الجزء90 من واش طيبتي اليوم **مبارك علينا الشهر الفضيل**

[chez biba]

بصحتكم ام تاجو، ربي يدومها نعمة
صح رمضانكم وربي يتقبل منا ومنكم صالح الاعمال

[ilbeldelmondo]

ماري شفتي شفتي بهادلي هههههههه
ماري و ام كميليا ربي يشفيكم و يشفي كل المسلمين بإذن الله ادعو لكما في السجود و قيام الليل

[staifia]

سلاااااااااااااااااااااااامو
وش خلصتوا فطووركم ولا مازلتوا تعانيوا ههههههههههههههههه
احنا ضرك خلصنا ,,, وش ايمان خلصتي

[chez biba]

حنا فطورنا ان شاء الله
شربة فريك
طاجين حلو
كبدة مشوية ( بولفاف)
بوراك بالبطاطا والفرماج
كسرة بعثتهالي مرت شيخي
فلان وديسار
الحمد لله، الصور فيما بعد عييت
صح فطوركم

[ladymillion]

ام محمد صحيتي لفحلة وبصحتك مسبقا
كشما وحدة فيكم تطوع وتعلم طومة المطلوع راهي داراتو extra-plat ههههههههههههه مشيان

كاميليا اختي الله يشااااااااااافيك اقراي بزاف القران والله تتحسني ان شاء الله واش بيك بالضبط حنونة
ام امنيو وحدك والله ضحكتيني ههههههههه مع الحمل مالا جاك واعر الله يكون في العون
بيبا menu هااااااااااايل ماشاء الله يعطيك الصحة
ماري حبوبة سلامي ليك

انا راني مرتاحة وراقدة هيهيهيهيييييييييييييييييييييي

سطوفة مانيش انا لي درت لفطور اليوم رانا درنا الدالة يومين طومة ويومين انا وهي رايحة
fatalim ان شاء الله يصلحلك قلب اللوز انا كل مانشوفو نغييييييير هههههه
نزيد نراجع كشما نسيت

[fatalim]

المشاركة الأصلية كتبت بواسطة om kamilia

انا درت غير كسرة يابسة ,عجوزتي شربة الفريك ,غدوى ان شاء الله نتحفها



هذاك الاغماء يولي لي ادعولي رب يشافيني وجميع المرضى

طهور ان شاء الله لازم ديري تحاليل

[مرام 1987]

عطر وبسمة الرمال وجيادا ربي يوفقكم في المسابقة
رحت قرعجت وشفت الموضوع علاه يدور
لى طبق دجاج ومخبوزات امممممممم أكيد راحين تتفننو فيهم نعرفوكم شاطرات
جيادا وبسمة الرمال ما بانوش من مدة إن شاء الله المانع خير

[مرام 1987]

أم كاميليا طهور إن شاء الله حصني نفسك بالقرآن وكثري الإستغفار والله راحا تحسي بالراحة ربي يشافيك ويشافيني
ليدي بصحتكم الفطور مسبقا
بيبا الله يبارك menu يسخف ههه
فاتاليم بصحتك قلب اللوز ما تنسايش الصور
Staifia راكي شاطرة ما شاء الله خلصتي بكري ربي يعينكم

[fatalim]

ليدي انا المطلوع نعجنو مليح بصح عجوزتي تقرصو وترفدلي الكسرة للطاجين وانا نكمل لاخطركش مانعرفش نرفد هو السر في التقراص ولازم ماتخليهش يخمر بزاف لاخطركش يهبط

[soha1987]

مساء الخير
مشاءا لله ام اسلام ربي يحفظلك هداك الزينون يارب ويعطيني واحد شبيهو ههههههه
حنا فطورنا شربة فريك وبراك وطاجين الزيتون وطاجين الحلو وسلاطةو عصير نقاوس وزلابية والحمد لله
راني مادرتوش وحدة بمعاونة اختي الصغرى راي حابة تتعلم درنا مع بعض زدت لقيتها حجة لانو راني نخمل قشي نطبق فيه للفاليزات
ليدي وطومة راني حطيت شوية صور فالدردشة ونزيد نحمل اخرين كي نقعد

[ladymillion]

فاتاليم أنا نعرف نحط الكسرة في الطاجين ونديرها نجيبها شوي الحمد لله هههههههههههههه بصح طومة هبطتلها شوي في الطاجين يبالي فاتها الطلوع
سهى انا نروح ومن بعد نتلقاو في السهرة ونشوفو حوايجك حبوبة

