ورشة انجاز تروسو سموكس - الصفحة 15

لؤلؤة الغرب الج · 2012-02-14, 21:35

السلام عليكن كراكم لبنات بخير وصحة وسلام كراهي قمر المنتدى حبيبة الكل كراهي خالتي عمي بقية العائلة لباس توحشتكم وبالأخص أنت فيفي والله عيت باه حكمت المنتدى والله بغيت نبكي قلت كي بغينا نبدو راح ههههههههههههههههه الله يهنيك حبيبة وفرحك بديتو ولا مزال كاش جديد

هــــــــــــــاجر · 2012-02-14, 21:50

اقتباس:

المشاركة الأصلية كتبت بواسطة fifiarch

اختي هاجر من قبيل وانا نحوال نكتبلك الرد
لكن للاسف المنتدى ماراهوش يقبل
هاهو الرد

اهلا اختي هاجر
الحمد لله كي ظهرتي
انا قلت راكي زعفانة مني
وحضرت ليك هاذي
https://www.kabloom.com/images/produc...es/KB86007.jpg
بالنسبة للساتان لازمك روايال والا ماروكان
سواء للمخاد او الكوفرولي
ماتعمليش بالساتان نورمال تجيك ماشي شابة خاصة انك عروسة
نعطيك فكرة
مادامي الاجواء ماشي مليحة والثلج
اشري متر ساتان نورمال
جربي بيه الغرز لي راح نحطها في الدروس
هكا باه تمشي يديك في خدمة السموكس
ونهار يسهل ربي اشري الساتان روايال وطبقي الاعمال لي نكون مشيت فيها انا والاخوات ان شاء اللله
واش رايك

شكرا ألف شكرا الفازا تحفة نديها معايا مع التروسو نشبح بيها

وندير بنصيحتك نخدم دك صوالح للدار وكي تجري يدي عالخدمة نعاودها ليا يعطيك الصحة فيفيتا
والله دخلتي قلبي تع الصح

doli/M · 2012-02-14, 22:10

حبيبتي فيفي انا ليامات هادو ما عنديش الوقت باش نتابعكم
بابا في المستشفى وحماتي رايحة للعمرة
الله يكون في عوني راني ميتة من التعب
ارجو منك فيفي ان تعدريني وان شاء الله انظم ليكم في اقرب وقت

عبد القادر28 · 2012-02-14, 23:14

السلاااام عليكم

ان اختكم زوزو_بعضوية الوالد_ المهم انا من عاشقات منتى شقائق الرجال

وارجووكن اريد مساعدة انا عملت كوفرلي سموكس موف يجنن

ونحوس نكملو التوابع_لي ناب _تعليقات المفاتح_

طلبت منكن المساعدة مترودونيش

fifi180 · 2012-02-15, 07:20

صباح الخير البنات
اخيرا فتح المنتدى والله هبلت ان شاء الله نصورلكم واش شريت قماش كبير 3+3متر موف غامق و 2فاتح والسمسم وقت ماكتب ربي اما البونج عندي شوي مقصوص وشوي كامل نروح نخدم مع السلااااااااااااااااااااامة

manoula23 · 2012-02-15, 08:23

صبـــــــــــــــــــــــــــــاح الخير عليكم
نهاركم مبروك

جزائرية197 · 2012-02-15, 09:55

صباح الخير عليكم
وقتاش كتبتو كامل هاذو الصفحات، انا كل ما نجي ندخل ما نلقاش المنتدى
عموما اختي انا رايحة دوكا نشري القماش بصح اللوازم لخرين حتى نشوف كيفاش رايحين تستعملوهم
ما زال ما فهمتش مليح
مي كي نشوف نقدر نخير مليح ، حنا اصلا ما يبيعوش هادوك العفايس حاجة شابة
حقة انا عندي لاوات من قبل
بصح انا كيما قلت لك حابة نخدم هاذيك الغرزة تاع 4 مربعات مع بعض و تكمشيهم الي حطت ام أنس البترون
ما شكيتش نستحق لاوات؟؟؟
و اسم الغزرة هاذيك يا ريت تقوليلي عليها باش من بعد نعرف نسميها

-رودينا- · 2012-02-15, 11:06

صباح الخير جميعا واش راكم هاهي الادوات التي طلبتيها جميعا ماعدي الماشينة ماعنديش والبستولي سلفتو لبنت عمي كي تكمل ترجعولي وراني حذفت الصور لي قبل
بصح عندي سؤال مهم ارجوكي جاوبيني عليه كل مرة نسالك ومافيش جواب على التيل وجدت كل الالوان بصح سامبل. مالقيتش لي يلمع ومن فضلك اما لون نشريه لون القماش او ابيض انت في الادوات محطيتيش اللون
ومن فضلك السمسم لازم ابيض انا شريت ارجون لاخطرش الدوانتيل فيه الارجون

