(¯`·.(¯`انطلاق ورشة الصالون.·`¯).·`¯) تم وضع الاعمال - الصفحة 15

صاحب الامل · 2015-03-05, 20:08

اقتباس:

المشاركة الأصلية كتبت بواسطة ام ورود

عندى فقط استفسا الاخ عمر ،انا مزال مشريت القماش وكنت معولة نهار السبت نشري،
هل نشري والا نسنا الدرس الجاي وشكرا

نصيحة مني ما تشريش حتى تفهمي كل حاجة شحال تاخذ من القماش

ام ورود · 2015-03-05, 20:28

اقتباس:

المشاركة الأصلية كتبت بواسطة صاحب الامل

نصيحة مني ما تشريش حتى تفهمي كل حاجة شحال تاخذ من القماش

اوك الاخ عمر رانى ندير بالنصيحة .وجزاك الله خيرا على المجهودات والورشات لراك تديرها انا وحدة سفات بزاف من قسم التفصيل والخياطة

نائلة · 2015-03-06, 00:42

بالتوفيق إن شاء الله

staifia · 2015-03-07, 07:05

بارك الله فيكم
ربي يعاونكم

*ام عبد الكريم* · 2015-03-08, 08:01

صباح الخير عليكم واش احوالكم ...كاش اخبار على الاخت سطايفية ؟ نتمنى يكون المانع خير ....حبيت برك نسقسي على الخطوة التالية علبالكم قربت العطلة و رانا رايحين منعرف اذا يكفينا الوقت باش نطبقو هذه الورشة خير ان شاء الله

polyma · 2015-03-09, 08:44

صباح الخير عليكم واش احوالكم

amel... · 2015-03-09, 13:16

ان شاء الله تكون ورشة نتعلمو فيها و نستفادو و تكون لمتنا لمة خير ان شاء الله

stayfiya · 2015-03-10, 07:27

صباحكم بالخير و السرووور. راني جيت سامحوني. على غيابي
راح نكملو كيف كيف واش بدينا شكرا لكل من سأل و تحير عليا راني رجعت بخير ..هيا راكم واجديين !!

stayfiya · 2015-03-10, 07:48

شكرا لكل واحد راه يشجع فينا. شكر موصول لكامل لي راه يدخل و يقرعج. اخت تقوى اماني راني شفت كامل طلباتك و اكيد باذن الله نديرو موضوع بعد انتهاء الورشه باش يبقى مرجع لينا كامل
لبنات راني نشوف بريسك كامل خيرتو نفس الموديل. التغير فقط في لقماش و ديكور المخده. الدرس راه واجد. مزال نزيد البوف. كي طلبتوها و راح نديرلكم نوعين او ثلاثه. جلفاويه قماشك كان عادي و ميش جديد. بغيت لوكان لون لقماش عكس لون الساتان لوكان درتيه موف يخرج روعه مع الفوشيا
بوليما لاروفليت نتي مالا عندك قصبه صغيره ؟؟ انا تعجبني لاروفلات لكبيره بليزانو المهم نتي اخدمي بالشي لي عندك ما تكلفيش روحك
لي سقصاتني على الكوردون انا نشري بالباكي فيه 12/14/18ميطره من عند لقروسيست. و نخدم بيه
الفيرميتور نحب نخير لانفيزيبل ولا تاع لحديد 70سم العاديه في دقيقه تطرطق و كيفاش قلتيلي تاع الميطره ؟؟؟؟
لاروفليت راني صورتها نحب الطرونسبارونت لعريضه حتى تركبيها في ريدو شفاف ما تبانش

*ام عبد الكريم* · 2015-03-10, 08:50

صباح الخير لبنات شكرا اختي سطوف على التوضيحات...انا راني واجدة اختي سطوف باش نبدا ربي يوفقنا كامل ان شاء الله

stayfiya · 2015-03-10, 08:59

باذن الله التطبيق راه ساهل نتي و الموديل لي خيرتيه اذا كان فيه تعقيدات راح تتعطلي و اذا كان سامبل في يوم تخلصي كلشي كيما قالتها منى في ورشه لا جيب اضربيلهم كوكوطه شربه غدا و عشا و يالله في السفره لي كنت فيها شفت اخر صيحات الفراش راه كلشي سامبل الكاش ريدو يستعمل في الاونتريهات لكبار او الصالونات الفخمه و ما بقاش الشارجي و الطبقات المكثفه. كلو اسدال خفيف بلون او لونين كاقصى. حد اعتماد البانو واضح في كل الديكورات بلمسات عصريه

polyma · 2015-03-10, 10:02

صباح الخير لبنات شكرا اختي سطوف على التوضيحات

mimimouni · 2015-03-10, 10:36

السلام عليكم
صباح النور عليكم
اختي سطايفية كيف احوالك نتمنى تكوني لباس
يعطيك الصحة على مجهوداتك ربي يعينك ويتقبل منك
البنات ربي يعينكم وننتظر نشوف ابداعاتكم

kika85 · 2015-03-10, 13:03

كيف احوالك سطوف الله يعطيك ما تتمناي ....
لبنات واش راكم دايرين فيها???
ميمي واشراكي اختي توحشتك يا فقسة هههه...يعطيك الصحة على تشجيعنا

ام ورود · 2015-03-10, 13:40

سلام لبنات ،توحشنا طلاتك اختي سطايفية
بالنسبة. للفرمتور ،لما رحت نشري مرة لي يبيع نعتلى نوع يتباع بالمتر ويعطيك معاه بداية الفرمتون والنهاية انت تركبيها علي حساب القياس نتاع المخدة،وفيه كل الالوان....على كل انا ندير بالنصيحة ديالك افضل ،اختى السطايفية كنت سالتك على نوع القضيفة لنقدرو ندخلوها على قماش الصالون،ممكن مشفتيش السؤال.وشكرا على النصائح