(¯`·.(¯`انطلاق ورشة الصالون.·`¯).·`¯) تم وضع الاعمال

[*ام عبد الكريم*]

صباح الخير عليكم واش احوالكم ...كاش اخبار على الاخت سطايفية ؟ نتمنى يكون المانع خير ....حبيت برك نسقسي على الخطوة التالية علبالكم قربت العطلة و رانا رايحين منعرف اذا يكفينا الوقت باش نطبقو هذه الورشة خير ان شاء الله

[polyma]

صباح الخير عليكم واش احوالكم

[amel...]

ان شاء الله تكون ورشة نتعلمو فيها و نستفادو و تكون لمتنا لمة خير ان شاء الله

[stayfiya]

صباحكم بالخير و السرووور. راني جيت سامحوني. على غيابي
راح نكملو كيف كيف واش بدينا شكرا لكل من سأل و تحير عليا راني رجعت بخير ..هيا راكم واجديين !!

[stayfiya]

شكرا لكل واحد راه يشجع فينا. شكر موصول لكامل لي راه يدخل و يقرعج. اخت تقوى اماني راني شفت كامل طلباتك و اكيد باذن الله نديرو موضوع بعد انتهاء الورشه باش يبقى مرجع لينا كامل
لبنات راني نشوف بريسك كامل خيرتو نفس الموديل. التغير فقط في لقماش و ديكور المخده. الدرس راه واجد. مزال نزيد البوف. كي طلبتوها و راح نديرلكم نوعين او ثلاثه. جلفاويه قماشك كان عادي و ميش جديد. بغيت لوكان لون لقماش عكس لون الساتان لوكان درتيه موف يخرج روعه مع الفوشيا
بوليما لاروفليت نتي مالا عندك قصبه صغيره ؟؟ انا تعجبني لاروفلات لكبيره بليزانو المهم نتي اخدمي بالشي لي عندك ما تكلفيش روحك
لي سقصاتني على الكوردون انا نشري بالباكي فيه 12/14/18ميطره من عند لقروسيست. و نخدم بيه
الفيرميتور نحب نخير لانفيزيبل ولا تاع لحديد 70سم العاديه في دقيقه تطرطق و كيفاش قلتيلي تاع الميطره ؟؟؟؟
لاروفليت راني صورتها نحب الطرونسبارونت لعريضه حتى تركبيها في ريدو شفاف ما تبانش

[*ام عبد الكريم*]

صباح الخير لبنات شكرا اختي سطوف على التوضيحات...انا راني واجدة اختي سطوف باش نبدا ربي يوفقنا كامل ان شاء الله

[stayfiya]

باذن الله التطبيق راه ساهل نتي و الموديل لي خيرتيه اذا كان فيه تعقيدات راح تتعطلي و اذا كان سامبل في يوم تخلصي كلشي كيما قالتها منى في ورشه لا جيب اضربيلهم كوكوطه شربه غدا و عشا و يالله في السفره لي كنت فيها شفت اخر صيحات الفراش راه كلشي سامبل الكاش ريدو يستعمل في الاونتريهات لكبار او الصالونات الفخمه و ما بقاش الشارجي و الطبقات المكثفه. كلو اسدال خفيف بلون او لونين كاقصى. حد اعتماد البانو واضح في كل الديكورات بلمسات عصريه

[polyma]

صباح الخير لبنات شكرا اختي سطوف على التوضيحات

[mimimouni]

السلام عليكم
صباح النور عليكم
اختي سطايفية كيف احوالك نتمنى تكوني لباس
يعطيك الصحة على مجهوداتك ربي يعينك ويتقبل منك
البنات ربي يعينكم وننتظر نشوف ابداعاتكم

[kika85]

كيف احوالك سطوف الله يعطيك ما تتمناي ....
لبنات واش راكم دايرين فيها???
ميمي واشراكي اختي توحشتك يا فقسة هههه...يعطيك الصحة على تشجيعنا

[ام ورود]

سلام لبنات ،توحشنا طلاتك اختي سطايفية
بالنسبة. للفرمتور ،لما رحت نشري مرة لي يبيع نعتلى نوع يتباع بالمتر ويعطيك معاه بداية الفرمتون والنهاية انت تركبيها علي حساب القياس نتاع المخدة،وفيه كل الالوان....على كل انا ندير بالنصيحة ديالك افضل ،اختى السطايفية كنت سالتك على نوع القضيفة لنقدرو ندخلوها على قماش الصالون،ممكن مشفتيش السؤال.وشكرا على النصائح

[ام ورود]

في انتضار بقية الدرس ...رانا كلنا متحمسين..

[stayfiya]

المشاركة الأصلية كتبت بواسطة polyma

صباح الخير لبنات شكرا اختي سطوف على التوضيحات

لا شكر على واجب حنونه

المشاركة الأصلية كتبت بواسطة tina25

wallahi damek 3sal ya satoufa rabi y3awenkou akhawati

هههههه ايييه يا خيتي ما شتي والو. من قبل ما يتوفى ابي ربي يرحمو. كنت. كثرمن هكذا. اييه ما يقعد في حالو غير ربي سبحانو

المشاركة الأصلية كتبت بواسطة mimimouni

السلام عليكم
صباح النور عليكم
اختي سطايفية كيف احوالك نتمنى تكوني لباس
يعطيك الصحة على مجهوداتك ربي يعينك ويتقبل منك
البنات ربي يعينكم وننتظر نشوف ابداعاتكم

يعطيك الصحه يالفحله و الله سخفتيني راكي مع جماعة الحفظ. و الله انا قريت في الجامع عام و ماقدرتش نكمل بسبب الخدمه

المشاركة الأصلية كتبت بواسطة kika85

كيف احوالك سطوف الله يعطيك ما تتمناي ....
لبنات واش راكم دايرين فيها???
ميمي واشراكي اختي توحشتك يا فقسة هههه...يعطيك الصحة على تشجيعنا

و الله الحمد لله لي نتمناها جيني مكانش حاجه تصعب عليا و الحمد لله

المشاركة الأصلية كتبت بواسطة ام ورود

سلام لبنات ،توحشنا طلاتك اختي سطايفية
بالنسبة. للفرمتور ،لما رحت نشري مرة لي يبيع نعتلى نوع يتباع بالمتر ويعطيك معاه بداية الفرمتون والنهاية انت تركبيها علي حساب القياس نتاع المخدة،وفيه كل الالوان....على كل انا ندير بالنصيحة ديالك افضل ،اختى السطايفية كنت سالتك على نوع القضيفة لنقدرو ندخلوها على قماش الصالون،ممكن مشفتيش السؤال.وشكرا على النصائح

ااااه فهمتك هاذيك يستعملوها في المصانع و عندها رجل سبيسيال كيما تاع لبييي يعني مولاها يخيط و عينيه مغمضين و حنا رانا نتقلشو لازملنا وحيده على قيسنا باللون لي نحبوه و بالطول لي نبغيو ثاني واش دارهالك تقيسي و تقطعي و تركبي راس الفيرميتور راكي تصعبي فيها على روحك

المشاركة الأصلية كتبت بواسطة ام ورود

في انتضار بقية الدرس ...رانا كلنا متحمسين..

اليوم باذن الله
سامحوني انا لي تعطلت. الله غالب و الله الخدمه راني لقيتها تستنا فيا هههههه

[polyma]

شكرا أختي سطيفية البنات أدعو لبنتي يبعد عليها أولاد الحرام والظلام ...

[ام الحاج]

الله يعاونكم ويكون معاكم
ارجو كم ديرو الورشة مفتوحة با ه كي تسمح الظروف نطبق اذا عرفت