الجزء 189 من كوزينة حراير الجلفة ..كوزينة أغلى حراير

[nihal159]

المشاركة الأصلية كتبت بواسطة idem16a

عروبتي يا عروبتي حطمت قلبي يا حبيبتي،،من المحاجب ماراني نشوف غير اليوم نطيبهم،مبعد نعيط لرويجلي ونتشاورو يا انا يا المحاجب

هههههههههههههههههههههههههه منين راكي تجيبي في هذ التعابير؛ و الله غير شبعتيني ضحك ليوم ههههههه ربي يخلي كل أيامك فرح

[idem16a]

المشاركة الأصلية كتبت بواسطة ام هدول

هني واش نشوف ام مهدي ....url=https://up./][/url]
وهاد المنضر توحشتو ..بزززززاااااف

ام هدول،يا ليل يا عيني،من صاب راني لتم عندك،قالك:بدل المراح تستراح،،،يا الله نتبادلو،سلفيلي لعراس والعرضات والجيران،وانا نسلفلك داري هههه،،والله ناس الصحراء وكامل ناس الجنوب نوايا وكرماء بزاف بزاف،،ربي يدومها نعمة

[idem16a]

المشاركة الأصلية كتبت بواسطة nihal159

هههههههههههههههههههههههههه منين راكي تجيبي في هذ التعابير؛ و الله غير شبعتيني ضحك ليوم ههههههه ربي يخلي كل أيامك فرح

اسكتي برك،،اضحكي غير بلعقل، تعود تسمعك حياة،والله ما تخليلي،اكيد اليوم راح تحاوزني ماشي من الكوزينة برك،تحاوزني كامل من المنتدى،،عشية نبلعطها بشوية محاجب باه تسامحني،راني درتلكم ضجة
نروح نتشاور مع راجلي،يعود يسبقني ويتشهى بكاش ماكلة،،

[idem16a]

صح قهوتكم
سعيدة واقيلا انسيتي،غير اطلعي بالوصفة تاع القاطو اللي درتيه على الخمسة تاع الصباح،،عاند ولا تحسد

[طيور الجنان]

سلااام حبيباتي اسمحولي مارجاعتش اليوم راني نوجد غدوة ان شاء الله نروح على خاطر نهار السبت العقيقة تاع اختي ماقعدتش خلاص.
ام مهدي حنونة ههههه القاطو درتو على 6 دوك نجيبلك الرابط و نجي .

[طيور الجنان]

ام مهدي اختي هذا هو الرابط و القاطو اقتصادي و ساهل و بنين واش نزيدو اكثر ههههه.
https://www.djelfa.info/vb/showthrea...CA%D5%C7%CF%ED

[mosta*limoges]

سعدوود راكي رايحة لداركم ان شاء الله توصلي بخير و تلقاي اهلك بالف خير وصلي السلام لداركم و ماتنسايناش الطمينة هههه
ام مهدي شكرا حبيبتي على كلامك الطيب والله لغربة علمتني هادو لحوايج وليت نشتاق ماكلة البلادو كون ما نتكلش على يديا ما ناكلهاش .
نهولة راني جايبة كسرتي و جايا .نروح نرقد لبنات و نكتبلك الطريقة بالتفصيل الممل

[idem16a]

يا الله حباباتي ،محاجب سخونين حارين،ذا عايزة كلام
حيوتة جبتلك باه تاكلي،باه ماتزعفيش،راني دايرة بلبلة والتشويش،كيما يقولو ناس زمان،اللي لقى روحو في لهبال ما عندو ما يدير بالعقل ههه،،ايا مع الكواليس،هاذو تاوعي،مبعد يلحق السيد،لازم ياكلهم من الطاجين،

[idem16a]

والله ما فهمت،وليت ننسى باه نحط الصور،الله يعطيلنا العقل في وقت الضيق هههه

[idem16a]

هاذو المحاجب،،والمسمن درتهم للبنتي

[idem16a]

ههه،تخلطو بين المسمن والمحاجب،وليدي طالع فوق راسي تلفت

[عروبة وطن]

اممممم بصحتك المحاجب جاوك هايلين الله يبارك .
راني درتلك السوسة هههههه

[soussou_saida]

تفضلو عشانا البسيط غرتان بطاطا و صوص و تونة و فرماج
و تحلية لي مدتهالي نهال وصفة حيوتة جزاكن الله خير
و الصور قبل ما نحك فوق الطاولةو الا نلهى مع الاطفال وننسى الصور

هههههه [IMG][/IMG]

[طيور الجنان]

عشايا غراتان جاج و بطاطا مع كسرة و الحمد لله و القاطو درتو لاختي مازال نكمل فيه افطرو بيه الصباح.

[طيور الجنان]