موضوع مميز الجزء 20من واش طيبتي في رمضان المبارك شاركونا موائدكم - الصفحة 15

ام احمد وصال · 2013-07-29, 17:45

انا خلاص ديسيديت واش رايحة ندير قاطو

المشكلة اول مرة
قاطو الكريستال بالشيكولا
صابلي بالميرانغ
كروكي
غريبية ام ماجد
منزيدش نبدل خارجة مورا لفطورنشري الحوايج

الأمنيات · 2013-07-29, 17:52

السلام عليكم
انا دايرة الحريرة والمعقودة والروز في الكوشه
التحلية درت دانيت تاع سرسورة مع السيقار بالكريمة من بعد نحط الوصفه

الأمنيات · 2013-07-29, 17:53

ام اماني ربي يعينك على الخروج درك كل الحوانيت معمره الله يستر

أم ماجد · 2013-07-29, 17:53

انا ماحملتش الحرارة دعواتكم حبيباتي

ميرال النوي · 2013-07-29, 17:54

اقتباس:

المشاركة الأصلية كتبت بواسطة hanane220

اليوم التاسعة عشرة

سلاطة

مقرود بطاطا

حوت

طاجين لوبيا خضراء

اختي ربي يعيشك اعطيني كيفية طاجين لوبيا الخضراء راح نديرو باذن الله

الأمنيات · 2013-07-29, 17:58

ام ماجد ربي يقدرنا على السخانة وينجينا من عذاب جهنم يا رب
لا تنسوش راها في العشر الاواخر ***اللهم انك عفو تحب العفو فاعفوا عنا***
ذكروا هاد الدعاء لبنات
صح فطوركم وربي يقدركم على التعب كل شيئ باجره

ام احمد وصال · 2013-07-29, 17:58

اقتباس:

المشاركة الأصلية كتبت بواسطة أم ماجد

انا ماحملتش الحرارة دعواتكم حبيباتي

ربي يعينك ام ماجد والله حتى انا ثاني راني نخمم على عجوزي مسكينة راهي تشوات من السخانة وهي دير 8 مطلوعات ويحبوهم سخونين ديما مسكينة يادن عليها وهي طيب فيهم

ام احمد وصال · 2013-07-29, 18:00

اقتباس:

المشاركة الأصلية كتبت بواسطة الأمنيات

ام اماني ربي يعينك على الخروج درك كل الحوانيت معمره الله يستر

واش رايحين نديرو وانا في النهار والله منقدر نخرج مع هدي السخانة ومازالت الطفلة ماكسيتهاش

sirina_angel · 2013-07-29, 18:27

جبتلكم صور تاع قاطوات لي درتهم من قبل بالاك يعجبوكم

و هدا الثاني معمر بنوتيلا بلونين

أم محمد تاج · 2013-07-29, 19:13

مبرووووك الكوزينة الجديدة والله راني روطار وراكم حالة
الأمنيات كوزينتك هايلة ودافئة حنونة تبارك الله
أسمحولي الأرشيف بزاف بزاف مانيش راح نقراه
صح فطوركم مبعد نشالله

ام مريم اسراء · 2013-07-29, 19:18

مساء النور على الجميع
ماشاء الله اختي أمنيات كوزينتك رايعة يجعلك تطيبي فيها غير فلفراح ،،،،،، اختي ام ماجد فعلا ليوم السخانة و الله عملت شربة فريك و قيلت الكفية نتاع ليريك التونسي و خليت الخبز يتخير و هربت اول مرة نحس بالسخانة من اول رمضان غير ليوم ربي يقدرنا و يقدر الجميع رآه الأجر اجران ربي يقويان اختي أماني السلام الأنواع الي اخترتها رايعة ان شاء الله موفقة و ربي يسهلك في كسوت بنتك رآه الغاشي لعام الجاي ان شاء الله اعملي كيما أنا في شعبان نشري ليا و لبنتي و حتى لزوجي و نشري مصروف القاطع كامل باش في رمضان منخرجش تصديق خرجت غير نهار النصفية برك لاني عارفة بلي نتعب
اختي سيرينا حلوياتك روعة ان الشامية عملتها العام الي فات
شكرًا اختي كيا كتفك روتيني يسال عليك الخير و العافية
أنا هاد العام نخدم القاطو ليا و لماما خدمتلها القرنفلة و ليزاموندين و ليوم قلت نعملها قاطو الصوفيا نتاع حبوبتي دادو و ليا نخدم القطايف نتاع ام كوثر و عين الجمل و كاش قاطع نو مقروط رولي
صح فطوركم

مرام 1987 · 2013-07-29, 19:23

https://im42.gulfup.com/WaWY4.jpg?dwn=aW1hZ2UuanBn
Inchaa allah

staifia · 2013-07-29, 19:24

مساااااااء الخير حبيبات قلبي
وشراكم مع رمضان ومع السخانة ,, انا هلكني خلااااص
وحشتوووووووووووووووووووووووني
كاش جديد ,,, كاش قاطو وش رايحيين ديروا و هاتولي كاش دي روسات ملاح تاع قاطو

أم ماجد · 2013-07-29, 19:25

شكرا لبنات
سيرينا اعطني الرابط تاع القاطو الاول
باتيلا انت اللي درت بقلاوة مختلفة
شفت وصفة ونسيت صابتها اجي كل حية اطيب وحدها
دلوني لمن الوصفة حابة تجربها بنت اختي لعروسة اذا عجبتها تخدمها للعرس تاعها في سبتمبر بحول الله
الان فقط طيبت الكسرة سخفتيني امانس السلام هههههههههههه
نرح نكب بيدون ماء واععععععععععع الحرارة تاع الطاجين تمتني ومايحبوش الخبز
اماني ربي يقدر عجوزتك مسكينة هي وانا هههههههههههههه
اذا كانت قريبة ليكم عاونوها بالطياب تاع المطلوع
لبنات ماانتبهتوش رجعت عضو فضي وايييييييييييييييييييييييي
اذا تحبوا انديرلكم البغرير كالعادة ماهيش خسارة فيكم خلي اتمني الحرارة ههههههههه

staifia · 2013-07-29, 19:26

اقتباس:

المشاركة الأصلية كتبت بواسطة sirina_angel

جبتلكم صور تاع قاطوات لي درتهم من قبل بالاك يعجبوكم

و هدا الثاني معمر بنوتيلا بلونين

يعطيك الصحة هايلين
قوليلي هاديك البقلاوة كيفاش درتيها وبعجينة الجلاش ؟؟
ومبروووك الكوزينة الجديدة