الجزء 46 من واش طيبتي اليوم ........ مع اروع صحبة طيبة مرحبا - الصفحة 15

دائمة الحمد · 2013-12-18, 03:12

طار عليا النوم ماقدرتش نرقد قلت نطل عليكم

دائمة الحمد · 2013-12-18, 03:22

اقتباس:

المشاركة الأصلية كتبت بواسطة أم ياسين الزهراء

لبنا تنخليلكم سوال ونروح نرقد وغدوة ان شاء الله مانلقاش الاجابة تشوفو هههههههههههههههه نتمسخر ماتخافوش

اعطولي طريقة نخبي فيها زاست تاع القارص

وشكرا

ام ياسين كاين 2 طرق
1تقشريه بالموس سيور طوال وتشيحيهم
لما ييبسو تكسريهم بايدك ثم ترحيهم في الموليناكس وتغربليهم وتخبيهم عادي
الطريقة2 ترابي القشرة وبسرعة تعمليها
في قطع تاع ساشيات صغار قيس ما تسحقي كل مرة
وتربطي مليح كل ساشية وتحطيهم في بورت مونجي
باعدي شوي على بعضاهم والى الكونجيلاتور

feuilleblanche17 · 2013-12-18, 07:36

ما شاء الله ...كوزينتك هايلة...و اماني احلى..ربي يحفظهالك
اول مرة ندخل لكوزينة و ماشاركتش من قبل ...بصح كنت دايما نقرعج من خلف الستار
مندخلش بيديا فارغين
[IMG][/IMG]

feuilleblanche17 · 2013-12-18, 07:42

اقتباس:

المشاركة الأصلية كتبت بواسطة أم ياسين الزهراء

لبنا تنخليلكم سوال ونروح نرقد وغدوة ان شاء الله مانلقاش الاجابة تشوفو هههههههههههههههه نتمسخر ماتخافوش

اعطولي طريقة نخبي فيها زاست تاع القارص

وشكرا

سلام ام ياسين....انا نحتفظ بيهم بهذه الطريقة ;
ترابي القارص نتاعك عادي و من باعد تجيبي هذوك لي مول تاع الثلج لي يجو مع الثلاجة ...مربعات فهمتيني ترصي الزاست نتاعك ثما ..ومن بعد تحطيهم في الكونجيلاتور و كي يجمدوا نحيهم و حطيهم في ساشيات و عاودي رجعيهم للمجمد

<نَجْمَاتْ> · 2013-12-18, 07:55

اقتباس:

المشاركة الأصلية كتبت بواسطة feuilleblanche17

ما شاء الله ...كوزينتك هايلة...و اماني احلى..ربي يحفظهالك
اول مرة ندخل لكوزينة و ماشاركتش من قبل ...بصح كنت دايما نقرعج من خلف الستار
مندخلش بيديا فارغين
[IMG]

[/IMG]

صبا الخير لبنات صباح الخيرfeuilleblanche التورتة ما شاء الله قمة الاتقان بارك الله فيك هاتي نديها انا مولات الكوزينة مازالت راهي راقدة نخليها للعشية اناراني فطرت بالغرايف

أم محمد تاج · 2013-12-18, 08:05

أحلى صباح غالياتي ونهاركم مبروووك نشالله
كلش يشهي حبيباتي يعطيكم الصحة
ألمازة وأم أنووسة حبيباتي ضرك نحطلكم صور العجانة تاعي البارح والله عييت المنتدى وااااااااااااااااااااااااااااااااااااااع
أم ياسوووووو نعطيك طريقة أمي الله يرحمها هي تقشر الليمونة وتخلي القشور بشكل دائري يعني ماتقطعهمش وتخيطهم مع بعضاهم بالخيط كيما العقد وتعلقو في بلاصة مضللة ومافيهاش الندى وكي ييبس ترهسو وتغربلو مليح وتخبيه في باطة صغيرة وهكذا بالنسبة لقشور البرتقال ثاني ويعود عندك فاني بنكهة الليمون والبرتقال

ام فريال · 2013-12-18, 08:20

صباح الخير واش رايحين طيبو غداكم انا انشاء الله محجوبة قلت نصبح عليكم قبل مانبدا

natacabell · 2013-12-18, 08:21

صباح النور جمانة و ام محمد ثاج

طير الرحمة · 2013-12-18, 08:25

https://www.djelfa.info/vb/showthread...errerid=416460
نتمنى تزووووووورووووني وتعطوووني رايكم

صباح الانوااااااااااااار
المنتدى امس كااااااااان صعب كثيييييير فى الدخووووووووول
كنت كتبت موضووووع عن حلوة عن ميني كيك تيراميسو بس اختلطت وصاعو الصور وترتيب وشكل الموصوع والعنوان كدلك
امس عملنا للعشاء قطع دجاج محمرة وبطاطا سوتيه وسلطو وعصير ام رامييييي
انتم شو رايحيييين تعملووووووو غداء
يلا اعطونا افكار

سعيدة8888 · 2013-12-18, 08:36

اقتباس:

المشاركة الأصلية كتبت بواسطة om aya

صح عشاكم

راني جبتلكم تذوقوا بالرغم اني مش فاهمة اذا نقدر نشارك او لا
روز بالخضر نتاع الفطور(درت بزيادة ) باذنجال رولي باللحم مرحي و الفرماج سرقتها لاحدى الاخوات بصح ناسية شكون نتمنى تعذرني و قرصة لحم مرحي بالبيض لوليدي ما يحبش الروز و الباذنجان و سلاطة ورق فيها زيتون بزيادة باسكو يحبوه

ربي يخليك طريقة رولي الباذنجال زوجي يموت على البدنجان وحابة نجربولو