الطبعة العاشرة لدورة الرقي بمدبرة منزل مثالية

[فراشات العمر]

تطبيقي لليوم
كحلت عويناتي وجدت الفطور شعلت النت ناضو ولادي فطرتهم رجع راجلي من المسجد فطرت معاه رفدت القش وغطيت الاسرة
راجعت الدروس مع ابني وراح يقرى عاى 10و25 لبست لوليدي الصغير وخرج يلعب للغدى رايحين تديرو فريت ليوم عيينا غسلنا السيتارنا تاع تاماء(الصهريج)

[وفاء سعاد]

المشاركة الأصلية كتبت بواسطة it's me

اختي سعاد ربي يخليك راني متفكرة عاشوراء ان شاء الله يقدرنا ربي
على هذاك الصابون راهو كاين في كل بلاصة

تعيشي اختي منى وربي يعطيك ماتتمناي راني عارفاتك ماتخليش امر كيما هدا يفوتك واسمحيلي رانى حبيت نفكرك برك ودرك نشوف الصابون ليتباع لعندنا

[وفاء سعاد]

اختى اريج شكرا على النصيحة درك نعود نولفو في الادكار قبل النوم وبلاكش الضغط تاع الفروض هو اللي مدايرلو هكاك ونزيد نقولك حاجة والله غير انا تاني بنتى كى جاوها الا طباء في القسم انتاعها قالولها ديري النواضر وديتها عند الطبيبة وقالتلي العين اليمنى ناقصة ودرتلها العام هدا النواضر راهم الاولاد كامل عادو بالنواضر قالتلى الطبيبة راهم يكبارو ويوليو مايشوفوش ومايفيقوش بيهم والديهم امالا من الان افضل

[ام امجد14]

المشاركة الأصلية كتبت بواسطة it's me

السلام عليكن احبتي في الله
وش هاذ الامراض اللي طايحة عليكم ربي يعافيكم و يشافيكم و يعطيكم صحتكم و بيعد عليكم البلاء
انا راني فاطرة اليوم عندي العيد هههههه تطبيقي ليوم الاربعاء كالتالي
روحت فطرت و شوية حليب و تمر ريحت شوية طيبت المطلوع و تعشينا كامل دارت ماما طاجين الزيتون بالبسباس و سلاطة تع البتراف و حميس و ديسير بنان و عصير
من بعد صليت بروصيت سناني و غسلت الماعن و سيقت الكوزينة و الى الفراش ذاهبوووووووون حتى صونا الرافاي على 06.45 نضت الصباح طيبت الحليب فطرت البنات خواتاتي و راحو يقراو هزيت الفراش نفضتو و طبقتو و فرزت الغرفة تاعنا و خرجت نخدم

تعيشى اختى اول حاجة واش اسمة عييت و ما عرفش نقراه هههههههههه
وقولى لماماك كيفاش دارت البسباس مع الزيتون و سلمى عليها

[نافلة]

السلام عليكم و رحمة الله تعالى و بركاته
كيراكم يا الفحلات
اختي سندس كي صبحتي اليوم ان شاء الله افضل داومي على الراحة هاذيك هي دْوَاك الاول
اختي ام ملاك ربي يشافيك يا رب وَياكي تنسحبي من الدروة شاركي بلي قدرتي عليه عزيزتي و دايما ديري في بالك انه الكمال لله رب العالمين .
اختي نبض الحياة اسم على مسمى زيدي من هاذ الكلام المفيد الي يبعث النشاط و الحيوية و الامل .
اختي سمراء النيل يعطيك الصحة راكي ناشطة وجايبتها ما شاء الله عليك و الله يعاونك على الضياف و يثبتلك الاجر.و بالنسبة للسخانة ياريت ماشي خسارة ولكن حنا ثاني عندنا البر كيفنا كيفكم حبيبتي.
اختي ليلي غوز ربي يعاونك هل انت عاملة؟
اختي اتزمي صح عيدك عقبالي.
اختي ام مريم الجزائرية ربي يشافيك
و بالنسبة للماشينة لافي عاوي اصبغيها راهو ما عندها حتى حل ومنا وهاك بداي تغطيها الدراري راهم ما يحافظوش.
اختي ام امجد ربي يعاونك و يعطيك الصحة راكي قايمة ما شاء الله.
يتبع...

