الجزء81من مطبخ واش طيبتي اليوم ** مرحبا بالكل **

[أم محمد تاج]

الف اهلا وسهلا حنونتي هاجر ياصديقة لحبيبة تويتة امانة ليك بلغيلها سلامي الحار واشتياقي المصيبة توحشتها مووووووت ونشالله راهي بخير رمضان كريم ليك وليها وبصحتك فطورك

[أم ملك]

السلام عليكم جميعا ما شاء الله عليكم
أم كميليا قوليلي على وصفة التشاراك لي راكي رايحة تديري بيها
و ماري ربي يشافيك و جميع مرضى المسلمين

[idron0]

المشاركة الأصلية كتبت بواسطة hafedas

صباح الخير وماشاء الله على طياباتكم روعة يعطيكم الصحة ولوكان نعرف النحط الصور النشاركم انا تانى بفطورنا وياريت ادا مافيهاش ازعاج تعطونى وصفة للمقروط النتاع المقلة انا دائما ماينجحليش يجينى مرمل وشباب نهاركم مبروك

https://www.djelfa.info/vb/showthread.php?t=982529

[lyzzabel]

احلى سلااااام على أغلى االاحبااااب و نهاركم طيب كلللللكم
اسمحولي ما قدرتش نكمل الردود البارح النت راحت لي مين كنت نكتب و زيد راني في حاااااالة حكمت une grippe الله لا يشوف كم و الحمد لله على كل حال
غادي نحاول نرد عليكم كامل و انشالله نكون عند حسن ظنكم

المشاركة الأصلية كتبت بواسطة Om moussaab

صحا فطوركم كامل كوزينة مبروكة ليزابال راني غير نتفرج عليكم توحشت لمتكم ان شاء الله نولي نشاركم باطباقي دائمة الحمد مبروك على اسينات ان شاء الله تتربى في عز والديها

حبييييبتي ام مصعب ربي يخليك يا العزيزة رانا توحشناك و توحشنا شهيواتك

المشاركة الأصلية كتبت بواسطة أم هنيدة

السلام عليكم

أختي ليزابال من فضلك وصفة الدجاج غراتان لي حطيتيها في الصفحة الاولى احتاجه اليوم بارك الله فيك

غراتان الجاج يا الحبيبة كنت درت هذاك النهار جاج محمر فالفرن و بقالي ،، فتته و قليته في شوية مارغرين و شوية بصل و ثوم رابي و ملح و فلفل اسود و رشة كمون منبعد حطيته في وعاء و درت عليه البيض و الفرماج و لا كرام فراش و عدلت الملح و الحرور و زدت نصف م ص تاع خميرة الحلويات و فرغي الكل في بلا صغير تاع فرن بعد ما تكوني دهنتيه بالمارغرين و دخليه لفرن ساخن من قبل على 200 درجة حتى ينشف البيض و خرجيه و ديري عليه كمية مليحة فرماج رابي و رجعيه للفرن غير قد ما يذوب الفرماج مممممم

المشاركة الأصلية كتبت بواسطة x ام رحاب x

اللام عليكم ورحمة الله وبركاته
ليزا حبيبتي يالعميرة دخلت غير على الزهر القيت حبيبت قلبي هي الي فاتحة الكوزينة والله غير تستاهلي تفتحي الكوزينة يالعزيزة ولله غير الله يبارك كوزينة مربوحة عليك وعلينا انشاء الله واطباقك كي العادة انيقة كيما انت حبيبتي كلش هايل ومتقون ربي يقدرك على هادي الكوزينة ويجينا الافراح فيها بصحتك حنونتي

الله يسلمك ميمتي الغاااالية و ربي يخليك ليا و ما يحرم نيش منك و من دلالك ليا مواااااااح

المشاركة الأصلية كتبت بواسطة Simassim

صباح الخير البنات واو تبارك الله عليكم راني دخت وانا نشوف الصفحات صح فطوركم وربي يدومها نعمة عليكم

اختي إيزابيل راني جئت وحدي وقررت مانجيبش الحوامل معايا أنا دخلت وراني نقول واش داني راني نشوف الأطباق ونتوحم ونتخيل البنة في لساني. واااااا. عذااااااب
فطوري البارح كان حريرة ومعقودة سلاطة ماسدوان بسمك السلمون مدخن pilon de poulet في الفور

