اقتباس:
المشاركة الأصلية كتبت بواسطة fati13
سلام اختي عندي نفس لماشينة نتاع الاخت الكريمة بصح منعرفش كيفاش نخدم بيها في زقزاق ربي يعيشك فهميني
|
ياختي هاذي مافيهاش ريقلاج لازم نتي لي تتعلمي تخدميه بتحراك الطنبوله دزي و ردي حتى تتعودي عليها
اقتباس:
المشاركة الأصلية كتبت بواسطة OM AYA
سلاااااااام سطوووف
شوفي انا و اختي حبينا نشرو ماشينة اندوستريال جمسي اللوغ بعثت راجلها وين يبيعو في بيلكور ولا باب الواد نسيت الممهم صاحبو و مام اللي تبيع قالولوا جيمسي اللولين ملاح بصح هادو اللخرين عاد فيهم ديفو صافي بروبوزاتلو مارك جديدة هو على حساب كلامو جيري بصح كي درت غوشاش قوقل راه جامي سمع بيها
وش قلتي نونقاجيو في الدفعة الاولى قبل ما يبدا يدخل المدرح
|
شوفي ام ايوش راني سقصيت لي يخدمهم قالك واسمها جيكي علامانظن و هي مليحة لكانت جديده مزال ما دارتش في المرشي مليح باش نعرفو عيوبها و مزاياها انتي لكان تخدمي بيها غير نتي جيبيها و لكان يتخلطو عليها اليدين غير فوتيها
اقتباس:
المشاركة الأصلية كتبت بواسطة ام عبد البارىء
السلام عليكم اختي انا عندي ماشينة اسمها كوبرا جربتها في القطيفة راهي ماخيطتليش مليح منعرف واش بها اما في الحوايج الاخرى تخيط روعة
|
نتي جربي زيتيها مليح و ديريلها برا الصفرا سبيسيال و لاكاان مامشاتش خيطي بالجرنان و خلاص
اقتباس:
المشاركة الأصلية كتبت بواسطة سمية محمد عطية
|
شوفي يا ختي كاين حانوت سبيسياليست في باتنه طريق بسكرة. عندو كل الانواع و كاين خدمات مابعد البيع مشينة بروذر اينوفيس دارت عندو 26مليون من بعد نجيبلك نيميرو تاعو
اقتباس:
المشاركة الأصلية كتبت بواسطة فاطمة23
السلام عليكم والله يجازيكم على هذا العمل وفكرة ممتازة ان اي شخص يستطيع يتعرف على المشينة الخياطة مزاياها او عيوبها مثل الحال لصرالي انا لم اتعلم الخياطة ولكن بعض من الموهبة بديت شوية شوية نفصل سابل فقط وشريت مشينة من كبار بعد مشريتها وركبهالي المختص قالي انه تعمل الزقزاق والسابل فقط ولا استطيع خياطة كوفر بونكات فيها اي اي حاجة خشنة قليلا لا تخيطه مثل كفة سروال الجين يمعنى مافيهاش بياسات خاصة بالخياطة خشينة او خاصة بالازارار,,,,على العموم الى حد الان مازلت لم اتعود عليها واتمنى انكم تعلموني كيفماه نطرز بيها وان شاء الله عن قريب نعرفكم بالمشينة عن طريق الصور.
وبارك الله فيكم.
|
حطيلنا لشتا اسما و كي تكون اندوستريال راهي تخيط انا نخيط بيها لي كوفير نورمال و الجين ثاني ربي يباركلك فيها
اقتباس:
المشاركة الأصلية كتبت بواسطة imane la rosa
عندي ماشينة كيما تاعك singer gem20u43 كنولي نخيط بيها تكونسالي وعندما رخفتها من الكنيت ترخفت بلاست اللي تدخل فيها الكنيت كينزيرها تعاود تكونسا راني انواع الماشينات كلهم نفهملهم غير هذا الموديل واديتها قداه من مرة عند واحد يفهملها ويخدمها وكنجيبها نخيط بيها شوية من بعد ترجع نفس المشكل ارجو منكي الاجابة مع التوضيح الى الاخت سطايفة منفضلك راني حبسا
الموضوع: جيبي مشينتك و ارواحي....سطايفية
|
شوفي بلاك كشما كاين بولون يترخف و يخرج من بلاصتو و زيتيها مليح بالزيت لبيض لخفيف ماشي لصفر الثقيل
اقتباس:
المشاركة الأصلية كتبت بواسطة شرشورة2
السلام عليكم اخواتي انا جديدة بالمنتدى و بهدا القسم راني مغلغلة من الخياطين غير على ترقاع الحوايج راني في اسبوع رايحة جاية و اليوم حلفت نشري ماشينة و يعلموني خواتاتي لانني و بصريح العبارة حتى لبرة ما نعرفش ندخلها اااااااااااااه نسيت قبل كل شي حابة نشري ماشينة بصح بورتاتيف باسكو عندي الضيق بواش تنصحوني يا الشابات و الله لا يضيع اجر المحسنين
|
كاين تويوتا. و لا سانجار و لا بروذر و لا سوبر زيقزاق ملاح. هايلين
اقتباس:
المشاركة الأصلية كتبت بواسطة شرشورة2
25مشاهدة و لا رد حرااااااااااااااااااااااااااااااااااااام عليكم
|
!!!!!!!! حراام
اقتباس:
المشاركة الأصلية كتبت بواسطة شرشورة2
حابة نشري ماشينة بورتاتيف راني حابة نتعلم الخياطة بواش تنصحني الخبيرة ففي المواشين لالة سطايفية
|
لالاك السطايفيه ميش خبيره. مجربه برك مشاكل المشينه و نحب نفيدكم بالشي لي نقدر عليه
اقتباس:
المشاركة الأصلية كتبت بواسطة faiza2008
انا عندي شهر شريت singer8280واش انقلك نعمة هايلة وتناسب الممبتدئات
|
ربي يدومهالك
اقتباس:
المشاركة الأصلية كتبت بواسطة omiyad49
يعطيك الصحة ستايفية انا عندي مشينة سنجر العادية تاع ماما راهو يتقطعلي الخيط فهمينا فيها يعيشك
|
شوفي لبرا راهي مقلبه و لا مشبوحه لا طونسيون نتاعها. و زيتيها قبل ما جربي
اقتباس:
المشاركة الأصلية كتبت بواسطة mirichi
انا ماشنتي بسيطة جدا كيف حالني ماركتهاtoyota 2700G وزدت ركبتها عل طاولة بيدال هي قديمة شوية لما شرتها كانت تديرتسع مئة وخمسين اللف لحد الآن ما تلقيت معها حتى صعوبة ولكن منيش نخدم بيها تزاف نخيط فقط لنفسي ولاخواتي وبسلاني مازلت مبتدئة وبربي نشاالله نصورها ونحطها في اقرب وقت
|
ربي يباركلك فيها و ما تنسايش ديريلها الزيت لشتا ماراكيش تخدمي بيها الزيت للمشينه كيما الما للانسان
اقتباس:
المشاركة الأصلية كتبت بواسطة narimo
واش من ماركة مليحة
|
اندوستريال و لا صغيره و لا بروغرامي ؟؟