[ام امجد14]

مساء الخير عليكم جميعا رانى نيمت البنات و رجعت نحكيللكم و لكن حبيت تشاركونى رايكم فى شخصية صديقتى و نعرفها هذى ستة عشرسنة
اول حاجة نحكيلكم عليها هو جانبها الدينى ماااااشاااااااء الله عليها هايلة و الصلاة فى وقتها
تخيلى اذا دقيت الباب و فتحتلك و كان الاذان يدوب تسلم عليك و تجلسك و تروح مباشرة تصلى و الله و لو كنت وزيرة
الصيام دائما البياضات و عاشوراء و عرفة سبحان تتكلم عليهم و تاخر العادة و تلح عليهم و كانهم فرض ماشى سنة
صلاة العصر تخلى الجماعة و قعدة و تروح تجرى ليها
الاستحمام يوم الجمعة لاتتركه ابدا و كانه فرض حتى لو كنا فى العيد
نحكيلكم على موقف صار معاها هى بسلامتها دائما تنوض تصلى الفجر و تقعد تسبح و فى مرة دخل الى دارها سارق كان يحسب الدار راهى فارغة كى شاف زوجها و اابنها خرجو بكرى من البيت دخل يتسلل نزع كل اجهزة الكميوتر و التلفاز وووووووو كمل مع الشومبرة و راه للصالة و هى كعادتها طفى الاضواء باش ما تزعش بناتها و هم نايمين وعندما دخل للصالة تخيلو هو الى صرخ و اصبح يجرى و هي تجرى وراءه لان ماشاء الله كانت لابسة الابيض فى الابيض

و هو افتكرها جنية خرجت فية وربى سترها منو

ام جانها التنضيفى بيتها سبحان الله مشبح مثل الدمية و كانها عايشة و حدها كل شيء فى مكانه و كال حاجة جديدة تلقايها عندها
دهان البيت كل سنة ضرورى عندها تغير الاجهزة يعنى الثلاجة و الكوزينيار كل سنتين و تبيعهم كانهم عمرها ما استعملتهم جدد
خزانها عندما تفتحها كانها كتب و عاملها لنفسها يوم للكى تكوى كل شيء حتى الملابس الداخلية وممنوع تحط حاجة فى الخزانة بدون كى
النتوياج كل شهر لكاااااااامل البيت تخيلو حتى التلفاز تفتحو من الداخل و تنقية الساعا ت ايضاتفتحها بريزات الضوء تقول انو الحشرات يخزو فى هته الاماكن بيعنى كل حاجة تقدر تنفتح تفتحها


قوانين حياتها لاتستقبل اى احد من صديقاتها بدون معاد سابق حتى و لو كنتى افضل صديقة لازم تقوليلها وكاين ناس تخليهم يدقو على الباب وما تفتحلهم
لكن اذا قلتيلها رانى جاية فانك عندما تروحى تحسى روحك ملكة
و
و اول شيء دخلك وعندما تجلسى تجيبلك الماء فى هذيك السنيوة و تشهيك فى الماء من روعتها وتحفتها حتى و لو مانتكيش عطشانة تشربىههههههههه

وتحطلك المشروبات مع افخم انواع الحلوى و القهوة و الشاى و طبعا السنية على حساب لون الدهان الغرفة و التحف و القعدات التابى ووووو كلشى لون واحد ودائما تغيرهم
لكن اذا جيتى بدون موعد انتى و زهرك ههههههههه
ما تحبش تكثر الكلام فى الهاتف و اذاقعدت معاك دقيقة هذا من زهرك ودائما كلمة عندى صوالح فى فمها
لكن عند الشدة دائما تلقايها معاك لدرجة انك تحتارىهل هذا نوع من الناس مزال موجود
ديرك صولح ما يديرهمش اقرب الناس اليك و مع الناس كامل مع الاهل و جيران مع كامل الناس و كلمة الحق ما تسكتش عليها