هههههه ماعليش اصبري معانا و كاش حاجة عجباتك و سخفتي عليها غير قوليلنا و حنا ما نبخلوش عليك بالوصفة حبيبتي ،، ربي يكملك بالخير و يجيبلك سويعة ساهلة ياااارب

المشاركة الأصلية كتبت بواسطة أم الفرسان

يعطيكم الصحة البنات ....
موائدكم تشهي ربي يبارك
دائمة الحمد كلشي مبرووووك ... مبروك البنوتة وسلاك الراس
والكرسي ربي يبارك هاااايل

ياريت يا بنات تدعولي .. راني غدوة ندخل شهري ...
صح سحوركم وربي يقبل

اسال الله العظيم ان ييسر ولادة طفلك و ان يجعل مخرجه سهلا كما جعل حمله سهلا و ان يكون حسن الخلق من دون زيادة او نقصان ،، اميييين يا رب العالمين

المشاركة الأصلية كتبت بواسطة طالبة الجامعة

احلى صباح واغلاه للغوالي ونهاركم مبروووووووك
الف مبروك على افتتاح الكوزينة الجديدة

و احلى صباح لأحلى طالبة ،، الله يسلمك حبيبتي

المشاركة الأصلية كتبت بواسطة mary1987

الله يحفظك أم رحاب
بناااات وينكم واش راكم معولين للفطور اليوم
واشكون فيكم لي بدات تخدم قاتو العيد وواش راحين تخدمو باه نسرقو الافكار هههههه
أنا تاعي نشريه سبيسيال هو غالي بصح الله غالب خطرة في الفال
اللهم إجعلنا من عتقائك من النار وأنت راض عنا غير غضبان

اهلًا ماري بغيت نقولك كوليييي مليييييح و حاربي على صحتك لازملك الجهد و الفيتامينات باش جسمك يقاوم و يتحمل و ربي يشفيك يا الحبيبة
و بالنسبة للي قاتو انا ما غاديش نكثر ن ع قالي عاودي لي التشاراك و نزيد الصابلي و مودال اخر مازال ما قررتش عليه ،، ربي يقدرنا على الصيام و العبادة و صنع الحلوياااات هههه

[أم ملك]

مساء الخير ليزا الله يشافيك وطهور إن شاء الله
La grippe تاع الصيف واعرة مع الصيام الله يكون في العون
من فضلك أختي قوليلي عجينة التشاراك لي تخدمي بيها و عجينة الصابلي
شكرا حنونة و القلاصاج الي درتيه للتشاراك بالبيض ولالا شكرا أسمحيلي قويت عليك
أنا بغيت ندير صابلي و نزيد نسيي صابلي التاج ﻷم أماني تشاراك مسكر و بالقلصاج و تشاراك الترك
و نزيد قاطو التاج و قاطو نص بنص ﻷم أماني إن شاء الله منكثرش غير كميات قليلة
أحنا في الدار مشي بزاف أنا و زوجي حبيبي و بنوتي برك
ندير غيرقيس ما ندي ﻷخوات زوجي خياتي و دارنا الله يقبل منا و يعيننا عل طاعته و حسن عبادته

[om kamilia]

ملك هذي وصفة التشاراك عطتها لي بشرى الله يجازيها و ماراهي تبان نسال عليها بزاف و كذلك وصفة ليلو شاف ان شاء الله راهي لاباس

