الجمارك 2011 / 2012

[boyka86]

ما زال ما كانش جديد ’’’’’؟؟؟؟؟

[sadikawlatousadik]

المشاركة الأصلية كتبت بواسطة mshoki

خويا دادي راك درت هدٌة من المقطوعين، كلشي مبروك عليك و نشا الله ثم ثم طلٌع الغراد تاع عميد. ماكرا فيه بارسوكو ماشي جزايري ، و شي ما يخصك في المعهد كي جي لعندنا.
نشا الله تبرد و تبقى جامي تصدق يا .......... (ما عندوش لاسم)

و أنت هنا تؤكد دلك الحمد لله حنا مقطوعين ما عندناش العرف لي تدحكله و تحل فمك كي الشكارة و حتى أنك تمد 20/00 و يردها 20/18 و أنت تضحك ولى لي ما عندوش القل............... في هد البلاد ماشي جزائري هههههههههههههههههه

[abdou402009]

يا خاوتي اللي عندو خبر على الضباط يقوللنا

[g12imia]

مبروك عليك اخ دادي84 لعقوبة لكل المترشحين. والله لا يخلينا من الحاسدين، انا فوت تاع المفتشين الرئسين وفوت الرياضة وكنت من الاوائل لكن مكتبش ربي واش راح ندير الحمد لله ونكررلك الف مبرووووووووووووووووووووووووك

[عُضو مُحترم]

المشاركة الأصلية كتبت بواسطة دادي84

أسمع يا المدعو الفتى الصغير ولد عين مران ... اليوم أثبت عن جدارة بأنك صغير فالعقل انتع الصح .... ايييه دخلت بالمعريفة و انت واش راحلك و نخلي الحشيشة تدخل و نزيد نبيع البلاد نورمال ....و امبعد ...الحمد لله قريت 23 سنة من حياتي و تعبت وسهرت و نلت و العرف تاعي هو ربي سبحانو مكان حتى حد غيرو و مقبيل جاوبت هاداك الحمار بلي عندي معريفة علاخاطر أنت و أمثالك تفهمو بهاذ الطريقة ياخي حالة ياخي و مانيش عارف كيفاه حتى مدولك فالمنتدى وسام مبدع الخيمة ....راك أنسبكتور فالمنتدى يااااااااو ههههههههههههههه أنا على الاقل درت حاجة في حياتي و أنت واش درت .... عوم بحرك يا الذري
ونزيدلك حاجة لوكان صح انت جيت تغير على الجزاير كيما راك تخرف كون راك أول واحد مستعد باش يفوطي ولكن سمحلي خو والله ما نقدر نهبط المستوى تاعي لمستواك يا صغيري قغ قغ قغ

يا خويا الجزائر عندي اسمى من اني اضع علمها على شكل سلطة تأكلها الحيوانات العاشبة


فهمتني؟؟؟؟

و انا مستحيل نشارك في الجريمة ضد الجزائر المسماة انتخابات

و تأكد انك لو ما نجحتش لكان لك كلام آخر عكس هذا تماما

[abdou402009]

يا خاوتي مبروك و الف مبروك للناجحين كامل

و اللي نجح بالمعريفة بصحتو لخاطر كامل لوكان نلقاو المعريفة واحد ما يقول لالا ................ و اذا راني غالط قولولي ؟

[عادل إن شاء الله]

سلام عليكم يا جماعة الخير كانش خبر على اعوان الرقابة............................افيدونا ربي يبارك فيكم

[g12imia]

الصبر يا اخي لانه هذه الايام يبان كل شئ و قبل 31 مارس 2012 تبان كل النتائج تاع الاعوان و الضباط ان شاء الله وربي ينجحكم

[g12imia]

المشاركة الأصلية كتبت بواسطة abdou402009

يا خاوتي مبروك و الف مبروك للناجحين كامل

و اللي نجح بالمعريفة بصحتو لخاطر كامل لوكان نلقاو المعريفة واحد ما يقول لالا ................ و اذا راني غالط قولولي ؟

راك صحيح مئة بالمئة

[دادي84]

المشاركة الأصلية كتبت بواسطة g12imia

مبروك عليك اخ

المشاركة الأصلية كتبت بواسطة g12imia

دادي84 لعقوبة لكل المترشحين. والله لا يخلينا من الحاسدين، انا فوت تاع المفتشين الرئسين وفوت الرياضة وكنت من الاوائل لكن مكتبش ربي واش راح ندير الحمد لله ونكررلك الف مبرووووووووووووووووووووووووك