عندها قوة شخصية و هيبة خلات اسرتها دائما تاخذ رايها فى كلشى حتى زوجها
زوجت بناتها و نجحين فى زواجهم بيوتهم مثل المسك ما شاء الله عليهم
جانبها الجمالى انساى انك تشوفيها بمضهر غير لائق واش من اناقة تتمتع بها كل حاجة جديدة تشوفيها عندها و كل مرة بنيولك جديد و لون شعر جديد

رغم كلامى عليها لكن حسيت بلى قصرت فى وصفها رغم فارق السن بيناتنا لكن عمر ما حسيت بيه
نحس دائما انها مصدر طاقتى
ان شاء الله مانكونش طولتش عليكم و سمحولى

[ام امجد14]

اختى اريج المسك من فضلك علمينىماهو التليلى كيفاش نديرو و سر نجاحو ربى يجازيك و يجعلها فى ميزان حسناتك

[ام امجد14]

مشكورة اختى فاطمة بشار انتى ايضا ماشاء الله عليك

[نافلة]

اختي بنت خليل تبارك الله عليك راكي في تقدم ملحوظ ما عندي مانقول فيك تبارك الله عليك .بالنسبة لصابون دزاير حنا راه يطايش عندنا ياريت نقدر نرسلك وفي ما يخص الماشينة لافي مبروكة عليك و خليها فوق الارض حتى تخدميلها سوبر و لا اشريه واجد.
اختي سارة يعطيك الصحة انتي و اختك الله ينجحك في الدراسة نتاعك يا رب.

اختي وفاء سعاد لاباس على ابنك هذاك غير الضغط نتاع القرايا .كيما اليوم راه الخميس حاولي تخرجي الدراري يبدلو شوية الجو .
اختي اريج المسك راكي تباني شاقية منك راجل منك مرا ربي يعاونك و يفرج عليك و بالنسبة لبنتك لاباس عليها و نفس الكلام لي قلت لاختي وفاء سعاد راني نقول هولك كيما اليوم راه الخميس حاولي تخرجي الدراري يبدلو شوية الجو .
اختي مينة وين راكي ياك ما زعفتي مني حبيبتي سمحيلي.او ربما راكي مريضة لاباس عليك راني تحيرت عليك بزاف .

[~ حراير ~]

السلام عليكم و رحمة الله تعالى و بركاته
حباباتي راني نتكلم امعاكم و يدي يترعدو من الخلعة الي داروهالي بناتي يدرسو سنة الأولى و الثانية راهم في عادتهم عشر دقايق يوصلو من المدرسة اليوم نص ساعة ماوصلوش خرجت انشوف اعلييهم لقيتهم يمشيو بالشويييييييييية و يلعبو مع صحاباتهم ... حسيت روحي راح نتفلق أيا شهدت و استغفرت و قلتلهم ياله نروحو أنا وصلت للدار و أنا تفلقت بالبكا حاسة روحي تعبااااانة و وحيييييييدة و حسيت روحي ماعدتش قادرة نتحمل المسؤولية غير وحدي اتعبت بززززززززاف .. و زيد من فوقها لا شكر لا حمد ...سامحوني حباباتي إذا قلقتكم معايا

و رغم الي راني فيه و لكن قريت كلامك يا أم أمجد و انقولك على صديقتك تمسكي بها و بادليها المساعدة إذا في مقدورك راهي عجبتني بزاف أنا مش كيفها الي يجي يدخل لداري ... أصلا احنا في بسكرة دايمن أبوابنا مفتوحين .... و لكن أحيانا نتمنى في نفسي نعمل كيفها ... و فعلا جيراني و عايلتي عارفيني بعد العصر و أيامات الإمتحانات واحد مايجيني و ما يتصل بيا .....
سامحوني والله ماقدرت نتكلم راني امبعد نوضع تطبيقاتي و نتكلم امعاكم ان شاء الله نلقاكم