المشاركة الأصلية كتبت بواسطة بشرى2008

mina_nina16

صباح الخير ام كاميليا تبعيني وتشوفي بلي زوجك يولي يمشي و يهترف بالتشارك العريان التاعك نبداوا بسم الله
المقادير 1كيلة سمن ذايب و بارد 1كيلة غير ربع زيت 1كيلة حليب وهنا نعطيك السر التاعي في كيلة الحليب نفرغ قرعة تاع عطر ماء الزهر تاع 100 دج ومن الاحسن اشري تاع بليدة فرغيها كامل وما تخافيش ( ما شي ماء الزهر العادي كينا الزاينة لا قرعة يجي طولها قد صباع تاع اليد الشاهد )
المهم خلطي كل المكونات مع بعض وبداي لمي بالفرينة حتى تتحصلي على عجينة سهلة الاستعمال غطيها وخليها تريح على الاقل ساعة صراحة انا نوجدها ونوجد العقدة ونخليهم يباتو وفي الصباح نبدا نشكل التشاراك وندهنوا ونزينوا برقائق اللوز او لوز مرحي خشين
العقدة انا نستعمل في كل حلوياتي العقدة الطايبة
في كسرونة ندير 1كيلة سكر+1/2 كيلة ماء+1 م ك زبدة طرية ونحطهم فوق النار كي تذوب الزبدة ويكون الاء راح يغلي نفرغ 3 كيلات لوز مرحي ونبدا نخلط وكي يشرب اللوز الماء نزيدلو 1 م ك عطر ماء الزهر ونبقى نخلط باش ما يلصقش اللوز حتى يتلم ويبدا يتنحى على الاطراف كيما بات ا شو نحيها من الكسرونة ونفرخها في طبسي تبرد ثم نحطها في فيلم اليمنتار وندخلها للثلاجة حتى للغد لاااااااااااااااااااااازم تريح ليلة كاملة باش تقدري تشكلي حرابش ما يخسروش
اما بالنسبة للطياب دخليهم يطيبوا حتى يحاروا من التحت ويطلع لون اصفر ذهبي من فوق خرجيهم
اتمنى نكون افدتك ولو قليلا جربيه وااااااااااااااااااااكيد راح تدعيلي اما بالنسبة للمقروط ما فهمتش اي مقروط تحوسي



سلام

التشاراك العريان ليلوشاف

[]علاه يهبطلك المورال اختي ما تزعفيش ما تتقلقي لاخاطرش كي تتقلقي الي ما تصلحش الحاجة المقروط تع المقلة ولا تع الكوشة

التشاراك العريان انا ندير 03 كيلات فرينة بكيلة سمن ونزيدلها يعني نفيضها بالزيت ونبسسها مليح

ونزيد كاس وشوية سكر قلاص لا فانيل حبة بيض ونلم بالماء الزهر ونطريها ما نلمهاش يابسة ونقسمها كويرات وندخلها في اكياس ونخليها تلارتاح

كي نجي نخدم نخدم الحشو تاعي 03 كيسان لوز +كاس ونص سكر عادي قرفة لافاني ولا زاست الليمون مورسو زبدة ونلم بماء الزهر ونوجد الحرابش تاعي ونغطيهم بالكيس باه ما ينشفوش

ادا عندك الطابع استعمليه وادا ماعندكش اخدمي واحد بالكرتون متلت واخدمي بالجرارة حلي العجينة تاعك وقطعي متلتات وحطي الحشو تاعك واغلقي كي الكرواصون

وجدي صفار بيض مع شوية حليب وادهنيهم من فوق ودردري اللوز مرحي خشين ولا افيلي وطيبيهوم في فور مسخن مسبقا ونقصيلو كي تدخليهم وعسيهم كي يتحمرو من تحت زيدي شعلي من فوق باه يولو دوري وخلي الحبات فوق البلاطو حتى يبردو باه تنحيهم وخبيهم في حاجة مغلوقة باه ما ييبسو لكش[

[idron0]

اختي lyzzabel حبيت نقلك تعدلي رقم الكوزينة هي من المفروض 81 و ليس 91 لان الخطا كان في السابقة المفروض كانت 80 بدل 90 و لم تصحح .

[om kamilia]

اام ملك و ا اسلام آية هايليك وصفة تاع بشرى
صباح الخير ام كاميليا تبعيني وتشوفي بلي زوجك يولي يمشي و يهترف بالتشارك العريان التاعك نبداوا بسم الله
المقادير 1كيلة سمن ذايب و بارد 1كيلة غير ربع زيت 1كيلة حليب وهنا نعطيك السر التاعي في كيلة الحليب نفرغ قرعة تاع عطر ماء الزهر تاع 100 دج ومن الاحسن اشري تاع بليدة فرغيها كامل وما تخافيش ( ما شي ماء الزهر العادي كينا الزاينة لا قرعة يجي طولها قد صباع تاع اليد الشاهد )
المهم خلطي كل المكونات مع بعض وبداي لمي بالفرينة حتى تتحصلي على عجينة سهلة الاستعمال غطيها وخليها تريح على الاقل ساعة صراحة انا نوجدها ونوجد العقدة ونخليهم يباتو وفي الصباح نبدا نشكل التشاراك وندهنوا ونزينوا برقائق اللوز او لوز مرحي خشين
العقدة انا نستعمل في كل حلوياتي العقدة الطايبة
في كسرونة ندير 1كيلة سكر+1/2 كيلة ماء+1 م ك زبدة طرية ونحطهم فوق النار كي تذوب الزبدة ويكون الاء راح يغلي نفرغ 3 كيلات لوز مرحي ونبدا نخلط وكي يشرب اللوز الماء نزيدلو 1 م ك عطر ماء الزهر ونبقى نخلط باش ما يلصقش اللوز حتى يتلم ويبدا يتنحى على الاطراف كيما بات ا شو نحيها من الكسرونة ونفرخها في طبسي تبرد ثم نحطها في فيلم اليمنتار وندخلها للثلاجة حتى للغد لاااااااااااااااااااااازم تريح ليلة كاملة باش تقدري تشكلي حرابش ما يخسروش
اما بالنسبة للطياب دخليهم يطيبوا حتى يحاروا من التحت ويطلع لون اصفر ذهبي من فوق خرجيهم
اتمنى نكون افدتك ولو قليلا جربيه وااااااااااااااااااااكيد راح تدعيلي اما بالنسبة للمقروط ما فهمتش اي مقروط تحوسي
سلام

