دفتر مطبخي ركن خاص لمستمعي اسرار مطبخ دليلة** ملتقى حراير الجلفة ** - الصفحة 15

mimicha1977 · 2011-04-05, 17:53

اقتباس:

المشاركة الأصلية كتبت بواسطة kokotg

اختي ميميشة الزيت الكاس كيما القياس الكيسان الاخرى او اقل ونخلط بالمضرب او بيدي نمحر في انتظار ردك شكرا

نعم اختي kokotg نفس الكاس تكيلي به الزيت و خلطي بالخلاط اليدوي

ام دعاء ومارية · 2011-04-05, 18:38

مرحبا أختي شكرا ع ردكـ الجميل

أختي قلتيلي مافهمتش سؤالكـ

وما في الأمر أني كي شفت هاداك المذياع حطيتها كاش حصة ههه هاذا ماكان

وشكرا

ام دعاء ومارية · 2011-04-05, 18:41

هااااااااااااااااااااااااااااايل هاذا

وااااو نقدر نسلفو نهارات ؟

mimicha1977 · 2011-04-05, 18:48

3كيلات لوز مرحي ارطب
2كيلات سكر ناعم
خلطهم مع بعض ارحيهم غربليهم فى غربال الرقيق ضيفي الفاني
خدي قرعه ماء زهر و كيلو سكر طيبيهم شربات
كبي الشربات على اللوز تدريجيا حتى تتماسك و تصبح طريه و ملساء هنا راه جاهزة
ملاحظة
تحضري بها الكفته او بعض الحلويات لتكون تتكون من عجينه اللوز
هدا الطريقة تخلي العجينه طريه و ممكن تحتفظي بها مدة طويييله

mimicha1977 · 2011-04-05, 18:54

اقتباس:

المشاركة الأصلية كتبت بواسطة أمـ دعآء

مرحبا أختي شكرا ع ردكـ الجميل

أختي قلتيلي مافهمتش سؤالكـ

وما في الأمر أني كي شفت هاداك المذياع حطيتها كاش حصة ههه هاذا ماكان

وشكرا

اقتباس:

المشاركة الأصلية كتبت بواسطة أمـ دعآء

هااااااااااااااااااااااااااااايل هاذا

وااااو نقدر نسلفو نهارات ؟

هو ليك مش خسارة فيك تستهليه تحياتي

mimicha1977 · 2011-04-05, 19:51

مادلين الياغورت
علبه ياغورت طبيعي
كيلي بعلبه الياغورت
كيله سكر
كيله بيض
2كيله فرينه
1خميرة
فانيلا
ضربي بيض وسكر جيدا ضيفي ياغورت و فاني و خميرة و الفرينه حتى تحصلي على خليط ثقيل كبيها فى قوالب المادلين الورقية
ادخليه الفرن

*أم كوثر* · 2011-04-05, 23:15

تسلمي بصح مافيهش لازبدة و لا زيت؟؟؟
و يجي خفيف؟؟؟

أم هاجر و زكريا · 2011-04-06, 18:21

بارك الله فيك اختي ميميشة و جعلها في ميزان حسناتك ان شاء الله موفقة اختي

زكريا ولد تيارت · 2011-04-07, 10:26

سلام عليكم

وسام العز · 2011-04-08, 08:12

مشكورة اختي على هده المبادرة
الرائعة كيما مولاتها وربي لا يحرمنا من امثالك في المنتدى تقبل تحياتي

ياسمين177 · 2011-04-08, 11:29

fraisier

الوصفة هي جنواز وتقسميها الى اثنين وتسقي بالسيرو وتعمريها وتزوقي بالكريم شانتي والفريز والاخت ميميشة كانت قدمت الجنواز والكريم شانتي تاع دليلة مبعد راح نوضح اكثر

ياسمين177 · 2011-04-08, 11:36

كيك
250غ زبدة +250غ سكر + فاني خبطيهم مليح مليح+4 الى 5 بيضات حسب الحجم بالواحدة ونخلط + 700غ فرينة و2 خمارة + 100غ زبيب تنحي 100غ فرينة من 700غ وتخلطيها مع الزبيب باش ميهبطش في الكيك الزبيب طبعا يكون مشمخ في ماءزهر هذه المقادير تجيك 2 ديال الكيك من هذا الحجم دخليه يطيب لمدة 1 سا الى ساعة ونصف لما يطيب زوقيه بجولي ولوز ايفلي او رشيه بسكر قلاسي حسب الذوق

أم هبة الله · 2011-04-08, 22:21

بارك الله فيك أختي ميميشة وجعله في ميزان حسناتك وكذا الاخت ياسمين واصلي تألقك

om djallel · 2011-04-09, 07:17

شكرا اختي انا من المتتبعات لدليلة سليماني ومرة سمعت الوصفة نتاع البسبوسة بالياغورت وما لحقتش لاكان حطت الخميرة ولا لا من فضلك لاكان سمعتيها حطيهالي وبارك الله فيك مسبقا وفس المرات القادمة انشاء الله ساضع وصفات لدليلة سليماني وانا من المعجبات بها كثيرا

ياسمين177 · 2011-04-09, 09:22

بسبوسة بالياؤورت
اختي اولا انا جربت هذي البسبوسة تجي بنينة بصح كمية الزبدة بزاف فيها جاتني تتفتت انا ننصحك ديري علبة وحدة زبدة هي الوصفة فيها 3 علب زبدة ذايبة بصح انا كي جربتها من الاحسن علبة وحدة
نعطيك مقادير السيدة دليلة
3 علب ياؤورت اي نكهة ومن الاحسن فريز
المواد الاخرى تكيليها بعلبة الياؤورت
ضعي 3 علب سميد متوسط +علبة ونص سكر+2 خمارة خلطيهم مع بعض + 3 علب زبدة ذائبة + ياؤورت وخلطي الكل ديريها في مول ودخليها طيب في فرن 180درجة
شربات:نصف لتر ماء + كلغ ورطل سكر +قطع ليمون يغلي تكون لا عاقدة ولا جارية لما طفي عليها ضيفيلها نصف كاس ماء زهر لما تخرجي البسبوسة من الفرن سقيها بالشربات.
ملاحظة: انا مدرتش كل كمية الشربات لانها بزاف ديري ربع المقدار.