~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[ام متين]

على سلامتك ام ادم نورت وصح رمضانك تصومي بالصحة والهنا انت والجميع

[الدر المكنون 7]

المشاركة الأصلية كتبت بواسطة حياتي كلها امل

اختي الدرة المكنونة القدرة بيتيها في الماء ثم غلي فيها الحليب حتى يفيض ثم طيبي فيها داءما على نار قليلة ومرقي داءما بالماء الساخن .
انقولك حاجة ملي قريت رسالتك وانا نحاول نصل الى 500رد الكل باه انجاوبك رمضان كريم

ألف شكر اختي الكريمة على اهتمامك على بالي مولات واجب ربي يحفظك
كنت حابة ندير موضوع نسأل فيه واش لازم نديرو لقدور الطين قبل الاستعمال حتى لقيتك حاطة مشترياتك وفيهم وحدة
أنا شريت زوج وحدة تشبه لتاعك وحدة أخرى شريتها على جال الحريرة هاهي صورتها

البائع قالنا فيها الفارني ما تحتاجش ندهنوها بالشحم أو نغلو فيها الحليب وانا حبيت راي الحراير عندهم خبرة اكثر

[hanamohamed]

صباح مبارك في هذا اليوم المبارك من شهر رمضان الكريم

[الدر المكنون 7]

رمضان مبارك أخواتي الفاضلات وكل عام وأنتن بألف خير
نسأل الله تعالى أن يتقبل منا الصيام والقيام وأن يجعلنا من عتقائه من النار

[فراشات العمر]

زينو نهار اليوم صح عيدكم زينو نهار اليوم مبروك عيدكم
سرين الباهية الزينة فيها خير ان شاء اللهربي يفتحها عليك ويعوضك خيرمنهم

[حياتي كلها امل]

اهلا حبيباتي كل واحدة باسمها درة المكنون بلا مزيا حبيبتي وشراكي كميليا يارب تدوني ريحتي .
برنامجي اشغالي اليومية العادية والفطور نقص شويا مع الصباح باه ميشدوليش الوقت والفورنوات هههه وعندي قاعدة نكثر من قراءة القران والتسبيح و حبيت نعطيكم فكرة قريتها في المنتدي اذا اردت ان تختم القران في شهر المصحف فيه600صفحة نقسمها على 30يوم تعطينا20ثم نقسم على عدد الصلوات الخمسة يكون اربعة صفحات تقراهم بعد كل صلاة

[جهينة اليقين]

السلام عليكم واش راكم حبيباتي توحشتكم الحمد لله عدلت الميكرو ما قدرتش نصبر عليكم واش احوالك ام هزاز ام ادم ام البنين ام هاجر ام لينا غزالة اروى سيرين ربي يفرج عليك وكل الاخريات رمضان مبارك

[جهينة اليقين]

رانا دوزننا الحريرة انا مضارية نطيب تاع يومين ونديرها في المجمد نقيت السلاطة الخضراء والعشية نزيد بطاطا فالكوشة وطاجين الحلو وندير مطلوع في طاجين الطين اذا قدرت لان اليوم الاول نتعبو مع العشية استغفر الله العظيم من كل ذنب عظيم كل واحدة كي تخرج تترك دعاء او ذكر باش نذكرو بعضانا

[حياتي كلها امل]

اهلا ام راضية توحشناك انا درت البيطراف يطيب ودوزنت الشربة لمبعد نطيب خبز الكوشة وندير ماشطو في الفرن وبوراك في الفرن والفلان
لا االه الا انت سبحانك اني كنت من الظالمين

[hanamohamed]

اَللّهُمَّ اجْعَلْنا فيهِ مِنَ عبادِكَ الصّالحينَ القانتين المُسْتَغْفِرينَ الْمُقَرَّبينَ
باذن الله ندير الفريك والديول وعصبان وقراتا وسلاطة و راني درت البطراف طيب والحمد لله
وبهذا كل واحدة منا ذكرنا بطبخة
قال رسول الله صل الله عليه وسلم: اقرأوا القرآن فإنه يأتي يوم القيامة شفيعاً لأصحابه

[omelbanin]

السلام عليكم ،انا راني طفيت على الشربة طابت.وبقية الفطور ،داند محشي ،بوراك، سلطة ، فلان.
اسال الله العظيم في هذا الشهر الكريم ان يجعل حسناتنا تتكاثر ،وذنوبنا تتناثر،وهمومنا تتطايراااااااااامين.

[ام متين]

انا تقريبا كملت الفطور كي العادة في اليوم الاول درت شربة فريك طجين حلو ومثوم وبوراك في المساء ان شاء الله ندير الكسرة والسلاطة والفلان ونقلي البوراك وربي ورحمتو
نحاول نحافظ على صلاة الضحى وقراءة القران والاستغفار والتسبيح ونحاول قدر المستطاع نبعد عن اي ذنب مهما كان للحديث بقية رايحة نصلي الظهر ربي يتقبل من الجميع
اللهم اعنا على ذكرك وشكرك وحسن عبادتك

[كاميلياس]

السلام عليكم الحمد لله حياتي كلها امل مازال كتفي يوجع رحت عند طبيب واحد عطاني تراتمون ولصقات للكتف ورياضة نديرها ربي يجيب الخير شكرا على السؤال حبيبتي اختي نسرين ربي يعوضك احسن من العمل لي كنتي فيه عسى ان تكرهوا شيئا وهو خير لكم انا الصباح عملت الاشغال اليوميةو تقريبا كملت الفطور دوزنت الشربة وطيبت طاجين الخوخ وحشيت البوراك وغسلت السلاطة مازال العشوة ننصب الشربة تطيب ونعجن المطلوع وندير لفلان ونطيب طاجين الحلو والحمد لله انا راني في عذر راني مع الاستغفار والصلاة على النبي

اللهم هب لنا من لدنك رحمة إنك أنت الغفور الرحيم

[ام آدم]

ما شاء الله عليكم يا لبنات انا مازال ما بديت والو راني في حالة بالفشلة من العادة غديت لولاد وقلت على 3 نبدا راح ندير شربة فريك وطاجين حلو وسلاطة وبوراك وفلان ربي يتقبل منا ان شاء الله راني مع الاستغفار كي عاد عذر شرعي اللهم اغفر لنا خطايانا واهدنا الى الصراط المستقيم

[ام آدم]

حبيبتي سيرين الله يفرج عليك ويعوضك بعمل احسن منو يااااااارب
ام متين جهينة على سلامتكم حباباتي وربي يعين