كيف تعرفت عليها؟ كيف تعرفتي عليه؟ - الصفحة 15

khaled70041 · 2011-09-19, 16:45

اقتباس:

المشاركة الأصلية كتبت بواسطة wadou16

انا عن نفسي مخطوبة
والطريقة تقليدية
شافني عجبتو بعث دارهم خطبوني ولحد الان راهو عندي غير 4 اشهر خطوبة
ادعولي ربي يسهل ويكمل بالخير
والعاقبة للبقية كااااااااااااااااااااامل بنات وولاد يزين سعودكم

اقتباس:

المشاركة الأصلية كتبت بواسطة dijou a

انا تعرفت عليه في المعهد اللي كنا نقراو فيه شافني وسقسى علي وكان بيناتنا السلام والسؤال عن الأحوال ومرة جاء هدر معايا وأنا بقيت نفكر مدة طويلة على خاطر كنت متخوفة من الموضوع وبعدها عاود سقساني وقبلت وقلت لدارنا وبعث دارهم وخطبني وإن شاء الله راح نعقدو ونفتحو قريب إن شاء الله أدعولي ربي يتمم لي على خير ويبعد علينا الناس على خاطر راهم دايما ورانا ويعسو غير فينا

شكرا لك أخي الكريم وربييرزقك بابنة الحلال إن شاء الله

ربي يبعد عليكم العين والنفث والسحر. ويتمم عليكم ويرزقكم من زواجكم متاع الدنيا والآخرة.

أماني بلعلى · 2011-09-25, 16:55

السلام عليكم
شافني في خطبة عمي والبارح جاو خطبوني دارهم

khaled70041 · 2011-09-27, 19:47

اقتباس:

المشاركة الأصلية كتبت بواسطة أماني بلعلى

السلام عليكم
شافني في خطبة عمي والبارح جاو خطبوني دارهم

الله يباااااااااااااااااارك. وبالرفاه والبنين. وربي يداوم الزواج في الدنيا وفي الآخرة

احمد الآمين · 2011-09-28, 01:32

اقتباس:

المشاركة الأصلية كتبت بواسطة وفية لزوجي

السلام عليكم انا تعرفت على زوجي وقرة عيني عندما كنت في الثانوية وكان عمري 14 سنة انا كنت 1 ثانوي وهو كان يدرس في النهائي..... منذ حوالي 8 سنوات فاتت كي المنام نشأت بيننا قصة حب والحمد لله انا الان زوجته...اتمنى من الله ان تدوم محبتنا
مين يجي المكتوب حتى حاجة ما تحبسه المهم تكون عندنا النية الصافية ولالالالا؟
العقبة لكامل الباقيين قولو اميننننننن

أميييييييييييييييييييييييييييييين

imi02i · 2011-09-28, 10:46

اقتباس:

المشاركة الأصلية كتبت بواسطة أماني بلعلى

السلام عليكم
شافني في خطبة عمي والبارح جاو خطبوني دارهم

ربي يهنيكـ أختي
دخلت لأثني على توقيعكـ
رآآآآآئــــع
بوركت

المتفائلة 83 · 2011-09-29, 15:31

السلام عليكم
راهو يحوس عليا مازال مالقانيش

روجين · 2011-09-29, 18:39

انا تعرفت على خطيبي لما كنت ندرس بالجامعة و هو جا mission للولاية لي كنت نقرا فيها تعرفنا صدفة على بعضنا

ياسمين92 · 2011-09-29, 20:03

انا تعرفت على خطيبي كي كنت نقرى في المتوسط و كان في عمري 14 سنة عرفتني بيه صديقتي و هو تاني كان صغير يعني 20سنة عشنا قصة حب و لا اروع حبيتو و حبني لمدة 4 سنين و صراونا بزاف مشاكل بصح النية اللي كانت بيناتنا خلاتنا ما نسمحوش في بعضانا المهم بعد ما جبت الباك و دخلت الجامعة جا خطبني في السمانة الاولى تاع القراية و دوك الحمد لله عندي عام ملي راني مخطوبة و العرس قريب بربي ان شاء الله
نتمنى كل واحد او وحدة فيكم يلقى نصو التاني في اقرب الاجال لانو اجمل حاجة تصرى للانسان في حياتو هي الحب

فريد تيزي وزو · 2011-09-30, 11:20

السلام عليكم

قرأت بعض تدخلات الزملاء بارك الله فيهم، لكن مسألة التعرف بين الرجال و النساء صدفة في أماكن العمل و الدراسة أو حتى في الشارع هل هي جائزة من باب الشريعة الإسلامية ؟
قرأت تدخلات تحتوي على قصة حب لمدة سنة أو أكثر. في علمي أنا لم أسمع و لم أقرأ عن قصة حب للرسول صلى الله عليه و آله و سلم أو أصحابه و تنتهي هذه القصة بالزواج.
حسب رأيي يجب أن نقتدي بهدي الرسول صلى الله عليه و آله و سلم و أصحابه في جميع المسائل التي تعنينا بما فيها الزواج.

