وصفات حراير الكوزينة الجزء الثاني - الصفحة 15

ام سراج وملاك · 2015-01-11, 11:25

تحلية لـ touta2010

السلام عليكم هده مدة وانا ندير ف التحلية هده و تعجبني بزاف زيادة علي البنة تشبع ههههههههه ايا قلت نقدمها لخياتي بلاك ميعرفوهاش علاجال انا سمعتها ف الاداعة .بدون اطاله نعطيلكم المقادير :2 كيسان ونصف حليب+3 ملاعق كبار سكر+ملعقة كبيرة فرينة+2 بيضات +ملعقة صغيرة فاني ومبشور ليمون خلطي الكل مليح من بعد حطيهم فوق نار ضعيفة حتي يختر الخليط هنا اضيفي ملعقة زبدة ونحيه من علي النار .من جهة اخري تكوني حطيتي ف اطباق الفلون طبقة من قاطو بيمو و تقطعي فوقو حبة بنان دوائر و مباشرة بعد ما يوجد الخليط فرغيه فوقو راح يشد روحو تم تم جيبي الشكولاطة دايبة ديري من فوق خطوط و زينيه كيما الميلفاي ودخليه للتلاجة .و باه القاطو بيمو يجيك طري خليه اطول وقت ممكن باه يتشرب الخليط.وصدقوني راهي بنينة بزااااااااااااف .مي يلزم تكون باردة مليح وراها صحية سيرتو ف رمضااان. وهدا تطبيقي ليها

ام ايمان 11 · 2015-01-11, 14:02

كسرة الخميرة للحبوبة ام محمد تاج

كيلي الدقيق قيس مثﻻ ثﻻث قرصاة نحط معاهم ثﻻث مغارف صغار خميرة وثﻻث مغارف صغار ملح ومغرف صغيرة سكر لزوم الطليع وست مغارف فرينة وزوج فناجل قهوة زيت ومغرف كبيرة سينوج ونلوح الماء الدافيء ونعجن مليح مليح ونزيد الماء المهم انا نجريها تجي طرية ومطلوقة ونخليها تطلع كي تطلع نقرصها ونزيد نخليها تطلع مليح ونسخن الطاجين مليح ونقصلو على نار متوسطة ونثقب الخبزة ونحطها طيب وكاين ناس يثقبوها في الطاجين انا نثقبها قبل مانلوحها طيب وبسسسسسسسسس.

merry zine · 2015-01-11, 14:56

الله يبارك والله ولا اروع

idron0 · 2015-01-11, 15:48

وصفة المطلوع louji omri

كيلة دقيق ممتاز
كيلة فرينة
2 مغرف كبيرة خميرة خبز
1مغرف سكر عادي
1مغرف معمرة زيت مائدةملح
سانوج او جلجلانية مقلية
نضع جميع المكونات والسينوج في عجانة او قصعة
ثم نبدا نزيد الماء الدافي مع العجن الماء نزيد على دفعات في الاول تكون العجينة يابسة وكل مرة تطرا شوي حتان تولي عجينة تلصق في يديك وزيدي مغرف مش معمرة زيت مائدة و اعجني من بعد نشكلها قرص علي حساب الكمية اللي درتيها والعجينة ممكن تلصق في يديك ذرري شوي فرينة على كل قرصة و غطيها وخليها تخمر
كي تخمر قرصيها و زيدي خليها تخمر و حطي الطاجين يسخن كي يسخن مليييح نقصيلو شوي
غير تخمر شوي لوحيها في الطاجين راهي تكمل تطلع لما تعمل فقاعات نقلبها و نبقى ندور فيها باش تحمار بنفس اللون من جميع الجهات كي نكمل الطياب نولي اما نحوشيهم على الطابونة او نحمرهم في المقلة بشوي زيت في الاخير نمسح المطلوع بشوي زبدة باش نعطيها لمعة ونتخلص من شهوبية الفرينة .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

omhadil · 2015-01-11, 15:49

الله يارك ويعطيكم الصحة على المجهودات لى تقومو بيها

idron0 · 2015-01-11, 15:54

البيسكوي رولي ام سراج و ملاك
4 او 5 حبات بيض حسب حجم البيض نطلعهم بالبتار مع رشة ملح حتان يبياض الخليط ونبقى نخلط ونضيف بالشوي سكر عادي حوالي كاس ونضيف مغرف صغيرة فاني مبعد نحبس الخفق بالسباتيلا ولا مغرف نزيد الفرينة بشوي كاس معمر مع مغرف صغيرة خميرة القاطو ونخلط من فوق لتحت بشوي من جهة نوجد صينية فرن مربعة الشكل من الاحسن صينية فور ونفرش ورق الزبدة ونحط الخليط نتاع البيسكوي ونطيبو مع يطيب نكون موجدة باش نعمرو من داخل اذا حبيتية بالكرام شونتي طلعيعها مع واش حبيتي ياؤورت وحليب او فلان ومع تخرجيه خليه يريح ربع ساعة ونحيه وروليه ومبعد حليه وحطي لكرام شونتي نتاعك وخليه يبرد مبعد زينيه من فوق باش حبيتي اذا حبيتي ديري معجون في النص ومن فوق رشي السكر الارطب.

