الجزء 171 من واش طيبتي اليوم�� كوزينة اللمة والمحبة والبساطة �� - الصفحة 15

ام هاديل وياسين · 2016-10-20, 20:39

توبة حتى قمر عندها بزاف مبانتش كنت نتراسل معاها كي زيدت من بعد غابت ان شاء الله تدخل وطمنا عليها

um alaa · 2016-10-20, 20:45

اقتباس:

المشاركة الأصلية كتبت بواسطة ام نور الهدى 2014

السلام عليكم
ماشاء الله عليكم ربي يباركلكم في الرزق و الصحة
ام الوءة ربي يعزك تفضلي من عيوني

تسلمي ع الوصفة حبيبتي ربييحققلك ما تتمناه و يعطيك وقفة ساهلة أن شاء الله نتي و حيوتةة و ام برهوم

oum ibrahim · 2016-10-20, 20:59

سلام يا الحراير
هذا عشايا ولله الحمد بيتزا الفقاقير لتوبةالحبوبة رهييبة تهبل تهبل روحي يا اسما بنت أم اسما ربي يرزقك وليد الحلال الي يستهلك يارب استجب في هذه الليلة المباركة امين

وشفت أخوات يسألوعلى جبن البيتزا انا نستعمل قرويار بإضافة نقطة فوق القاف كما تقول أم هدول يتبع بالميزان وانت شال تحبي تشري

والحمد لله حمدا كثيرا طيبا مباركا فيه
نراجع واش حطيتوونرجع بإذن الله

om kamilia · 2016-10-20, 21:06

السلام عليكم ورحمة الله وبركاته
مبرووووك الكووزينة حويتة جيت مقبيلا نحط رد راحت نت

oum ibrahim · 2016-10-20, 21:15

بسم الله ماشاء الله عليك يا توبة فعلا كاتب عمومي هههههه كنت نقرأ جرانك
أم لؤلؤة تسلمي على الدعوة الشابة غير دخلت قابلني اللهم امين وأطايبك هبلوني راني تستند عدوة نشوف قاتو اسبانيول انا تاني حابة نجربو علبالي تخرجيه ما يتعرفش هههه
أم هديل بصحتهم الاولاد البوآكس ورأني تستنى مع البنات وصفة الملفاي تعرفينا منطلقو والو
أم نور الهدى ميل مآغسي على وصفة التارت تهبل تهبل وأطايبك الي حطيت رواااااااءع ربي يبارك لك في رزقك ويخفف عليك ويعطني وإياك وقفة سهلة كما شربة الماء يارب
فرحت بزاف كي شفت أم جوجو دخلت كنت محيرة عليها ربي يشفيك يا الحبيبة وعيد سعيد للكتاكيت ربي
يصلحهم يا رب
تفكرت أم حبوبةودمها العسل وام عبدو وملاك وام رجاء وأماني وماجدة وغيرهم بزاف غابات ربي يسعنا عليهم الخير

oum ibrahim · 2016-10-20, 21:23

ام كام وسارة واش أحوالكم حبيبتي أن شاء الله رحت ورأني شفت حلويات القهوة أمممم بصحتهم الضياف من صابني معاهم
ريمة الغالية ربي يخليك ويحفظ على المساعدة ومالدلين التمر هبلني لما يجيني الدبس نجربو بإذن الرحمن
زينب شكرا على الإجابة حبوبةودمها ولو مافيها تعب ممكن وصفة كريمة الجبن واسمحيلي ا كثرت عليك نعرفك كريمة
يا بنات شكون تعرف ماركة مليحة نتاع شاليمو الحلويات وشحال يدير ولها جزيل الشكر

زينب 83 · 2016-10-20, 21:28

سلام حبيباتي

ام الاء مالا تخلطولي الاسئلة غءا نخطلك الوصفات و الزاليغو خرجتلك طوب لمستك واضحة و العصير اممممم
ام برهومي عيني عليك باردة كيما يقولو المصاروة ما شاء الله
ممكن تعطيني وصفة خبز البورغر
توبة الحبوبة صح عشاك
حبيت نطمنك ام انس لاباس شفتها في الفيس بوك راهي فتحت صفحة اسمها مطبخ بلادي
اما البقية ماعلاباليش لكن وردة الشرق من يوم قالتلنا بلي امها مريضة مزادتش دخلت و حتى انا بقات في ذاكرتي مانسيتهاش خلاص هي و مياسم 75 و ام ضحى

فرحت شفت ام جوجو ربي يشفيك و يعافيك حبيبتي يا رب

شهيتوني في البريوش و في شوفلور تاع ام هدول نجربهم عن قريب باذن الله

ليلة سعيدة حبيباتي ماتنساوش تدعيو لاختي ماشية غدا لتونس علاجال العملية
ادعولها بالشفاء رجاءا