ام مرية · 2012-02-15, 11:15

سلام على كل البنات توحشتكم ياسر مين نجي ندخل في المنتدى نلقى الباب مغلوقة ندقدق والو نرجع لداري وبنيتي هههه واش احوالكم لاباس كا ثلج حنا راه داير حالة ورجعت الطريق انغلقت راني مقلقة مازال ما شريتش اللوازم وراجلي قالي ما نعرف نري القماش كي يصحى الحال اطلعي للمدية وري وحدك

isawts · 2012-02-15, 11:20

صباح النور للجميع
واش راكم لاباس غاية ؟
فيفي راح نسقسيك على البترون كل و حدة دير تاعها ولا نتيا ليتعطينلنا وخاصة راني نشوف غير انا لي راح نخدم الياسمينة راح تلتاي بيهم و تخليني

-رودينا- · 2012-02-15, 11:26

اقتباس:

المشاركة الأصلية كتبت بواسطة ام مرية

سلام على كل البنات توحشتكم ياسر مين نجي ندخل في المنتدى نلقى الباب مغلوقة ندقدق والو نرجع لداري وبنيتي هههه واش احوالكم لاباس كا ثلج حنا راه داير حالة ورجعت الطريق انغلقت راني مقلقة مازال ما شريتش اللوازم وراجلي قالي ما نعرف نري القماش كي يصحى الحال اطلعي للمدية وري وحدك

مرحبا بيك ام مرية المنتدي دارها بينا جاتو الصيانة غير ظروك، ماتقلقيش روحك تفرج ان شاء الله وهذه احوال الطقس حتى مارس ربي يستر ان شاء الله ابداي بي الاهم ثم المهم الساتان والبونج

-رودينا- · 2012-02-15, 11:32

اقتباس:

المشاركة الأصلية كتبت بواسطة isawts

صباح النور للجميع
واش راكم لاباس غاية ؟
فيفي راح نسقسيك على البترون كل و حدة دير تاعها ولا نتيا ليتعطينلنا وخاصة راني نشوف غير انا لي راح نخدم الياسمينة راح تلتاي بيهم و تخليني

صباح الورد والياسمين حبيبتي مادام الاخت فيفي حطت 3 موديلات كوفرولي و 3 غرزات وطلبت منا الاختيار فهي قد كلمتها وقادرا على شقها ربي اعينها وماشكيتش رايحة تميز وحدة على اخري

doli/M · 2012-02-15, 11:54

اختي فيفي راني رايحة نخدم هاد الكوفرولي لاختي ان شاء الله
وهي اللي خيرت اللون وطريقة وضع السموكس
ارجوكي فيفي ان تقبلي اختيارها
وحتى الدونتال راح ندير لوغقونزا في بلاستو

جزائرية197 · 2012-02-15, 12:07

لبنات حابة نسقسيكم
خرجت قبيل كيما قلتلكم باش نشري القماش و الحق اتخلعش كلشي زايد ما فهمتش القماش غلى ولا راهي السرقة
في نوفمبر شريت ستان غوايال بـ 14 او دوكا لقيتو بـ 18 ، الفو الدان كان 15 او دوكا شريتو بـ 22 ، الساتان ماروكا قالي 22 ، الميتيس قالي 45 ألف مع انو الصباح قريت رد واحد الأاخت على الميتيس بـ 35 ألأف
ما فهمت والو
عابة نعرف مشحال راه يدير الساتان غوايال و الساتان ماروكان
اذا هاذي سومتهم ولا راهم يخطفوا عندنا

-رودينا- · 2012-02-15, 12:13

اقتباس:

المشاركة الأصلية كتبت بواسطة جزائرية197

لبنات حابة نسقسيكم
خرجت قبيل كيما قلتلكم باش نشري القماش و الحق اتخلعش كلشي زايد ما فهمتش القماش غلى ولا راهي السرقة
في نوفمبر شريت ستان غوايال بـ 14 او دوكا لقيتو بـ 18 ، الفو الدان كان 15 او دوكا شريتو بـ 22 ، الساتان ماروكا قالي 22 ، الميتيس قالي 45 ألف مع انو الصباح قريت رد واحد الأاخت على الميتيس بـ 35 ألأف
ما فهمت والو
عابة نعرف مشحال راه يدير الساتان غوايال و الساتان ماروكان
اذا هاذي سومتهم ولا راهم يخطفوا عندنا

اهلا اختي انا ساتان روايال شريتو 200 دج للمترا وساعدني 190 للمترا ولما سقسيت الصباح واحد الحانوت قالي 200 دج ونخليهولك ب180 و الميتيس راه ب450 النوعية الاولي وانا من قبل شريتو ب350 دج غير اشري بسومت 180 علابالك مع الثلج زاد كلاش