دورة خطواتي الواثقة لأصبح ربّة بيت متألّقة

[~اسيل ريحانتي~]

نروح نضرب دورة في المنتدى ممبعد نرجعلكم سلاااااام.

[sali kanouza]

الاخت اسيل عندك الحق في الخوف على ولادك من جهة ومن جهة اخرى راكي تتعبي بزاف وكيما نعرفوك كامل نحلة في البيت يعني مراكيش ترتاحي خلاص شوفي انا ولدي صغير بصح عندي بنت طفلتي تقرى سنة اولى وهي مربيتها عزوجتي يديها زوجي كل يوم 4 مرات كيما قلتي انت شوفي اذا كاين ابناء جيرانك يكونو ثقة حاولي باش يروح معاهم

[omelbanin]

السلام عليكم، هاذوين جيت من المدرسة رحت نسقسي على الأولاد.
مرحبا بك ام صفصف، وش راكي حبيبتي توحشتك، والبنات وش راهم.
اختي اسيل طولتي علينا، هاذي المرة، الحمدلله كي ريحوالاولاد.
جهينة حبيبة قلبي، قولتيلنا ارواحو تفطروا عندي، انا ما عندي حتى مشكل ياك تعرفيني غير نسمع ززززز نجي نموت على العرضات، ونجيب لي كيpولا نجي وحدي ههههه.

[Sii]

السلام عليكم الاخت اسيل ريحانتي انا قريبا ساصبح ام يعني رايحة نجاوبك خارج التجربة ههه يا اختي من الافضل انك تديه وتجيبيه الزمان يخوف والاولاد هوما الضحايا وبالنسبة للدروج اعتبريها رياضة خاصة لكان حابة ديري ريجيم وفي الاول والاخير وليدك اهم خير من تصرالو حاجة لقدر الله (بعيد الشر عليه) وتبقالك غير ندامة

[~اسيل ريحانتي~]

اختي سالي مانكذبش عليكم مين كنت نوصله للمدرسة ماكنتش نحلة في البيت كنت فكرونة هههههه
والان الحمد لله انا نموت على النظام نبغي كل حاجة في بلاصتها كيما قاع النسا بصح خطرات يحكمني بعض الكسل نبقا نخدم بلا اتقان
وزوجي مسكين كي يكون معانا يوصلهم بالسيارة بصح خطرات يدخل يخدم بكري مايقدرش وكي يعاود يسافر نخليهم على ربي هو يقولي لا قدرتي وصليهم ولا مقدرتيش خليهم يروحو ربي معاهم والله ماعرفت واش ندير

[ام تينة]

{ أَفَحَسِبْتُمْ أَنَّمَا خَلَقْنَاكُمْ عَبَثًا وَأَنَّكُمْ إِلَيْنَا لَا تُرْجَعُون }

��
آيه عظيمة تهز القلوب
تذكرها واكتبها على باب قلبك..

[ام تينة]

القراااااااان تم القران تم القراااااااااااااان

النفس إن كانت ضعيفة
فقوّها #بالقرآن
وإن كانت قويّة فثبتها #بالقرآن
وإن كانت حزينة فسلّها #بالقرآن
#فالقرآن كله رحمة

[~اسيل ريحانتي~]

ربي يخليك اختي سي عندك الحق في كل كلمة قلتيها ربي يقدرنا

ام البنين الحمد لله رانا لاباس قوليلي ولادك توصليهم للمدرسة ؟؟؟؟؟

[ام تينة]

اختي الحبيبة لا تشتكي الا لله بيده الفرج

كلمة "شكوى" في القران بكل تصاريفها
لم تذهب لـ "بشر" أبداً بل ارتبطت بـ الله وحده
.
ï´؟إنَّما أَشكو بثّي وحُزني إلَى الله

[omelbanin]

يا ختي اسيل واش نقولك، باش نقولك ما تقلقيش عليهم كي يروحو وحدهم نكذب عليك، في نفس الوقت نهار كامل وانت رايحة جاية راكي تولي كي التشليقة.
انا راني نهدر لاني راني كي حالتك، عندي سنة اولى يروح مع خوه سنة رابعة ابتدائي، وساعات خوه يروح يقرا الفرنسية، تاع سنة أولى والله غير يروح وحدو، ملي يخرج وانا ندعي، واش ندير، وزيد عندي الصغير لازم نديه، في زمان الشتاء مانقدرش.
خليتها لربي سبحانه، ربي يحفظ ولادي ولادكم يااارب.

[sali kanouza]

ربي يكون معاك ضحكتيني على فكرونة يحسن عونك تعب برا والداخل مشي ساهلة حاولي تشوفي كيما قتلك اولاد الجيران وصي اولادك ما يروحو لحتى بلاصة كي يخرجو باش ما تتحيريش ولوكان تتقربي من المعلمة او اي احد يشتغل في المدرسة لي يقراو فيها يعني ادا ما قراوش ولا خرجو بكري يخبروك المهم عبر الهاتف طبعاشوفي الحاجة لي تخليك ترتاحي

[حياتي كلها امل]

اهلا بالغاءبات اسيل وام صفصف وشراكم اسيل يارب يكون اولادك ريحو شوية
انا اولادي يروحو وحدهم للمدرسة كاين ام متين ومريا انظن يااخذو اولادهم
شكرا ليك ام تينة انا الحمد لله مافياش الصفة اني انذم شيء يجيبو زوجي حتي لو كان شوية مخصوص انقول هو شقا وجابو وانا انذمو وكي يجيبلي حاجة لبسا داءما انحب نلبسها باه يفرح كي يشوفني بها

[حياتي كلها امل]

انا اولادي صح يروحو وحدهم بصح يبطاو شوية على الوقت الي مالفين يجو فيه تلقايني ناكل في روحي وموصيتهم على شحال من حاجة والدعاء اولا واخر وربي الحافظ

[~اسيل ريحانتي~]

المشاركة الأصلية كتبت بواسطة omelbanin

يا ختي اسيل واش نقولك، باش نقولك ما تقلقيش عليهم كي يروحو وحدهم نكذب عليك، في نفس الوقت نهار كامل وانت رايحة جاية راكي تولي كي التشليقة.
انا راني نهدر لاني راني كي حالتك، عندي سنة اولى يروح مع خوه سنة رابعة ابتدائي، وساعات خوه يروح يقرا الفرنسية، تاع سنة أولى والله غير يروح وحدو، ملي يخرج وانا ندعي، واش ندير، وزيد عندي الصغير لازم نديه، في زمان الشتاء مانقدرش.
خليتها لربي سبحانه، ربي يحفظ ولادي ولادكم يااارب.

ام البنين وليت نسمع الهدرة فلان خونوه فلان اغتاصبوه والله يوجعني قلبي ونتوسوس على ولادي تصيبيني غير لاسقا في التاقا النافذة لكان يتأخرو دقيقة قلبي ينقبض نبقا غير ندعي في ربي كاينة وحدة جارتي تسكن تحتي نغير منها ههههه ماشاء الله كل يوم تدي ولادها كل يوم صباح وعشية وماتكرهش نقول لكان غير نولي كيفها خطرات نعاندها نديهم ونعاود نبطل نعجز الله غالب كي نخرج نرجع للدار ميتة وتجيني الخدمة ثقيلة اففففففففف استغفر الله العظيم

[sali kanouza]

ام البنين يا درا واش قالولك على الولاد ومليح كي راكي تسقسي عليهم نتمنى الاخوات خطرة على خطرة يسقسيو على ابنائهم