[أم ملك]

شكرا أم كميليا و جزاك الله خيرا

[malek nour hane]

امو اااااااااااح اموااااااح اموواااااح ام محمد تاج ربي يعطيك ماتتمناي ربي يفرحك و يعزك دنيا و اااخرة...اكيد تحفة تحفة...ان شاء الله نديرها..اكي تشوفي لحالة لي راني فيها فسادلي لفريجيدار تاعي و مابقالناش ونروحو قريب يخلاص ستاج تاع راجلي يعني محتمة نشريوه و راني نستنى يوصلنا فريجيدار جديد واااااااااع...صح فطورك نهار نجي لدارنا لباتنة نعرض روحي عليك هيهيهي.ربي يحفظك
ليزابل اهلاااااااااااااااااا بيك و ربي يشافيك حبوبة
عندي غوسات تاع قاطو هايلين حبيت نحطهم موضوع و ماكتبتش ان شاء الله ادا كتبت نحطو موضوع ولا ماصبرتوش نمدلكم غوسات و كي تكتب نحطو موضوع.سلااااااااااام

[selma2013]

سلام يا لحراير صح رمضانكم حبيباتي حبيتكم تساعدوني بأسهل وصفة لي معتمدينها وما تديش وقت يعني وجبة على السريع ضروري ربي يحفضكم راني عقبت رمضان هدا العام في قلب الصحراء ما قدرت ندير والو النار شاعلة يا حباباتي ما قدرتش على السخانة

[om rofida]

المشاركة الأصلية كتبت بواسطة mary1987

أهلا أمنياتي هذي غيبة توحشناك واش راكي واش حوالك إن شاء الله راكي مليحة ولا غالبك رمضان ههههه
أم الفرسان ربي يسلك وحلك على خير وتجيبيلنا أحلى bébé ومائداتك الرمضانية هاااايلة تحلى فيها الفرجة تقول نصور معاها
أم هنيدة درك نزيد نحوسلك عليها إذا لقيتها نحطهالك
أم رفيدة نضن هذاك الطابع تاع الوردة لي حطاتو أم ساجد نضن راه تاع الغريبية والله أعلم
كي تدخل أم ساجد تفيدك ولا البنات يفيدوك لي عندهم كيفو

السلام اختي شكرا لكي على الرد ربي يحفضك ويخليك لعيلتك ان شاء الله

[لحن الحياة.]

سلااااااااااااااااااااااام بنات
هنا هاد القطو تاع عاشقة الجنة ما فهمتش اسكو نديرو القوفريط تاني فالعجينة ولالا

[hafedas]

السلام عليكم وشكرااااااا على الافادة لكل الاخوات الى ردو عليا وتفطروا بصحة والهنا

[lyzzabel]

المشاركة الأصلية كتبت بواسطة idron0

اختي lyzzabel حبيت نقلك تعدلي رقم الكوزينة هي من المفروض 81 و ليس 91 لان الخطا كان في السابقة المفروض كانت 80 بدل 90 و لم تصحح .

هيييييه انا صححته بالأول مين درت الموضوع درت الجزء 81 فالعنوان و من بعد المشرفات عاودو غيروه و ردوه 91 ما علابالهمش بلي الخطأ راه جاي من جزءين من واش طيبتي اليوم قبلي انا ،، بالاك يعاودو يرجعوه 81 كيما كنت دايراته