مغامرااااااااااتي مع تعلم الطبخ...حابة نتعلم منك..شكراااا - الصفحة 15

زهرة الجزائر 07 · 2012-07-20, 07:18

صباح الخيير

عندي شحااال ما ضحكت هكدا ....عجبتيني هايلا بزاااااااااااااف

انا اول ما بديت نطيب بديت على المقرون كانت هي اول طبخة نطيبها وحــــــــدي

نشفا جات مااااااااااااااااااااااااااااااااااالجا و لاصوص شوي المهم ما تقدريش حتى تقربي منها

و الكوزينة قعدت شهر و وحد الريحة غريبة خارجا منها من نهار المقرونة ههههه

Roumaissa Yah · 2012-07-20, 19:16

الله يبارك علييييييك
كملي هكذا بلعقل برك راكي تتعلمي وفي نفس الوقت نتعلمو من عندك

nournour59 · 2012-07-21, 10:27

هههههههههههههههههه والله غيرضحكتيني و فكرتيني بايام الصغر
انا اول حاجة تعلمتها و علمتهالي ماما هي الكسكس اواه سوفريت معاه باش وليت نفتلو هههههههه
بصح بشوي بشوي وليت نطيب

سنوم 33 · 2012-07-21, 15:17

مشكورين على الاهتمام وتشجيعكم لي

سنوم 33 · 2012-07-21, 23:16

السلام عليكم
صح رمضانكم وصح فطوركم
جربت تحلية بالاناناس ل mounie dz
مع تغيير بسيط

درت في مقلة شوية زبدة وفنجان من عصير الاناناس المتواجد في علبة الاناناس.و3 مغارف اكل سكر وحطيتهم على النار حتى ذاب السكر.وبعد زدتلهم شرائح الاناناس وخليتهم على النار حتى تغير لون الاناناس وتعسل ..

وبعد نحيت الاناناس على جهة واحتفظت بالعصير المعسل

وبعد جبت الكؤوؤس الي راح نقدم فيهم
رشيت قاع الكاس بالكاكاو باه يخرجلي شكرلو من تحت هكا

درت طبقة من الكرام شونتيي ودرت فوقها شريحة من الاناناس ودرت في نصف شريحة الاناناس العصيرالمعسل ودرت في النص ومن جوانب الكرام شونتيي اللوز فيلي
ضفتلها طبقة من الكرام ديسار شوكولا....ودرت فوقها العصير المعسل وذريت الكاكاو
نبقى نعاود في الطبقات حتى نكمل 3 طبقات

ونعاود حتى نصل للطبقة الاخيرة ونزينها بالكرام شونتيي.

والاناناس

والكوكوبوبس.واللوز فيلي

ونبرش فوقها شوكولا عادية....ونزيدلها العصير المعسل.

وهذه هي النتيجة

كا شيئ فيها حلو ومن الغباء رحت درت للكرام شونتيي السكر
بصرااااحة في الاول تاكليها تجيك بنينة مي مبعد من الحلاوة ياسر يدور عليك قلبك
ههههههههههه
الله غالب

MIMINOU · 2012-07-22, 02:27

يعطيك الصحة راكي هايلة كملي محولاتك بصح راكي تقتلي بضحك تقولي نتفرج في مسلسل

sianona · 2012-07-22, 02:47

je voudrai just te passe un grand salu et bizou sanoum pr cet courage d'entré à la cuisine d'avoir cette curiosité et un esprit drole de nous faisons voir une série de photos j'éspére quelle est vraimment délicieuse avec le décor c"est gourmand merci soeur bon continuation

sarra5 · 2012-07-22, 12:24

اقتباس:

المشاركة الأصلية كتبت بواسطة سنوم 33

السلام عليكم
صح رمضانكم وصح فطوركم
جربت تحلية بالاناناس ل mounie dz
مع تغيير بسيط

درت في مقلة شوية زبدة وفنجان من عصير الاناناس المتواجد في علبة الاناناس.و3 مغارف اكل سكر وحطيتهم على النار حتى ذاب السكر.وبعد زدتلهم شرائح الاناناس وخليتهم على النار حتى تغير لون الاناناس وتعسل ..

وبعد نحيت الاناناس على جهة واحتفظت بالعصير المعسل

وبعد جبت الكؤوؤس الي راح نقدم فيهم
رشيت قاع الكاس بالكاكاو باه يخرجلي شكرلو من تحت هكا

درت طبقة من الكرام شونتيي ودرت فوقها شريحة من الاناناس ودرت في نصف شريحة الاناناس العصيرالمعسل ودرت في النص ومن جوانب الكرام شونتيي اللوز فيلي
ضفتلها طبقة من الكرام ديسار شوكولا....ودرت فوقها العصير المعسل وذريت الكاكاو
نبقى نعاود في الطبقات حتى نكمل 3 طبقات

ونعاود حتى نصل للطبقة الاخيرة ونزينها بالكرام شونتيي.

