لي عندو مشكل في وضعيته اتجاه الخدمة الوطنية ... انا في الخدمة

[sofi_dx]

المشاركة الأصلية كتبت بواسطة khalilovic16

السلام عليكم انا الولد الذكر الوحيد في العائلة ابي متوفي رحمه الله انا الاكبر عندي 3 خياتي بنات صغار عليا حطيت ملف كفالة فمركز الخدمة فباب الواد مقبلوهش قالولي بعتنالك استدعاء+ امر التحاق ف مارس 2011 الاستدعاء ملحقنيش بصح هوما قالك بعتنالك قولي وين راه الحل

اذا قالولك خرجك امر بالالتحاق معندكش حق تدفع ملف في مركز الجدمة انا نقولك وجد ملف فيه الكفالة و ادفعو فالمحكمة العسكرية هذه اجراءات لازم تفوت عليها

[abdessamia]

السلام عليكوووووووووم

[khaledski]

السلام عليكم ... جاتني اورد ابال + اورد دو روث سبتمبر 2011 مع تخرجي من الجامعة درت روبور بديبلوم تع الجامعة حتى مارس 2012 لحد الان ماجاني والوا . كي رحت عندهم باه نسوي الوضعية قالولي انتظر حتى يخرجلك روشارش . بمادا تنصحني جزاك الله خيرا.

[فريد القبائلي]

هل من جديد حول متخرجي 2010 ؟

[sofi_dx]

هذه معلومة ليستفد ممنها الجميع
---اللي خارجينو 2 اوردبال يكون في علمو بلي خارجاتو معاها امر بالالتحق
---اللي خارجتلو اوردبال + امر بالالتحاق الحل الوحيد هو المحكمة العسكرية هذه اجراءات لازم يفوت عليها
--- او يصبر حتى يخرج كاش اعفاء رئاسي يشمل العصاة

[wassim h]

salam ikhwati
3endi sooal:
ana wahid el 3ayla min mawalides 1987
ladaya ikhwati koulhoum banates "ya9raw"kayna wahda kbira 3liya matkhdemch
abi "mon père" retrété "mota9a3ed
el ome "ma mère" matakhdemch
jawezt la visite
dert sourssi f 2009
3endi licence "2012" ou rani ndir fel master
habit ndir milef el kafala "
hal ladaya amel fi 9oboul el milef
wa ma houwa el milef ou win nadaf3ou
chkran lakoum???

[sofi_dx]

المشاركة الأصلية كتبت بواسطة wassim h

salam ikhwati
3endi sooal:
ana wahid el 3ayla min mawalides 1987
ladaya ikhwati koulhoum banates "ya9raw"kayna wahda kbira 3liya matkhdemch
abi "mon père" retrété "mota9a3ed
el ome "ma mère" matakhdemch
jawezt la visite
dert sourssi f 2009
3endi licence "2012" ou rani ndir fel master
habit ndir milef el kafala "
hal ladaya amel fi 9oboul el milef
wa ma houwa el milef ou win nadaf3ou
chkran lakoum???

سلام يا اخي كي تكمل ماستير دير ملف عندك الحق تدفع ملف راك مفوت لافيزيت
- شهادة متكفل بالعائلة من البلدية
- طلب خطي
- شهادة عائلية بها كل الاخوة
- شهادة عمل + كشف الراتب الشهر الأخير
- شهادات مدرسية للاخوة والأخوات المتمدرسين
- شهادة طبية للوالدين
- شهادة عدم الخضوع للضريبة للاب والام
- شهادة مدرسية أو الدبلوم المتحصل عليه
- وضعية الاخوة ازاء الخدمة الوطنية
- 02 صور شمسية
- شهادة اقامة
- السورسي
- شهادة إقامة

[wassim h]

baraka allahou fik akhi
ladaya amel nedi la carte?

[amine eco]

ما رأيكم انا راح ندفع ملف طبي في الثكنة تاع القلب والامراض الصدرية
هل عندي حظوظ[ زعما كي روح في سبتمبر خير ولا مارس خير [

[sofi_dx]

المشاركة الأصلية كتبت بواسطة wassim h

baraka allahou fik akhi
ladaya amel nedi la carte?

عندك امل كبير المهم متدفعش ملف حتى تكمل ماستير + لازم تخرج الكفالة+عجز للاب

[عزيز النايلي]

عندي واحد صاحبي في عمرو اكثر من 30 سنة دزيرتا من الكازيرنا بلاما لبس الزي العسكري خلال 2003 وعندو حكم غيابي هل يستفيد من العفو ....للاشارة الحكم خرجلو من المحكمة العسكرية بقسنطينة سنة 2004 هل يستفيد من العفو افيدونا جزاكم الله كل الخير ومن كان في حاجة اخيه كان الله في حاجته

[أخوكم الصادق]

السلام على الجميع، أنا من ضحايا قانون اعفاء 2009 حيث لم يتم اعفاؤنا لأسباب نجهلها حتى الآن حتى أن لي صديق صدر في حقه الروشارش مباشرة بعد رفض ملفه و قد أرسل من المحكمة العسكرية الى آفلو مباشرة دون محاكمة، المشكلة أنه لدي استدعاء قبل صدور العفو و الأرجح أنه صدر في حقي الاستدعاء الثاني في مارس الماضي و أنا في حاجة ماسة الى سورسي و مع أنني أدرس حاليا في مدرسة غير تابعة لوزارة التربية و لا لوزارة التعليم العالى و لا التكوين المهني الا أنني خائف ان أنا عملت سورسي بالشهادة المدرسية أن أفقد حقي في اعفاء 2010 ان صدر، أرشدوني من فضلكم كيف أعمل سورسي أو أطالب بحقي في الاعفاء و جزاكم الله خيرا.

[mohamed be]

السلام عليكم

متحصل على ليسانس 2009

و خريج جامعة التكوين المتواصل 2010

لم يقبل ملفي عندما تم تسوية وضعية خريجي 2009 مع ان شهادة اللغات
من جامعة التكوين المتواصل غير معترف بها

منذ ذلك الحين لم أتلق أي استدعاء و لم أستطع الحصول على التأجيل
أو أي ورقة تثبت وضعيتي

و كل ما نروح يقولو مازال ما بان والو
هذه الوضعية منذ 2010 الى اليوم

؟؟؟؟؟؟

[sofi_dx]

سلام اللي متخرجين في 2009 و لم يستفد من الاعفاء لازم يستناو كاش عفو رئاسي يشمل العصاة او ملف فيه كفالة او ملف طبي يدفعو فالمحكمة العسكرية هذا هو الحل الوحيد

[sinopointic4]

ربي يكون الخير