أم ياسين الزهراء · 2015-01-11, 18:14

وصفة كيكة قدرة قادر لياقوت

الطبقة الاولى
كرامال
كأس سكر نضعه في كاسرول ونزيد قطرات ماءعلى النار حتى يذوب السكر

ونضعه في صينية الطهي

الطبقة الثانية
كأس حليب سائل + 2 بيض + 3/4 سكر عادي
فاني + بشور ليمونة
نخلط جيدا بالخلاط
ثم نضعه على طبقة الكرامال

الطبقة الثالثة

2 بيض + 3/4 كاس سكر + نصف كأس حليب + نصف كأس زيت + كأس وربع فرينة او طحين
+ فاني + ملعقة صغيرة خميرة الحلويات
+ بشور ليمونة + 2 ملاعق كاكاو
نخلط بالخلاط الكهربائي جيدااااااااااا
ثم نضع الخليط على خليط البض والحليب

ثم نضع هذه الصينية في صينية اكبر ونملؤها بالماء
يعني الطهو يكون في حمام مائي
في فرن درجة حرارته 170 درجة ولدة ساعة الا ربع
او ساعة كاملة حسب نوع الفرن
وللتأكد من تمام الطهو ندخل خلة اسنان
ولما نخرجها تكون ناشفة تماما

ثم نتركها تبرد لستة ساعات على الاق

حتي برودتها تماما
نقلبها
امممممممممممم
يكون شكلها هكذا طبقة كارمال وطبقة كريمة وطبقة البسكوي

إضغط هنا لرؤية الصورة بحجمها الطبيعي.

idron0 · 2015-01-11, 20:27

سوب الفطر عازفة الناي
نقلي البصل و الثوم و الفطر مع بعض فقليل من الزيت ونضيف الرند فلفل اسود و بعدها تضيفي قطع الحوت او الدجاج ( حسب المتوفر عندك) قليهم مليح ومن بعد نمرق بالماء الدافئ و نضيف التوابل ونخلي الكل حتى ينضجو ونرحيهم جيدا و نضيف سوي كريم فراش و فرماج والقليل من الملح وتقدم بالف هناء .
إضغط هنا لرؤية الصورة بحجمها الطبيعي.

idron0 · 2015-01-11, 20:28

اصابع السمك عازفة الناي

تجيبي فيليه السمك الابيض و تقطعيه اصابع وبعدها تعمليه فالتتبيلة
التتبيلة: ثوم ملح، فلفل اسود، عصير ليمون، زيت زيتون ،معدنوس، وادا تحبي زيدي هريسة و نحط فيها الاصابع وبعدها نحط الاصابع في البيض و الخبز المرحي ونزيد مرة اخرى في البيض و الخبز المرحي و نقليهم فويت ساخن ونعصر عليهم شوي ليمون اممممممممممممم
و الصحة و الراحة .

إضغط هنا لرؤية الصورة بحجمها الطبيعي.

ام سراج وملاك · 2015-01-12, 09:36

رفيس قسنطني ام ياسين الزهراء

رفيس قسنطيني 3 كيلات بكليلة ليدام ونبلو ونطيبوه في الفور ونهرسوه ونفوروه زوج تفيرات وحدة بماء الزهر والريحة تولي اممممممممممممم في الدار وتفويرة بالحليب ونديرولو العسل والزبدة ومن فوق السكر قلاصي والجوز ادا موجود

idron0 · 2015-01-12, 10:01

مربى البرتقال و الجزر زينب 83

كمية من البرتقال مقشر جيدا و مقطع
نصف الكمية سكر
جزرتين مبشورتين
تخلطي المقادير و تحطيهم في إناء و تخليهم نص نهار يطلقو الماء نتاعهم و مابعد تحطيهم على نار ذليلة و تخليهم يطيبو بلعقل كي يعقدو مليح أرحيهم في الطاس
تاع العصير و زيدي مغرف عصير قارص و اذا حبيتي شوي فاني و حطيهم في بلارات معقمة و ماتنسايش تنحي الرغوة الفوقانية كي يكون المعجون يطيب.

إضغط هنا لرؤية الصورة بحجمها الطبيعي.