والاناناس

والكوكوبوبس.واللوز فيلي

ونبرش فوقها شوكولا عادية....ونزيدلها العصير المعسل.

وهذه هي النتيجة

كا شيئ فيها حلو ومن الغباء رحت درت للكرام شونتيي السكر
بصرااااحة في الاول تاكليها تجيك بنينة مي مبعد من الحلاوة ياسر يدور عليك قلبك
ههههههههههه
الله غالب

hhhhh ma3lih nti hata raki tet3almii

mais la prochaine fois maditilhach lsucre bzef

safioo · 2012-07-22, 13:05

الله يبارك راكي قايما بيها
يعطيكي الصحة

amira79 · 2012-07-22, 13:30

اختي انا جربت الديول تاعك و لكم ما جاونيش مقرمشين حتى في الدار ما عجبوهمش كليتهم وحدي ههههههههههه

منتهى الرقة-* · 2012-07-22, 18:41

انا 24 و راني كيفك نتعلم هههههههههه

علاخاطر نتكل بزااف على ماما

و ضرك طحت في راجل يموت على الاكل

راني كيما انتي ضرك نشاركك ف الموضوع ههه

سنوم 33 · 2012-07-22, 21:32

السلام عليكم
صح فطوركم
درت شطيطحة دجااااااااااج .....بصح واحد ما كلاها
درت البصل والثوم والملح تقلاو وزدتلهم الدجاج+الدبشة+راس الحانوت+الفلفل الاسود+العرق الاصفر+الكمون+الهريسة+الحمص بعد ما غليتو
بعد زتلهم الزيتون الاخضر بعد ما غليتو هو ثاني.......

خليتهم يطيبو
بصح بعد حسيت روحي كثرتلها الملح..وليت قسمت فيها حبة بطاطا....ع خاطر يقلك تمص هذاك الملح الزايد....
وبعد قلت لا خلي تجيني مسوسة وما تجينيش مالحة....درت مغرفة صغيرة فرينة في فنجان ماء وزدتلها ..ع خاطر يقولك الفرينة تنقص الملح...خممت شوي قلت خلي نزيد نزيدلها شوي فرينة
وخليتها طيب
رحت قليت البطاطا وزدتلها الصوص

رغم واش درتلها كل.....البطاطا ..الفرينة
والله جات مالحة شط
وشفتو هذيك الفرينة الي ندير فيها ونعااااود
صوص الشطيطحة ...ماجاش صوص جا طين ع خاطر خثاااااااااااار من الفرينة
والله ماكلاوها .....قلت لماما مانزيدش نطيب
بصح بيناتنا-----راني نهدي في الحالة حتى ينساو الشطيطحة ونرجع للكوزينة----نورمال ومبعد كمانتعلمش في بابا وماما واختي في شكون نتعلم هههههه

سنوم 33 · 2012-07-22, 22:31

درت البوراك.....

درت شوي بصل وثوم قليتهم في شوي زيت

نخليكم مع الصور

اختي ما كانتش في الدار.ما كلاتش منو...بابا كلا نص وحدة.ماما كلات وحدة...انا كليتهم كاامل
وبابا قعد يهدر على البوراك هذاك....درتيه خشين.معمر بطاطا.معدتي ضرتني منو
اليوم قالي واش مادرتيش البوراك----قتلو خلاه مانزيدش نطيب
ذرحت

سنوم 33 · 2012-07-22, 23:02

تطبيقي لفلان mounie dz
نخليكم مع الصور
مع تغيير بسيط

زدت لشوكولا ماء ساخن..ولوز فيلي

درت الورق الشفاف باه كنقلبها تتقلب

درت كرام شونتيي

ودرت فوقها الفلان فوقها

وحطيتها تبرد

وقدمتها

وكجيت ناكلها ما قدرتش ع خاطر شوكولا هذيك جات يابسة

وليت نحيتها وكليت الفلان مع كرام شونتيي

----والله الفلان مع الكرام شونتيي بنين---
والشوكولا هذيك طيشتها

قولولي واش ندير حتى شوكولا هذيك ماتجينيش يابسة ونقدر نقسمها عادي بالمغرفة

safioo · 2012-07-22, 23:09

يبالي أنتي كيفي غير في الحلو ههههههههههههه باسكوا حلو كيفنا بيانسور خخخخ
أنا ليوم طبقت بسبوسة بالحليب وجات شابة ( أختك تنفع غير في الكيكات والحلو ههههههه)
قلت لماما الناس تتعلم طيب وانا نتعلم الحلويات قاتلي ما عليه المهم تتعلمي حاجا هههههههههه
الراجل ألي نديه نركبلوا الحلو على بكري ههههههههههههه
ملاحظة : المرة الجايا شوفي ماماك شحال دير الملح في الماكلة وقيسيه بمغرفة بيلما تتوالفي باه ما تعاوديش السبخة نتاع اليوم ههههه

رمضان كريم