طالبة رياضيات · 2016-10-20, 21:30

عشانا اليوم شطيطحة جاج بيضة
وفريت نسيت مصورتش
بصحتكم

زينب 83 · 2016-10-20, 21:31

اقتباس:

المشاركة الأصلية كتبت بواسطة oum ibrahim

ام كام وسارة واش أحوالكم حبيبتي أن شاء الله رحت ورأني شفت حلويات القهوة أمممم بصحتهم الضياف من صابني معاهم
ريمة الغالية ربي يخليك ويحفظ على المساعدة ومالدلين التمر هبلني لما يجيني الدبس نجربو بإذن الرحمن
زينب شكرا على الإجابة حبوبةودمها ولو مافيها تعب ممكن وصفة كريمة الجبن واسمحيلي ا كثرت عليك نعرفك كريمة
يا بنات شكون تعرف ماركة مليحة نتاع شاليمو الحلويات وشحال يدير ولها جزيل الشكر

بلا مزية حبيبتي و ماتزيديش تقولي هكذا بالعكس نفرح كي نقدر نفيد و لو بالقليل
وصفة صوص الجبن درت تاع ام اماني بىك زدتلها الثوم مرحية تعطيها نكهة خاصة و كثرت الاجبان و درت فيها الزعيترة تعطيها ريحة تهبل
الشاليمو شفتهم توالنا مي الماركة ماشفيتش يديرو 170الف

oum ibrahim · 2016-10-20, 21:33

يييي جيت خارجة تفكرت انو نسيت زهرة أم رنيم ومريم شفت نعرف اسامي بنوتاتك هههه شفته في التارت الي خدمتيها تهبل تهبل بصحتهم حبيباتي وبصحتكم البوزلوف والخبز نتاع حراير ماشاء الله عليك
وليكوت بلمونشتو لام لؤلؤة أم تشهيييي
وعشاتوبة أمممممم هدا واش نحب بصحتكم

زينب 83 · 2016-10-20, 21:35

هاذي الوصفة ام ابراهيم لكن انا مادرتش البيض لانه يصلح اكثر في ليغراتان و زدتلها جبن مبشور احمر و درت زوج قطع شاف مربعات
مادرتش جوزة الطيب و الزبدة درت الثوم و الزعيترة و ثوم بودرة يعني تحريف كاامل ههههههه

وصفة ام اماني لصلصة الجبن

نصف لتر حليب

زوج ملاعق كبيرة فرينة

زوج ملاعق كبار مايزينة

زبدة50غ

قطعة جبن شيف

صفار 2 بيض

ملح

فلفل اسود ومن الاحسن نعوضه بالابيض

جوزة الطيب

*

الطريقة

نخلط الحليب مع المايزينة والفرينة *ونحطهم فوق النار حتى تعقد

ننزعها من فوق النار ونضيف الزبدة والجبن وصفار البيض ونخلط بالفووي جيدا حتى يذوب الجبن نضيف الملح والفلفل الاسود وجوزة الطيب ونخلط كل المقادير وراح تكون جاهزة للاستعمال

أم اسيل · 2016-10-20, 21:36

اختي زينب ربي يشافي أختك وتنجحلها العملية أن شاءألله وترجع لكم سالمة غانمة معافاة يارب

oum ibrahim · 2016-10-20, 21:37

اقتباس:

المشاركة الأصلية كتبت بواسطة زينب 83

بلا مزية حبيبتي و ماتزيديش تقولي هكذا بالعكس نفرح كي نقدر نفيد و لو بالقليل
وصفة صوص الجبن درت تاع ام اماني بىك زدتلها الثوم مرحية تعطيها نكهة خاصة و كثرت الاجبان و درت فيها الزعيترة تعطيها ريحة تهبل
الشاليمو شفتهم توالنا مي الماركة ماشفيتش يديرو 170الف

يارب بشفاعة حبيبك ونبيك محمد اشف اخت زينب شفاء لا يغادر سقما ياااااارب
والله عجز لساني عن التعبير ربي ينولك الي في بالك يارب شكرا شكرا
خبز البرغر درت خليط بين وصفة أم وليد وام ساجد لكن أغلبها أم ساجد كنت جربتوةو من قبل رهييب يعطيها الف عافية اذا سمحت غدا اذا حيانا المولى تحوسلك على الوصفة

حياة نور الدين · 2016-10-20, 21:37

عشايا بقاتلي شربة وزدت معها كوكا

oum ibrahim · 2016-10-20, 21:42

امينة بصحتكم العشاء وربي يوفقك سلمي على أمك وقوليلها تشاركنا
أم اسيل ماشاء الله عليك شفت طياباتك وحلوياتك تهبل تهبل يعطيك الف عافية