بيتك جنتك و رضاء ربك مبتغاك 4 - الصفحة 15

fati21 · 2013-12-11, 13:19

ربي يعيشك اختي سمرا
هداك لبرودوي اسموlympia meubles
والسنيوات جبنتهم معايا في الشورة

ام عبودة · 2013-12-11, 15:43

السلام عليكم. نهاااركم بالهمة والنشاط متحووووف
راني من الصباااح نحب نشارك بصح النت مرضتني تقول ديرها بلعاني
والله فرحتوني كااامل. كل وحدة باسمها وشكرااا لكل من سالت عليا
يوم الثلاثاااااااء
الصلاة في وقتها من الفجر الى العشاء والاستغفار الحمد لله
طيبت القهوة شربت ولادي ولبستهم وبعثتهم الى المدرسسسسسسسسسسة غير هي اللي تخلصني منهم ههههههه
لهيت شوي مع ماهر كان مريض عندو حساسية تاع الصدر والحمد لله راهو لا باس
وحملت المكنسة على خاطر كان عندي غسيل والدار نظيفة غرفة الاولاد هي اللي نتعب معاها
المهم كنست وحليت الماشينة ونعاون بيدي كملت نشرتو كانت الشمس يا سلام تهبل على خاطر نحب نغسل غير كي تشمس الحالة
كملت ثمثم دخلت الى المطبخ درت الفطور مقارونة ومقبلة تاع الغالية ام رامي وطيبت رخساس تاع ليدي للقهوة تاع العشية
رجعو ولادي غديتهم وغسلت المواعن عملت فيها دوش على الكيف ورقدنا
العشية طيبت قهوة وتفرجت شوي دخلت الحوايج وطبقتهم درتهم في بلايصهم العشاء راجلي كان معروض براء ما طيبتش فضلتلي المقارونة عملت كيك تاع الشاربات تاع ميميشة وحمصت كوكاو رقدت الاولاد وحكمت بلاصتي
الجانب التجميلي ترطيب كل يوم والصباح عملت ماسك للشعر قبل الدوش ولقطت حواجبي شوي برك
الاولاد تدريس وتحفيظ وقراءة قصص قبل النوم

ام عبودة · 2013-12-11, 17:31

من بعد نحط الصور راه النت ثقيلة معايا

ياسمين1990 · 2013-12-11, 21:21

السلام عليكم ورحمت الله تعالى وبركاته
الله يبارك على النشاط والحيوية ما شاء اله عليكم ، كل يوم نقول نوصل بيكم تفوتوني راني غير نجري كلما اعمل عمل وكأني مادرت والو لاأدري ،
ومن بعد قررت اني نتبع برنامج خاص نظم شوية الامور معا تشجيعاتكم طبعا .
والله المستعان على امره . شكرًا للجميع .

ام عبودة · 2013-12-11, 21:46

ام عبودة · 2013-12-12, 07:24

صبااااح الهمة والنشاط كيف احوالكم يا الغاليات
برنامجي ليوم الاربعاء
الصباح روحت فيها نومة الحمد لله فيقتني راوية على السابعة والربع يعني ظاعت عليا الصلاة
وباقي الصلوات في وقتهم مع الاستغفار والاذكار واكييييد الادعية
بعثت راوية الى المدرسة لبست اولادي الباقيين ودفيتهم مليح وخيتهم يلعبو في الجنينة
حكمت المكنسة وهيااااا

كان نهار بارد ومسحب ما سيقت ما والو والدار كلها نظيفة برك لهيت مع تاع اولادي وحدها تدي نهاار
غسلت مواعن القهوة و ودورت للفطور حوست في النت بصيب الغالية ام ماجد حاطة المطلوع المحشي وكيفاه يوالم البرد طيبتو وجا حاااار
وكانو عندي ليزافار عفت نطيبهم بصح ما عندي ماندير راجلي يحبهم درتهم عي طريقة ام ماجد ودرت مرقة عدس وتبلت اللحم باش نشويه في العشاء
المهم كملت الفطور فطرت اولادي وصليت الظهر ورقدنا شوي العشية درت التاي مع الكوكاو والخميرة وشربت اولادي الحليب وقعدنا نتفرجو ومنا نرسملهم وهما يلونو اذن المغرب صليت كان زوجي غير كيما رجع حطيتلو التاي ومن بعد هو خرج وانا حطيت اللحم في الفور وخلطت الكيك وحطيتو يطيب وقليت شوي بطاطا
تعشينا رقدت الاولاد وسهرت مع زوجي
الجانب التجميلي عادي برك مع البرد راني غير نكثر من الفازلين ليديا وشفاهي
مع كحل واحمر شفاه وتمشيط للشعر وفرش للاسنان
الاولاد تدريس ومراجعة والبارح عبودة تعلم يحسب حتى الثلاثون وحفظ النشيد الوطني وتعلم يكتب الارقام مازال الاثنين حاصل فيها
راوية الحمد لله بصح راه تخوفني بعض المرات هي ذكية وتفهم بسرعة لكن تنسى
الصور راهم في الطريق راه النت متعبتني

