعائكم اترككم الان ولي عودة اذا كتب ربي