أم أمجد حبيبتي اذا راح اطيبي التليتلي للعشاء فهو كالآتي
تشري التليتلي "أحسن ماركة هي الوردة البيضاء أو عمر بن عمر"
تديريلو شوووووووووية زيت باه ما يلصقش في بعضاه "ماتبليهش راهو يتعجن " و تفوريه ... هوما الناس في العادة يفوروه 3 او 4 مرات لكن انا باش مانضيعش الوقت ... لما يفور الفورة الأولى امليح نكون موجدة ماء سخون نوضع الكسكاس في القصعة و نصب اعليه الماء السخون و نخلط و نقلب حتان يششرب نصه تقريبا نرفد الكسكاس و نخليه يقطر شوية و امبعد مثل الكسكسي يعني تفرغيه في القصعة و تزيديلو شوية زبدة و ملح و امبعد ترجعي تفوريه ثانية تلقايه طاب ... أو زيديلو تفويرة ثالثة كان لقيتيه مازال
و من جهة أخرى وجدي المرقة انتاعو و أنا دائما انديرها بيضاء و هي مثل مرقة الرشتة
دجاج أو لحم "أنا نفضلو دجاج" تقليه مع بصلة و فلفل أسود و زعفران و شوية زيت و إذا حبيتي قططططططططرة قرفة
تقليهم امليح"لأنه السر تاع بنة أي برمة في التقلية" لما يتقلى زيديلو حبات بطاطا و جريوات و حمص و لفت و هو مش ضروري فقط يطلق بنة هايلة تمرقي امليح و تقفلي عليهم الكوكوت أو لبرمة لما يطيبو تصفي المرقة و تجمري بيها التليتلي
أما البطاطا و اللحم فأقليهم في شوية زيت حتان يحمارو امليح
و حطي التليتلي في صحن و فوق اللحم و زينيه بالطاطا و الجريوات و اللفت و البيض المغلي و الحمص و شهية طيبة
كان مافهمتينيش في حاجة قوليلي درك نصلي العصر و نرجع

[ام امجد14]

مشكورة حبيبتى اريج لكن حبيت نسالك التليلى هو الى شوربة لسان العصفور ام لا
نفورر بلاما نشمخو ما يجيش قاسى
واذا كان التليلى هو شوربة الباطة شحال نستعمل من باطة و مشكورة
غادى نهبلك هههههههههههههههههههه

[ام امجد14]

واش معناها صفى المرقة حتى يتجمر التليلى هل نخلطوه مع المرقة عند التقديم ام كل شيء على وحدو ومشكورة اختى اريج

[نافلة]

عزيزتي ام امجد والله هنيئا لك ب هاذ الصديقة شدي فيها بيديك و بسنيك في هاذ الوقت نادر جدا باش تلقاي صديقة كيما هاذي انا عن نفسي ما عنديش الزهر في الصديقات حتى لقيت هذ الدورة .يارب يدومها محبة وصداقة امين.

[~ حراير ~]

شوفي لتليتلي ماهوش شربة و كي تسقيه في الطبسي يكون مجمول مثل الكسكسي
و هو يشبه شووووية للسان عصفور لكن الحبة تاعه مش مثلثة مثل لسان عصفور بل تجي طويلة
هاد هو شكلو قبل الطبخ

و لما تفوريه و تطيب المرقة
كيما قتلك صفي المرقة و لوحي فيها التليتلي المفور يعني تكون المرقة مغطياتاو ما تزيديش فوقها و خليه على النار مع التحريك حتان تشرب كامل المرقة و يصير مثل حب بدون مرقة ساعتها وضعيه في صحن و كملي الخطوات
و ما تخافيش منه ما يجيكش قاسي تبعي طريقة لتفوار انتاعي يجيك امليح

[نافلة]

عزيزتي اريج المسك شهدي و استغفري و الله راني حاسة بيك راني فت في هاذ التجربة كان زوجي يدرس للماجستير في تلمسان و على الرغم من قصر المدة الي هي عامين حسيتهم 20 سنة و خاصة ان المسؤولية صعبة و المجتمع لا يرحم.ربي يعاونك و يفرج ضيقتك هاذا اللي نقدر نقول هولك حبيبتي .
اذا ما فيهاش احراج هل زوجك مستعرف بهذه التضحية ولا لا ؟ اسمحيلي اذا دخلت في خصوصياتك اذا ما حبيتيش تجاوبي لا عليكي و اسمحيليلي مرة ثاني .