الجزء 180 من الكوزينة (رمضانكم كريم )

[سحابة باردة]

[سحابة باردة]

مساء النور سيليا راكي مزهيا الحالة مع امينة الله يبارك عليكم وبصحتكم الشهيوات
حيوتة المائدة انتاعك دايرى فيا حالة بصحتكم الطواجن وتحليات وديسير والعصاير
ذرك نجيب شوي من تلبازي على قولة توبة ونرجع متبدلوش القناة
زخرفة صح فطورك

[zokhrofa]

اختي امينة مرة اخرى ديري الخبز يابس مسكرفج فيها باش تتنفخ و ما تنحلش

اختي سحابة صح سحورك هههههه هذا وين لحقت انا الله يبارك على طيابك

[حياة نور الدين]

السلام عليكن

صح فطوركم خياتي الصور كباااااار واااع بسيف تحلتلي الصفحة

زخرفة منورة اختي وربي يقدرك ويعينك ان شاء الله

سحاببة اهلااا خسارة مشفتش صورك بصح راكي تعرفي نانسبستي حنى نشوفهم بصحتك وشكرااا لكلامك

امنية وااااع متزعفيش حنونة والله تامني من مدة طويلة شفت موضوعك وسخفت وقلت كي نلايم الجناحات نديرهم بطريقتك ونتسيت موااااح على راسك ووعد نجربهم ان شاء الله وبصحتكم الاطايب

سيليا راكي فحلة بنت فحلة الله يبارك كلشي يشهي بصحتكم

نهال نتمنى تكوني ضيفتي اختي تنوريني وتشر فيني

ام رحاب عزيزتي شكرااا على الادعية والفايس عندي من زمان وعمري لا سمحت هنا بصح منكدبش مرات نتقلق ونحب نروح ومنرجعش ههههههه

اختي نبيلة عادي انا ثان كانت تصرالي حتى الشهر 9 وكنت خايفة والحمد الله جازت على خير ربي يعطيك وقفة ساااهلة

توحشت حبيبتي ام هدول موااااااح لك

بيلسان بصحتكم اختي ونتمنى تصغري الصور حنونة

[حياة نور الدين]

واااع بسيف باش لقيت مركز حملي الصور

اليوم درت حريرة وبوراك ومعقودة وغراتان الفلفل لاسمهان روووعة والحمد الله

[x ام رحاب x]

السلام عليكم ورحمة الله وبركاته
دعاء اليوم الحادي عشر

اَللّهُمَّ حَبِّبْ اِلَيَّ فيهِ الْإحسانَ ، وَ كَرِّهْ فيهِ الْفُسُوقَ وَ العِصيانَ وَ حَرِّمْ عَلَيَّ فيهِ السَخَطَ وَ النّيرانَ بعَوْنِكَ ياغياثَ المُستَغيثينَ

[x ام رحاب x]

لبنات الله ايبارك في رزقكم يارب كل حاجة اتحطوها تحفة
سيليا اتاركي ست الستات واحنا ماندروش تسلم ايدك كلش فور
امينة غفران بصحتك الدولمة سلق انا تاني درتها هادا النهارات اجي خفيفة انا درتها طريقة اخرى
سحابة باردة بصحتك المسفوف والبريوش راه باين ايشهي تسلم ايدك
زخروفة ربي يعينك حنونة وانا راني الحمد لله في تحسن شكرا على السؤال
حيوتي ربي يبارك في رزقكم ويدير فيك البركة ويعطيك صحتك حنونة كلش فووووووووووووووووووور من يديك
حيوتي انا تاني توحشت ام هدول واطباقك ومرحها راهي خاصة بزاف الله ايهنيها وين كانت

[أم سدرة]

[أم سدرة]

[أم سدرة]

[أم سدرة]

السلام عليكم ورحمة الله وبركاته
واش راكم يا الفحلات ماشاءالله عليكم أطباق لذييييييذة رايحة نحط سوية من طيابي تاع البارح والأيام لي فاتت

[أم سدرة]

نورمالمو راني مصغرة في الصور شوفو وقولولي
صح فطوركم

[zokhrofa]

صباح الخيرات ان شاء الله كامل راكم بخير

ام سدرة لا كبار بزاف قولي لحياة تقولك مركز تحميل ديالها اضن يصغر وحدو خاطش تاوعها طلعولي يجرو و تاوعك راني نكتب و مزال ما كملوش affichage ههههههههههه

[وردة الرمال43]

سلام حبيباتي رمضان كرييييم وكوزينة مبروكة ان شاء الله نتمنى تكونو كامل بالف خير توحشتكم بزاااااف ربي يحفظكم ويدوم اللمة والنعمة على الجميييييع
المهم انا اني مازلت مازيدتش هههههه غدوة ندخل فالاسبوع 39 ادعولي معاكم ربي يسهلي ويسهل لجميع الحوامل ويسترنا واولادنا واولادكم ان شاء الله
سامحوني راني مانشاركش بصور اطباقي لاني مانصورش لاني صايمة ومانجي نوجد وتلحق 7 نتغاشى بالفشلة والحمد لله
المهم اطباقكم وطياباتكم ماشاءالله ربي يعطيكم الصحة ويدوم النعمة والتألق يا حراير بلادي وصح فطوركم وكي نزيد ان شاء الله راني نبشركم وعقبال كل منتظرة ربي يرزق الجميع بكل مايتمنوه سللااااااااااامم

[أمنية غفران]

أخواتي الكريمات صحا فطوركم و صحا سحوركم

الكوزينة راهي خاوية وينكم

اختي وردة الرمال ربي يجيبلك وقفة ساهلة و تضمي وليدك فيما قرب ان شاء الله و ربي يعينك مع الصيام

حيوتة الحنونة ماصرا والو و ما جوبتينيش على كريمة الجين امممممممممم

اليوم درت ليهم شطيطحة فخذ الداند اممممممممممممم المرقة درتها بيضا ما استعملتش الطماطم المصبرة الليلة نحينا البوراك و الحميص خلينا برك الحريرة معاها الشطيطحة

الي تحب تشوف الطريقة تتفضل الرابط وهذا من مواضيعي القديمة بداية مشواري في هادا الصرح الجميل

https://www.djelfa.info/vb/showthread.php?t=1657426



تحياتي