ام عبودة · 2013-12-12, 08:08

Minnnaaa · 2013-12-12, 08:33

صباح الخير والنور كل وحدة باسمها

تطبيقاتي

الجانب الديني الحمد لله الصلاة في وقتها +الاستغفار كل وقت وقبل النوم +الاستماع لسورة البقرة كل يوم اتناء القيام بالاعمال المنزلية
الجانب التربوي الحمد لله راها مع الماراطون والجري مور ولادنا

هوما يرمو وانا نلم وراني علقت لولدي جدول في الغرفة نتاعه باهم النشاطات اليومية واللي يديرها نمدله عليها 10نقاط والحمد لله جاب نتيجة معايا
الجانب التجميلي عادي ماعدا غسل الاسنان والوضوء قبل النوم اللي راني شادة فيهم اما الكحل والماكياج ندير مرة وننساه ليام لخرين وراها الفكرة نتاع الحنة نتاع اختي "عطر"عششت في مخي

الجانب التنظيفي كملت البارح مع الصالون باقيلي ليوم نرجع فقط الماعين للبيبليوتاك ونفرشه ونعطره البارح سيقته كامل باللاف سول وحتي الفايونس نتاع الحيطان حكيته بيه خرجلي روعة شوفو اللمعان هههههه

[IMG]

[/IMG]
[IMG]

[/IMG]

وهاد لي برودي شراهم راجلي يوم التلاتاء

[IMG]

[/IMG]

ودرك نخليكم بنتي ناضت ونروح نكمل شغالي

ام عبودة · 2013-12-12, 08:17

oum radja · 2013-12-12, 08:55

صباح الهمة و النشاط تطبيقاتكم رووووووووووووووعة يعطيكم الصحة
سمورة سقسيتيني على الياوورت انا درت حليب الشكارة وكان عندي بالزاف
وعكست الوصفة درت لتر حليب و نص لتر ماء ونقصت شوية اللحظة يعني درت فنجان بدل كاس نتمنى تكوني فهمتيني و عجب كل العايلة وراهم غير معايا باش نعاوده ليهم
يعطيكم الصحة و نصيحة كثرو من الاستغفار راه عندو نتائج روعة
انا هاذ الايام كنت نشوف منام و يتكرر معايا كل ليلة كي بحثت عن التفسير في النت لقيت بلي هو زوال هموم نتيجة الاستغفار المتكرر
الحمد لله الدين تاعنا يسر وربي حنين كريم استغفروا في اي وقت وماتيأسوش

سمراء الدنيا · 2013-12-12, 09:29

ما شاء الله ......ما شاء الله يا حراير راكم تفرحو القلب .....تنشطو الواحد مع الصباح

تحدي هذا الاسبوع

عن أنس بن مالك رضي الله عنه قال: قال رسول الله صلى الله عليه وآله وسلم ((من صلى الفجر في جماعه ثم قعد يذكر الله حتى تطلع الشمس ثم صلى ركعتين كانت له كأجر حجة وعمرة تامة تامة تامة))

فمن منكن ترغب في اجر حجة او عمرة تامة ؟؟؟؟؟؟؟؟؟؟؟؟.
اللهم تقبل منا صالح الاعمال و اجعلها خاصة لوجهك

نايليةوافتخر · 2013-12-12, 19:48

تطبيقي ليوم الاربعاء
الجانب الديني الحمد الله الصلاة في وقتها انوض قبل الفجر بنص ساعة ونصلي رعكتين ونستغفر المداومة على الاستغفار والسماع لسورة البقرة مازال التلاوة مقصرة فيها راني نثبت في سورة البقرة
الجانب التنظيفي نضت الصباح خملت وصلحت وغسلت الماعن ورجعت الماعن تاع البيبليوتاك وركبت الريدو والكاش ريدو والاكسسوارات وفرشت الصالة وبخرتها وطبقت القش وريحت نخدم فالكروشي الغدا مادرتش زوجي مايجيش وانا صايمة
صليت الظهر بعد الظهر جاوني ضياف وراحو بعد العصر صليت العصر ودرت فطوري شربة فريك وافخاذ الدجاج محشية تاع ام رامي وسلاطة
الجانب الجمالي فرش الاسنان وترطيب الوجه واليدين ودوش خفيف
يوم الخميس
الجانب التطبيقي كان عادي غسلت الماعن وصلحت ومسحت ومسحت الغبرة وغسلت الاكسسوارات تاع الحمام وريحت نخدم فالكروشي بعد الظهر رقدت ونضت صليت العصر وgليت القهوة ودرت الفطور شربة فريك وسلاطة وزرودية مشرملة وفريت وخدمت المايونيز بصح من الصيام غلطة بدل الخل درت ماءزهر هههههه
بعد العشا ريحت شوي ورحت رحيت القهوة وصليت العشا وجيت للمنتدى
الجانب الديني والجمالي نفس الشي