ام ايمان 11 · 2015-01-12, 15:29

البريوش الاسباني للاخت حنان yasmalak

2 حبات بيض
220 مللتر ماء دافئ
80 جرام سكر
1 ملعقة صغيرة فانيليا
مغرف ملح
قشر حبة قارص
500 جرام فرينة
ملعقة كبيرة خميرة خبز فورية
250 جرام زبدة طرية
شوية زيت

تحطي البيض، السكر، الماء الدافئ والملح وقشر الليمون و خلطيهم شوية برك و زيدي الفرينة والخميرة و الفاني و اعجنييهم بين 10و 15 دقيقة حتى تولي عندك عجينة مطاطية وتللمع غطيها بيايي فيلم والا ساشي وخلييها حتى تخمر حتى يتضاااعف الحجم ديالها هبطي العجينة بيدك واقسيها على َ10
و ادهنيهم بالزيت و حطيهم في سنيوة مدهونة بشوية زيت و غطيهم و عليهم يريحو 15 دقيقة
ادهني الطابلة بشوية زيت و حلي قطعة عجين بالحلال و تكون رقييييييييييييييييقة ادهنيها بزبدة طرية ولويييييها على شكل حربوش و حطيه على جهة
و كملي العجين قاع هكا
ارجعي للحبة اللولة و روليييها على شكل لولب و سيي كيفاه تديريه طالع باش يجي كيما الهرم هنا ماما دارتو هابط
غطيه وخليه يزيد يتخمر و يتضاعف الحجم ديالو
و طيبيه في فور مسخن و خليه حتى يتحمر
كي يطيب رشييه بشوية سكر قلااااصي و بسسس

idron0 · 2015-01-12, 16:45

بيتزااا بالسللللق yasmalak
ديري عجينة البيتزا اللي تحبيها و ننصحك تديري تاع زيبنب هاااااااااااايلة
وديري صوص تومات
انا هده طريقتي في طنيجرة ديري حبة بصل مقطعة شرايح و زوج حبات طوماطيش مقطع قطع خشان و فصوص توم كاملييين و ملح و فلفل و عود قرفة و ورق رند و زعيترة و مغرف طوماطيش و زوج مغارف زيت و كاس ماااء و خليييهم فوق النااار يطييبو طي يطيبو نحي القرفة و القشور تاع الطوماطيش و ارحيييها بالبرا ميسكور و زيدي مغرف سكرر و بسسس تجي بنييينة هايلة
و من جهة وحدوخراا وجدييي السلق ديالك طيبيها مع شوية توم
حلي العجينة و ادهينها بشوية زيت زيتون و ديري فوقها الصوص تاع الطوماطيش و فرشي فوقها السلق و رشيها بالفرماج و ديري الزيتون.

idron0 · 2015-01-12, 17:59

سمك التونة في الفرن lyzzabel

تجيبي فصووووص ثوم كثري و معدنووووس مقطع تاني كثري و ملح و فلفل اسود و كمون و زيت الزيتون و عصرة ليمون و خلطي ،، أحشي بيهم الحوتة من داخل و ديري فتحات من برا على الجهتين و أحشي بيهم تاني ،، و من بعد في صينية الفرن ديري بصل مقطع دواءر و طماطم مقطعة تاني دواءر و تكوني خليتي شوية مالحشوة على هاديك لازم تكثري الحشوة ،، و حطي فوقهم الحوتة و تبليها من فوق بشوية توابل لي درتيهم فالحشو و تقدري تاني تديري زيتون اسود او فيولي تاع الدار مممممم و زيدي زيت الزيتون فوق الكل و شويييية تاع ماء مشي بزاف خاطرش البصل و الطماطم غادي يطلقو الماء تاعهم و غطي بالالمنيوم و دخلي للفرن على 200 درجة و خليها تطيييييب مممممم و مين تقدميها ما تنسييييش الليموووون و المعدنوووووس و بصحتكم مسبقااااا و صوري و جيبي لنا نشوفو هههههه
حقا لاكان تبغي تديريه طبق كاااامل زيدي بطاطا مقطعة دواءر مع البصل و الطماطم لي فرشت يهم من تحت .

أم ماجد · 2015-01-13, 09:14

ام تاجو لفطاير حطي في جفنة قيس 700غ فرينة وملعقة متوسطة خميرة الخبز وبيضة وشوي ملح وبلليها بالماء دافيء وبللي واعجني وانت تزيدي في الماء حتى تولي اطرى شوي من عجينة لمسمن حطيها في صحن مدهون بالزيت وغطيها بالنيلون وخليها تخمر
ثم ادهني يديك بالزيت وشكلي كويرات بحجم المندرين وخليها ترتاح قيس ماتسخني الزيت لازم يكون ىسخووووووون ووفير
اغطسي كورة في الماء وحليها بالخف وحاولي ماتتقطعلكش في المنتصف ولوحيها في المقلة وارمي عليها الزيت بالمغرفة راح تتنفخ وتحمار ثم ثم
اقلبيها وخليها تحمار وحطيها فوق الورق باش تستقطر من الزيت ووجدي لحليب سخون وانطلقي ههههههه

وصفة عطورة الحبيةةةةةةةةةةةةةةةةةةةةة