تجهيزاتنا للشهر الفضيل

[حياتي كلها امل]

السلام عليكم اليوم شريت الحار الاحمر راح نعملو هريسة ان شاء الله [IMG][/IMG] هذا برنامج لمائدة رمضان القيتو ممكن يفيدكم

[حياتي كلها امل]

اعتذر على صغر الصورة مقدرتش انكبرها

[omelbanin]

السلام عليكم ،راح شيخي الصباح ،وانا جيت لداري ،درت لفطور خفيف،نظفت الحالة سطحيا برك.

كرونو ربي يشفي وليدك ،ان شاء الله .

[رندة.]

كرونو ربي يجيب الشفاء لولدك ان شاء الله
كيما قاتلك قرويجة ديريلو ماء زهر ولا الخل في الجوارب تاعو وان شاء الله تهبطلو السخانة

[رندة.]

ام هاجر لو كان غير تكتبيلنا هذاك البرنامج اذا قدرتي شوقتينا ليه.
أروى وجهينة شكرا على وصفة الفلفل الحلو راني استفدت منها

[arwa alaa]

سلام فراشات كل وحدة باسمها صح فطوركم
كورونا ربي يجيب الشفاء لوليدك
ام البنين يروح شيخك. ويرجع بسلامة ان شاء الله

[arwa alaa]

ام هاجر شكرا على البرنامج

[حياتي كلها امل]

[جهينة اليقين]

المشاركة الأصلية كتبت بواسطة crono

السلام عليكم اصبحنا واصبح الملك لله ولا اله الا الله وحده لا شريك له له الملك وله الحمد وهو على كل شيء قدير
سمحوني لبنات وليدي راه بالحمة غير تحبطلو راني نخبركم واش درت براح ونرد على كل وحدة
في لليل بدتو راه غير بتزنة حتى الفطور درتلو شربة بحبش يكول قلي غليني نرقود سمحوني سلام

اهلا كرونو حتى انا قلت كرونو راهي غايبة وا ش بها
ان شاء الله ما يكون غير الخير اعطيه دوليبران واذا بقات الحرارة طالعة خذيه للطبيب ربي يشفيه

[رندة.]

بارك الله فيك ام هاجر على البرنامج
الآن الصورة راهي واضحة ومكبرة. شكرا

[جهينة اليقين]

المشاركة الأصلية كتبت بواسطة حياتي كلها امل

شكرا ام هاجر على المجهودات برنامج ثري ومتنوع بصح يحب لها الوقفة فالكوزينة ويحب لها مصيرفة مليحة
وفي بعض الاحيان كي يبقاو لنا لي كيش ولا لي شوصون نخلوهم لليوم الموالي باش ما نظلوش كل يوم نضيغو الوقت فالمقبلات وخصوصا الاطباق الرئيسية مرات نبذلو فيها مجهودنا ومن بعد ياكلو الحريرة او الشربة والسلاطة والعصير ويقول لك خلاص
وكذلك قلب اللوز مرات يقعد فالثلاجة ثلات ايام واحنا ناكلو
وهذا الشهر هو للعبادة ماشي للوقوف فالكوزينة والتبذير ولا واش قلتو فراشات

[رندة.]

راني معاك يا جهينة في إلي قلتيه، بصح أنا عندي الزوج ماياكلش البايت نهائيا هاذي الأولى، والثانية يحب يشوف الطابلة معمرّة وملونّة بصح ياكل غير الشربة، البوراك، السلطة، والعصير تاع الدار.
كي لاحظت هذا الشيء قررت نطيب غير هاذوك إلي ياكلهم باستمرار ( الشربة، البوراك، السلطة، والعصير تاع الدار)، وش قالي؟ اليوم الواحد قع مافطرش مليح.

[جهينة اليقين]

المشاركة الأصلية كتبت بواسطة randa2017

راني معاك يا جهينة في إلي قلتيه، بصح أنا عندي الزوج ماياكلش البايت نهائيا هاذي الأولى، والثانية يحب يشوف الطابلة معمرّة وملونّة بصح ياكل غير الشربة، البوراك، السلطة، والعصير تاع الدار.
كي لاحظت هذا الشيء قررت نطيب غير هاذوك إلي ياكلهم باستمرار ( الشربة، البوراك، السلطة، والعصير تاع الدار)، وش قالي؟ اليوم الواحد قع مافطرش مليح.

ههههههه والله ضحكتيني راندا يعني راه ياكل بعينيه ماشي بفمه وعلاه التبذير
فالحقيقة حتى احنا ما ياكلوش الجواز البايت بصح انا قلت كيم الشوصون يعني المقبلات الناشفة نديرو تاع يومين ونخليهم فالثلاجة ونسخنهم
والزوج عمرو ما تشرط ولا زعف ياكل الشي الي كتب ربي يعني مسكين تاع بكري بصح لولاد هوم الي يهبلوني غير المقليات وانا نحب الاكل الصحي وارواحي انت وسلكيها ونهار ما نديرش البطاطا المقلية عندي واحد الولد مايا كل والو لاحريرة الا قليل لا سلاطة غير العصير تاع الدار يدير فيه حالة او المقبلات فقط ويشنف والله حرنا واش نديرو ؟؟؟؟؟؟؟؟

[arwa alaa]

يعطيك الصحة ام هاجر على الجدول
رندة ربي يعينك حنونتي يمر ثاني مسكينة عندها واحد من نوع راجلك هو بابا يخرف عليه رمضان ويبدى يشري في البلى وساعات تدير دوزيام بلا وكي توصل لعشية تظهرلو حاجة أخرى يأكلها
انا في أول زواجي كنت يحسابلي الناس كل كيما بابا وعمومي ياكلو بعينيهم كنت نكسر راسي ومنخلي ما نطيب وراجلي ياكل غير الشربة والبوراك والحميص
حتى ضرك وليت منكسرش راسي بزاف شربة وحميص وشباح كل يوم بصح نهار ندير البوراك ولا بيتزا متديررش دوزيام بلا
الحمد الله يعدي الشهر خفيف ظريف
وتركز على اني ندير سنيوة القهوة منوعة ومتولة لان الزوج ميسحرش كي يدخل في الليل ياكل المحلبي وقلب اللوز و ديسار
وحتى الكسرة نطيب نهار بنهار

[arwa alaa]

جهينة ربي يعينك الاولاد كل رآهم هك عندي ولد سلفتي يفطر على حبة بوراك وكأس كوكا تخيلي ما يجي يخلص رمضان يولي روح واقفة