أخوكم فريد
بارك الله لي و لكم

ARIJ ELHOUDNA · 2011-09-30, 11:52

أنا تعرفت على خطيبي أثناء دراستي في الثانوية، عندي تقريبا 20 يوم على خطبتي. يعني عندى عام على تعرفي عليه صدفة وما أغربها . أدعولي ربي يكملي بالخير .لعقوبة ليكم انشاء الله

khaled70041 · 2011-09-30, 18:41

اقتباس:

المشاركة الأصلية كتبت بواسطة روجين

انا تعرفت على خطيبي لما كنت ندرس بالجامعة و هو جا mission للولاية لي كنت نقرا فيها تعرفنا صدفة على بعضنا

اقتباس:

المشاركة الأصلية كتبت بواسطة ياسمين92

انا تعرفت على خطيبي كي كنت نقرى في المتوسط و كان في عمري 14 سنة عرفتني بيه صديقتي و هو تاني كان صغير يعني 20سنة عشنا قصة حب و لا اروع حبيتو و حبني لمدة 4 سنين و صراونا بزاف مشاكل بصح النية اللي كانت بيناتنا خلاتنا ما نسمحوش في بعضانا المهم بعد ما جبت الباك و دخلت الجامعة جا خطبني في السمانة الاولى تاع القراية و دوك الحمد لله عندي عام ملي راني مخطوبة و العرس قريب بربي ان شاء الله
نتمنى كل واحد او وحدة فيكم يلقى نصو التاني في اقرب الاجال لانو اجمل حاجة تصرى للانسان في حياتو هي الحب

اقتباس:

المشاركة الأصلية كتبت بواسطة ARIJ ELHOUDNA

أنا تعرفت على خطيبي أثناء دراستي في الثانوية، عندي تقريبا 20 يوم على خطبتي. يعني عندى عام على تعرفي عليه صدفة وما أغربها . أدعولي ربي يكملي بالخير .لعقوبة ليكم انشاء الله

ربي يسعدكم ويدوم عشرتكم.

khaled70041 · 2011-09-30, 18:47

اقتباس:

المشاركة الأصلية كتبت بواسطة المتفائلة 83

السلام عليكم
راهو يحوس عليا مازال مالقانيش

طول شوية صح على بالي بلي راكي متشوقة باه يلقاك.
صلي وادعي ربي باه المخلوق يلقى طريقو.

RMFC96 · 2011-09-30, 20:45

ربي يجيب الخير

أبو تقي الدين · 2011-10-01, 19:28

أنا نعرف واحد صديق تعرف على زوجته في سيارة في عرس كانت راكبة معاه من الخلف وهو فاتح الراديو كان فيه غناء في الكورتاج وصدفة أغلقه قالتله افتح الغنا والا خائف على البنزين يفرغ التفت اليها وهو يضحك شافها عجباته كلم اخته قاللها اخطبيها وشوفيها تزوجاته من بعد، الشاهد عندي ان الزواج هو مكتوب وقدر والله والله خلق كل شيئ بقدر أنا شفتها في الجامعة الصباح عجبتنيبعثت امي العشية خطبناها والزواج قريب ربي يسهل على كل المؤمنين ويكمل فرحتنا بالزواج عن قريب.

ام رحوقة · 2011-10-06, 14:05

زوجي من العائلة شافني في عرس تاع واحد من العائلة وعجبتو مبعد راح سقسا عليا وجاء مباشرة لابي خطبني ووالديا رفضو بسبب اكمالي للدراسة وانا عجبني ورفضت اكمال الدراسة صراو مشاكل بزااااااااااااااااااف وكبااااار حتى قلت مانتزوجوش مي تغلبنا عليها والحمد لله بالشوي بالشوي وتزوجنا العقوبة لكل عزاب المنتدى