الله يبارك فيك أختي الكريمة تعيشي لعقوبة ليك باش نفرح معاكم لأنو الفرحة تاعي ما تكتملش حتى نشوف قع أعضاء المنتدى ناجحين باذن الله .... حبيت نعرف برك التشائم علاه أختي ياك كل شي بالمكتوب حتى انا شخصيا رغم علمي بنجاحي مسبقا ومانيش ضامن روحي و الضامن ربي سبحانو لأنو مادام كاين الحاسدين ورانا عايشين فالجزاير كل شي ممكن ....... الله يجيب الخير و الأسبوع القادم تسمعينا خبر يفرح باذنه تعالى و نغتنم هاذ الفرصة باش انقلك مبروك عيدك و عيد كل النساء الجزائريات وهادي تولويلة في خاطرك و خاطر جميع اللي يحبونا و يكرهونا يو يو يو يوووووو يووووووووووووووووووووووووووووووووي

[عادل إن شاء الله]

مبروك يا دادي وما تسمعش كلام الجايححين هاذا لي يهدر فيك باين فيه اكبر واحد ياكل الرشوة..........ربي معاك ....وكانش خبر على الاعوان فرحنا............................ربي يبارك فيك

[sefyouf]

mardi
ohtkti

[tess27]

on m'a demadé de se présenter le mercredi!! O_o

[دادي84]

المشاركة الأصلية كتبت بواسطة *الفتى الصغير*

يا خويا الجزائر عندي اسمى من اني اضع علمها على شكل سلطة تأكلها الحيوانات العاشبة


فهمتني؟؟؟؟

و انا مستحيل نشارك في الجريمة ضد الجزائر المسماة انتخابات

و تأكد انك لو ما نجحتش لكان لك كلام آخر عكس هذا تماما

شوف يا أخي الصغير و مع كل احتراماتي لك ولانك ابن مدينتي أو بالأحرى ولايتي قبل كل شيء أقول لك بانها حتى لو ماكانتش من المكتوب كنت نفرح ....راك عارف علاش نفرح ؟ علاخاطر أنا نأمن بحاجة يسموها المكتوب وقدر الله ما شاء فعل لاني استخرت و دعيت الله عز وجل قبل ما نشارك فالمسابقة بأنو اذا كان فيها خير ينجحني ويسرلي امري و اذا ماكانش فيها خير بعدها عليا و الحمد لله جات فالصواب ...... لعقووووبة ليك يا الفتى و ان شاء الله تكبر و تولي تستوعب هاذ الامور

[عادل إن شاء الله]

وجه المترشحون الناجحون في مسابقة الالتحاق بمنصب مفتش عميد في الجمارك الحاملين لشهادة الماستر، تظلما وشكوى عاجلة للوزير الأول أحمد أويحيى، ووزير المالية كريم جودي، والمدير العام للجمارك عبدو بودربالة والمدير العام للوظيف العمومي، وذلك على خلفية إقصائهم من الالتحاق بسلك الجمارك، رغم نجاحهم في جميع الاختبارات البسيكو- تقنية والكتابية كذلك.

وجاء في المراسلة التي تحوز "الشروق" على نسخة منها، أن 38 ناجحا في المسابقة تم إقصاؤهم من الالتحاق رغم نجاحهم في جميع الاختبارات، وهذا بحجة أن منصب مفتش عميد في الجمارك، يشترط شهادة الماجستير وليس شهادة الماستر، أي عدم معادلة شهادة الماستر بشهادة الماجستير، على الرغم من أن المترشحين حاملي الماستر تم الاستنجاد بهم لتغطية نقص المترشحين الحاملين لشهادة الماجستير، والذين لم يكونوا سوى 12 مترشحا من أصل 50 منصبا.
وجاء في رسالة عرض الحال أن حاملي الماستر نجح منهم 38 مترشحا، وقبلت ملفاتهم بشكل عادي وأجروا المسابقة، ليتفاجأوا بعد الإعلان عن نجاحهم بإقصائهم من الالتحاق بمنصب مفتش عميد، وبالتالي فقد أضاعوا فرصة الالتحاق أيضا بمنصب المفتش الرئيسي المفتوحة لحاملي شهادة الليسانس، والمقدر عدد المناصب فيها بـ 59 منصبا، على اعتبار أن المسابقتين أجريتا في نفس اليوم.
وأكدت رسالة التظلم والشكوى على أن المديرية العامة للجمارك قدمت قائمة الناجحين في الاختبار الكتابي للمديرية العامة للوظيف العمومي، وأرفقت القائمة بطلب ترخيص استثنائي لمصالح الوظيف العمومي لمداولة النتائج، إلا أنها ردت سلبيا على الطلب وشطب الناجحون من القائمة.
وأوضح عدد من المترشحين الناجحين الذين تم إقصاؤهم لـ "الشروق" أن المقصيين الـ 38 سيعتصمون أمام المديرية العامة للوظيف العمومي، يوم الاثنين المقبل للمطالبة بإعادة إدماجهم، كون الخطأ لم يكن من جانبهم، قدموا ملفات ترشحهم وقُبلت، أجروا الاختبارات ونجحوا فيها أيضا.












المصدر جريدة الشروق:
https://www.echoroukonline.com/ara/articles/124047.html