نايليةوافتخر · 2013-12-12, 19:54

سمورة التحدي رائع ان شاء الله نطبقوه

عطرالذهب · 2013-12-12, 19:57

السلام عليكم
ماشاءالله قمة النشاط والحيوية والله اني فخورة لاني متعرفة على حراير امثالكن والان مع تطبيقاتي
الديني الحمد لله الف مرة راني مواظبة على الصلاة والذكر والاستغفار والاستماع الى القران
التجميلي دوش يومي وتنقية وقناع للوجه درتو يوم الثلاثاء هو قناع الخميرة رايحة نكتبوا في الرد الموالي والكحل والماسكارا وترطيب اليدين والقدمين
التربوي مواصلة مع بناتي في اسماء الله الحسنى وولدي الصغير نعلم فيه بعض الكلمات مازال في طور النطق
التنظيفي يوم الثلاثاء تنظيف يومي عادي و غداء وعشاء وخدمت حلوى جديدة اذا ساعدتني النت نحطلكم صورتها وكي نحطها وصفة نعطيكم الرابط

يوم الاربعاء رحت لدارنا توحشت ماما طيبتلها لعشا وصورت قلتلها نصور لعشا نبينو لصحاباتي قالتلي اصبري تريقل محرمتي ههههه قلتلها راهو ممنوع صور النساء قالتلي وعلاه ياخي كي بنياتي هههه
واليوم الخميس جات العين بعد الفجر مباشرة حطيت الملابس غسلتهم ووجدت لفطور للاولاد فطروا وراحو البنات للمدرسة وانا حليت الدنيا نحيت الريدو نتاع الشومبرا والكوفرلي واغطية لمخاد وافرشة الاولاد غسلتهم وغسلت النوافذ نتاع الغرف وسيقتهم مع الكولوار والصالون نشفت فقط الاماكن العارية ورحت للتواليت اكرمكن الله درتلو خلطة التنظيف ماء ساخن واريال ماشين وخل غسلتلوا الفايونص وسيقتو مليح وغسلت البيدون والطاس بالجافيل ورحت للدوش غسلتلو لحيوط ولافابو وماشينة الغسيل والباب والتاقة وسيقتو ورجعتلوا حوايجو خرج يلمع

لحق الظهر والبنات يخرجو من المدرسة رحت توضيت وصليت وقليت البيض غديتهم لاني انا وزوجي صايمين كي بعدت على الماء بردت رحت تكيت وبعد صلاة العصر رحت طيبت لفطور جاري وبولي غولي في الفرن وجلبانة بيضاء صونا الباب لقيت اختي جاتني تطل حكمتها تعشات عندنا هي وزوجها كي شافتي صايمة وبردانة كملت هي لفطور وخبزتلي المطلوع تعشينا ولمينا الكوزينة وروحت صليت لعشا وتبربرت في الكوات وجيتكم وتصبحن على خير

عطرالذهب · 2013-12-12, 20:14

قناع الخميرة ملعقة صغيرة خميرة الخبز +ملعقة صغيرة ماءورد+ملعقة متوسطة ماء دافيء وتخلطي واتركي الخميرة حتى تذوب ثم اضيفي الحليب غبرة بالشوي حتى تتحصلي على خليط كريمي عاقد شوي ضعيه على وجهك يكون نظيف ووزعيه مليح وخليه حتى ينشف وفي هاذاك الوقت حطي شريحتي بطاطا اوخيار على عينيك واسترخي ثم بللي يديكي بالماء وادلكي وجهك برفق من اسفل الى اعلى وكلما لقيتي يديك نشفو زيدي بلليهم ثم شللي وجهك بالماء البارد من الحنفية ونشفي وجهك وانظري الى المراة وانبهري بالنتيجة سبحان الله البياض والنعومة والصفاء من اول استعمال حتى انني نعملوا كي نكون رايحة لعرس او زيارة ونكتفي بالماكياج من غير فوندوتان والله على ما اقول شهيد ما عندو اي اثار جانبية ديريه مرة في الاسبوع و ادعيلي