صح فطوركم كااااااااااااااااااااااااااااامل حبيباتي من بعد >>>>>>>>>>>>>>

[malek nour hane]

ani mayta belfarha om inaaaas ki b3athtili rissala khassa hhhhhhhhhhh rabi yahafdhak wa ya3tik matatmanay ya lghalia wallah rani lhamdoulilah yadra wech tayabti laftor lyouuum w tiramissu f3a9lek khlas hanouna sibi rahtek.saha ftorek w matansaynich 3afwan ma3andich kifah nradlek 3adad lmoucharakat ta3i 9lal rabi yahafdhek w ytamlek hamlek 3la khir
lady asmhili kent m3a laftor hhhdart jari w tajin hlou w slata ...hadik nhar goult mabrouk lelhawamil w rabi ytam 3la khir menhoum anaaaaaaaaaa rabi yahafdhak lady..bessah makarakch thati berboucha ta3 lkhli3 wana ntwahm w tzidi tgoulili koun diti lgadid hram 3lik...mala toma dart matlou3 la taille ta3i hihihi.
saha ftorkoum kamal moussaba9an ...ana naftar 3la l3achra ghir rbo3 waaaaaaaaaaaaaaaaaaaa33

[awladi]

شاوية حرة الحمد لله على سلامتك حنونة ربي يجيب الشفاء
الف مبروك لكل الناجحين مزيدا من النجاحات والتالق
ربي يشفي جميع المرضى يارب ويعطي وقفة ساهلة لكل الحوامل
ليلو شاف الف مرحبا وصحة رمضانك
ليزا حبيبتي من الغرب حنونة كيفاش راه منصف العزيز
ام امنية خلي البنات لطيبو ادبرو راسهم
ام اناس بصحتها الكوزين الميناج وصحة فطورك
هذو بعض الكواليس

شوربة

سلاطة بقات فينقرات برك راهي تبرد


قراتان تاع الاولاد الطبقة الاولى باذنجال مقلي وفوقو ارز طايب ومنسمو فوقو صلصة قطعت حبة طماطم ورابيت حبة بصل مع شوية زيت و ملح وقليتهم وفرغتهم فوق الارز ومن فوق فورماج رابي

مطلوع

هذي الي نرفد بها المطلوع كي يخمر:rolle yes:

طاجين الحلو مازال ماطابش نصورو مسكين

هاهو مطلوعي طاب وبردو قلبهم الاولاد كلاو حتى شبعو

صحة فطوركم كامل نلتقي فيما بعد نكمل اشغالي

[fatalim]

المشاركة الأصلية كتبت بواسطة awladi

شاوية حرة الحمد لله على سلامتك حنونة ربي يجيب الشفاء
الف مبروك لكل الناجحين مزيدا من النجاحات والتالق
ربي يشفي جميع المرضى يارب ويعطي وقفة ساهلة لكل الحوامل
ليلو شاف الف مرحبا وصحة رمضانك
ليزا حبيبتي من الغرب حنونة كيفاش راه منصف العزيز
ام امنية خلي البنات لطيبو ادبرو راسهم
ام اناس بصحتها الكوزين الميناج وصحة فطورك
هذو بعض الكواليس

شوربة

سلاطة بقات فينقرات برك راهي تبرد


قراتان تاع الاولاد الطبقة الاولى باذنجال مقلي وفوقو ارز طايب ومنسمو فوقو صلصة قطعت حبة طماطم ورابيت حبة بصل مع شوية زيت و ملح وقليتهم وفرغتهم فوق الارز ومن فوق فورماج رابي

مطلوع

هذي الي نرفد بها المطلوع كي يخمر:rolle yes:

طاجين الحلو مازال ماطابش نصورو مسكين

هاهو مطلوعي طاب وبردو قلبهم الاولاد كلاو حتى شبعو

صحة فطوركم كامل نلتقي فيما بعد نكمل اشغالي

يعطيك الصحة كلش رائع ياريت توريلي طريقتك في حمل الكسرة للطاجين عقدتي الابدية

[omomnia15]

صح فطور صحاب الشرق وصحاب الوسط رانا قريب وصحاب الغرب ربي يعينكم على واش بقا
فطورنا باذن الرحمان شربة فاغميسال وبكبوكة وعصبان ولحم لحلو وسوفلي وقازوز حمود بارد ومطلو ع وماء بااااااااااااااااااااااااااااارد لزوجي حبيبي مسكين جا من الشقا وجهو كحل وفمو يابس يوصي غير على الماء وبنتي نهلة دارت الفلان والهام تعاونت انا وياها على السوفلي وحطت الطابلة شاطرة على القوسطو اما لخرى كانت مريضة ومزالت فاشلة هههههههههه كون تسمعني تقلي تحبيها خير مني سلاااااااااااااام وربي يتقبل منا ومنكم صالح الاعمال نروح نتوضي