مساء الخير حبيباتي
الحمد لله الحمد لله جارتي لقات ولدها بعد عناء لانو مشى بعييييييد لكن الحمد لله طاح في نفس مؤمنة و داوه للشرطة و درك راهو في حضنها ربي ماي بعد ام على وليدها يا رب ، و الله صورتها بقات في خيالي مسكينة ، لكن نصيحة الاولاد لازمهم مراقبة خاصة الصغار يعني مالازمش الانسان يغفل عليهم ، صحيح انو كلشي قدر و مكتوب لكن لازم الانسان يتخذ الأسباب على الأقل ، الحمد لله و ربي يحفظ وليداتها يا رب
شفت أولادي دخلت اهلًا و سهلا بيك نورتينا و حلوياتك تووووووووووووب
صدفات الطابلة تاعك ما شاء الله دايما شاركينا بطيابك حبيبتي
وردة شكرًا على العشاء اممممممممممممممممم ، انا راني ريجيم ههههههههه زدت بزوج كيلو راح واحد في ايام العيد و مازال واحد
ام يزن كلامك دواء حبيبتي ما شاء الله عليك كلماتك بلسم
ايدرونو حنا كااااااامل نحبوك لانك تساعدي من دون مقابل ، لكن أمنيتي انك تخرجي من الكواليس و تشاركينا حياتك و أفكارك و طيابك لانو حلوياتك تاع العيد كانت جميلة
ام أفنان ، وردة سطيف ام و ابنة شكرًا على الدعاء
ام ياسين حاشاك من الغباء راك المعلمة تاعنا و رانا دايما نتعلمو منك ، و نظن نعم هي نفسها
دايمة الحمد نتمنى تكوني احسن و ربي يفرح اميرة دايما و الله تستاهل كل خير
روضة ربي يحفظ وائل يا رب ، شوفي حنونة انا ولادي نتبعلهم عند طبيب الاطفال الهاشمي ،جو تعلمت منو بزاف اشياء ، الرضع من الافضل حتى الشهر السادس باه تدخلي لهم الاكل لانو أكلنا الان فيه بزاف مواد كيميائية حتى الخضر و الفاكهة ، و هاذو راح يأثروا عليه ، شوفي كل مرة دخليلو حاجة واحدة حتى يوالفها جسمو و مباعد زيدي حاجة أخرى ، و احسن حاجة تبدايلو بيها هي الفرينة تاع الاطفال اشري فيغور و مباعد ابداي نوعي بالشوي ، و تاني لابيري تاع الجزر لكن فوري الجزر و ارحيه من غير اضافات ، حاولي جنبيه الملح و السكر حتى لعمر السنة اللحم ممكن تدخليه في الشهر التاسع و هكذا ،،،،،،،،، اذا حبيتي نصائح او اشياء اخرى قوليلي راني عندي بزاااااف معلومات في هذا الامر و الحمد لله لاني كنت نحب نقرى في هذا المجال ، ربي يحفظ وليدك من كل شر